ഷാരോണിന്റെ ദുരൂഹമരണം: പെണ്‍കുട്ടിയെ എസ്പി ഓഫീസിലേക്ക് വിളിപ്പിച്ചു

by Midhun HP News | Oct 30, 2022 | Latest News, കേരളം, ജില്ലാ വാർത്ത

തിരുവനന്തപുരം: പാറശാല സ്വദേശി ഷാരോണ്‍ ദുരൂഹ സാഹചര്യത്തില്‍ മരിച്ച സംഭവത്തിന്റെ അന്വേഷണം ക്രൈംബ്രാഞ്ച് ഇന്ന് ഏറ്റെടുത്തു. കഷായം നല്‍കിയ ഷാരോണിന്റെ സുഹൃത്തായ പെണ്‍കുട്ടിയുടെ മൊഴിയും ഇന്ന് രേഖപ്പെടുത്തും. പെണ്‍കുട്ടിയോട് രാവിലെ പത്ത് മണിയോടെ റൂറല്‍ എസ്.പി. ഡി.ശില്പയുടെ ഓഫീസിലേക്കെത്താന്‍ നിര്‍ദേശം നല്‍കിയിട്ടുണ്ട്. റൂറല്‍ എസ്.പി. ശില്പയും എ.എസ്.പി. സുല്‍ഫിക്കറുമാണ് ക്രൈംബ്രാഞ്ച് അന്വേഷണത്തിന് മേല്‍നോട്ടം വഹിക്കുന്നത്. പാറശ്ശാല സി.ഐ. അടക്കമുള്ളവരും പ്രത്യേക അന്വേഷണ സംഘത്തിലുണ്ട്. ഷാരോണ്‍ മരിച്ച ദിവസം പോലീസ് പെണ്‍കുട്ടിയുടെ വീട്ടിലെത്തി മൊഴിരേഖപ്പെടുത്താന്‍ ശ്രമിച്ചിരുന്നു. എന്നാല്‍ ദേഹാസ്വസ്ഥ്യംമൂലം പെണ്‍കുട്ടിയില്‍ നിന്ന് കൂടുതല്‍ കാര്യങ്ങള്‍ ചോദിച്ചറിയാന്‍ പോലീസിനായിരുന്നില്ല. ഇന്ന് വിശദമായി തന്നെ മൊഴി രേഖപ്പെടുത്താനാണ് ക്രൈംബ്രാഞ്ചിന്റെ നീക്കം. എല്ലാ ആരോപണങ്ങളും പരിശോധിക്കും.

അതേസമയം മരണത്തില്‍ ഇതുവരെ ഒരു വ്യക്തത നല്‍കാന്‍ ചികിത്സിച്ച ഡോക്ടര്‍മാര്‍ക്കോ പോലീസിനോ കഴിഞ്ഞിട്ടില്ല. മൃതദേഹപരിശോധനാ റിപ്പോര്‍ട്ടില്‍ മരണകാരണം കണ്ടെത്താനായിട്ടില്ല. ആന്തരികാവയവങ്ങളുടെ രാസപരിശോധനാ റിപ്പോര്‍ട്ട് ലഭിച്ചാലേ വ്യക്തത വരികയുള്ളൂവെന്നാണ് പറയുന്നത്.

ഇതു വേഗത്തില്‍ ലഭ്യമാക്കണമന്നാവശ്യപ്പെട്ട് പരിശോധനാസംഘത്തിന് കത്തു നല്‍കിയിട്ടുണ്ട്. ഷാരോണിന്റെ മരണകാരണം കണ്ടെത്തുന്നതിന് മെഡിക്കല്‍ സംഘത്തെ രൂപവത്കരിക്കുമെന്നും കഴിഞ്ഞദിവസം റൂറല്‍ എസ്.പി. പറഞ്ഞു.

ലഹരി വിരുദ്ധ കൂട്ടയോട്ടം സംഘടിപ്പിച്ചു

by Midhun HP News | Oct 29, 2022 | Latest News, കേരളം, ജില്ലാ വാർത്ത

ലഹരിവിരുദ്ധ സന്ദേശമുയർത്തി അഴൂർ ഗവ.ഹയർ സെക്കൻ്ററി സ്കൂൾ എസ്.പി.സി യൂണിറ്റ് സംഘടിപ്പിച്ച കൂട്ടയോട്ടം ചിറയിൻകീഴ് എസ്.എച്ച്.ഒ ജി.ബി മുകേഷ് ഫ്ളാഗ് ഓഫ് ചെയ്തു. അഴൂർ കാറ്റാടിമുക്കിൽ നിന്നാരംഭിച്ച കുട്ടയോട്ടം പെരുങ്ങുഴി ജംഗ്ഷനിൽ സമാപിച്ചു. അഴൂർ ഗ്രാമപഞ്ചായത്ത് പ്രസിഡൻ്റ് ആർ. അനിൽ ലഹരി വിരുദ്ധ സന്ദേശം നൽകി.

വാർഡ്‌ അംഗം സിന്ധു, പി.ടി.എ പ്രസിഡൻ്റ് നിസാർ, എസ്.എം.സി
ചെയർപേഴ്സൺ പ്രഭാസോണി, ഹെഡ് മിസ്ട്രസ് ലതാ ദേവി, പ്രിൻസിപ്പാൾ ബിനു, മുൻ പി.ടി.എ പ്രസിഡൻറുമാരായ വിനോദ് ദാസ്, ജയാസജിത്ത്, ഡ്രിൽ ഇൻസ്ട്രക്ടർ വിജയൻ നായർ, സി.പി.ഒമാരായ രാജേശ്വരി, സുഗതൻ, അധ്യാപകരായ അക്ബർഷാ, ഗിരീഷ് കുമാർ, ഹരികുമാർ, പ്രവീണ, ഗോപകുമാർ, പോലീസ് ഉദ്യോഗസ്ഥർ എന്നിവർ നേതൃത്വം നൽകി. കേഡറ്റുകൾ അവതരിപ്പിച്ച ഫ്ളാഷ് മോബ് ശ്രദ്ധേയമായി.

ഷാഹുൽ ഹമീദ് (80) അന്തരിച്ചു

by Midhun HP News | Oct 29, 2022 | Latest News, കേരളം, ജില്ലാ വാർത്ത

ആറ്റിങ്ങൽ: ആലംകോട് ഡർവീഷ് മൻസിലിൽ ഷാഹുൽ ഹമീദ് (80) അന്തരിച്ചു. ഇന്ന് രാവിലെ 9.30 മണിയോടെ ദേഹാസ്വാസ്ഥ്യം അനുഭവപ്പെട്ടതിനെത്തുടർന്ന് കടുവയിൽ കെ ടി സി ടി ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു. ഐ എസ് ആർ ഒയിൽ ഡ്രൈവറായി ദീർഘകാലം പ്രവർത്തിച്ചു. ആറ്റിങ്ങൽ നഗരസഭയിൽ പൊതുമരാമത്ത് സ്ഥിരം സമിതി അധ്യക്ഷയായി നേരത്തെ പ്രവർത്തിച്ചിട്ടുള്ള റുഹൈനത്ത് ബീവിയാണ് ഭാര്യ.

മക്കൾ: ഡർവിഷ് അഹമ്മദ്, നസീമാബീവി, തൻസിമാ ബീവി.
മരുമക്കൾ: അസീം, നിസ്സാർ, ബീന.

കേരളത്തിലെ ആദ്യ ഐ മാക്സ് തീയറ്റർ തിരുവനന്തപുരത്ത്

by Midhun HP News | Oct 29, 2022 | Latest News, കേരളം, ജില്ലാ വാർത്ത

കേരളത്തിലെ ആദ്യ ഐമാക്സ് തീയറ്റർ തിരുവനന്തപുരത്ത് വരുന്നു. ഡിസംബറില്‍ ലുലു മാളിലാണ് പുത്തന്‍ ദൃശ്യാനുഭവമൊരുക്കാന്‍ ഐമാക്സ് തീയറ്ററെത്തുന്നത്. ‘അവതാര്‍ ദ വേ ഓഫ് വാട്ടര്‍’ ചിത്രമായിരിക്കും ആദ്യം പ്രദര്‍ശിപ്പിക്കുക. ഐ മാക്സിന്റെ ഏഷ്യയിലെ വൈസ് പ്രസിഡന്റായ പ്രീതം ഡാനിയലാണ് വാർത്ത ട്വിറ്ററില്‍ പങ്കുവച്ചത്. വാർത്ത ലുലു ഗ്രൂപ്പ് ഔദ്യോഗികമായി സ്ഥിരീകരിച്ചിട്ടുണ്ട്. പുതുകാലത്ത് ലോകമെമ്പാടുമുള്ള സിനിമാപ്രേമികളില്‍ കൗതുകം ഉണര്‍ത്തിയ പ്രദര്‍ശനശാലകളാണ് ഐമാക്സ്. വമ്പന്‍ ആസ്പെക്റ്റ് റേഷ്യോ ഉള്ള സ്ക്രീനുകളും സ്റ്റേഡിയം സീറ്റിംഗുമൊക്കെയുള്ള ഐമാക്സ്
തീയറ്ററുകള്‍ സിനിമാനുഭവത്തിന്‍റെ മറ്റൊരു തലം സമ്മാനിക്കുന്നുവെന്നാണ് അനുഭവസ്ഥരുടെ സാക്ഷ്യം.

ആയുർവേദ മെഡിക്കൽ ക്യാമ്പ് സംഘടിപ്പിച്ചു

by Midhun HP News | Oct 29, 2022 | Latest News, കേരളം, ജില്ലാ വാർത്ത

ദേശീയ ആയുർവേദ വാരാഘോഷത്തോടനുബന്ധിച്ച് മുദാക്കൽ ഗവ: ആയുർവേദ ഡിസ്‌പെൻസറിയുടെ അഭിമുഖ്യത്തിൽ മുദാക്കൽ ഭിന്ന ശേഷി കലോത്സവത്തോടനുബന്ധിച്ച് ആയുർവേദ മെഡിക്കൽ ക്യാമ്പ് സംഘടിപ്പിച്ചു. മെഡിക്കൽ ഓഫീസർ ഡോ. സിനി. എസ്, യോഗ മെഡിക്കൽ ഓഫീസർ ഡോ. സുബി, ഫാർമസിസ്റ് വിനോദ് എന്നിവർ ക്യാമ്പിൽ പങ്കെടുത്തു.