ബലിതർപ്പണ പുണ്യവുമായി ഗുരുനാഗപ്പൻ കാളിയമർദ്ദന ശ്രീകൃഷണ സ്വാമി ക്ഷേത്രം
ആറ്റിങ്ങൽ: മേൽക്കടക്കാവൂർ ശ്രീ ഗുരുനാഗപ്പൻ കാളിയമർദ്ദന ശ്രീകൃഷണ സ്വാമി ക്ഷേത്രത്തിൽ ബലി തർപ്പണം നടന്നു.
നിത്യോപയോഗ സാധനങ്ങളെ ജി.എസ്.ടി.യിൽനിന്ന് ഒഴിവാക്കുമെന്ന് മന്ത്രി
ന്യൂഡൽഹി: സപ്ലൈകോ വഴി വിതരണം ചെയ്യുന്ന സബ്സിഡിയുള്ള 13 നിത്യോപയോഗ സാധനങ്ങളെ ജി.എസ്.ടി.യിൽ നിന്ന് ഒഴിവാക്കി ഉടൻ ഉത്തരവ് പുറത്തിറക്കുമെന്ന് സിവിൽ സപ്ലൈസ് മന്ത്രി ജി.ആർ. അനിൽ പറഞ്ഞു.
അരി ഉൾപ്പെടെയുള്ള നിത്യോപയോഗ സാധനങ്ങൾക്ക് ജി.എസ്.ടി. ഉണ്ടാവില്ലെന്ന് മുഖ്യമന്ത്രിയും ധനമന്ത്രിയും വ്യക്തമാക്കിയതാണ്. എന്നാൽ, പാക്കറ്റിൽ വിൽക്കുന്ന ചില ഭക്ഷ്യോത്പന്നങ്ങൾക്ക് ജി.എസ്.ടി. ചുമത്തി വിലകൂട്ടി വിൽക്കുന്നതായി വ്യാഴാഴ്ച വാർത്തകൾ പുറത്തുവന്നിരുന്നു. ഈ പശ്ചാലത്തിലാണ് മന്ത്രിയുടെ വിശദീകരണം.
കൂട്ടിയ ജി.എസ്.ടി. സംസ്ഥാനത്ത് നടപ്പാക്കില്ലെന്നല്ല, 40 ലക്ഷത്തിൽത്താഴെ വിറ്റുവരവുള്ള കടകളിൽ കൂട്ടിയ ജി.എസ്.ടി. ഈടാക്കരുതെന്നാണ് സർക്കാർനിലപാട്. സപ്ലൈകോയിൽ സബ്സിഡി ഉത്പന്നങ്ങൾക്ക് ജി.എസ്.ടി. ഈടാക്കുന്നില്ല. സബ്സിഡിയുള്ള നിത്യോപയോഗ സാധനങ്ങൾ ഉപഭോക്താക്കൾക്ക് അപ്പപ്പോൾ പാക്ക് ചെയ്തുനൽകുന്നതാണ്. അവയ്ക്ക് ജി.എസ്.ടി. വാങ്ങില്ല. എന്നാൽ, ബ്രാൻഡഡ് ഉത്പന്നങ്ങൾക്ക് നികുതി ഈടാക്കിയിരുന്നത് തുടരും. അതിൽ സർക്കാരിനൊന്നും ചെയ്യാനാകില്ല.
‘ഞാൻ’ ; ഹ്രസ്വ ചിത്രത്തിന്റെ ഫസ്റ്റ് ലുക്ക്‌ പോസ്റ്റർ പ്രകാശനം നടന്നു
തിരുവനന്തപുരം: ഞാൻ എന്ന ഹ്രസ്വ സിനിമയുടെ ഫസ്റ്റ് ലുക്ക്‌ പോസ്റ്റർ പ്രകാശനം സൂര്യ കൃഷ്ണമൂർത്തി നടത്തി. സ്വവസതിയിൽ വച്ച് വിജയൻ പാലാഴിക്ക് നൽകിയാണ് പോസ്റ്റർ പ്രകാശനം നിർവഹിച്ചത്.
ഡിങ്കിരി അനിൽ ആണ് ചിത്രത്തിന്റെ സംവിധാനം.
എ. കെ. നൗഷാദ്, അനിൽദാസ് വരയത്ത്, മനു അൽ ഷഹാമ എന്നിവർ ചടങ്ങിൽ സംബന്ധിച്ചു.
ചിത്രത്തിന്റെ കഥ: ജയശങ്കർ ചിറയിൽ.
ക്യാമറ: അഭിലാഷ് റംബൂസ്.
കേരള സാഹിത്യ അക്കാഡമി; പുസ്തക പ്രകാശനം നടന്നു
തിരുവനന്തപുരം: എഴുത്തുകാരനും അധ്യാപകനുമായ ഡോ.ദീപു.പി. കുറുപ്പ് രചിച്ച് കേരള സാഹിത്യ അക്കാഡമി പ്രസിദ്ധീകരിച്ച “തെക്കൻ തോറ്റംപാട്ട് പാഠവുംസംശോധിത പഠനവും” എന്ന പുസ്തകത്തിന്റെ പ്രകാശന കർമ്മം ഉന്നത വിദ്യാഭ്യാസ വകുപ്പ് മന്ത്രി ഡോ.ആർ. ബിന്ദു നിർവഹിച്ചു.
ആറ്റിങ്ങൽ എംഎൽഎ ഒ.എസ് അംബിക അധ്യക്ഷത വഹിച്ച യോഗത്തിൽ ബി പി മുരളി,ഡോ. ഷിജുഖാൻ, എ സഹാസ്, പി ജെ നഹാസ്, ദീപാ പങ്കജാക്ഷൻ, ഫാസിരാജ് തുടങ്ങിയവർ പങ്കെടുത്തു.
ശിവഗിരി ധർമ്മ സംഘം ട്രസ്റ്റ് അംഗം സഹജാനന്ദ സ്വാമി സമാധിയായി
വർക്കല: ശിവഗിരി ധർമ്മ സംഘം ട്രസ്റ്റ് അംഗം സഹജാനന്ദ സ്വാമി (88) സമാധിയായി. വാർദ്ധക്യ സഹജമായ അസുഖത്തെ തുടർന്ന് ശിവഗിരി മിഷൻ ആശുപത്രിയിൽ ചിൽകിത്സയിൽ കഴിയവേ ഇന്ന് വെളുപ്പിന് മൂന്ന് മണിയോടെയാണ് സമാധിയായത്. കോഴിക്കോട് സ്വദേശിയായ സ്വാമി സഹജാനന്ദ സന്യാസ ദീക്ഷ സ്വീകരിച്ചു 45 വർഷത്തോളമായി.
ശിവഗിരിയിലെ അവസാനത്തെ മഠാധിപതി ശങ്കരനന്ദ സ്വാമികളുടെ ശിക്ഷത്വം സ്വീകരിച്ച്‌ ത്യാഗിയായി ദീർഘകാലം ശിവഗിരി മഠത്തിൽ സേവനമനുഷ്ഠിച്ചു വരികയായിരുന്നു. ആലുവ അദ്വൈതാശ്രമം, എറണാകുളം ശങ്കരാനന്ദ ആശ്രമം, കർണാടകയിലെ ശാന്തനന്ദാശ്രമം എന്നിവിടങ്ങളിൽ സെക്രട്ടറിയായി ചുമതല വഹിച്ചിട്ടുണ്ട്. ഭൗതിക ശരീരം ശിവഗിരിയിൽ പൊതുദർശന ചടങ്ങുകൾക്ക് ശേഷം വൈകുന്നേരം നാല് മണിയോടെ ശിവഗിരി സമാധി പറമ്പിൽ ആവും സമാധി ഇരുത്തുക.
പെരുംകുളം എ എം എൽ പി എസിൽ ഇംഗ്ലീഷ് ക്ലബ് ഉദ്ഘാടനം ചെയ്തു
പെരുംകുളം: ഇംഗ്ലീഷ് ക്ലബ് ഉദ്ഘാടനത്തോടൊപ്പം അക്കാദമിക് മാസ്റ്റർ പ്ലാൻ ഇംഗ്ലീഷ് പ്രകാശനവും നടന്നു. മാസ്റ്റർ പ്ലാൻ വിഭാവനം ചെയ്യുന്ന അടിസ്ഥാന ശേഷികൾ കൈവരിക്കുന്നതിനായി കുട്ടികളും രക്ഷിതാക്കളും ചേർന്ന് തയ്യാറാക്കിയ റീഡിങ് കാർഡുകൾ പ്രകാശനം ചെയ്ത് സ്കൂൾ ഹെഡ്മാസ്റ്റർ പ്രവീൺ ക്ലബ് ഉദ്ഘാടനം ചെയ്തു. ക്ലബ്ബ് അംഗങ്ങളായ ഷിജി, സിബി എന്നിവർ പരിപാടികൾക്ക് നേതൃത്വം നൽകി. കുട്ടികൾ അവതരിപ്പിച്ച ഇംഗ്ലീഷ് അസംബ്ലി ശ്രദ്ധേയമായി.
Recent Comments