ട്രേഡ് യൂണിയനുകൾ സ്വത്വം നിലനിർത്തിക്കൊണ്ട് കാലാനുസൃതമായ മാറ്റത്തിന് തയ്യാറാകണം; ബി. സുരേന്ദ്ര

by Midhun HP News | Nov 11, 2022 | Latest News, കേരളം, ജില്ലാ വാർത്ത

‘ട്രേഡ് യൂണിയനുകൾ സ്വത്വം നിലനിർത്തിക്കൊണ്ട് കാലാനുസൃതമായ മാറ്റത്തിന് തയ്യാറാകണം’ ബി. സുരേന്ദ്ര. അംഗീകൃത സംഘടനകൾ സ്വത്വം നിലനിർത്തിക്കൊണ്ട് സ്ഥാപനത്തേയും തൊഴിലാളികളേയും സംരക്ഷിക്കുന്ന രീതിയിലേക്ക് അതിന്റെ പ്രവർത്തന ശൈലികളിൽ മാറ്റം വരുത്താൻ തയ്യാറാകണമെന്നും കെഎസ്ആർടിസിയിൽ കെഎസ്ടി എംപ്ലോയീസ് സംഘ് അതിന് നേതൃത്വം വഹിക്കണമെന്നും ബി എം എസ് നാഷണൽ ഓർഗനൈസിംഗ് സെക്രട്ടറി ബി.സുരേന്ദ്ര ആവശ്യപ്പെട്ടു. കെ എസ് ടി എംപ്ലോയീസ് സംഘിന്റെ സംസ്ഥാന സമ്മേളനത്തിന് തുടക്കം കുറിച്ചു കൊണ്ട് കരമന ബിഎംഎസ് കാര്യാലയത്തിൽ നടന്ന സംസ്ഥാന പ്രവർത്തകസമിതി യോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. 12 മണിക്കൂർ ഡ്യൂട്ടി സർക്കാർ അടിച്ചേൽപ്പിയ്ക്കാൻ ശ്രമിച്ചപ്പോൾ മറ്റുള്ളവരെപ്പോലെ എടുത്ത് ചാടി സമരത്തിനല്ല, മറിച്ച് പ്രക്ഷോഭങ്ങളിലൂടെയും ചർച്ചയിലൂടെയും പരിഹരിക്കാനുള്ള ക്രിയാത്മക നിലപാടെടുത്ത് പ്രശ്ന പരിഹാരത്തിനാണ് ബിഎംഎസ് തീരുമാനിച്ചത് എന്നും അദ്ദേഹം കൂട്ടിച്ചേർത്തു.

കെ എസ് ആർ ടി സി കാര്യക്ഷമമാക്കുന്നതിനു വേണ്ടി ജീവനക്കാർക്ക് ശരിയായ പരിശീലനം നൽകുന്ന വർക്ക് ഷോപ്പുകൾക്കും സെമിനാറുകൾക്കും കെ എസ് ആർ ടി സിയിൽ തുടക്കം കുറിക്കണമെന്നും കെ എസ് ആർ ടി സിയിൽ പുതിയതായി ആരംഭിച്ച സ്വിഫ്റ്റ് സംവിധാനത്തിന്റെ പോരായ്മകൾ പൊതു സമൂഹത്തെ ബോധ്യപ്പെടുത്തണമെന്നും അദ്ദേഹം പറഞ്ഞു. കെ എസ് ടി എംപ്ലോയീസ് സംഘ് സംസ്ഥാന പ്രസിഡൻറ് ജി.കെ.അജിത്ത് അദ്ധ്യക്ഷത വഹിച്ച യോഗത്തിൽ ബി എം എസ് ദക്ഷിണ ക്ഷേത്രീയ സംഘടനാ സെക്രട്ടറി എസ്. ദുരൈരാജ് സമാരോപ് പ്രഭാഷണം നടത്തി.

സംസ്ഥനജനറൽ സെക്രട്ടറി കെ.എൽ. രാജേഷ്, വർക്കിംഗ് പ്രസിഡൻറ് എസ്. അജയകുമാർ ട്രഷറർ എസ്. ശ്രീകുമാർ സംസ്ഥാന സെക്രട്ടറിമാരായ കെ.എൽ. യമുനാദേവി, ആർ.എൽ.ബിജുകുമാർ എന്നിവർ പരിപാടിയിൽ പങ്കെടുത്തു

തെങ്ങ് തലയിൽ വീണ് രണ്ടു വയസ്സുകാരന് ദാരുണാന്ത്യം

by Midhun HP News | Nov 11, 2022 | Latest News, കേരളം, ജില്ലാ വാർത്ത

മലപ്പുറം: കൽപകഞ്ചേരി പറവന്നൂരിൽ തെങ്ങ് തലയിൽ വീണ് രണ്ടു വയസുകാരൻ മരിച്ചു. പറവന്നൂർ പരിയാരത്ത് അഫ്സലിന്റെ മകൻ അഹമ്മദ് സയ്യാൻ ആണ് മരിച്ചത്.
വ്യാഴാഴ്ച വൈകീട്ട് 5.30നാണ് സംഭവം. വീടിന് പിറകിലെ ബന്ധുവീട്ടിലേക്ക് വല്യമ്മയോടൊപ്പം നടന്നുപോകുന്നതിനിടെയാണ് സമീപത്തുണ്ടായിരുന്ന തെങ്ങ് കുട്ടിയുടെ തലയിലേക്ക് മുറിഞ്ഞുവീണത്. ഉടൻ കോട്ടക്കലിലെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.

കശ്മീരില്‍ ഏറ്റുമുട്ടല്‍; ജയ്ഷ് ഇ മുഹമ്മദ് ഭീകരനെ വധിച്ച് സൈന്യം

by Midhun HP News | Nov 11, 2022 | Latest News, കേരളം, ജില്ലാ വാർത്ത

കശ്മീരിലെ ഷോപ്പിയാന്‍ ജില്ലയില്‍ സുരക്ഷാ സേനയും ഭീകരരും തമ്മില്‍ ഏറ്റുമുട്ടല്‍. ഏറ്റുമുട്ടലില്‍ ഒരു ജയ്ഷ് ഇ മുഹമ്മദ് ഭീകരനെ സുരക്ഷാ സേന വധിച്ചു.

ജയ്ഷ് ഇ മുഹമ്മദ് ഭീകരന്‍ കമ്രാന്‍ ഭായ് എന്ന ഹനീസ് ആണ് മരിച്ചത്. ഭീകരരുമായുള്ള സുരക്ഷാ സേനയുടെ ഏറ്റുമുട്ടല്‍ തുടരുകയാണ് എന്നാണ് റിപ്പോര്‍ട്ട്.

കൊല്ലപ്പെട്ട ഹനീസ് കുല്‍ഗാം-ഷോപ്പിയാന്‍ മേഖലയില്‍ സജീവമായി പ്രവര്‍ത്തിച്ചിരുന്നതായി കഷ്മീര്‍ എഡിജിപി പറയുന്നു. സൈന്യവും പൊലീസും ചേര്‍ന്നാണ് ഭീകരരെ നേരിടുന്നത്. രണ്ട് ഭീകരരെ സുരക്ഷാ സേന വളഞ്ഞതായാണ് വിവരം.

അഗ്നിപഥ് പദ്ധതി; ഇന്ത്യൻ വ്യോമസേനയിൽ അപേക്ഷ ക്ഷണിച്ചു.

by Midhun HP News | Nov 10, 2022 | Latest News, കേരളം, ജില്ലാ വാർത്ത

ഇന്ത്യൻ വ്യോമസേന (ഐ എ എ എഫ്) അഗ്നിപഥ് പദ്ധതി പ്രകാരം ഐ എ എ എഫ്-ൽ സയൻസ്, നോൺ സയൻസ് എന്നീ വിഭാഗങ്ങളിൽ സേവനമനുഷ്ടിക്കുന്നതിന് 2023 ജനുവരിയിൽ നടക്കുന്ന ഓൺലൈൻ സെലക്ഷൻ ടെസ്റ്റിന് പ്ലസ് ടു പാസായ അവിവാഹിതരായ സ്ത്രീ – പുരുഷ ഉദ്യോഗാർത്ഥികളിൽ നിന്ന് ഓൺലൈൻ അപേക്ഷ ക്ഷണിച്ചു. 2002 ജൂൺ 27 നും 2005 ജൂൺ 27 നും ഇടയിൽ ജനിച്ച ഉദ്യോഗാർത്ഥികൾക്ക് അർഹതയുണ്ട്.

ഓൺ ലൈൻ അപേക്ഷ രജിസ്ട്രേഷനായി https://agnipathvayu.cdac.in സന്ദർശിക്കുക. ഓൺലൈൻ അപേക്ഷ രജിസ്ട്രേഷൻ പൂരിപ്പിക്കുന്നതിനുള്ള അവസാന തീയതി 2022 നവംബർ 23.

കൂടുതൽ വിവരങ്ങൾക്ക്
https://careerindianairforce.cdac.in സന്ദർശിക്കുക.