by Midhun HP News | Oct 2, 2026 | Latest News, കേരളം
ഭാര്യയുമായി പിണങ്ങി തനിച്ചു താമസിച്ചിരുന്ന ഗൃഹനാഥൻ വീടിനു തീയിട്ട് ജീവനൊടുക്കി; സംഭവം കൊല്ലം കടയ്ക്കലിൽ
വീടിനു തീയിട്ട് ഗൃഹനാഥൻ ആത്മഹത്യ ചെയ്തു. കൊല്ലം കടയ്ക്കൽ ചെന്നിലത്ത് ദിലീഷ് കുമാർ (51) ആണ് മരിച്ചത്. വ്യാഴാഴ്ച പുലർച്ചെയാണ് സംഭവം. വീട്ടുകാരുമായി പിണങ്ങി ദിലീഷ് തനിച്ചു താമസിച്ചു വരികയായിരുന്നു. ഇദ്ദേഹത്തിന്റെ ഭാര്യയും മക്കളും കടയ്ക്കൽ ദർപ്പക്കാട് ആണ് താമസം. (ശ്രദ്ധിക്കുക: ആത്മഹത്യ ഒന്നിനും പരിഹാരമല്ല. മാനസികാരോഗ്യ വിദഗ്‌ധരുടെ സഹായം തേടുക, അതിജീവിക്കാൻ ശ്രമിക്കുക. ഹെൽപ്‌ലൈൻ നമ്പർ – 1056, 0471- 2552056)..
by Midhun HP News | Oct 2, 2026 | Latest News, കേരളം
ഇരിട്ടി: ആറളം ഫാമിലെയും സമീപത്തെ പുനരധിവാസ മേഖലയിലെയും ജനവാസ കേന്ദ്രങ്ങളെ വർഷങ്ങളായി ഭീതിയുടെ മുൾമുനയിൽ നിർത്തിയ ‘കണ്ണൂർ മഖ്ന’ (കെഎം-1) എന്ന കാട്ടുകൊമ്പനെ വനംവകുപ്പിന്റെ ദൗത്യസംഘം മയക്കുവെടി വെച്ച് പിടികൂടി. ദിവസങ്ങൾ നീണ്ട ആസൂത്രണങ്ങൾക്കൊടുവിൽ ‘ഓപ്പറേഷൻ കണ്ണൂർ മഖ്ന’ എന്ന പേരിൽ നടത്തിയ വൻ ദൗത്യമാണ് വ്യാഴാഴ്ച ലക്ഷ്യം കണ്ടത്. പ്രദേശവാസികൾക്കും വനംവകുപ്പ് ഉദ്യോഗസ്ഥർക്കും വലിയ ആശ്വാസം നൽകുന്നതാണ് ഈ നിർണ്ണായക നീക്കം.
വ്യാഴാഴ്ച രാവിലെ 11 മണിയോടെയാണ് നൂറിലേറെ പേരടങ്ങുന്ന ദൗത്യസംഘം മോഴയാനയ്ക്ക് നേരെ ആദ്യ മയക്കുവെടി ഉതിർത്തത്. എന്നാൽ ആദ്യ ശ്രമത്തിൽ ആന പൂർണ്ണമായി മയങ്ങിയില്ല. തുടർന്ന് രണ്ട് തവണ കൂടി മയക്കുവെടി വെച്ചു. എന്നിട്ടും നിലയുറപ്പിച്ചു നിന്ന ആനയ്ക്ക് അധിക ഡോസ് മരുന്ന് നൽകിയാണ് ഒടുവിൽ പൂർണ്ണമായും നിയന്ത്രണവിധേയമാക്കിയത്. പുലർച്ചെ അഞ്ചരയോടെ പതിമൂന്നാം ബ്ലോക്കിലെ ഓടച്ചാൽ ഭാഗത്ത് മറ്റ് ആറ് കാട്ടാനകൾക്കൊപ്പം നിൽക്കുന്ന നിലയിലാണ് മോഴയെ നിരീക്ഷണ സംഘം കണ്ടെത്തിയത്. മണിക്കൂറുകൾ നീണ്ട പ്രയത്നത്തിനൊടുവിൽ കൂടെയുണ്ടായിരുന്ന ആനകളെ തുരത്തിയോടിച്ച ശേഷമാണ് ദൗത്യസംഘം മയക്കുവെടി വെക്കാനുള്ള അനുയോജ്യമായ സാഹചര്യം ഒരുക്കിയത്.
മയക്കുവെടിയേറ്റയുടൻ നേരത്തെ വളയംചാലിൽ സജ്ജമാക്കി നിർത്തിയിരുന്ന വിക്രം, ഉണ്ണികൃഷ്ണൻ, ഭരതൻ എന്നീ മൂന്ന് കുങ്കിയാനകളെ വനത്തിനുള്ളിലേക്ക് എത്തിച്ചു. ഉച്ചയ്ക്ക് മൂന്ന് മണിയോടെ കുങ്കിയാനകളുടെ സഹായത്തോടെ ആനയെ വശങ്ങളിൽ താങ്ങിനിർത്തി റോഡിലേക്ക് എത്തിക്കാനുള്ള ശ്രമങ്ങൾ ആരംഭിച്ചു. റോഡിൽനിന്ന് ഏകദേശം 300 മീറ്റർ ഉള്ളിലെ വനപ്രദേശത്തായിരുന്നു ആന വീണത്. അവിടേക്ക് വാഹനം എത്തിക്കാൻ കഴിയാത്തതിനാൽ മണ്ണുമാന്തി യന്ത്രം (ജെസിബി) ഉപയോഗിച്ച് പുതിയ താൽക്കാലിക പാത വെട്ടിത്തെളിച്ചാണ് ആനയെ പുറത്തെത്തിച്ചത്. ഇതിനിടയിൽ പെയ്ത കനത്ത മഴ ദൗത്യത്തെ ഏറെ പ്രതിസന്ധിയിലാക്കി.
പിടികൂടിയ കണ്ണൂർ മഖ്നയെ വയനാട്ടിലെ മുത്തങ്ങയിൽ പ്രത്യേകം സജ്ജമാക്കിയ ആനക്കൊട്ടിലിലേക്കാണ് മാറ്റുന്നത്. ആനയുടെ മുൻകാലിലും തുമ്പിക്കൈയിലും നേരത്തെയുണ്ടായിരുന്ന മുറിവുകളുടെ പാടുകൾ ശ്രദ്ധയിൽപ്പെട്ടിട്ടുണ്ടെന്നും വെറ്ററിനറി ഡോക്ടർമാരുടെ സംഘം പരിശോധിച്ച് ആവശ്യമായ ചികിത്സ നൽകുമെന്നും കണ്ണൂർ ഡിഎഫ്ഒ അറിയിച്ചു. ആരോഗ്യം വീണ്ടെടുത്ത ശേഷം സഞ്ചാരപഥം നിരീക്ഷിക്കുന്നതിനായി റേഡിയോ കോളർ ഘടിപ്പിച്ച് ആനയെ ഉൾവനത്തിലേക്ക് തുറന്നുവിടാനാണ് നിലവിലെ തീരുമാനം.
ആറളത്തെ ആർആർടി സംഘത്തിന് പുറമെ വയനാട്, നിലമ്പൂർ എന്നിവിടങ്ങളിൽ നിന്നുള്ള ദ്രുതകർമ്മ സേനാംഗങ്ങളും വനം, പൊലീസ്, റവന്യൂ വകുപ്പുകളിലെ ഉന്നത ഉദ്യോഗസ്ഥരും ഉൾപ്പെടെ നൂറിലധികം പേർ ഓപ്പറേഷൻ കെഎം-1 ൽ പങ്കാളികളായി. സുരക്ഷാ മുൻകരുതലിന്റെ ഭാഗമായി ജില്ലാ കളക്ടർ ബുധനാഴ്ച മുതൽ കക്കുവാ കവല മുതൽ പതിമൂന്നാം ബ്ലോക്ക് പരിപ്പുതോട് റൂട്ടിൽ നിരോധനാജ്ഞ പ്രഖ്യാപിച്ചിരുന്നു. കണ്ണൂർ ഡിഎഫ്ഒ കെ. സജി, ആറളം വൈൽഡ് ലൈഫ് വാർഡൻ വി. രതീശൻ എന്നിവരുടെ നേതൃത്വത്തിലാണ് ദൗത്യം വിജയകരമായി പൂർത്തിയാക്കിയത്.
by Midhun HP News | Oct 2, 2026 | Latest News, കേരളം
മലപ്പുറം: യുഡിഎഫിൽ യാതൊരുവിധ കൂടിയാലോചനകളും നടക്കുന്നില്ലെന്ന മുന്നണി കൺവീനർ അടൂർ പ്രകാശിന്റെ പരസ്യ വിമർശനങ്ങളെ തള്ളി മുസ്ലിം ലീഗ്. യുഡിഎഫിൽ യാതൊരുവിധ അനൈക്യവുമില്ലെന്നും നിലവിൽ മുന്നണിയിലുണ്ടായ എല്ലാ തീരുമാനങ്ങളും ഘടകകക്ഷികളുമായി വിശദമായ ചർച്ചകൾ നടത്തി എടുത്തതാണെന്നും മുസ്ലിം ലീഗ് സംസ്ഥാന അധ്യക്ഷൻ പാണക്കാട് സയ്യിദ് സാദിഖലി ശിഹാബ് തങ്ങൾ വ്യക്തമാക്കി. മുന്നണിയിലെ പ്രധാന പദവികൾ സംബന്ധിച്ച് എടുത്ത തീരുമാനങ്ങളെല്ലാം ഉഭയകക്ഷി ചർച്ചകളിലൂടെ ധാരണയിലെത്തിയതാണെന്നും അദ്ദേഹം കൂട്ടിച്ചേർത്തു.
മുന്നണിയിൽ കൂടിയാലോചനകൾ അട്ടിമറിക്കപ്പെടുന്നുവെന്ന ഗുരുതര ആരോപണവുമായാണ് യുഡിഎഫ് കൺവീനർ അടൂർ പ്രകാശ് കഴിഞ്ഞദിവസം പരസ്യമായി രംഗത്തെത്തിയത്. മുന്നണിയുടെ നിർണ്ണായക തീരുമാനങ്ങൾ പോലും കൺവീനറായ താൻ അറിയുന്നത് മാധ്യമങ്ങളിലൂടെയാണെന്ന് അദ്ദേഹം തുറന്നടിച്ചിരുന്നു. കൂടിയാലോചനകൾ കൃത്യമായി നടക്കാത്തതിനാൽ യുഡിഎഫിന്റെ രാഷ്ട്രീയ നിലപാടുകളെക്കുറിച്ചും തീരുമാനങ്ങളെക്കുറിച്ചും മാധ്യമങ്ങൾ ചോദിക്കുമ്പോൾ കൃത്യമായ മറുപടി നൽകാൻ സാധിക്കാത്ത സാഹചര്യമുണ്ടെന്നും അതിൽ തനിക്ക് ഖേദമുണ്ടെന്നും അദ്ദേഹം പറഞ്ഞു.
മുസ്ലിം ലീഗ് നിയമസഭാ കക്ഷി ഉപനേതാവ് ഡോ. എം.കെ. മുനീറിന് ക്യാബിനറ്റ് പദവി നൽകിയതടക്കമുള്ള തീരുമാനങ്ങൾ അർഹതപ്പെട്ട ആളുകൾക്ക് തന്നെയാണ് ലഭിച്ചതെന്നും ആർക്കും അനർഹമായി ഒന്നും നൽകിയെന്ന് താൻ പറയുന്നില്ലെന്നും അടൂർ പ്രകാശ് വ്യക്തമാക്കിയിരുന്നു. എന്നാൽ മുന്നണിയുടെ കൺവീനർ എന്ന നിലയിൽ ഇത്തരം അതിപ്രധാനമായ വിഷയങ്ങൾ പോലും തന്നെ മുൻകൂട്ടി അറിയിക്കാത്തതിലാണ് അദ്ദേഹം കടുത്ത അമർഷം പ്രകടിപ്പിച്ചത്.
by Midhun HP News | Oct 2, 2026 | Latest News, കേരളം
നഗോയ: ഏഷ്യന്‍ ഗെയിംസില്‍ വനിതകളുടെ ബോക്‌സിങ് 75 കിലോഗ്രാം വിഭാഗത്തില്‍ ഒളിംപിക് മെഡല്‍ ജേത്രി ലവ്‌ലിന ബോര്‍ഗോഹെയ്ന്‍ സ്വര്‍ണം നേടി. ചൈനീസ് താരം ബാഓ സിയിയെ 5-0ന് തകര്‍ത്താണ് ലവ്‌ലിന തന്റെ കന്നി ഏഷ്യന്‍ ഗെയിംസ് സ്വര്‍ണമെഡല്‍ കഴുത്തിലണിഞ്ഞത്. 2014ല്‍ മേരി കോമിന് ശേഷം ഏഷ്യന്‍ ഗെയിംസ് വനിതാ ബോക്‌സിങ്ങില്‍ സ്വര്‍ണം നേടുന്ന ആദ്യ ഇന്ത്യന്‍ താരമെന്ന നേട്ടവും ലവ്‌ലിന സ്വന്തമാക്കി. മികച്ച തന്ത്രങ്ങളും റിങ്ങിലെ ആധിപത്യവുമാണ് പിറന്നാള്‍ ദിനത്തില്‍ ലവ്‌ലിനയെ വിജയത്തിലെത്തിച്ചത്.
വെള്ളിയാഴ്ച ലവ്‌ലിനയിലൂടെ ഇന്ത്യ രണ്ടാം സ്വര്‍ണമാണ് നേടിയത്. വനിതകളുടെ റിക്കര്‍വ് ആര്‍ച്ചറി ടീം ഇനത്തിലും ഇന്ത്യ ചരിത്ര സ്വര്‍ണം നേടി. അങ്കിത ഭഗത്, കുംകും, കീര്‍ത്തി എന്നിവരടങ്ങിയ ഇന്ത്യന്‍ സഖ്യം ഫൈനലില്‍ ശക്തരായ ദക്ഷിണ കൊറിയയെ 5-3 ന് പരാജയപ്പെടുത്തിയാണ് ഒന്നാം സ്ഥാനം കരസ്ഥമാക്കിയത്. റിക്കര്‍വ് ഇനത്തില്‍ ഇന്ത്യ നേടുന്ന ആദ്യ ഏഷ്യന്‍ ഗെയിംസ് സ്വര്‍ണമാണിത്.
ഇതോടെ ഇത്തവണത്തെ ഗെയിംസില്‍ ഇതുവരെ ഇന്ത്യയുടെ ആകെ സ്വര്‍ണ മെഡല്‍ നേട്ടം 12 ആയി. 24 വെള്ളിയും 33 വെങ്കലവും ഉള്‍പ്പെടെ 69 മെഡലുമായി പട്ടികയില്‍ അഞ്ചാം സ്ഥാനത്താണ് ഇന്ത്യയുള്ളത്. 16 സ്വര്‍ണമുള്‍പ്പെടെ 57 മെഡലുള്ള ഉസ്‌ബെക്കിസ്ഥാനാണ് തൊട്ടുമുന്നില്‍. ചൈന, ജപ്പാന്‍, ദക്ഷിണ കൊറിയ എന്നീ ടീമുകള്‍ ആദ്യ മൂന്നില്‍ തുടരുകയാണ്.
വനിതകളുടെ റിക്കര്‍വ് ആര്‍ച്ചറി ടീം സ്വര്‍ണം നേടിയപ്പോള്‍ മിക്‌സ്ഡ് റിക്കര്‍വ് ആര്‍ച്ചറിയില്‍ കുംകും-ധീരജ് ബൊമ്മദേവര സഖ്യം ഇന്ത്യയ്ക്കായി വെള്ളി മെഡല്‍ നേടി. ഗുസ്തിയില്‍ പുരുഷന്മാരുടെ ഫ്രീസ്‌റ്റൈല്‍ വിഭാഗത്തിലും വനിതാ വിഭാഗത്തിലും ഇന്ത്യന്‍ താരങ്ങളായ സുജീത് കല്‍ക്കല്‍ ഉള്‍പ്പെടെയുള്ളവര്‍ മെഡല്‍ റൗണ്ടുകളിലേക്ക് മുന്നേറി. വനിതാ ഹോക്കിയില്‍ ഇന്ന് നടക്കുന്ന കലാശപ്പോരില്‍ ഇന്ത്യന്‍ ടീം ചൈനയെ നേരിടും.
by Midhun HP News | Oct 2, 2026 | Latest News, കേരളം
പത്തനംതിട്ട: മുഖ്യമന്ത്രിക്കെതിരായ തന്റെ വിമര്‍ശനം സ്വന്തം അനുഭവത്തിന്റെ അടിസ്ഥാനത്തിലാണെന്നും ആരുടെയും പിന്തുണ നേടിയിട്ടില്ലെന്നും യുഡിഎഫ് കണ്‍വീനര്‍ അടൂര്‍ പ്രകാശ്. പറഞ്ഞതില്‍ ഉറച്ചുനില്‍ക്കുന്നുവെന്നും തന്റെ അഭിപ്രായങ്ങള്‍ രണ്ട് ദിവസത്തിനുളളില്‍ എഐസിസിയെ അറിയിക്കുമെന്നും അടൂര്‍ പ്രകാശ് പറഞ്ഞു. മുസ്ലീം ലീഗിന് ഭരണപരിഷ്‌കാര കമ്മീഷന്‍ പദവി നല്‍കിയതിന് താന്‍ എതിരല്ല. ഇത്തരം കാര്യങ്ങള്‍ കൂട്ടായ തീരുമാനത്തിലൂടെ വേണമെന്നാണ് താന്‍ പറഞ്ഞതെന്നും അടൂര്‍ പ്രകാശ് പത്തനംതിട്ടയില്‍ മാധ്യമങ്ങളോട് പറഞ്ഞു.
യുഡിഎഫും കോണ്‍ഗ്രസുമായി ഒരു സംഘര്‍ഷവുമില്ല. മുഖ്യമന്ത്രിക്കെതിരെ പറയേണ്ടി വന്നു എന്നത് യാഥാര്‍ഥ്യമാണ്. പറയേണ്ടതെല്ലാം ഇന്നലെ പറഞ്ഞിട്ടുണ്ട്. അതിലപ്പുറം ഒന്നും പറയാനില്ലെന്നും കണ്‍വീനര്‍ പറഞ്ഞു. പാര്‍ട്ടിയില്‍ തിരുത്തല്‍ ചേരിയാകുകയാണോ എന്ന ചോദ്യത്തിന് അത് ഏത് തരത്തിലും നിങ്ങള്‍ക്ക് എടുക്കാമെന്നായിരുന്നു മറുപടി.
ആരുടെയും പിന്തുണ തേടിയല്ല മുഖ്യമന്ത്രിക്കെതിരെ പ്രതികരണം നടത്തിയത്. തന്റെ അനുഭവത്തിന്റെ വെളിച്ചത്തില്‍ ഉള്ള പ്രതികരണമാണ് നടത്തിയത്. പറയാനുള്ള കാര്യം രണ്ടോ മൂന്നോ ദിവസത്തിനുള്ളില്‍ എഐസിസിയെ അറിയിക്കും. തന്നെ യുഡിഎഫ് കണ്‍വീനറാക്കിയത് എഐസിസിയാണ്. അതുകൊണ്ട് അവരെ അറിയിക്കുയെന്നത് തന്റെ കടമയും ഉത്തരവാദിത്വവുമാണ്.
നാലുമാസത്തില്‍ ഒരിക്കല്‍ മാത്രമാണ് യുഡിഎഫ് യോഗം ചേര്‍ന്നത്. അതിനുശേഷം കൂടിയിട്ടില്ല. അതിന് പല കാരണങ്ങള്‍ ഉണ്ട്. മുഖ്യമന്ത്രിയുടെ തിരക്കിട്ട പരിപാടികളാവാം. മറ്റ് കാരണങ്ങളുമാകാം. എന്തൊക്കയോ കാരണങ്ങള്‍ കൊണ്ട് യോം കൂടാന്‍ കഴിഞ്ഞിട്ടില്ലെന്നും കണ്‍വീനര്‍ പറഞ്ഞു. ആര്‍ക്കെങ്കിലും സ്ഥാനമാനം കൊടുത്തതതില്‍ താന്‍ എതിരല്ല. എംകെ മുനീറോ ദേവരാജനോ ഇവരില്‍ ആര്‍ക്കും എതിരല്ല താന്‍. അവര്‍ ഇരുവരും ഉന്നതരായ നേതാക്കളാണ്. യുഡിഎഫിനെ അധികാരത്തിലെത്തിക്കാന്‍ ആത്മാര്‍ഥമായി പ്രവര്‍ത്തിച്ചവരാണ്. ഇത്തരം കാര്യങ്ങള്‍ കൂട്ടായ ചര്‍ച്ചയിലൂടെ ആലോചിക്കണമായിരുന്നു എന്നാണ് യുഡിഎഫ് കണ്‍വീനര്‍ എന്ന നിലയില്‍ പറഞ്ഞത്.
മുരളീധരന്‍ തനിക്കെതിരെ പറഞ്ഞതിന് അദ്ദേഹത്തിന് എന്തെങ്കിലും കാരണങ്ങള്‍ ഉണ്ടാകും അത് അദ്ദേഹത്തിനോട് തന്നെ ചോദിക്കൂ. മുഖ്യമന്ത്രിയുമായി ഒരു തര്‍ക്കവുമില്ലെന്നും അദ്ദേഹം പറഞ്ഞു. വിമര്‍ശന ചേരിയില്‍ ഞാന്‍ ഒറ്റയ്ക്കാണ്. കെസി വേണുഗോപാലുമായി ബന്ധപ്പെട്ടിട്ടില്ല. ആരുടെയും പിന്തുണ ആവശ്യപ്പെട്ടിട്ടില്ലെന്ന് അടൂര്‍ പ്രകാശ് പറഞ്ഞു. ബിജെപിക്കെതിരെ മുഖ്യമന്ത്രി ഒരുവിമര്‍ശനവും ഉന്നയിക്കുന്നില്ലെന്ന ചോദ്യത്തിന് അത് നിങ്ങള്‍ മുഖ്യമന്ത്രിയോട് തന്നെ ചോദിക്കൂ എന്നായിരുന്നു മറുപടി.
നാലുമാസത്തില്‍ ഒരിക്കല്‍ മാത്രമാണ് യുഡിഎഫ് യോഗം ചേര്‍ന്നത്. അതിനുശേഷം കൂടിയിട്ടില്ല. അതിന് പല കാരണങ്ങള്‍ ഉണ്ട്. മുഖ്യമന്ത്രിയുടെ തിരക്കിട്ട പരിപാടികളാവാം. മറ്റ് കാരണങ്ങളുമാകാം. എന്തൊക്കയോ കാരണങ്ങള്‍ കൊണ്ട് യോം കൂടാന്‍ കഴിഞ്ഞിട്ടില്ലെന്നും കണ്‍വീനര്‍ പറഞ്ഞു. ആര്‍ക്കെങ്കിലും സ്ഥാനമാനം കൊടുത്തതതില്‍ താന്‍ എതിരല്ല. എംകെ മുനീറോ ദേവരാജനോ ഇവരില്‍ ആര്‍ക്കും എതിരല്ല താന്‍. അവര്‍ ഇരുവരും ഉന്നതരായ നേതാക്കളാണ്. യുഡിഎഫിനെ അധികാരത്തിലെത്തിക്കാന്‍ ആത്മാര്‍ഥമായി പ്രവര്‍ത്തിച്ചവരാണ്. ഇത്തരം കാര്യങ്ങള്‍ കൂട്ടായ ചര്‍ച്ചയിലൂടെ ആലോചിക്കണമായിരുന്നു എന്നാണ് യുഡിഎഫ് കണ്‍വീനര്‍ എന്ന നിലയില്‍ പറഞ്ഞത്.
മുരളീധരന്‍ തനിക്കെതിരെ പറഞ്ഞതിന് അദ്ദേഹത്തിന് എന്തെങ്കിലും കാരണങ്ങള്‍ ഉണ്ടാകും അത് അദ്ദേഹത്തിനോട് തന്നെ ചോദിക്കൂ. മുഖ്യമന്ത്രിയുമായി ഒരു തര്‍ക്കവുമില്ലെന്നും അദ്ദേഹം പറഞ്ഞു. വിമര്‍ശന ചേരിയില്‍ ഞാന്‍ ഒറ്റയ്ക്കാണ്. കെസി വേണുഗോപാലുമായി ബന്ധപ്പെട്ടിട്ടില്ല. ആരുടെയും പിന്തുണ ആവശ്യപ്പെട്ടിട്ടില്ലെന്ന് അടൂര്‍ പ്രകാശ് പറഞ്ഞു. ബിജെപിക്കെതിരെ മുഖ്യമന്ത്രി ഒരുവിമര്‍ശനവും ഉന്നയിക്കുന്നില്ലെന്ന ചോദ്യത്തിന് അത് നിങ്ങള്‍ മുഖ്യമന്ത്രിയോട് തന്നെ ചോദിക്കൂ എന്നായിരുന്നു മറുപടി.
by Midhun HP News | Oct 2, 2026 | Latest News, കേരളം
തൃശൂര്‍: കനത്തമഴയില്‍, തൃശൂരില്‍ സംസ്ഥാന സ്‌കൂള്‍ കായികമേളയുടെ നീന്തല്‍ മത്സരത്തിന്റെ വേദി തകര്‍ന്നു. അക്വാട്ടിക് കോംപ്ലക്‌സിലെ താത്ക്കാലിക മേല്‍ക്കൂരയാണ് തകര്‍ന്നത്. പത്തിലേറേ പേര്‍ക്ക് പരിക്കേറ്റു. വേദിയുടെ മേല്‍ക്കൂര കാറ്റില്‍ പറന്നുപോയി. വൈകീട്ട് 6.30 ഓടെയായിരുന്നു സംഭവം.
റിലേ മത്സരങ്ങള്‍ നടക്കുന്നതിനിടെയാണ് അപകടം ഉണ്ടായത്. കായിക മേളയുടെ നടത്തിപ്പിനെതിരെ രക്ഷിതാക്കള്‍ രംഗത്തെത്തി. പരിക്കേറ്റ വിദ്യാര്‍ഥികളെ രക്ഷിതാക്കള്‍ തന്നെയാണ് ആശുപത്രിയില്‍ എത്തിച്ചത്. അപകട സമയത്ത് സംഘാടകര്‍ ആരും സ്ഥലത്തുണ്ടായിരുന്നില്ലെന്നും രക്ഷിതാക്കള്‍ ആരോപിച്ചു.
Recent Comments