by Midhun HP News | Sep 20, 2022 | Latest News, കേരളം, ജില്ലാ വാർത്ത
തിരുവനന്തപുരം: ഇന്ത്യൻ ടീമിൽ നിന്ന് തഴയുന്നതിനെ പ്രകടനം മെച്ചപ്പെടുത്താനുള്ള അവസരമായാണ് കാണുന്നതെന്ന് ഇന്ത്യ എ ടീം ക്യാപ്റ്റൻ സഞ്ജു സാംസൺ. സഞ്ജുവിനെ തഴയുന്ന സെലക്ടര്‍മാരെ മുൻ എംപി പന്ന്യൻ രവീന്ദ്രൻ വിമര്‍ശിച്ചു. കേരള ക്രിക്കറ്റ് അസോസിയേഷന്‍റെ നേതൃത്വത്തിൽ സംഘടിപ്പിച്ച സഞ്ജുവിനെ ആദരിക്കുന്ന ചടങ്ങളിൽ സംസാരിക്കുകയായിരുന്നു ഇരുവരും.
കഴിഞ്ഞ തവണ കാര്യവട്ടത്ത് സഞ്ജുവിനെ തഴഞ്ഞപ്പോഴുള്ള പ്രതിഷേധം സ്റ്റേഡിയത്തിൽ വച്ച് ഉണ്ടാകരുതെന്ന് ആരാധകരോട് താരം അപേക്ഷിച്ചു. ഇന്ത്യ എ ടീം ക്യാപ്റ്റനായി തെരഞ്ഞെടുത്ത സഞ്ജുവിനെ കെസിഎ ആദരിച്ചു. സഞ്ജുവിന്‍റെ കായിക ജീവതത്തെക്കുറിച്ചുള്ള ലഘുചിത്രവും ചടങ്ങില്‍ കെസിഎ പുറത്തിറക്കി.
by Midhun HP News | Sep 20, 2022 | Latest News, കേരളം, ജില്ലാ വാർത്ത
തിരുവനന്തപുരം ശ്രീചിത്ര പുവർ ഹോമിൽ 14കാരന് സഹപാഠികളുടെ ക്രൂരമർദനം.
അഞ്ച് സഹപാഠികൾ ചേർന്നാണ് കുട്ടിയെ അതിക്രൂരമായി മർദിച്ചത്. ഇരുമ്പുവടി കൊണ്ട് സഹപാഠികൾ അടിച്ചുവെന്നും ബൂട്ടിട്ട് മർദിച്ചുവെന്നും പരാതിയുണ്ട്. കുട്ടിയുടെ നടുവിനും കാലിനും സാരമായ പരുക്കേറ്റു. ആര്യനാട് സ്വദേശിയായ കുട്ടി നിലവിൽ തിരുവനന്തപുരം മെഡിക്കൽ കോളജിൽ ചികിത്സയിലാണ്. പൊലീസിൽ പരാതി നൽകരുതെന്ന് അധികൃതർ പറഞ്ഞതായി കുട്ടിയുടെ മാതാവ് പറഞ്ഞു.
by Midhun HP News | Sep 20, 2022 | Latest News, കേരളം, ജില്ലാ വാർത്ത
കൊച്ചി: ആലുവ മുന്‍ എംഎല്‍എയും മുതിര്‍ന്ന കോണ്‍ഗ്രസ് നേതാവുമായ കെ മുഹമ്മദലി(74) അന്തരിച്ചു. ആലുവയിലെ സ്വകാര്യ ആശുപത്രിയില്‍ ചികിത്സയിലിരിക്കേയാണ് അന്ത്യം. ആലുവയെ 26 വര്‍ഷം നിയമസഭയില്‍ പ്രതിനിധാനം ചെയ്ത യുഡിഎഫ് എംഎല്‍എയായിരുന്നു കെ മുഹമ്മദലി. 2006ല്‍ എല്‍ഡിഎഫിലെ എ എം യൂസഫിനോട് പരാജയപ്പെട്ടതോടെ സംഘടനാ നേതൃത്വത്തില്‍ നിന്ന് പോലും പൂര്‍ണമായും ഒഴിവാക്കപ്പെട്ട കെ. മുഹമ്മദലി വര്‍ഷങ്ങളായി സജീവ രാഷ്ട്രീയത്തില്‍ നിന്ന് വിട്ട് നില്‍ക്കുകയായിരുന്നു.
കോണ്‍ഗ്രസിലെ ടി എച്ച്‌ മുസ്തഫയെ തോല്‍പിച്ച കെ മുഹമ്മദലി പിന്നീടുളള 5 തെരഞ്ഞെടുപ്പുകളിലും കൈപ്പത്തി ചിഹ്നത്തിലാണ് മത്സരിച്ച്‌ വിജയിച്ചത്. 1980ല്‍ എ കെ ആന്റണിയോടൊപ്പം നിന്ന കെ മുഹമ്മദലി എല്‍ഡിഎഫ് സ്വതന്ത്രനായി മത്സരിച്ചാണ് തെരഞ്ഞെടുപ്പ് രാഷ്ട്രീയത്തിന് തുടക്കം കുറിച്ചത്.
by Midhun HP News | Sep 20, 2022 | Latest News, കേരളം, ജില്ലാ വാർത്ത
മുടപുരം: മുടപുരം തെങ്ങുംവിള ഭഗവതി ക്ഷേത്രത്തിലെ നവരാത്രിപൂജ സെപ്റ്റംബർ 26 മുതൽ ഒക്ടോബർ 5 വരെ നടക്കും. പൂജവെയ്പ് ഒക്ടോബർ 2 ഞായറാഴ്ച. ദുർഗ്ഗാഷ്ടമി ഒക്ടോബർ 3 തിങ്കളാഴ്ച. മഹാനവമി (ആയുധപൂജ) ഒക്ടോബർ 4 ചൊവ്വ. വിദ്യാരംഭം ഒക്ടോബർ 5 ബുധനാഴ്ച.
നവരാത്രിപൂജയോട് അനുബന്ധിച്ചു സരസ്വതിപൂജ, ഭഗവതിസേവ, വിദ്യാമന്ത്രാർച്ചന, ദേവിഭാഗവത പാരായണം, സാരസ്വതഘൃതം, കഞ്ഞി സദ്യ എന്നിവ വഴിപാട് നടത്താൻ ആഗ്രഹിക്കുന്നവർ ട്രസ്റ്റ് ഓഫീസുമായി ബന്ധപ്പെടുക.
വിദ്യാരംഭത്തിനുള്ള രജിസ്‌ട്രേഷൻ ആരംഭിച്ചു.
ഫോൺ: 9947619988, 9048457027
by Midhun HP News | Sep 20, 2022 | Latest News, കേരളം, ജില്ലാ വാർത്ത
ഒൻപത് വയസ്സുകാരി വിദ്യാർത്ഥിനിയെ ആവർത്തിച്ച് ലൈംഗിക പീഡനത്തിനു ഇരയാക്കിയ കുറ്റത്തിന് വിചാരണ നേരിട്ട വെയിലൂർ, മുണ്ടക്കൽ ലാലി ഭവനിൽ സതീശൻ എന്നയാളെയാണ് കുറ്റക്കാരനായി കണ്ടെത്തിയ പ്രകാരം ആറ്റിങ്ങൽ അതിവേഗകോടതി (പോക്സോ) ജഡ്ജ് ടി. പി പ്രഭാഷ് ലാൽ ശിക്ഷ വിധിച്ചത്.
24-11-2012 തീയതിയിലാണ് കേസിനാസ്‌പദമായ സംഭവം.
അതിജീവിത മാതാപിതാക്കൾക്കൊപ്പം കുടുംബമായി താമസിച്ചുവന്ന വീട്ടിൽ എത്തിയ പ്രതി പിതാവുമായി ചേർന്ന് മദ്യപിച്ചും, പിതാവ് അബോധാവസ്ഥയിലായ സമയം സഹോദരനെ മിഠായി വാങ്ങാൻ അയച്ച ശേഷം, പ്രതി വീട്ടിൽ അതിക്രമിച്ചു കയറി കുട്ടിയെ ലൈംഗിക അതിക്രമത്തിന് വിധേയയാക്കിയെന്നുമാണ് പ്രോസീക്യൂഷൻ കേസ്.
ബഹളം കേട്ട് പിതാവ് എഴുന്നേറ്റു തുടങ്ങിയ സമയം പ്രതി ഓടി രക്ഷപ്പെട്ടുവെന്നും പ്രോസിക്യൂഷൻ കുറ്റപത്രത്തിൽ ആരോപിച്ചിരുന്നു.
വീട്ടിൽ അതിക്രമിച്ചു കയറിയ കുറ്റത്തിന് ഏഴ് വർഷം കഠിനതടവും പതിനായിരം രൂപ പിഴയും, പിഴ തുക കെട്ടിവെക്കാത്ത സാഹചര്യത്തിൽ മൂന്ന് മാസം കഠിനതടവും, ബലാൽസംഘ ശ്രമം നടത്തിയ കുറ്റത്തിന് ഏഴ് വർഷം കഠിനതടവും പതിനായിരം രൂപ പിഴയും, പിഴ തുക കെട്ടിവെക്കാത്ത സാഹചര്യത്തിൽ മൂന്ന് മാസം കഠിനതടവും, പന്ത്രണ്ട് വയസ്സിൽ താഴെയുള്ള കുട്ടിയെ ലൈംഗികപീഡനത്തിന് വിധേയനാക്കിയെന്ന കുറ്റത്തിനു പത്തുവർഷം കഠിനതടവും ഇരുപത്തി അയ്യായിരം രൂപ പിഴയുമാണ് കോടതി ശിക്ഷ വിധിച്ചത്.
പിഴത്തുക കെട്ടിവെക്കുന്ന സാഹചര്യത്തിൽ ഇരുപതിനായിരം രൂപ അതിക്രമത്തിന് ഇരയായ കുട്ടിക്ക് നൽകണണമെന്നും വിധി ഉത്തരവുണ്ട്. ശിക്ഷ ഒന്നിച്ചു അനുഭവിച്ചാൽ മതിയെന്നും ജയിലിൽ കിടന്ന കാലം ശിക്ഷ ഇളവിന് അർഹതയുണ്ടെന്നും വിധിന്യായത്തിലുണ്ട്. മംഗലാപുരം പോലീസ് രജിസ്റ്റർ ചെയ്തു മംഗലാപുരം എസ് ഐ ആയിരുന്ന ചന്ദ്രദാസ് രജിസ്റ്റർ ചെയ്‌തും ആറ്റിങ്ങൽ ഡി വൈ എസ് പി ആയിരുന്ന പ്രശാന്തൻ കാണി അന്വേഷണം നടത്തിയും, പ്രതാപൻ നായർ കുറ്റപത്രം ഹാജരാക്കിയ കേസിൽ പ്രോസിക്യൂഷൻ പതിനഞ്ച് സാക്ഷികളെ വിസ്തരിക്കുകയും മുപ്പത്തൊൻപത് രേഖകൾ ആധാരമാക്കുകയും ചെയ്തു. പ്രോസിക്യൂഷന് വേണ്ടി സ്പെഷ്യൽ പബ്ലിക് പ്രോസിക്യൂട്ടർ അഡ്വക്കേറ്റ് എം. മുഹസിൻ ഹാജരായി.
by Midhun HP News | Sep 20, 2022 | Latest News, കേരളം, ജില്ലാ വാർത്ത
നാഷണൽ ഹൈവേ വികസന പ്രവർത്തനങ്ങളെക്കുറിച്ച് ഉദ്യോഗസ്ഥരുമായി ചർച്ച നടത്തുന്നതിനും പ്രവർത്തനങ്ങൾ നേരിട്ട് വിലയിരുത്തുന്നതിനുമായി കേന്ദ്ര കൃഷി വകുപ്പ് മന്ത്രി കല്ലമ്പലം ജംഗ്ഷനിൽ നേരിട്ടെത്തി. നാഷണൽ ഹൈവേ റീജിയണൽ ഓഫീസർ ആർ എൽ മീണ ഉൾപ്പെടെയുള്ള ഉന്നത ഉദ്യോഗസ്ഥരുമായി മന്ത്രി ചർച്ച നടത്തി.
പൊതു ജനങ്ങളുടെ അഭിപ്രായങ്ങളും നിർദ്ദേശങ്ങളും കേട്ട മന്ത്രി, വ്യാപാരി വ്യവസായികൾക്കുള്ള പരാതികളും നിവേദനങ്ങളും പരിശോധിച്ചു. അവ പരിഹരിക്കുന്നതിനുള്ള നിർദ്ദേശങ്ങളും ഉദ്യോഗസ്ഥർക്ക് നൽകി. ജനങ്ങൾക്ക് ഒരു തരത്തിലുള്ള ബുദ്ധിമുട്ടുകളുമില്ലാതെ വേഗത്തിൽ പണി പൂർത്തിയാക്കുന്നതിനുള്ള നിർദേശങ്ങളും മന്ത്രി നൽകി.
മന്ത്രിയ്ക്ക് കല്ലമ്പലം പൗരാവലി സ്വീകരണം നൽകി. ബി.ജെ പി നേതാക്കളായ തോട്ടക്കാട് ശശി, ആലംകോട് ദാനശീലൻ, രാജേഷ് മാധവൻ, കർഷകമോർച്ച മണ്ഡലം പ്രസിഡൻ്റ് ജയകുമാർ, ബിജു പൈവേലിക്കോണം, വ്യാപാരി വ്യവസായി ഏകോപ നസമിതി ജോഷി ബാസു ഉൾപ്പെടെയുള്ളവർ പങ്കെടുത്തു. കരവാരം ഗ്രാമ പഞ്ചായത്തിൽ ചേർന്ന ഭരണസമിതി യോഗത്തിൽ പങ്കെടുത്ത മന്ത്രി, അഗ്രി പ്രൊഡ്യൂസർ കമ്പനിയുടെ അംഗങ്ങൾക്കുള്ള സർട്ടിഫിക്കറ്റുകൾ വിതരണം ചെയ്തു.
Recent Comments