by Midhun HP News | Sep 19, 2022 | Latest News, കേരളം, ജില്ലാ വാർത്ത
പള്ളിക്കൽ: രാഘവ പ്രസാദ് ഫാൻസ് അസോസിയേഷന്റെ നേതൃത്വത്തിൽ പള്ളിക്കൽ പഞ്ചായത്തിലേ 18 അംഗനവാടികൾക്കും ക്ലോക്ക് നൽകുന്നതിന്റെ ഉദ്ഘാടനം പള്ളിക്കൽ പഞ്ചായത്ത് പ്രസിഡന്റ് എം ഹസീന നിർവഹിച്ചു. വൈസ് പ്രസിഡന്റ് എം. മാധവൻ കുട്ടി അദ്ധ്യക്ഷത വഹിച്ചു. വികസനകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ എസ്.ഷീബ, വാർഡ് മെമ്പർമാരായ രഘുത്തമൻ, അനിൽ പി, നൂർജഹാൻ എസ്, രാഘവ പ്രസാദ് ഫാൻസ് അസോസിയേഷൻ സംസ്ഥാന സെക്രട്ടറി ജോഷ്മോൻ പി. കെ, അംഗൻവാടി ടീച്ചർ ഷൈല ബീവി എ, ഹെൽപ്പർ പുഷ്പവല്ലി പി എന്നിവർ പരിപാടിയിൽ പങ്കെടുത്തു.
by Midhun HP News | Sep 19, 2022 | Latest News, കേരളം, ജില്ലാ വാർത്ത
ജൈവ കമ്പോസ്റ്റ് ബിന്‍ വിതരണത്തിന് തുടക്കം കുറിച്ച് മടവൂര്‍ ഗ്രാമപഞ്ചായത്ത്. 308 ബിന്നുകളാണ് മടവൂര്‍ പഞ്ചായത്തില്‍ ഉദ്ഘാടന ദിനം വിതരണം ചെയ്തത്. 1800 രൂപ വിലവരുന്ന ബിന്നുകള്‍ സബ്‌സിഡി നിരക്കില്‍ 180 രൂപയ്ക്കാണ് പൊതുജനങ്ങള്‍ക്ക് ലഭിക്കുക. സംസ്ഥാന സര്‍ക്കാരിന്റെയും ഹരിത കേരള മിഷന്റെയും സഹകരണത്തോടെയാണ് വിവിധ പഞ്ചായത്തുകളില്‍ പദ്ധതി നടപ്പിലാക്കുന്നത്. മടവൂര്‍ മിനിസിവില്‍ സ്റ്റേഷനില്‍ നടന്ന ചടങ്ങില്‍ വി ജോയി എം.എല്‍.എ ബിന്നുകളുടെ വിതരണോദ്ഘാടനം നിര്‍വഹിച്ചു. പഞ്ചായത്ത് പ്രസിഡന്റ് എം ബിജു അധ്യക്ഷത വഹിച്ചു.
മൂന്ന് തട്ടുകളോട് കൂടിയ ഈ മാലിന്യ സംഭരണി തയ്യാറാക്കിയത് സംയോജിത ഗ്രാമീണ സാങ്കേതിക വിദ്യാ കേന്ദ്രമാണ്. ബിന്നില്‍ നിക്ഷേപിക്കുന്ന അടുക്കള മാലിന്യം ജൈവ വളമാക്കി മാറ്റുകയും കാര്‍ഷിക ആവശ്യങ്ങള്‍ക്ക് ഉപയോഗിക്കുകയും ചെയ്യാം. ഹരിത കര്‍മ്മ സേന അംഗങ്ങള്‍, ജില്ലാ പഞ്ചായത്ത് അംഗം ബേബി സുധ എന്നിവര്‍ ചടങ്ങില്‍ പങ്കെടുത്തു.
by Midhun HP News | Sep 19, 2022 | Latest News, കേരളം, ജില്ലാ വാർത്ത
ആറ്റിങ്ങല്‍: സിപിഐ സംസ്ഥാന സമ്മേളനവുമായി ബന്ധപ്പെട്ട് ആറ്റിങ്ങല്‍ ആലംകോട് ഹാരിസണ്‍ പ്ലാസയില്‍ നടന്ന ‘ പരമ്പരാഗത വ്യവസായ മേഖല: പ്രതീക്ഷകള്‍, പ്രതിസന്ധികള്‍’എന്ന വിഷയത്തില്‍ സെമിനാർ നടന്നു. സെമിനാറിന്റെ ഉദ്ഘാടനം തൊഴില്‍ വകുപ്പ് മന്ത്രി വി ശിവന്‍കുട്ടി നിർവഹിച്ചു. പരമ്പരാഗത മേഖലയിലേയ്ക്ക് യുവ തലമുറ കടന്നു വരാത്തതാണ് മേഖലയുടെ ഇന്നത്തെ അവസ്ഥയ്ക്ക് മുഖ്യ കാരണമെന്നും ഈ മേഖലയില്‍ പണിയെടുത്ത് തൊഴിലാളികളുടെ മക്കള്‍ മറ്റ് ആധുനിക തൊഴില്‍ മേഖലയിലേയ്ക്ക് ചേക്കറിയതുമാണ് ഇതിന് കാരണമെന്നും ഉദ്ഘാടനവേളയിൽ അദ്ദേഹം പറഞ്ഞു. സെമിനാറില്‍ വി ശശി എംഎല്‍എ അധ്യക്ഷത വഹിച്ചു.
ഭക്ഷ്യ വകുപ്പ് മന്ത്രി ജി ആര്‍ അനില്‍, സിഐറ്റിയു സംസ്ഥാന പ്രസിഡന്റ് ആനത്തലവട്ടം ആനന്ദന്‍, എഐറ്റിയുസി സംസ്ഥാന ജനറല്‍ സെക്രട്ടറി കെ പി രാജേന്ദ്രന്‍, സിപിഐ ദേശീയ കൗണ്‍സില്‍ അംഗം എന്‍ രാജന്‍, ജില്ലാ സെക്രട്ടറി മാങ്കോട് രാധാകൃഷ്ണന്‍, സിപിഐ സംസ്ഥാന കമ്മിറ്റി അംഗം വി പി ഉണ്ണികൃഷണന്‍ എന്നിവര്‍ സംസാരിച്ചു. സി എസ് ജയചന്ദ്രന്‍ സ്വാഗതം പറഞ്ഞു.
by Midhun HP News | Sep 19, 2022 | Latest News, കേരളം, ജില്ലാ വാർത്ത
വെഞ്ഞാറമൂട് കീഴായിക്കോണം ആരാമം ക്രഷറിന് സമീപം വട്ടവിള വീട്ടിൽ സുജിത്ത് ലിജി ദമ്പതികളുടെ മകൾ ആദ്യ (പൂമ്പാറ്റ )യാണ് മരണപെട്ടത്. 6 വയസായിരുന്നു.
പൂവണത്തുംമൂട് ഗവ.എൽ പി എസിലെ 1-ാo ക്ലാസ്സ് വിദ്യാർത്ഥിനിയാണ് ആദ്യ.
കഴിഞ്ഞദിവസം പനി ബാധിച്ച് തിരുവനന്തപുരം എസ് എ റ്റി ആശുപത്രിയിൽ കൊണ്ടുപോവുകയും ചികിത്സയിൽ കഴിയവേ ഇന്ന് വൈകുന്നേരം നാല് മണിയോടുകൂടി മരണപ്പെടുകയുമായിയിരുന്നു.
by Midhun HP News | Sep 19, 2022 | Latest News, കേരളം, ജില്ലാ വാർത്ത
കിളിമാനൂർ -എയ്ഡഡ് മേഘലയിലും സംവരണം, പട്ടികജാതി ക്ഷേമസമിതിയുടെ സംസ്ഥാന ജാഥക്ക് ഒക്ടോബർ 2 ന് പൗരസ്വീകരണം നൽകും. ഒക്ടോബർ 2 ന് 4 മണിക്ക് കൊല്ലം നിലമേൽ വഴി കടന്ന് വരുന്ന ജാഥക്ക് കിളിമാനൂർ സ്വീകരണം നൽകും. അതിന് മുന്നോടിയായി കിളിമാനൂർ ജയദേവൻ മാസ്റ്റർ ഹാളിൽ സംഘാടക സമിതിക്ക് രൂപം നൽകി. സ്വകാര്യ എയ്ഡഡ് മേഘലയിലും വിദ്യാഭ്യാസ തൊഴിൽ മേഘലയിലും, സംവരണം, എല്ലാവർക്കും ഭൂമിയും, വീടും, തുടങ്ങിയ പ്രശ്നങ്ങൾ പരിഹരിക്കണമെന്ന് ആവശ്യപ്പെട്ട് കൊണ്ടാണ് സംസ്ഥാന അടിസ്ഥാനത്തിൽ സെപ്തബർ 15 മുതൽ, പി.കെ.എസ് സംസ്ഥാന ജനറൽ സെക്രട്ടറി അഡ്വ.കെ സോമപ്രസാദ് ക്യാപ്റ്റനായുള്ള പ്രചാരണ ജാഥവരുന്നത്.
പി.കെ എസ് സംസ്ഥാന വൈസ് പ്രസിഡൻ്റ് അഡ്വ ബി.സത്യൻ ഉൽഘാടനം ചെയ്തു. സംഘാടക സമിതി യോഗത്തിൽ സി.പിഐ എം കിളിമാനൂർ ഏര്യാ സെക്രട്ടറി അഡ്വ എസ്. ജയചന്ദ്രൻ അദ്ധ്യക്ഷനായി. പഴയ കുന്നുമ്മൽ പഞ്ചായത്ത് പ്രസി. കെ.രാജേന്ദ്രൻ സ്വാഗതം, എം.ഷാജഹാൻ, ടി എൻ വിജയൻ.ആർ, കെ.ബൈജു, പി.കെ.എസ് ജില്ലാസെക്രട്ടറി എം.വി സുലഭ, എം.വി റസ്സൽ, എസ്. രഘുനാഥൻനായർ ജി.രതീഷ്, ഡി. തുളസിധരൻ എന്നിവർ സംസാരിച്ചു. അഡ്വ.എസ്. ജയചന്ദ്രൻ ചെയർമാനും, ജി.രതീഷ് കൺവീനറും, കെ.രാജേന്ദ്രൻ ഖജാൻജിയുമായുള്ള 41 അംഗ എക്സിക്യൂട്ടീവും അടങ്ങിയ 251 കമ്മറ്റിക്ക് രൂപം നൽകി.
by Midhun HP News | Sep 19, 2022 | Latest News, കേരളം, ജില്ലാ വാർത്ത
തിരുവനന്തപുരം: ഭര്‍ത്താവിന്റെ വെട്ടേറ്റ് കൈപ്പത്തി അറ്റ്‌ തൂങ്ങിയ സംഭവത്തിൽ യുവതിയുടെ കൈപ്പത്തി തിരുവനന്തപുരം മെഡിക്കല്‍ കോളേജ് ആശുപത്രിയിൽ തുന്നിച്ചേർത്തു. പത്തനംതിട്ട കലഞ്ഞൂര്‍ പറയന്‍കോട് ചാവടിമലയില്‍ വിദ്യ (27)യുടെ കൈപ്പത്തിയാണ്‌ എട്ട്‌ മണിക്കൂർ നീണ്ട ശസ്‌ത്രക്രിയയിലൂടെ തുന്നിച്ചേർത്തത്‌. ശനി രാത്രിയാണ്‌ ശസ്ത്രക്രിയ ആരംഭിച്ചത്‌. ഞായര്‍ രാവിലെ ഒമ്പതോടെ യുവതിയെ തീവ്രപരിചരണവിഭാഗത്തിലേക്കു മാറ്റി. അസ്ഥികള്‍ കമ്പിയിട്ട് ഉറപ്പിച്ച്‌ ഞരമ്പുകളും അറ്റുപോയ രക്തക്കുഴലുകളും മറ്റു സൂക്ഷ്മനാഡികളുമെല്ലാം തുന്നിച്ചേര്‍ക്കുന്ന അതിസങ്കീര്‍ണ ശസ്ത്രക്രിയയാണ്‌ നടന്നത്.
ശനിയാഴ്ച രാത്രി എട്ടോടെയാണ് വിദ്യ (27)യെ ഭര്‍ത്താവ് സന്തോഷ് വെട്ടിയത്. തടയുന്നതിനിടെ ഇടതുകൈപ്പത്തി അറ്റു. വലതുകൈയിലെ വിരലുകള്‍ക്കും പരിക്കുണ്ട്. ഉടനെ ബന്ധുക്കള്‍ സമീപത്തെ സ്വകാര്യ ആശുപത്രിയിലെത്തിച്ചു.
തുടര്‍ന്ന്‌ തിരുവനന്തപുരത്തെ സ്വകാര്യ ആശുപത്രിയിലെത്തിച്ചെങ്കിലും ശസ്ത്രക്രിയക്ക്‌ പത്തുലക്ഷത്തിലധികം രൂപ ചെലവാകുമെന്നും വിജയിക്കുന്ന കാര്യം സംശയമാണെന്നും പറഞ്ഞതായി വിദ്യയുടെ അച്ഛന്‍ വിജയന്‍ വെളിപ്പെടുത്തി. ഇതോടെ മന്ത്രി വീണാ ജോര്‍ജിന്റെ ഓഫീസ് ഇടപെട്ടാണ്‌ മെഡിക്കല്‍ കോളേജിലെത്തിച്ചത്‌.
മള്‍ട്ടി ഡിസിപ്ലിനറി ഐസിയുവില്‍ 48 മണിക്കൂര്‍ നിരീക്ഷണത്തിലാണ് വിദ്യ. മകളെ രക്ഷിക്കാന്‍ ശ്രമിക്കുന്നതിനിടെ വിജയന്റെ മുതുകിലും വെട്ടേറ്റു. ഇദ്ദേഹവും മെഡിക്കല്‍ കോളേജ് ആശുപത്രിയിൽ ചികിത്സയിലാണ്‌. അസ്ഥിരോഗവിഭാഗത്തിലെ അസോസിയറ്റ് പ്രൊഫസര്‍ ബിനോയ്, ഡോ. രോഹിത്, ഡോ. ജെയ്സണ്‍, പ്ലാസ്റ്റിക് സര്‍ജറി അസോസിയറ്റ് പ്രൊഫസര്‍ ബിനോദ്, ഡോ. ലിഷ, ഡോ. വൃന്ദ, ഡോ. ചാള്‍സ്, ഡോ. സുരയ്യ, ഡോ. ആതിര, എന്നിവരുടെ നേതൃത്വത്തിലാണ് ശസ്ത്രക്രിയ നടന്നത്.
Recent Comments