പ്രൊഫൈല്‍ സെറ്റിങ്ങില്‍ നിര്‍ണായക മാറ്റത്തിനൊരുങ്ങി ഫേസ്ബുക്ക്

by Midhun HP News | Nov 20, 2022 | Latest News, കേരളം, ജില്ലാ വാർത്ത

പ്രൊഫൈല്‍ സെറ്റിങ്ങില്‍ നിര്‍ണായക മാറ്റത്തിനൊരുങ്ങി ഫേസ്ബുക്ക്. ഇനി ഉപയോക്താവിന്റെ പ്രൊഫൈലില്‍ മതം, രാഷ്ട്രീയം, വിലാസം, താത്പര്യങ്ങള്‍ എന്നിവ ഉണ്ടാകില്ല. ഡിസംബര്‍ 1 മുതലാണ് ഈ മാറ്റം നടപ്പില്‍വരിക. ഫേസ്ബുക്ക് നാവിഗേറ്റ് ചെയ്യാനും ഉപയോഗം എളുപ്പമുള്ളതാക്കി മാറ്റാനുമാണ് പുതിയ തീരുമാനം. നിലവില്‍ മതം, രാഷ്ട്രീയം തുടങ്ങിയ കാഴ്ചപ്പാടുകള്‍ പ്രൊഫൈലിൽ നല്‍കിയിട്ടുണ്ടെങ്കില്‍ മാറ്റാനുള്ള നോട്ടിഫിക്കേഷനും ഉപയോക്താവിന് ലഭിക്കും. പ്രൊഫൈലില്‍ നല്‍കിയിരിക്കുന്ന എല്ലാ വിവരങ്ങള്‍ക്കും മാറ്റം ബാധകമല്ല. നിങ്ങളുടെ കോണ്‍ടാക്ട് വിവരങ്ങള്‍, റിലേഷന്‍ഷിപ്പ് സ്റ്റാറ്റസ് എന്നിവ പഴയതുപോലെ നിലനില്‍ക്കും. ഇവ ആര്‍ക്കൊക്കെ കാണാം എന്നതു സംബന്ധിച്ച് നിയന്ത്രണങ്ങളും നിലനില്‍ക്കും.

ആറ്റിങ്ങൽ ഉപജില്ല സ്കൂൾ കലോത്സവത്തിൽ വെസ്റ്റേൺ വയലിനിൽ ഒന്നാം സ്ഥാനം നേടി ആര്യൻ

by Midhun HP News | Nov 20, 2022 | Latest News, കേരളം, ജില്ലാ വാർത്ത

ആറ്റിങ്ങൽ ഉപജില്ല സ്കൂൾ കലോത്സവത്തോടനുബന്ധിച്ച് നടത്തിയ വെസ്റ്റേൺ വയലിനിൽ ഒന്നാം സ്ഥാനവും എ ഗ്രേഡും കരസ്ഥമാക്കി ആര്യൻ. ഗവ. ബോയ്സ് സ്കൂളിലെ എട്ടാം ക്ലാസ് വിദ്യാർത്ഥി ആണ്. ആഭേരി സ്കൂൾ ഓഫ് മ്യൂസിക് & ആർട്സ് ശിഷ്യനാണ് ആര്യൻ.

ചരിത്ര നിമിഷത്തിനു അവസരമൊരുക്കി സാംസ്കാരിക സംഘടനയായ ജീവകല

by Midhun HP News | Nov 19, 2022 | Latest News, കേരളം, ജില്ലാ വാർത്ത

വെഞ്ഞാറമൂട്: വെഞ്ഞാറമൂട്ടിലെ സാംസ്കാരിക സംഘടനയായ ജീവകല നാളെ വെഞ്ഞാറ മുട്ടിൽ ചരിത്ര നിമിഷത്തിനു അവസരമൊരുക്കുന്നു. ശബരിമല അയ്യപ്പനെ ധ്യാന രൂപ ത്തിലേക്കു ലയിപ്പിക്കുന്ന “ഹരിവരാസനം വിശ്വമോഹനം’ എന്ന കീർത്തനം രചിച്ചിട്ട് 100 വർഷം തികയുന്നതിന്റെ ഭാഗമായി നാളെ വെഞ്ഞാറമൂട് മുക്കുന്നൂർ ശ്രീകണ്ഠൻ ശാസ്താ ക്ഷേത്രത്തിൽ 100 ഗായകരെ അണിനിരത്തി ഹരിവരാസനം ആലപിക്കുന്നു. ആദ്യമായാണ് 100 പേർ ഒന്നിച്ച് ഹരിവരാസനം കീർത്തനം ആലപിക്കുന്നത്.

ഹരിഹരാത്മജം എന്ന പേരിൽ നടക്കുന്ന ചടങ്ങിൽ തിരുവിതാം കൂർ രാജകുടുംബാംഗം ആദിത്യ വർമ്മ പന്തളം കൊട്ടാരം നിർവാ ഹക സംഘം ട്രസ്റ്റ് പ്രസിഡന്റ്
പി.ജി. ശശികുമാരവർമ എന്നിവർ പങ്കെടുക്കും. ശബരിമല സന്നിധിയിൽ ആദ്യമായി തിരുവാതിര അവതരിപ്പിച്ചത് ജീവകലയിലെ വിദ്യാർഥികളാണ്. അവർ നയിക്കുന്ന
തിരുവാതിര, കൂടാതെ ഫ്യൂഷൻ ഡാൻസ് എന്നിവ പരിപാടിയുടെ ഭാഗമായി നടക്കും. ഗായിക എസ്. എസ്. അവനി നയിക്കുന്ന ഭക്തി ഗാന മേളയും സംഘടിപ്പിച്ചിട്ടുണ്ട്.

കല്ലമ്പലത്ത് വീട്ടിൽ അതിക്രമിച്ച് കയറി മോഷണം നടത്തിയ പ്രതി അറസ്റ്റിൽ

by Midhun HP News | Nov 19, 2022 | Latest News, കേരളം, ജില്ലാ വാർത്ത

കല്ലമ്പലത്ത് വീട്ടിൽ അതിക്രമിച്ച് കയറി മോഷണം നടത്തിയ പ്രതിയെ പോലീസ് അറസ്റ്റു ചെയ്തു. കല്ലമ്പലത്ത് വെട്ടിയറ ചിന്ത വായനശാലയ്ക്ക് സമീപത്തെ വീട്ടിൽ കയറി വീട്ടുസാധനങ്ങൾ മോഷണം നടത്തിയ കേസിൽ പ്രതി പള്ളിക്കൽ പോലീസിന്റെ പിടിയിലായി. വെട്ടിയറ പന്തുവിള സ്വദേശി സുരേഷിനെയാണ് പള്ളിക്കൽ പോലീസ് അറസ്റ്റ് ചെയ്തത്. അറസ്റ്റ് ചെയ്ത പ്രതിയെ കോടതിയിൽ ഹാജരാക്കി റിമാൻഡ് ചെയ്തു.

റബ്ബർ ഷീറ്റ് മോഷണ ശ്രമത്തിനിടയിൽ കുപ്രസിദ്ധ മോഷ്ടാവ് പള്ളിക്കൽ പോലീസിന്റെ പിടിയിൽ

by Midhun HP News | Nov 19, 2022 | Latest News, കേരളം, ജില്ലാ വാർത്ത

കിളിമാനൂർ സ്വദേശിയായ കാനാ കിഴക്കുംകര പുത്തൻ വീട്ടിൽ 40 വയസുള്ള സുധീരൻ ആണ് മോഷണ ശ്രമത്തിനിടെ പള്ളിക്കൽ പോലീസിന്റെ പിടിയിലായത്. സംസ്ഥാനത്തുടനീളം 40 ൽപരം മോഷണ കേസുകളിലെ പ്രതിയായ സുധീരൻ കിളിമാനൂർ പോലീസ് സ്റ്റേഷനിലെ കൊലപാതക കേസിലെ പ്രതി കൂടിയാണ്.

പള്ളിക്കൽ സി. ഐ ശ്രീജേഷ്, വി. കെ. എസ്. ഐ. സാഹിൽ, അസ്സി. സബ് ഇൻസ്പെക്ടർ ജിഷി, സീനിയർ സിവിൽ പോലീസ് ഓഫീസർ ബിനു, വിനീഷ് എന്നിവരടങ്ങിയ അന്വേഷണ സംഘമാണ് പ്രതിയെ പിടികൂടിയത്. അറസ്റ്റിലായ പ്രതിയെ കോടതിയിൽ ഹാജരാക്കി റിമാൻഡ് ചെയ്തു.

‘ഊർജ്ജസ്വലരായ ടീമിനൊപ്പമുള്ള വർക്ക് രസകരമായിരുന്നു’; കാതൽ പൂർത്തിയാക്കി സൂപ്പർതാരം

by Midhun HP News | Nov 19, 2022 | Latest News, കേരളം, ജില്ലാ വാർത്ത

ആരാധകർ ഏറെ പ്രതീക്ഷയോടെ കാത്തിരിക്കുന്ന മമ്മൂട്ടി ചിത്രമാണ് കാതൽ. തമിഴ് താരം ജ്യോതികയാണ് ചിത്രത്തിൽ നായികയായി എത്തുന്നത്. ജിയോ ബേബി സംവിധാനം ചെയ്യുന്ന ചിത്രം നിർമിക്കുന്നതും മമ്മൂട്ടി തന്നെയാണ്. ഇപ്പോൾ ചിത്രത്തിന്റെ ഷൂട്ടിങ് പൂർത്തിയാക്കിയിരിക്കുകയാണ് മമ്മൂട്ടി. സെറ്റിലെ തന്റെ അവസാന ദിവസത്തിൽ അണിയറ പ്രവർത്തകർക്കായി സ്പെഷ്യൽ ട്രീറ്റും സൂപ്പർതാരം ഒരുക്കിയിരുന്നു.
ബിരിയാണിയാണ് മമ്മൂട്ടി വിളമ്പിയത്.

ഊർജ്ജസ്വലരായ ടീമിനൊപ്പമുള്ള വർക്ക് രസകരമായിരുന്നു എന്ന അടിക്കുറിപ്പിൽ മമ്മൂട്ടി തന്നെയാണ് ഷൂട്ടിങ് പൂർത്തിയാക്കിയ വിവരം പങ്കുവച്ചത്. മമ്മൂട്ടിയും ജ്യോതികയും ചേർന്ന് സഹപ്രവർത്തകർക്ക് ബിരിയാണി വിളമ്പിക്കൊടുക്കുന്നതിന്റെ ചിത്രങ്ങളും പോസ്റ്റ് ചെയ്തിട്ടുണ്ട്. ചിത്രങ്ങൾ സോഷ്യൽ മീഡിയയിൽ വൈറലാവുകയാണ്.