വർക്കലയിൽ കർശനമായ ഗതാഗത നിയന്ത്രണം തുടങ്ങി

by Midhun HP News | Jul 27, 2022 | Latest News, കേരളം, ജില്ലാ വാർത്ത

വർക്കല: കർക്കിടകവാവ് ബലി തർപ്പണത്തോടനുബന്ധിച്ചു വർക്കല പാപനാശത്തേക്ക് ഭക്തജന പ്രവാഹം തുടങ്ങിയതോടെ വർക്കലയിലേക്കു ശക്തമായ ഗതാഗതം നിയന്ത്രണം തുടങ്ങി.
ബുധനാഴ്ച വൈകുന്നേരം ആരംഭിച്ച ഗതാഗത നിയന്ത്രണം വ്യാഴാഴ്ച ഉച്ച വരെ തുടരും. പാലച്ചിറ, പുത്തൻചന്ത ഭാഗങ്ങളിൽ നിന്ന് പാപനാശത്തേക്ക് വരുന്ന ബസുകൾ വർക്കല, പുന്നമൂട്, കൈരളി നഗർ വഴി ആൽത്തറമൂട്ടിലെത്തി യാത്രക്കാരെ ഇറക്കുകയും കയറ്റുകയും ചെയ്ത ശേഷം മൈതാനം ജംഗ്ഷൻ വഴി തിരിച്ചു പോകണം.

കാപ്പിൽ, ഇടവ ഭാഗത്തു നിന്നു വരുന്ന ബസ്സ് ഒഴികെയുള്ള വാഹനങ്ങൾ ഇടവ പ്രസ്സ് മുക്കിൽ നിന്നും വലത്തോട്ട് തിരിഞ്ഞ് മാന്തറ, അഞ്ചു മുക്ക് വഴി വർക്കല ക്ഷേത്രം ഭാഗത്തേക്ക്‌ പോകും.
കാപ്പിൽ ഭാഗത്തേക്ക്‌ തിരികെ പോകേണ്ടുന്ന വാഹനങ്ങൾ ആൽത്തറമൂട്, മൈതാനം, പുന്നമൂട്, ജനതാമുക്ക്, ഇടവ വഴി പോകണം.
അയിരൂർ, നടയറ ഭാഗങ്ങളിൽ നിന്നും വരുന്ന വാഹനങ്ങൾ നടയറ നിന്നും ഇടത്തോട്ട് തിരിഞ്ഞ് എസ്. എൻ. കോളേജ്, പാലച്ചിറ, പുത്തൻചന്ത, മൈതാനം, പുന്നമൂട് വഴി വർക്കല ക്ഷേത്രം ഭാഗത്തേക്ക്‌ പോകണം.
നടയറ, അയിരൂർ ഭാഗങ്ങളിലേക്ക് തിരികെ പോകേണ്ടുന്ന വാഹനങ്ങൾ ആൽത്തറമൂട്, മൈതാനം, പുന്നമൂട്, ജനതാമുക്ക്, കരുന്നിലാക്കോട്, കണ്ണമ്പ വഴി പോകേണ്ടതാണ്.
കിളിത്തട്ടുമുക്കിൽ നിന്നും ആൽത്തറമൂട്, കൈരളി നഗർ എന്നിവിടങ്ങളിലേക്ക് വാഹനങ്ങൾ കടത്തി വിടുന്നതല്ല. നടയറയിൽ നിന്നും മറ്റും പുന്നമൂട് വഴി വർക്കല ഭാഗത്തേക്കും പുന്നമൂട്ടിൽ നിന്നും വർക്കല റെയിൽവേ സ്റ്റേഷൻ ഭാഗത്തേക്കും യാതൊരു കാരണവശാലും വാഹന ഗതാഗതം അനുവദിക്കുന്നതല്ല.

വാഹന പാർക്കിംഗ് :
——————————-
വാഹന പാർക്കിങ്ങിനായി വിവിധ സ്ഥലങ്ങളിൽ വിപുലമായ സൗകര്യങ്ങൾ ഒരുക്കിയിട്ടുണ്ട്. ശിവഗിരി എസ്. എൻ. കോളേജ്, എസ്. എൻ. സീനിയർ സെക്കന്ററി സെൻട്രൽ സ്കൂൾ എന്നിവിടങ്ങളിൽ എല്ലാ വാഹങ്ങൾക്കും പാർക്ക് ചെയ്യാവുന്നതാണ്.
ഹെലിപ്പാട്, പെരുംകുളം, നടക്കാവ് മുക്ക്, റെയിൽവേ സ്റ്റേഷൻ, ശ്രീകൃഷ്ണ സ്വാമി ക്ഷേത്ര പരിസരം എന്നിവിടങ്ങളിൽ കാർ, ഇരു ചക്ര വാഹനങ്ങൾ എന്നിവ പാർക്ക് ചെയ്യാവുന്നതാണ്.
പുന്നമൂട് ഗവ: ഐ. റ്റി. ഐ., വാച്ചർ മുക്ക്, നന്ദാവനം, മൈതാനം കൃഷി ഭവന് സമീപം, ആയൂർവേദ ആശുപത്രിക്ക് സമീപം എന്നിവിടങ്ങളിൽ ഇരു ചക്ര വാഹനങ്ങൾക്ക് പാർക്ക് ചെയ്യാം. മറ്റ് സ്ഥലങ്ങളിൽ യാതൊരു വിധ പാർക്കിംഗും അനുവദിക്കില്ല. അനധികൃത പണപ്പിരിവും അനധികൃത കച്ചവടവും നിരോധിച്ചിട്ടുണ്ട്.
ഗതാഗത നിയന്ത്രണത്തിനും ക്രമ സമാധാന പരിപാലനത്തിനും പോലിസ് ഏർപ്പെടുത്തിയ ക്രമീകരണങ്ങളുമായി ഭക്ത ജനങ്ങളും, നാട്ടുകാരും വ്യാപരികളും സഹകരിക്കണമെന്ന് വർക്കല ഡി വൈ എസ് പി നിയാസ്. പി. അഭ്യർത്ഥിച്ചു.

കേരള സാഹിത്യ അക്കാദമി പുരസ്കാരങ്ങൾ പ്രഖ്യാപിച്ചു

by Midhun HP News | Jul 27, 2022 | Latest News, കേരളം, ജില്ലാ വാർത്ത

തൃശ്ശൂർ: കേരള സാഹിത്യ അക്കാദമി അവാർഡുകൾ പ്രഖ്യാപിച്ചു. രണ്ട് പേർക്കാണ് അക്കാദമിയുടെ വിശിഷ്ടാംഗത്വം. കഥാകൃത്ത് വൈശാഖനും പ്രൊഫസർ കെ.പി.ശങ്കരനും. അമ്പതിനായിരം രൂപയും രണ്ട് പവൻ തൂക്കം വരുന്ന സ്വർണ പതക്കവുമാണ് പുരസ്കാരം.

മറ്റ് പുരസ്കാരങ്ങൾ:

കവിത: അൻവർ അലി (മെഹബൂബ് എക്സ്പ്രസ്)
നോവൽ (രണ്ട് പേർക്ക്): ഡോ. ആർ.രാജശ്രീ (കല്യാണിയെന്നും ദാക്ഷായണിയെന്നും പേരായ രണ്ട് സ്ത്രീകളുടെ കഥ), വിനോയ് തോമസ് (പുറ്റ്)
ചെറുകഥ: ദേവദാസ് വി.എം. (വഴി കണ്ടുപിടിക്കുന്നവർ)
നാടകം: പ്രദീപ് മണ്ടൂർ (നമുക്ക് ജീവിതം പറയാം)
സാഹിത്യ വിമർശനം : എൻ.അജയകുമാർ (വാക്കിലെ നേരങ്ങൾ)

വൈജ്ഞാനിക സാഹിത്യം : ഡോ. ഗോപകുമാർ ചോലയിൽ (കാലാവസ്ഥാ വ്യതിയാനവും കേരളവും: സൂചനകളും കാരണങ്ങളും)
ജീവചരിത്രം/ആത്മകഥ : പ്രൊ. ടി.ജെ.ജോസഫ് (അറ്റുപോകാത്ത ഓർമ്മകൾ), എം.കുഞ്ഞാമൻ (എതിര്)
യാത്രാവിവരണം: വേണു (നഗ്നരും നരഭോജികളും)
ബാലസാഹിത്യം: രഘുനാഥ് പലേരി (അവർ മൂവരും ഒരു മഴവില്ലും)
ഹാസ്യ സാഹിത്യം: ആൻ പാലി (അ ഫോർ അന്നാമ്മ)

സമഗ്ര സംഭാവനാ പുരസ്കാരം (ആറ് പേർക്ക്):
ഡോ: കെ.ജയകുമാർ, കടത്തനാട്ട് നാരായണൻ, ജാനമ്മ കുഞ്ഞുണ്ണി, കവിയൂർ രാജഗോപാലൻ, ഗീത കൃഷ്ണൻകുട്ടി, കെ.എ.ജയശീലൻ

2018ലെ വിലാസിനി പുരസ്കാരം: ഇ.വി.രാമകൃഷ്ണൻ(മലയാള നോവലിന്റെ ദേശ കാലങ്ങൾ)

സി.ഐ.ടി.യു; തിരുവനന്തപുരം ജില്ലാ കൺവെൻഷൻ നടന്നു

by Midhun HP News | Jul 27, 2022 | Latest News, കേരളം, ജില്ലാ വാർത്ത

തിരുവനന്തപുരം: കലാകാരൻമാരുടെ സംഘടനയായ കേരളാ സ്റ്റേജ് വർക്കേഴ്സ് യൂണിയൻ(സി.ഐ.ടി.യു) തിരുവനന്തപുരം ജില്ലാ കൺവെൻഷൻ, സി.ഐ.ടി.യു ജില്ലാ പ്രസിഡന്റ് ആർ.രാമു ഉദ്ഘാടനം ചെയ്തു. സംസ്ഥാന ആക്ടിംഗ് പ്രസിഡന്റ് അഡ്വ.ബി.സത്യൻ മുഖ്യപ്രഭാഷണം നടത്തി.

അടിക്കടി ഉണ്ടാകുന്ന പ്രളയം ഉൾപ്പെടെയുള്ള ദുരന്തങ്ങളിൽ ദുരിതം അനുഭവിക്കുന്ന കലാകാരൻമാർക്ക് തൊഴിൽ സംരക്ഷണം ഉറപ്പ് വരുത്തണമെന്നും അവരുടെ കുടുംബങ്ങളെ സംരക്ഷിക്കുന്നതിന് വേണ്ടിയുള്ള നടപടികൾ കൈക്കൊള്ളണമെന്നും പ്രമേയത്തിലൂടെ സർക്കാരിനോട് ആവശ്യപ്പെട്ടു.

യൂണിയൻ സംസ്ഥാന ജനറൽ സെക്രട്ടറി അനിൽ ആറ്റിങ്ങൽ സംഘടനാ രേഖയും ജില്ലാ സെക്രട്ടറി റാഫി മുദാക്കൽ റിപ്പോർട്ടും അവതരിപ്പിച്ചു. സി.പി.ഐ.(എം) മംഗലപുരം ഏര്യാ സെക്രട്ടറി മധു മുല്ലശ്ശേരി, സി.ഐ.ടി.യു ഏര്യാ സെക്രട്ടറി മധു വേങ്ങോട്, പ്രസിഡന്റ് വിജയകുമാർ, അണ്ടൂർക്കോണം പഞ്ചായത്ത് പ്രസിഡന്റ് ഹരികുമാർ, സി.പി.ഐ.എം ഏര്യാ കമ്മിറ്റി അംഗം കെ.ശ്രീകുമാർ, യൂണിയൻ സംസ്ഥാന കമ്മിറ്റി അംഗങ്ങളായ പരപ്പിൽ കറുപൻ, സദാശിവൻ നായർ, മടവൂർ രാജേന്ദ്രൻ, ടി.ഗോപകുമാർ, സുജ പീലി, യൂണിയൻ ജില്ലാ പ്രസിഡന്റ് ടി.കെ.മാധവൻ ട്രഷറർ പി.സി.മോഹനൻ, പള്ളിപ്പുറം ശിവപ്രസാദ് എന്നിവർ പങ്കെടുത്തു.

ഭാരവാഹികൾ: ഷാജി ആറാലുംമൂട് (പ്രസിഡന്റ്), റാഫി മുദാക്കൽ(സെക്രട്ടറി), ടി.കെ.മാധവൻ (ട്രഷറർ), വി.വിജയകുമാർ, അജിത്ത് തോട്ടയ്ക്കാട്, പി.സി.മോഹനൻ (വൈസ്പ്രസിഡന്റുമാർ),
നോവൽ രാജ്, ചിത്രാ സുധീർ, ബിന്ദുലാൽ തോന്നയ്ക്കൽ(ജോയിന്റ് സെക്രട്ടറിമാർ).

പഴയ കുന്നുമ്മൽ ഗ്രാമപഞ്ചായത്ത് ലൈഫ് ഭവന പദ്ധതി ലിസ്റ്റ് ; ഗ്രാമസഭകൾ ഇന്നു മുതൽ

by Midhun HP News | Jul 27, 2022 | Latest News, കേരളം, ജില്ലാ വാർത്ത

കിളിമാനൂർ: പഴയ കുന്നുമ്മൽ ഗ്രാമപഞ്ചായത്തിലെ ലൈഫ് മിഷൻ പദ്ധതി പ്രകാരം അപേക്ഷ സമർപ്പിച്ചവരിൽ അർഹരായ ഗുണഭോക്താ കുടുംബങ്ങളുടെ പട്ടിക ഗ്രാമസഭ അംഗീകാരത്തിന് നൽകുന്നതിനുള്ള ഗ്രാമസഭ ഇന്നു ആരംഭിച്ചു.
ചുവടെ ചേർക്കുന്ന പ്രകാരം നടത്തുന്നു. വാർഡ്/ തീയതി/ സമയം/ സ്ഥലം എന്നീ ക്രമത്തിൽ ചേർക്കുന്നു വാർഡ് ഒന്ന് തട്ടത്തുമല: ജൂലൈ 27 രാവിലെ 10 മണിക്ക് കെ എം ലൈബ്രറി തട്ടത്തുമല, വാർഡ് രണ്ട് പറണ്ടകുഴി: 27ന് രാവിലെ 10 മണിക്ക് ഫിസ്റ്റ് ജംഗ്ഷൻ പറണ്ടകുഴി, വാർഡ് 3 ചെമ്പകശ്ശേരി: 27ന് ഉച്ചയ്ക്ക് രണ്ടുമണിക്ക് ബഡ്സ് സ്കൂൾ തട്ടത്തുമല, വാർഡ് 4 കുളപ്പാറ: 29ന് രാവിലെ 10 മണിക്ക് കുളപ്പാറ ജംഗ്ഷൻ, വാർഡ് 5 ഷെഡികട: 27 ന് രാവിലെ 10 മണിക്ക് വടക്കുംപുറം അംഗൻവാടി, വാർഡ് 6 ചെറുനാരകംകോട്: 29ന് രാവിലെ 10 മണിക്ക് ചെറുനാരകംകോട് ജംഗ്ഷൻ, വാർഡ് 7 തൊളിക്കുഴി: 29ന് ഉച്ചയ്ക്ക് രണ്ടുമണിക്ക് എസ് വി എൽപിഎസ് തൊളിക്കുഴി, വാർഡ് 8 അടയമൺ: ജൂലൈ 30 ഉച്ചയ്ക്ക് രണ്ടുമണിക്ക് അടയമൺ എൽപിഎസ്, വാർഡ് ഒമ്പത് വണ്ടന്നൂർ: 30 ഉച്ചയ്ക്ക് രണ്ടുമണിക്ക് അടയമൺ യുപിഎസ്, വാർഡ് 10 കാനറ: 30ന് രാവിലെ പത്തുമണിക്ക് പാപ്പാല എൽപിഎസിൽ, വാർഡ് 11 മഹാദേവേശ്വരം: 30 രാവിലെ 10 മണിക്ക് രാജാ രവിവർമ്മ കമ്മ്യൂണിറ്റി ഹാളിൽ, വാർഡ് 12 മഞ്ഞപ്പാറ: ആഗസ്റ്റ് 1 ഉച്ചയ്ക്ക് 2 നു ഇടക്കുന്നു സബ് സെൻറർ, വാർഡ് 13 കുന്നുമ്മൽ: ആഗസ്റ്റ് 1 രാവിലെ 10 മണിക്ക് കുന്നുമ്മൽ അംഗൻവാടി, വാർഡ് 14 പുതിയകാവ്: ജൂലൈ 29ന് ഉച്ചയ്ക്ക് രണ്ടുമണിക്ക് ആർട്ട് ഗ്യാലറി കിളിമാനൂർ, വാർഡ് 15 പഴയ കുന്നുമ്മേൻ: ഓഗസ്റ്റ് 2 രാവിലെ 10 മണിക്ക് വിളക്കാട്ടുകോണം അംഗൻവാടി, വാർഡ് 16 പാപ്പാല: ഓഗസ്റ്റ് രണ്ടിന് ഉച്ചയ്ക്ക് 2ന് പാപ്പാല എൽപിഎസ്, വാർഡ് 17 മണലേത്തു പച്ച: ഓഗസ്റ്റ് രണ്ടിന് രാവിലെ 10 മണിക്ക് സെൻറ് തോമസ് ഹാൾ പാപ്പാല, ജൂലൈ 27ന് ആരംഭിച്ച് ഓഗസ്റ്റ് രണ്ടിന് അവസാനിക്കുന്ന ഗ്രാമസഭകളിൽ പഞ്ചായത്തിലെ 17 വാർഡുകളിലെയും പൊതുജനങ്ങൾ അതാത് വാർഡുകളിൽ പങ്കെടുക്കണമെന്ന് അഭ്യർത്ഥിക്കുന്നതായി ഗ്രാമപഞ്ചായത്ത് പ്രസിഡൻറ് കെ.രാജേന്ദ്രൻ അറിയിച്ചു.

ചിറയിൻകീഴ് ഗ്രാമ പഞ്ചായത്തിന്റെ ആംബുലൻസ് സർവ്വീസ് പുനരാരംഭിയ്ക്കണമെന്ന ആവിശ്യവുമായ് നിവേദനം

by Midhun HP News | Jul 27, 2022 | Latest News, കേരളം, ജില്ലാ വാർത്ത

ചിറയിൻകീഴ് ഗ്രാമ പഞ്ചായത്തിന്റെ ആംബുലൻസ് സർവ്വീസ് പുനരാരംഭിയ്ക്കണമെന്ന ആവിശ്യവുമായ് സെക്രട്ടറിയ്ക്ക് നിവേദനം. ചിറയിൻകീഴ് എട്ടാം വാർഡ് (കോട്ടപ്പുറം) മെമ്പർ രാഖി എസ് എച്ചാണ് ആംബുലൻസ് സർവ്വീസ് പുനരാരംഭിയ്ക്കുവാനുള്ള അടിയന്തര നടപടി ഉണ്ടാകണമെന്ന് ആവിശ്യപ്പെട്ടുകൊണ്ട് ഗ്രാമ പഞ്ചായത്ത് സെക്രട്ടറിയ്ക്ക് നിവേദനം നൽകിയത്.

കോവിഡ്, വാനര വസൂരിപോലുള്ള മഹാമാരികളുടെ വ്യാപന ഭീതി നിലനിൽക്കുന്ന സാഹചര്യത്തിൽ പൊതുജനങ്ങൾക്ക് ആശ്രയമാകേണ്ട ആംബുലൻസ് സർവ്വീസ് നിലച്ച സാഹചര്യം ഗൗരവപൂർവ്വം പരിശോധിച്ചുകൊണ്ട് ഉടൻ തന്നെ ആവിശ്യമായ നടപടി കൈകൊള്ളണമെന്ന ആവിശ്യവുമായാണ് പഞ്ചായത്ത് അംഗമായ രാഖി എസ്.എച്ച് നിവേദനം നൽകിയിരിക്കുന്നത്.

പഞ്ചായത്ത് പരിധിയിലെ രോഗികളുടെ യാത്രാദുരിതം കണക്കിലെടുത്താണ് പഞ്ചായത്തിന് സ്വന്തമായി ഒരു ആംബുലൻസ് എന്ന ലക്ഷ്യത്തോടെ പ്രദേശവാസികളിൽ നിന്ന് സഹായം സ്വരൂപ്പിച്ച് വാങ്ങിയ ആംബുലൻസ് വാങ്ങി ഒരു വർഷം തികയും മുന്നേ തന്നെ സർവീസ് ലിയ്ക്കുകയായിരുന്നു.

ആംബുലൻസ് ഡ്രൈവർ വിദേശത്ത് പോയതോടെയാണ് സർവ്വീസ് നിലച്ചതെന്നാണ് അധികൃതർ നൽകുന്ന വിശദീകരണം, ഇതോടെ കഴിഞ്ഞ രണ്ട് മാസത്തിലേറെയായി ആംബുലൻസ് സർവീസ് മുടങ്ങിയ അവസ്ഥ

ഗാന്ധി ദർശൻ വേദി ആറ്റിങ്ങലിൽ സംഘടിപ്പിച്ചു

by Midhun HP News | Jul 27, 2022 | Latest News, കേരളം, ജില്ലാ വാർത്ത

ആറ്റിങ്ങൽ: കേരളാ പ്രദേശ് ഗാന്ധി ദർശൻ വേദി ആറ്റിങ്ങൽ നിയോജക മണ്ഡലം കമ്മിറ്റി ആറ്റിങ്ങൽ ഗോപി & സലിം ട്യൂട്ടോറിയലിൽ നടന്നു. ഗാന്ധി ദർശൻ വേദി ജില്ലാ വൈസ് ചെയർമാൻ പി. ജി. പ്രദീപിന്റെ അധ്യക്ഷതയിൽ കൂടിയ യോഗം ജില്ലാ ചെയർമാൻ എസ്. സുനിൽകുമാർ ഉത്‌ഘാടനം ചെയ്തു.

കോൺഗ്രസ്‌ ആറ്റിങ്ങൽ മണ്ഡലം പ്രസിഡന്റ് ഉണ്ണികൃഷ്ണൻ തോട്ടവാരം, കോൺഗ്രസ്‌ ആറ്റിങ്ങൽ ബ്ലോക്ക്‌ സെക്രട്ടറി രഘുറാം, ഐ. എൻ. റ്റി. യു. സി. ആറ്റിങ്ങൽ മണ്ഡലം പ്രസിഡന്റ് കൃഷ്ണ കുമാർ, ഗാന്ധി ദർശൻ വേദി ചിറയിൻകീഴ് നിയോജകമണ്ഡലം ചെയർമാൻ സന്തോഷ്‌ കുമാർ എന്നിവർ സംസാരിച്ചു. യൂത്ത് കോൺഗ്രസ്‌ നേതാവ് കിരൺ കൊല്ലമ്പുഴ നന്ദി രേഖപ്പെടുത്തി. ആറ്റിങ്ങൽ നിയോജക മണ്ഡലത്തിലെ എല്ലാ മണ്ഡലത്തിലേയും പ്രവർത്തകരെയും ഉൾപ്പെടുത്തി സമഗ്രമായ കമ്മിറ്റി രൂപീകരിക്കുന്നതിനായി കിരൺ കൊല്ലമ്പുഴയെ ചെയർമാൻ ആക്കി അഡ്‌ഹോക്ക് കമ്മിറ്റി രൂപീകരിച്ചു. ഓഗസ്റ്റ് 10 ന് മുമ്പ് കമ്മിറ്റി വിപുലീകരിക്കുവാൻ ചെയർമാനെ ചുമതലപ്പെടുത്തി കമ്മിറ്റി പിരിഞ്ഞു.