by Midhun HP News | Aug 20, 2022 | Latest News, കേരളം, ജില്ലാ വാർത്ത
ആറ്റിങ്ങൽ : വിസ്ഡം ഇസ്ലാമിക് ഓർഗനൈസേഷൻ തിരുവനന്തപുരം ജില്ലാ കമ്മിറ്റി സംഘടിപ്പിക്കുന്ന ‘ജന ജാഗ്രതാ സദസ്സ് ‘ നാളെ (ഞായറാഴ്ച) ആറ്റിങ്ങൽ പാലാംകോണം അൽ-ഫിത്റ സ്കൂൾ ഗ്രൗണ്ടിൽ നടക്കുമെന്ന് ഭാരവാഹികൾ അറിയിച്ചു. വൈകിട്ട് 3 മണിക്ക് ആരംഭിക്കുന്ന പരിപാടിക്ക് വിസ്ഡം ഇസ്ലാമിക് ഓർഗനൈസേഷൻ സംസ്ഥാന സെക്രട്ടറി ഹുസൈൻ കാവനൂർ, യു.മുഹമ്മദ് മദനി, ജാബിർ നൻമണ്ട എന്നിവർ നേതൃത്വം നൽകും .
‘സദാചാരം, സമൂഹം, പുരോഗമനം’ എന്ന പ്രമേയത്തിലാണ് ജനജാഗ്രതാ സദസ്സ് സംഘടിപ്പിക്കുന്നത്. പുരോഗമന ചിന്തയുടെ മറവിൽ സമൂഹത്തിൻ്റെ കെട്ടുറപ്പിനെ ബാധിക്കും വിധം ധാർമ്മിക മൂല്യങ്ങളെ തകർക്കുന്ന സമീപനങ്ങൾക്കെതിരെയുള്ള ബോധവൽക്കരമാണ് ജന ജാഗ്രതാ സദസ്സിൻ്റെ ലക്ഷ്യമെന്ന് സംഘടകർ അറിയിച്ചു.
by Midhun HP News | Aug 19, 2022 | Latest News, കേരളം, ജില്ലാ വാർത്ത
കടയ്ക്കാവൂർ: അഞ്ചുതെങ്ങ് പോലീസ് സ്റ്റേഷൻ ലിമിറ്റിൽ പെട്ട സ്കൂൾ വിദ്യാർത്ഥിനിയെ സംഘം ചേർന്ന് കടപ്പുറത്തെ കൂടത്തിൽ കൊണ്ടുപോയി കൂട്ടബലാത്സംഗം ചെയ്ത നാല് പ്രതികളെ തിരുവനന്തപുരം റൂറൽ എസ് പി ഡി ശില്പയുടെ നിർദേശപ്രകാരം വർക്കല ഡിവൈഎസ്പി പി നിയാസും അഞ്ചുതെങ്ങ് സി ഐ ചന്ദ്രദാസൻ ചേർന്ന് അറസ്റ്റ് ചെയ്തു 2021 കോവിഡ് കാലഘട്ടത്തിൽ സ്കൂൾ വിദ്യാർത്ഥിനിയെ വീടിനടുത്തുള്ള ആളൊഴിഞ്ഞ കെട്ടിടത്തിന്റെ മുകളിലും കടപ്പുറത്തെ കൂടത്തിലും കൊണ്ടുപോയി സംഘ ആയി ചേർന്ന് ശാരീരികയുമായി പീഡിപ്പിക്കുകയായിരുന്നു. പെൺകുട്ടിയെ വീട്ടുകാരോട് പറഞ്ഞാൽ കൊന്നുകളയും എന്ന് ഭീഷണിപ്പെടുത്തിയിരുന്നു സ്കൂൾ തുറന്ന അവസരത്തിൽ സ്കൂളിൽ എത്തിയ കുട്ടി യുടെ സ്വഭാവത്തിലേയും പെരുമാറ്റത്തിലെയും വ്യത്യാസങ്ങൾ കണ്ട് വിവരങ്ങൾ ചോദിച്ചറിഞ്ഞ സ്കൂൾ അധികൃതർ ചൈൽഡ് വെൽഫെയർ കമ്മിറ്റിയെ വിവരം അറിയിക്കുകയായിരുന്നു തുടർന്ന് കൗൺസിലിംഗ് ലഭ്യമാക്കിയ വിദ്യാർത്ഥിനിയെ വനിതാ പോലീസ് ഉദ്യോഗസ്ഥർമൊഴി രേഖപ്പെടുത്തുകയായിരുന്നു
വീടിനടുത്തുള്ളതും കടൽ പണിക്കും മറ്റും പോകുന്നതുമായ പ്രതികളെ വിവിധ സ്ഥലത്ത് നിന്നും പോലീസ് കണ്ടെത്തി അറസ്റ്റ് ചെയ്യുകയായിരുന്നു.വെട്ടൂർ വില്ലേജിൽ വെന്നിക്കോട് വാലേന്റെ കുഴി ചരുവിള പുത്തൻവീട്ടിൽ മുശിട് എന്ന് വിളിക്കുന്ന കബീർ (57) അഞ്ചുതെങ്ങ് പാലത്തിന് സമീപം കൂട്ടിൽ വീട്ടിൽ സമീർ (33 ) അഞ്ചുതെങ്ങ് പാലത്തിന് സമീപം കൂട്ടിൽ വീട്ടിൽ നവാബ് (25 )
അഞ്ചുതെങ്ങ് മുസ്ലിം പള്ളിക്ക് സമീപം കൊച്ചിക്കളം വീട്ടിൽ ഷൈല എന്ന് വിളിക്കുന്ന സൈനു ലാബീദീൻ (59) എന്നിവരാണ് പിടിയിലായത്.പ്രതികളെ തെളിവെടുപ്പിന് ശേഷം കോടതിയിൽ ഹാജരാക്കി റിമാന്റ് ചെയ്തു
by Midhun HP News | Aug 19, 2022 | Latest News, കേരളം, ജില്ലാ വാർത്ത
പെരുമാതുറ : ഇന്ത്യൻ സ്വാതന്ത്ര്യത്തിന്റെ എഴുപത്തിയഞ്ചാം
വാർഷികാഘോഷങ്ങളുടെ ഭാഗമായി പെരുമാതുറയിലെ പ്രമുഖ ഗാന്ധിയൻ ഉമർ സാറിനെ (എം.എം.ഉമ്മർ) ഇന്ത്യൻ നാഷണൽ കോൺഗ്രസ് ചിറയിൻകീഴ് മണ്ഡലം കമ്മിറ്റി ആദരിച്ചു.
പെരുമാതുറ ജംഗ്ഷനിൽ നടന്ന പരിപാടിയിൽ കോൺഗ്രസ് മണ്ഡലം പ്രസിഡന്റ് ജോഷിബായ് അദ്ധ്യക്ഷത വഹിച്ചു. ബ്ലോക്ക് പ്രസിഡന്റ് വിശ്വനാഥൻ നായർ ചടങ്ങ് ഉദ്ഘാടനം ചെയ്തു. തുടർന്ന് അദ്ദേഹം ഉമർസാറിനെ പൊന്നാട അണിയിച്ച് ആദരിക്കുകയും ആദരസൂചകമായി മണ്ഡലം കമ്മിറ്റിയുടെ ഫലകം കൈമാറുകയും ചെയ്തു. ഷഹീർ സലിം പെരുമാതുറ ആമുഖ പ്രഭാഷണത്തിലൂടെ ഉമർ സാറിനെ സദസ്സിന് പരിചയപ്പെടുത്തി.
ഗാന്ധിദർശൻ, ഗാന്ധി സ്മാരക നിധി, ഗാന്ധി പീസ് ഫൗണ്ടേഷൻ, ശാന്തിസേന, കേരള യൂണിവേഴ്സിറ്റിയുടെ ഗാന്ധിയൻ പഠന കേന്ദ്രം തുടങ്ങി നിരവധി മേഖലകളിൽ ഗാന്ധി ദർശനങ്ങളുടെ പ്രചാരണത്തിനായി പ്രവർത്തിച്ചിട്ടുള്ള അദ്ദേഹം മാറാട് കലാപം നടന്നപ്പോഴുള്ള സർക്കാരിന്റെ സമാധാന സേനയിലും അംഗമായിരുന്നു. കലാപ കലുഷിതമായ മേഖലയിൽ നിരവധി ദിവസം താമസിച്ച് സമാധാനം പുനസ്ഥാപിക്കാൻ അദ്ദേഹവും സംഘവും പരിശ്രമിച്ചു.
കോൺഗ്രസ് ശാർക്കര മണ്ഡലം പ്രസിഡന്റ് അഡ്വ.രാജേഷ്.ബി.നായർ മുഖ്യപ്രഭാഷണം നടത്തി. ബ്ലോക്ക് കോൺഗ്രസ് ജനറൽ സെക്രട്ടറി സുനിൽ സലാം സ്വാഗതവും യൂത്ത് കോൺഗ്രസ് മണ്ഡലം പ്രസിഡന്റ് റാഫി ബഷീർ നന്ദിയും പറഞ്ഞു.
by Midhun HP News | Aug 19, 2022 | Latest News, കേരളം, ജില്ലാ വാർത്ത
ആറ്റിങ്ങലിലെ സ്വകാര്യ ബസുകളുടെ അടിയ്ക്കടിയുള്ള മിന്നൽ പണിമുടക്കിനെതിരെ ട്രാൻസ്‌പോർട്ട് കമ്മീഷണർക്ക് പരാതി നൽകി. സാമൂഹ്യ പ്രവർത്തകനായ അഞ്ചുതെങ്ങ് സജനാണ് യാത്രക്കാരെ ദ്രോഹിക്കുന്ന സ്വകാര്യ ബസ് പണിമുടക്ക്കൾക്കെതിരെ കർശന നടപടി സ്വീകരിക്കണമെന്ന് ആവിശ്യപ്പെട്ടുകൊണ്ട് ട്രാൻസ്‌പോർട്ട് കമ്മീഷണർക്ക് പരാതി നൽകിയത്.
കഴിഞ്ഞ രണ്ടാഴ്ചകൾക്കിടെ രണ്ടുതവണയാണ് ആറ്റിങ്ങൽ – വർക്കല – ചിറയിൻകീഴ് മേഖലകളിൽ സർവീസ് നടത്തുന്ന സ്വകാര്യബസുകൾ പണിമുടക്കിയത്.
സാധാരണക്കാർക്ക് വളരെയേറെ ആശ്വാസകരവും പ്രയോജനകരവും ആയിട്ടുള്ള ഈ പൊതു സംവിധാനം യാതൊരു മുന്നറിയിപ്പും കൂടാതെ ബസ് ഉടമകളും ജീവനക്കാരും
ചേർന്ന് അവർക്ക് തോന്നും പടി സർവീസ് നിർത്തിവച്ചുകൊണ്ട് യാത്രക്കാരെ ദ്രോഹിയ്ക്കുകയാണ്.
ഗ്രാമപ്രദേശങ്ങളിൽ നിന്ന് ആറ്റിങ്ങൽ മേഖലകളിലേക്ക് വിദ്യാഭ്യാസത്തിനും തൊഴിലുമായി എത്തുന്ന സ്ത്രീകളും വിദ്യാർത്ഥിനികളും അടക്കമുള്ളവരെ ഇത്തരം മിന്നൽ പണിമുടക്കുകൾ വളരെയേറെ ബാധിക്കുന്നുണ്ട്. പലപ്പോഴും വിദ്യാർത്ഥികൾ ഉൾപ്പെടെയുള്ളവർക്ക് വീട്ടിലേക്ക് തിരികെ പോകുവാൻ മറ്റു ടാക്സി സംവിധാനങ്ങളെ ഉപയോഗപ്പെടുത്തുവാൻ ഉള്ള പണം കയ്യിൽ കരുതാത്തതിനാൽ, വീട്ടിൽ നിന്നും മാതാപിതാക്കൾ ആറ്റിങ്ങിൽ എത്തി വിദ്യാർത്ഥികളെ കൂട്ടിക്കൊണ്ടു പോകേണ്ട അവസ്ഥയാണ് നിലവിലുള്ളത്.
എത്രയും പെട്ടെന്ന് തന്നെ ഇത്തരം പൊതുസംവിധാനങ്ങളിൽ ഏർപ്പെടുത്തുന്ന മിന്നൽ പണിമുടക്ക്കൾക്കെതിരെ ശക്തമായ നടപടി സ്വീകരിക്കുകയും പൊതുജനങ്ങളെ ബുദ്ധിമുട്ടിക്കുന്ന ഇത്തരം വാഹനങ്ങളുടെ പെർമിറ്റുകൾ ക്യാൻസൽ ചെയ്യുന്നത് ഉൾപ്പെടെയുള്ള ഉചിതമായ കർശന നടപടികൾ സ്വീകരിക്കണമെന്നും അദ്ദേഹം ട്രാൻസ്‌പോർട്ട് കമ്മീഷണർക്ക് നൽകിയ പരാതിയിൽ പറയുന്നു.
by Midhun HP News | Aug 19, 2022 | Latest News, കേരളം, ജില്ലാ വാർത്ത
ആറ്റിങ്ങൽ: ഗവ : മോഡൽ ബി എച്ച് എസ് എസ്സിൽ ഹയർസെക്കന്ററി വിഭാഗത്തിൽ ഇക്കണോമിക്സ് ( ജൂനിയർ ) ഒഴിവുണ്ട്. അഭിമുഖം വെള്ളിയാഴ്ച രാവിലെ 10ന്.
by Midhun HP News | Aug 19, 2022 | Latest News, കേരളം, ജില്ലാ വാർത്ത
പ്രിയദര്‍ശിനി സ്റ്റഡിസെന്‍റര്‍ കാര്‍ഷക ദിനാചരണവും അവാര്‍ഡ് ദാനവും സംഘടിപ്പിച്ചു. ആറ്റിങ്ങല്‍ പാലസ് റോഡില്‍ ആറ്റുകാല്‍ അപ്പാര്‍ട്ട്മെന്‍റ് ഹാളില്‍ വെച്ചുനടന്ന ചടങ്ങ് മുന്‍ എം.എല്‍.എ വര്‍ക്കല കഹാര്‍ ഉദ്ഘാടനം ചെയ്തു. ആറ്റിങ്ങല്‍ മണ്ഡലത്തിലെ കര്‍ഷകരെയും യുവ കർഷകരെയും ചടങ്ങില്‍ ആദരിക്കുകയും, നിര്‍ദ്ധരരായ കുടുംബങ്ങള്‍ക്ക് ഓണകിറ്റും, ഓണക്കോടിയും നൽകി. ഡി.സി.സി ജനറല്‍ സെക്രട്ടറിയും നഗരസഭാ കൗൺണ്‍സിലറുമായ പി.ഉണ്ണികൃഷ്ണന്‍, ബി.എസ്.രാധാകൃഷ്ണന്‍നായര്‍, ബ്ലോക്ക് കോണ്‍ഗ്രസ്സ് പ്രസിഡന്റ് റ്റി.പി.അംബിരാജ, കൗണ്‍സിലര്‍മാരായ വി.മുരളീധരന്‍നായര്‍, ഗ്രാമം ശങ്കര്‍, കെ.ജെ.രവികുമാര്‍, മുൻ കൗണ്‍സിലര്‍ ആര്‍.എസ്.പ്രശാന്ത്, ബ്ലോക്ക് കോണ്‍ഗ്രസ്സ് ഭാരവാഹികളായ എസ്.രഘുറാം, ഇല്ല്യാസ്, രാജീവ് യൂത്ത് സെന്‍റര്‍ ഭാരവാഹികളായ സതീഷ്കൊല്ലമ്പുഴ, അഭിരാജ്, അരുണ്‍, സുരേഷ്കുമാര്‍ തുടങ്ങിയവര്‍ സംസാരിച്ചു.
Recent Comments