by Midhun HP News | Oct 16, 2022 | Latest News, കേരളം, ജില്ലാ വാർത്ത
15 ഗ്രാം എംഡിഎംഎയുമായി രണ്ടുപേരെ വിഴിഞ്ഞം പോലീസ് അറസ്റ്റ് ചെയ്തു. ആനാവൂർ സ്വദേശി അരുൺ വിഴിഞ്ഞം സ്വദേശി ജൂഡ് എന്നിവരെയാണ് പോലീസ് പിടികൂടിയത്. ബാംഗ്ലൂരിൽ നിന്നും അരുൺ മയക്കുമരുന്ന് ശേഖരിച്ച് വിഴിഞ്ഞത്ത് വന്ന് ജൂഡിന് കൈമാറാൻ ശ്രമിക്കവെയാണ് പോലീസ് ഇവരെ പിടികൂടിയത്. വിഴിഞ്ഞത്തും പരിസരപ്രദേശങ്ങളിലും സ്കൂൾ വിദ്യാർത്ഥികൾക്കടക്കം ലഹരി മരുന്ന് യഥേഷ്ടം വിതരണം ചെയ്യുന്ന പ്രധാന കണ്ണിയാണ് ജൂഡ് എന്ന് പോലീസ്. ഇവരോടൊപ്പം ഉണ്ടായിരുന്ന ഇടുക്കി സ്വദേശിയും പോലീസ് കസ്റ്റഡിയിലാണ്. ദിവസങ്ങളായി ഇവർ പോലീസ് നിരീക്ഷണത്തിലായിരുന്നു.
by Midhun HP News | Oct 16, 2022 | Latest News, കേരളം, ജില്ലാ വാർത്ത
ലത്തീൻ അതിരൂപത ആർച്ച് ബിഷപ് ഡോ. തോമസ് ജെ നെറ്റോയെ വത്തിക്കാന്റെ ഇന്ത്യൻ സ്ഥാനപതി ലിയോപോൾഡോ ജിറേല്ലി ഔദ്യോഗിക സ്ഥാന ചിഹ്നമായ പാലിയം കഴുത്തിലണിയിച്ചു.
പാളയം സെന്റ് ജോസഫ്സ് കത്തീഡ്രലിൽ ദിവ്യബലി മധ്യേ വിശ്വാസി സമൂഹത്തെ സാക്ഷിയാക്കി നടത്തിയ ചടങ്ങിൽ സാമന്ത രൂപതകളിലെ ബിഷപ്പുമാരും സാക്ഷ്യം വഹിച്ചു. ജൂൺ 29നു സെന്റ് പീറ്റേഴ്സ് ബസലിക്കയിൽ നടന്ന ദിവ്യബലിക്കിടെ ഡോ. തോമസ് ജെ നെറ്റോ ഫ്രാൻസിസ് മാർപാപ്പയിൽനിന്നു പാലിയം കൈകളിൽ സ്വീകരിച്ചിരുന്നു.
വിശ്വാസികൾ പ്രദക്ഷിണമായാണ് ആർച്ച് ബിഷപ്പിനെ ചടങ്ങിലേക്കു വരവേറ്റത്. വത്തിക്കാൻ സ്ഥാനപതിക്കു മുൻപാകെ ഡോ. തോമസ് ജെ നെറ്റോ സഭയോടും ദൈവത്തോടുമുള്ള വിശ്വാസ പ്രഖ്യാപന പ്രാർഥന നടത്തിയാണ് ബലിപീഠത്തിനു മുൻപിൽ പാലിയം സ്വീകരിച്ചത്. ഇതോടനുബന്ധിച്ചുള്ള ദിവ്യബലിക്കും അദ്ദേഹം മുഖ്യകാർമികത്വം വഹിച്ചു. തിരുവനന്തപുരം അതിരൂപത സഹായമെത്രാൻ ഡോ. ആർ ക്രിസ്തുദാസ് തുടങ്ങിയവർ പങ്കെടുത്തു.
by Midhun HP News | Oct 16, 2022 | Latest News, കേരളം, ജില്ലാ വാർത്ത
ആറ്റിങ്ങൽ: ഇളമ്പ എച്ച് എസ് എസിന് സ്വർണ്ണ തിളക്കം. തൃശൂരിൽ നടന്ന സംസ്ഥാന കരാട്ടേ (32 kg ) മത്സരത്തിൽ ഇളമ്പ ഹയർ സെക്കണ്ടറി സ്കൂളിലെ എട്ടാം ക്ലാസ് വിദ്യാർത്ഥിനി ആർദ്ര ബി പി സ്വർണ്ണ മെഡൽ കരസ്ഥമാക്കി.
by Midhun HP News | Oct 16, 2022 | Latest News, കേരളം, ജില്ലാ വാർത്ത
പള്ളിക്കൽ ഗ്രാമ പഞ്ചായത്ത് വാർഡ് 13 കൊട്ടിയം മുക്കിൽ മാരങ്കോട് കുടിവെള്ള പദ്ധതിയുടെ ഉദ്ഘാടനം ബഹുമാനപ്പെട്ട ജില്ലാ പഞ്ചായത്ത് വൈസ് പ്രസിഡന്റ് അഡ്വ. എ ശൈലജ ബീഗം നിർവഹിച്ചു. ജില്ലാ പഞ്ചായത്ത് അംഗം ടി.ബേബിസുധ അധ്യക്ഷത വഹിച്ചു. പള്ളിക്കൽ ഗ്രാമപഞ്ചായത്ത് വൈസ് പ്രസിഡന്റും വാർഡ് അംഗവുമായ എം മാധവൻകുട്ടി സ്വാഗതം പറഞ്ഞു.
ഗ്രാമപഞ്ചായത്ത് വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ എസ് ഷീബ, ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ എസ് എസ് ബിജു, ബ്ലോക്ക് പഞ്ചായത്ത് അംഗം എ.നിഹാസ്, ഗ്രാമ പഞ്ചായത്ത് അംഗം പി.രഘുത്തമൻ, ആസൂത്രണ സമിതി അംഗം കെ.ആർ. ആർ. നായർ, പകൽക്കുറി ക്ഷീരോല്പാദക സഹകരണ സംഘം പ്രസിഡന്റ് എ. ഷിലോസ്, വാർഡ് 13 വികസന സമിതി കൺവീനർ ആർ സജിലാൽ, മുൻ പഞ്ചായത്ത് സെക്രട്ടറി നൗഷാദ്, പകൽക്കുറി ഗവൺമെന്റ് എൽ പി എസ് പി ടി എ പ്രസിഡന്റ് ജോഷ്മോൻ പി കെ, സി ഡി എസ് വൈസ് ചെയർപേഴ്സൺ രേണുക കുമാരി, സി ഡി എസ് അംഗം പ്രസന്ന ദേവരാജൻ, എ ഡി എസ് അംഗം ഷീബാതുളസി, കെ.ശൈലേഷ് പുതുവിള, ഗുണഭോക്തൃ കമ്മിറ്റി ചെയർമാൻ എ ജാഫർഖാൻ, കൺവീനർ അജയൻ ഷിബു ഹമീദ്, കണ്ണൻ മാരങ്കോട്, എക്കോ ഷോപ്പ് സെക്രട്ടറി സജാദ് ഹൈദർ, സജീബ് ഹമീദ് , പള്ളിക്കൽ സർവീസ് സഹകരണ ബാങ്ക് സ്റ്റാഫ് സുമയ്യ, കാട്ടുപുതുശ്ശേരി നിജാസ്, പൈവേലി രതീഷ്, അനൂപ്, സുശീല, സംസ്കൃതി ലിജു തുടങ്ങിയവർ പങ്കെടുത്തു.
by Midhun HP News | Oct 16, 2022 | Latest News, കേരളം, ജില്ലാ വാർത്ത
കോഴിക്കോട്: കോഴിക്കോട് ബിജെപി പ്രവ‍‍ര്‍ത്തകൻ്റെ വീടിന് നേരെ ബോംബേറ്. പേരാമ്പ്രയ്ക്ക് അടുത്ത് പാലേരിയിൽ ബിജെപി പ്രവ‍ര്‍ത്തകനായ ശ്രീനിവാസന്റെ വീടിനു നേരെയാണ് ആക്രമണമുണ്ടായത്. ഇന്ന് പുല‍ര്‍ച്ചെ 12.40-ഓടെയായിരുന്നു സംഭവം.
ബോംബേറിൽ ജനൽ ചില്ലുകൾ പൊട്ടുകയും വീടിനു മറ്റു കേടുപാടുകൾ സംഭവിക്കുകയും ചെയ്തു. എന്നാൽ വീട്ടുകാർക്ക് ആർക്കും പരുക്കേറ്റില്ല. കഴിഞ്ഞ കുറച്ചു നാളുകളായി പ്രദേശത്ത് സിപിഎം – ബിജെപി സംഘ‍ര്‍ഷം നിലനിൽക്കുന്നുണ്ട്. പൊലീസ് സ്ഥലത്ത് എത്തി പരിശോധന നടത്തുകയാണ്.
by Midhun HP News | Oct 16, 2022 | Latest News, കേരളം, ജില്ലാ വാർത്ത
മലപ്പുറം: കോളേജിലെ ഡിജെ പാർട്ടിക്കിടെ വിദ്യാർത്ഥിനികൾ കുഴഞ്ഞുവീണു. മഞ്ചേരി കോ-ഓപ്പറേറ്റീവ് കോളേജിലെ ഫ്രഷേഴ്സ് ഡേയോടു അനുബന്ധിച്ചു നടത്തിയ ഡിജെ പാർട്ടിക്കിടെയാണ് സംഭവമുണ്ടായത്. കുഴഞ്ഞു വീണതിനെ തുടർന്ന് 10 വിദ്യാർത്ഥിനികളെ ആശുപത്രിയിൽ പ്രവേശിപ്പിച്ചു. വിദ്യാർത്ഥികൾക്ക് കൂട്ടത്തോടെ ആരോഗ്യ പ്രശ്നങ്ങളുണ്ടായത് പരിഭ്രാന്തി സൃഷ്ടിച്ചു.
സംഘം ചേർന്നുള്ള ആട്ടവും പാട്ടും നടക്കുന്നതിനിടെയാണ് വിദ്യാർത്ഥിനികൾക്ക് ദേഹാസ്വാസ്ഥ്യം അനുഭവപ്പെട്ട് കുഴഞ്ഞു വീണത്. ശനിയാഴ്ച വൈകുന്നേരം നാലരയോടെയാണ് കോളേജിൽ ഡിജെ പാർട്ടി നടത്തിയത്. ആദ്യം ഒരു വിദ്യാർത്ഥിനി കുഴഞ്ഞു വീണതിനെ തുടർന്ന് ഈ കുട്ടിയെ ആശുപത്രിയിലെത്തിച്ചപ്പോഴേക്കും രണ്ടാമത്തെ കുട്ടിയും കുഴഞ്ഞുവീണു. അധികം വൈകാതെ കൂടുതൽ കുട്ടികൾക്ക് ദേഹാസ്വാസ്ഥ്യം അനുഭവപ്പെട്ട് കുഴഞ്ഞു വീണു. ഒൻപത് കുട്ടികളെ ആശുപത്രിയിൽ എത്തിച്ചശേഷം കൂടെ വന്ന ഒരു പെൺകുട്ടി കൂടി ആശുപത്രിയിൽ വച്ചു കുഴഞ്ഞു വീഴുകയായിരുന്നു.
എല്ലാവരുടെയും രക്ത പരിശോധന നടത്തി. ആരുടെയും നില ഗുരുതരമല്ലെന്ന് കോളേജ് അധികൃതർ അറിയിച്ചിട്ടുണ്ട്. കോളജിൽ ഒന്നാം വർഷ ഡിഗ്രി വിദ്യാർത്ഥികളെ വരവേൽക്കുന്നതിനാണ് ഫ്രഷേഴ്സ് ഡേ നടത്തിയത്. ഉച്ചയ്ക്ക് ശേഷമായിരുന്നു ഡി ജെ പാർട്ടി നടത്തിയത്. ടാർപോളിൻ ഉപയോഗിച്ച് പ്രത്യേക സൗകര്യം ഒരുക്കിയാണ് ഡി ജെ പാർട്ടിക്ക് സ്ഥലം സൗകര്യപ്പെടുത്തിയത്. ഇവിടെ വച്ചായിരുന്നു വിദ്യാർത്ഥികളുടെ പാട്ടും ഡാൻസും. ശബ്‍ദ ക്രമീകരണത്തിനു വേണ്ടിയാണ് ടാർപോളിൻ ഉപയോഗിച്ച് മറച്ചതെന്ന് അധ്യാപകർ പറയുന്നു. ഇതിനകത്ത് ചൂട് കൂടിയതും ഏറെസമയം നൃത്തം ചെയ്തതുമാണ് ദേഹാസ്വാസ്ഥ്യത്തിന് ഇടയാക്കിയതെന്നാണ് അധ്യാപകരുടെ അഭിപ്രായം.
Recent Comments