മലപ്പുറത്ത് വെഹിക്കിള്‍ ഇന്‍സ്പെക്ടര്‍ അറസ്റ്റില്‍. വഴിക്കടവ് ചെക്പോസ്റ്റിലെ എ.എം.വി.ഐ, ബി. ഷഫീസിനെയാണ് പിടികൂടിയത്. 50,700 രൂപ വിജിലന്‍സ് പിടിച്ചെടുത്തു. പരിശോധനക്കിടെ ബോധരഹിതനായ ഷഫീസിനെ ആശുപത്രിയില്‍ പ്രവേശിപ്പിച്ചു.
കൊച്ചി: സ്വർണക്കളളക്കടത്ത് കേസ് പ്രതി സ്വപ്ന സുരേഷിന്‍റെ രഹസ്യമൊഴിയുടെ പകർപ്പാവശ്യപ്പെട്ട് സോളാർ കേസ് പ്രതി സരിത എസ് നായർ നൽകിയ ഹർജിയിൽ ഹൈക്കോടതി അമിക്കസ് ക്യൂരിയെ നിയോഗിച്ചു. രഹസ്യമൊഴി പൊതുരേഖയാണോയെന്ന് സംശയം പ്രകടിപ്പിച്ച കോടതി ഈ നിയമപ്രശ്നത്തിൽ കോടതിയെ സഹായിക്കുന്നതിനാണ് അമിക്കസ് ക്യൂരിയായി അഡ്വ. ധീരേന്ദ്ര കൃഷ്ണനെ ചുമതലപ്പെടുത്തിയത്. സ്വപ്നയുടെ രഹസ്യമൊഴിയിൽ തനിക്കെതിരെ പരാമർശമുണ്ടെന്നറിഞ്ഞെന്നും അതിനാൽത്തന്നെ മൊഴിയുടെ പകർപ്പ് കിട്ടാൻ അവകാശമുണ്ടെന്നുമാണ് സരിതയുടെ വാദം. ഹർജി ഈ മാസം 11ന് വീണ്ടും പരിഗണിക്കും.
അതേസമയം, സ്വർണക്കടത്ത് കേസിലെ കള്ളപ്പണ ഇടപാടിൽ സ്വപ്ന സുരേഷിനെ ഇഡി ചോദ്യം ചെയ്യുന്നത് തുടരുകയാണ്. നാലാം തവണയാണ് സ്വപ്ന ഇഡിയ്ക്ക് മുന്നിൽ ഹാജരായത്. കോടതിയിൽ നൽകിയ രഹസ്യ മൊഴിയുടെ പകർപ്പ് ലഭിച്ചതിന് പിന്നാലെയാണ് എൻഫോഴ്സ്മെന്‍റ് ഡയറക്ടറേറ്റ് സ്വപ്നയിൽ നിന്ന് മൊഴിയെടുക്കാൻ തുടങ്ങിയത്. ക്ലിഫ് ഹൗസ് കേന്ദ്രീകരിച്ച് മുഖ്യമന്ത്രിയും മകളും ഭാര്യയുമടക്കം രാജ്യ വിരുദ്ധ പ്രവർത്തനത്തിൽ ഏർപ്പെട്ടെന്നും കോൺസുൽ ജനറൽ ക്ലിഫ് ഹൗസിലേക്ക് ബിരിയാണി ചെമ്പിൽ ലോഹ വസ്തുക്കൾ കൊടുത്തയച്ചെന്നതടക്കമുള്ള മൊഴികളാണ് സ്വപ്ന നൽകിയിട്ടുള്ളത്. മുൻമന്ത്രി കെ ടി ജലീൽ, മുൻ സ്പീക്കർ പി ശ്രീരാമകൃഷ്ണൻ എന്നിവർക്കെതിരെയും 164ൽ വെളിപ്പെടുത്തലുകളുണ്ട്.
അതിനിടെ, സ്വർണക്കടത്തുമായി ബന്ധപ്പെട്ട് മുഖ്യമന്ത്രിക്കെതിരായ ഗൂഢാലോചന കേസില്‍ തനിക്കെതിരായ എഫ് ഐ ആർ റദ്ദാക്കണമെന്ന് ആവസ്യപ്പെട്ട് സ്വപ്ന സുരേഷ് നല്‍കിയ ഹർജി വെള്ളിയാഴ്ച പരിഗണിക്കാൻ മാറ്റി. പാലക്കാടും തിരുവനന്തപുരത്തും പൊലീസ് രജിസ്റ്റർ ചെയ്ത കേസിൽ എഫ്ഐആർ റദ്ദാക്കണമെന്നാണ് സ്വപ്നയുടെ ആവശ്യം. തിരുവനന്തപുരം പൊലീസ് രജിസ്റ്റർ ചെയ്ത കേസിൽ നേരത്തെ ഹൈകോടതി സ്വപ്നയുടെ മുൻകൂർ ജാമ്യാപേക്ഷ തള്ളിയിരുന്നു. ജാമ്യം ലഭിക്കാവുന്ന വകുപ്പുകൾ മാത്രമാണ് ചുമത്തിയിട്ടുള്ളത് എന്ന് കണ്ടായിരുന്നു കോടതി നടപടി. എന്നാൽ അന്വേഷണ സംഘം പിന്നീട് വകുപ്പുകൾ കൂട്ടി ചേർത്തതായി സ്വപ്ന കോടതിയെ അറിയിച്ചു.ഇതിന് പോലീസിനുള്ള അധികാരത്തെ തടയാൻ കഴിയുകയില്ലെന്ന് ജസ്റ്റിസ് സിയാദ് റഹ്മാൻ വ്യക്തമാക്കി.
കടയ്ക്കാവൂർ: എസ്.എൻ.വി.ജി.എച്ച്.എസ്സിൽ സ്കൂൾ പ്രൊട്ടക്ഷൻ ഗ്രൂപ്പ്‌ രൂപീകരിച്ചു. PTA പ്രസിഡന്റ് സന്തോഷ്‌കുമാർ, സ്കൂൾ പ്രിൻസിപ്പാൾ ഇൻ ചാർജ് ഷാജി,സ്കൂൾ ഹെഡ് മിസ്ട്രസ് ഷീജ,കടയ്ക്കാവൂർ ജനമൈത്രി പോലീസ് സ്റ്റേഷനിലെ സിവിൽ പോലീസ് ഓഫീസർ ജയപ്രസാദ്, എച്ച്എസ്എസ് വിഭാഗം അദ്ധ്യാപകൻ ദിലീപ്,സ്കൂൾ കൗൺസിലർ വിജയ തുടങ്ങിയവർ യോഗത്തിൽ പങ്കെടുത്തു.
കടയ്ക്കാവൂർ: കടയ്ക്കാവൂർ സ്വദേശിയും സംഘവും ബുള്ളറ്റിൽ ഇന്ത്യൻ പര്യടനത്തിന് ഒരുങ്ങുന്നു. പരിസ്ഥിതി സംരക്ഷണത്തിനായി ” ഒരു മരം നടു, ഒരായിരം പക്ഷികൾക്ക് കൂടൊരുക്കാം” എന്ന സന്ദേശമുയർത്തിയാണ് കടയ്ക്കാവൂർ സ്വദേശിയും സംഘവും ഇന്ത്യൻ പര്യടനത്തിന് ഒരുങ്ങുന്നത്. കടയ്ക്കാവൂർ സ്വദേശി റോയ് പ്രഭാകരനും സംഘവുമാണ് പരിസ്ഥിതി സംരക്ഷണ സന്ദേശവുമായി കന്യാകുമാരിയിൽ നിന്നും ലാടാക്കിലേയ്ക്ക് ബുള്ളറ്റിൽ പര്യടനത്തിന് ഒരുങ്ങുന്നത്. കൊല്ലം ഡിസ്ട്രിക്റ്റ് റോയൽ എൻഫീൽഡ് യൂസേഴ്സ് ക്ലബ്ബിന്റെ നേതൃത്വത്തിൽ റോയൽ എൻഫീൽഡ് കമ്പനിയുടെ സഹകരണത്തോടെയാണ് ഒരുമാസം നീണ്ടുനിൽക്കുന്ന പര്യടനം സംഘടിപ്പിക്കുന്നത്.
പര്യടന പരിപാടി നാളെ രാവിലെ എട്ടിന് കൊല്ലം പോളയത്തോട് ജംക്ഷനിൽ മന്ത്രി കെ എൻ ബാലഗോ പാൽ ഫ്ലാഗ് ഓഫ് ചെയ്യും. മേയർ പ്രസന്ന ഏണസ്റ്റ് , എൻ കെ പ്രേമചന്ദ്രൻ എംപി , എം നൗഷാദ് എം എൽഎ എന്നിവർ പങ്കെടുക്കും.
ക്ലബ് അംഗങ്ങളായ മൂന്ന് വനിതകൾ ഉൾപ്പെടെ 15 പേരാണ് ഒരു മാസം നീളുന്ന യാത്രയിൽ ങ്കെടുക്കുന്നത്. ഇന്ത്യയിലെ എല്ലാ സംസ്ഥാനങ്ങളിലൂടെയും കടന്നുപോകുന്ന പര്യടനം ഓരോ സംസ്ഥാനത്തും തൊട്ടുമുൻപ് സന്ദർശിച്ച സ്ഥലത്ത് നിന്നുള്ള ഒരു വൃക്ഷത്തെ നടുകയും ചെയ്യും.
ലഡാക്കിലെ ഏറ്റവും ഉയർന്ന സ്ഥലമായ കർത്തുംഗ് ലാപാസ് സന്ദർശിച്ച് തിരികെ കൊല്ലത്ത് എത്തും. 10 ബുള്ളറ്റുകളും ഒരു ഹാർലി ഡേവിഡ്സൺ ബൈക്കും യാത്രയുടെ ഭാഗമാകുമെന്ന് ക്ലബ് സെക്രട്ടറി ബുള്ളറ്റ് മണി , യാത്ര കോഡിനേറ്റർ റോയ് പ്രഭാകരൻ , അബ്ദുൽ ലത്തീഫ് , ദിനി കുമാർ , എം.ഷീജ എന്നിവർ അറിയിച്ചു.
കല്ലമ്പലം : ഇക്കഴിഞ്ഞ പ്ലസ് ടു പരീക്ഷയിൽ മുഴുവൻ വിഷയങ്ങൾക്കും എ പ്ലസ് കരസ്ഥമാക്കിയ തോട്ടക്കാടു കണ്ണങ്കര അഹദ് ലാൻഡിൽ (എസ്. ആർ.എ.-എ 59)സുൽഫിക്കർ -സാജിദ ദമ്പദികളുടെ പുത്രൻ അഹദ് മുഹമ്മദിനെ കടുവയിൽ സൗഹൃദ റെസിഡന്റ്‌സ് അസോസിയേഷൻ ഭാരവാഹികൾ വീട്ടിലെത്തി പൊന്നാടയണിയിച്ചു ആദരിച്ചു. ചടങ്ങിൽ എസ്. ആർ. എ. പ്രസിഡന്റ് പി. എൻ. ശശിധരൻ ഇടയാവണത്തു, സെക്രട്ടറി ഖാലിദ് പനവിള, വൈസ് പ്രസിഡന്റ് അറഫ റാഫി, ജോയിന്റ് സെക്രട്ടറി ശ്രീകുമാർശ്രീലകം, പാലിയേറ്റീവ് കമ്മിറ്റി അംഗം സുജ കെ. പി എന്നിവർ പങ്കെടുത്തു.
കടയ്ക്കാവൂർ: കടയ്ക്കാവൂർ ജനമൈത്രി പോലീസിന്റെ നേതൃത്വത്തിലുള്ള യുവജന കൂട്ടായ്മയുടെ ആഭിമുഖ്യത്തിൽ ലഹരി വിരുദ്ധ സന്ദേശം നൽകിക്കൊണ്ട് കൂട്ടയോട്ടം സംഘടിപ്പിച്ചു. വക്കം പോസ്റ്റ് ഓഫീസ് ജംഗ്ഷനിൽ നിന്നും വക്കം ഗവൺമെന്റ് ഹയർസെക്കൻഡറി സ്കൂളിലേക്ക് ആണ് കൂട്ടയോട്ടം സംഘടിപ്പിച്ചത്.
ജീവിതമാണ് എന്റെ ലഹരി എന്ന സന്ദേശം നൽകിക്കൊണ്ട് നൂറോളം യുവാക്കൾ നടത്തിയ കൂട്ടയോട്ടം കടയ്ക്കാവൂർ എസ് എച്ച് ഒ അജേഷ് വി ഫ്ലാഗ് ഓഫ് ചെയ്തു. എസ് ഐ മാഹിൻ, ജനമൈത്രി ബീറ്റ് ഓഫീസർമാരായ എ എസ് ഐ ജയപ്രസാദ്, സിപിഒ ശ്രീനാഥ്, കായിക അധ്യാപകൻ ലിജിൻ തുടങ്ങിയവർ പങ്കെടുത്തു. തുടർന്ന് വക്കം സ്കൂൾ ഗ്രൗണ്ടിൽ ഫുട്ബോൾ മത്സരം സംഘടിപ്പിച്ചു.
ലോക ലഹരിവിരുദ്ധ പരിപാടിയുമായി ബന്ധപ്പെട്ട് കടയ്ക്കാവൂർ ജനമൈത്രി പോലീസിന്റെ ആഭിമുഖ്യത്തിൽ സ്കൂൾ കേന്ദ്രീകരിച്ചും ഓട്ടോ ഡ്രൈവേഴ്സ് റസിഡൻസ് അസോസിയേഷനുകളിലും നിരവധി ബോധവൽക്കരണ പരിപാടികളും റാലികളും സംഘടിപ്പിച്ചു.
Recent Comments