by Midhun HP News | Jul 28, 2025 | Latest News, കേരളം
ഫോൺ പേ, ഗൂഗിൾ പേ, പേടിഎം ഉൾപ്പടെയുള്ള യുപിഐ ആപ്പുകൾ ഉപയോഗിക്കുന്നവർ ഈ മാറ്റങ്ങൾ അറിഞ്ഞിരിക്കേണ്ടതാണ്
ഓഗസ്റ്റ് ഒന്ന് മുതൽ നിലവിൽ വരുന്ന പുതിയ നിയമങ്ങൾഇനി മുതൽ നിങ്ങളുടെ യുപിഐ ആപ്പ് വഴി ഒരു ദിവസം 50 തവണ മാത്രമേ ബാലൻസ് പരിശോധിക്കാൻ സാധിക്കുകയുള്ളുഇനി മുതൽ നിങ്ങളുടെ മൊബൈൽ നമ്പറുമായി ബന്ധിപ്പിച്ചിരിക്കുന്ന ബാങ്ക് അക്കൗണ്ടുകൾ ഒരു ദിവസം 25 തവണ മാത്രമേ പരിശോധിക്കാൻ കഴിയൂനെറ്റ്ഫ്ലിക്സ് അല്ലെങ്കിൽ മ്യൂച്വൽ ഫണ്ട് ഇൻസ്റ്റാൾമെന്റുകൾ പോലുള്ള ഓട്ടോ പേ ഇടപാടുകൾ ഇനി മൂന്ന് സമയ സ്ലോട്ടുകളിൽ മാത്രമേ പ്രോസസ്സ് ചെയ്യാൻ കഴിയൂ. രാവിലെ 10 മണിക്ക് മുമ്പും, ഉച്ചയ്ക്ക് ഒന്ന് മുതൽ അഞ്ച് വരെയും, രാത്രി 9.30 നും ശേഷവും.ഇനി നിങ്ങൾക്ക് ഒരു ദിവസം മൂന്ന് തവണ മാത്രമേ പരാജയപ്പെട്ട ഇടപാടുകളുടെ നില പരിശോധിക്കാൻ കഴിയൂ, ഓരോ പരിശോധനയുടെയും ഇടയിൽ90 സെക്കന്റ് ഇടവേള ഉണ്ടായിരിക്കും
by Midhun HP News | Jul 28, 2025 | Latest News, കേരളം
ന്യൂഡല്ഹി: ലോകത്ത് ഒരു രാജ്യവും അംഗീകരിച്ചിട്ടില്ലാത്ത ‘വെസ്റ്റ് ആര്ക്ടിക്ക’ എന്ന രാജ്യത്തിന്റെ പേരില് ഉത്തര്പ്രദേശില് വ്യാജ എംബസി നടത്തിയ സംഭവത്തില് 300 കോടിയിലധികം രൂപയുടെ തട്ടിപ്പെട്ട് റിപ്പോര്ട്ട്. വെസ്റ്റ് ആര്ക്ടിക്കയുടെ ‘ബാരണ്’ എന്ന് സ്വയം വിശേഷിപ്പിച്ചിരുന്ന ഹര്ഷവര്ധന് ജെയിനുമായി ബന്ധപ്പെട്ട് യുപി സ്പെഷല് ടാസ്ക് ഫോഴ്സ് നടത്തിയ അന്വേഷണത്തിലാണ് തട്ടിപ്പിന്റെ വ്യാപ്തി പുറത്തുവരുന്നത്. ഹര്ഷവര്ധന് ജെയിന് കഴിഞ്ഞ പത്ത് വര്ഷത്തിനിടെ 162 വിദേശ യാത്രകള് നടത്തിയിട്ടുണ്ടെന്നും അന്താരാഷ്ട്ര തലത്തില് പ്രവര്ത്തിക്കുന്ന കടലാസുകമ്പനികളുടെ വലിയ ശൃംഖലയുമായി ഇയാള്ക്ക് ബന്ധമുണ്ടെന്നുമാണ് റിപ്പോര്ട്ടുകള്.
വര്ഷങ്ങളായി നയതന്ത്രജ്ഞന് ചമഞ്ഞ് തട്ടിപ്പ് നടത്തിവന്നിരുന്ന ഇയാള് വിദേശ ജോലി വാഗ്ദാനം ചെയ്ത് നിവധി പേരില് നിന്നും പണം തട്ടിയതായും ഇത് ഹവാല വഴി വെളുപ്പിച്ചതായും റിപ്പോര്ട്ടുകള് പറയുന്നു. വിവാദ ആള്ദൈവം ചന്ദ്രസ്വാമിയുമായി ജെയിനിന് അടുത്ത ബന്ധമുണ്ടെന്നാണ് മറ്റൊരു കണ്ടെത്തല്. 80- 90 കാലത്ത് ഇന്ത്യന് പ്രധാനമന്ത്രിമാരുടെ ആത്മീയ ഉപദേഷ്ടാവായി പോലും കണക്കാക്കപ്പെട്ടിരുന്ന സ്വയം പ്രഖ്യാപിത ആള്ദൈവം ചന്ദ്രസ്വാമിയുമായും സൗദി ആയുധ വ്യാപാരി അദ്നാന് ഖഷോഗി എന്നിവര്ക്കൊപ്പമുള്ള ഫോട്ടോകള് അന്വേഷണത്തില് ലഭിച്ചെന്നാണ് റിപ്പോര്ട്ടുകള്. ഹൈദരാബാദ് സ്വദേശിയും പിന്നീട് തുര്ക്കി പൗരത്വം സ്വീകരിച്ചതുമായ അഹ്സാന് അലി സയ്യിദുമായി ബന്ധപ്പെട്ടാണ് ജെയിന് ഹവാല വഴി പണം വെളുപ്പിച്ചത്. ഇതിനായി കുറഞ്ഞത് 25 ഷെല് കമ്പനികളെങ്കിലും തുറക്കാന് ഇരുവരും ചേര്ന്ന് പ്രവര്ത്തിച്ചിട്ടുണ്ടെന്നും റിപ്പോര്ട്ടുകള് പറയുന്നു.
ഗാസിയാബാദിലെ കവി നഗറില് വാടകയ്ക്ക് എടുത്ത ആഡംബര കെട്ടിടത്തിലായിരുന്നു വ്യാജ എംബസി പ്രവര്ത്തിച്ചിരുന്നത്. കെട്ടിടത്തില് നടത്തിയ പരിശോധനയില് 44.7 ലക്ഷം രൂപ, വിദേശ കറന്സി, 12 വ്യാജ നയതന്ത്ര പാസ്പോര്ട്ടുകള്, 18 നയതന്ത്ര പ്ലേറ്റുകള്, വ്യാജ സര്ക്കാര് രേഖകള് എന്നിവ അധികൃതര് പിടിച്ചെടുത്തു. എംബസി കെട്ടിടവളപ്പില്നിന്ന പാര്ക്ക് ചെയ്തിരുന്ന ആഡംബര കാറുകള് എസ്ടിഎഫ് കസ്റ്റഡിയിലെടുത്തിട്ടുണ്ട്. ഓഫിസില്നിന്ന് വ്യാജ പാസ്പോര്ട്ടുകളും പിടിച്ചെടുത്തിട്ടുണ്ട്. നിയമവിരുദ്ധമായി സാറ്റലൈറ്റ് ഫോണ് കൈവശം വച്ചതിന് 2011ല് ജെയിനിനെതിരെ പൊലീസ് കേസ് രജിസ്റ്റര് ചെയ്തിരുന്നു.
by Midhun HP News | Jul 28, 2025 | Latest News, കേരളം
തിരുവനന്തപുരം: പ്ലസ് വണ്ണിന് മെറിറ്റിലും സ്പോര്ട്സ് ക്വാട്ടയിലും പ്രവേശനം ലഭിച്ചവരില് സ്കൂളും വിഷയവും മാറി അലോട്ട്മെന്റ് ( ട്രാന്സ്ഫര് അലോട്ട്മെന്റ്) ലഭിച്ചവര്ക്ക് ഇന്ന് വൈകീട്ട് നാലു വരെ സ്കൂളില് ചേരാവുന്നതാണ്. നിലവിലെ പ്രവേശനം റദ്ദാക്കിയാണ് ഇവര്ക്ക് ട്രാന്സ്ഫര് അലോട്ട്മെന്റ് നല്കിയിരിക്കുന്നത്. അതിനാല് പുതിയ അലോട്ട്മെന്റ് പ്രകാരം നിര്ബന്ധമായും ചേര്ന്നിരിക്കണം.
സംസ്ഥാനത്താകെ 54,827 കുട്ടികളാണ് സ്കൂളും വിഷയവും മാറാന് അപേക്ഷിച്ചത്. ഇവരില് 23,105 പേര്ക്ക് അലോട്ട്മെന്റ് ലഭിച്ചു. ഇതില് 18,598 പേര്ക്ക് സ്കൂള് മാറ്റം ലഭിച്ചു. 4507 പേര്ക്ക് വിഷയം മാറാനും കഴിഞ്ഞു. ജില്ലയ്ക്ക് പുറത്തുള്ള സ്കൂള് മാറ്റത്തിന് 683 പേര്ക്കാണ് അവസരം ലഭിച്ചത്.
മെറിറ്റില് അവശേഷിക്കുന്ന 24,999 സീറ്റിലേക്ക് ബുധനാഴ്ച തത്സമയ പ്രവേശനം നടക്കും. സ്കൂളും വിഷയവും മാറിയുള്ള അലോട്ട്മെന്റിന് ശേഷം ഓരോ സ്കൂളിലും മിച്ചമുള്ള സീറ്റിന്റെ വിശദാംശം ചൊവ്വാഴ്ച ഉച്ചയ്ക്ക് രണ്ടിന് ഹയര് സെക്കന്ഡറി വകുപ്പിന്റെ വെബ്സൈറ്റില് പ്രസിദ്ധീകരിക്കും.
by Midhun HP News | Jul 28, 2025 | Latest News, കേരളം
പാലക്കാട്: ലഹരിമരുന്നുമായി രണ്ടു യുവതികളടക്കം മൂന്നു പേര് പാലക്കാട് അറസ്റ്റില്. കോഴിക്കോട് ഒഞ്ചിയം സ്വദേശി കെ വി ആന്സി (30), മലപ്പുറം സ്വദേശികളായ നൂറാ തസ്നി (23), സുഹൃത്ത് മുഹമ്മദ് സ്വാലിഹ് (29) എന്നിവരാണ് അറസ്റ്റിലായത്.
53.950 ഗ്രാം മെത്താംഫെറ്റമിനാണ് ഇവരില് നിന്നും കണ്ടെടുത്തത്. ബംഗളൂരുവില് നിന്ന് ആന്സിയാണ് ലഹരിമരുന്ന് എത്തിച്ചത്. ആന്സിയില് നിന്നും മെത്താംഫെറ്റമിന് വാങ്ങാനെത്തിയതായിരുന്നു മറ്റു രണ്ടു പേര്. മലപ്പുറം സ്വദേശികള് യാത്ര ചെയ്ത കാറും പൊലീസ് കസ്റ്റഡിയിലെടുത്തു.
ഓപ്പറേഷന് ഡി ഹണ്ടിന്റെ ഭാഗമായി മുണ്ടൂര് പൊരിയാനിയില് ജില്ലാ പൊലീസ് ലഹരിവിരുദ്ധ സ്ക്വാഡും കോങ്ങാട് പൊലീസും ചേര്ന്നു നടത്തിയ പരിശോധനയിലാണ് മൂവരും പിടിയിലായത്. 2024 ല് ആന്സിയെ എംഡിഎംഎയുമായി പൊലീസ് പിടികൂടിയിരുന്നു. ഈ കേസില് ജാമ്യത്തിലിറങ്ങിയ ശേഷവും ലഹരിക്കടത്ത് തുടരുകയായിരുന്നു.
by Midhun HP News | Jul 28, 2025 | Latest News, കേരളം
തിരുവനന്തപുരം: ശരീരത്തിലെ അമിത വണ്ണം നിയന്ത്രിക്കാന് യൂട്യൂബിലെ വീഡിയോകള് അടിസ്ഥാനമാക്കി ഭക്ഷണം നിയന്ത്രിച്ച പതിനേഴുകാരന് മരിച്ചു. കുളച്ചലിനു സമീപം പര്നട്ടിവിള സ്വദേശി നാഗരാജന്റെ മകന് ശക്തീശ്വര് (17) ആണ് മരിച്ചത്. വെള്ളിയാഴ്ചയായിരുന്നു മരണം.
പ്ലസ് ടു പഠനം പൂര്ത്തിയാക്കിയ ശേഷം എഞ്ചിനീയറിങ് പഠിക്കാന് കോളജില് ചേരാനിരിക്കെയാണ് മരണം സംഭവിച്ചത്. തിരുച്ചിറപ്പള്ളിയിലെ കോളജില് അഡ്മിഷന് ശരിയായിരുന്നു. കോളജില് ചേരുന്നതിന് മുന്പ് തടി കുറയ്ക്കാനായിരുന്നു ശ്രമം. ഇതിനായി യൂട്യൂബിലെ വീഡിയോകള് നോക്കി ഭക്ഷണ ക്രമത്തില് മാറ്റം വരുത്തിയിരുന്നു.
കഴിഞ്ഞ മൂന്ന് മാസമായി ഭക്ഷണം നിയന്ത്രിച്ചുവരികയായിരുന്നു ശക്തീശ്വര് എന്നാണ് വിവരം. വിവിധ തരത്തിലുള്ള ജ്യൂസുകള് മാത്രമാണ് ഈ കാലത്ത് കഴിച്ചത്. ആരോഗ്യം ക്ഷയിച്ചതോടെ കുട്ടി കഴിഞ്ഞ ആഴ്ചയോടെ രോഗബാധിതനായി. കഴിഞ്ഞ ദിവസം ശ്വാസ തടസം അനുഭവപ്പെട്ടു. മാതാപിതാക്കള് കുളച്ചലിലുള്ള സ്വകാര്യ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
തണുത്ത ജ്യൂസ് പതിവായി കഴിച്ചതിനെത്തുടര്ന്ന് ശ്വാസകോശത്തിലുണ്ടായ അണുബാധയാകാം മരണത്തിലേക്ക് നയിച്ചതെന്നാണ് സംശയം. പോസ്റ്റ്മോര്ട്ടം റിപ്പോര്ട്ട് വന്നാല് മാത്രമേ മരണ കാര്യത്തില് വ്യക്തയുണ്ടാവൂ.
by Midhun HP News | Jul 28, 2025 | Latest News, കേരളം
ആറ്റിങ്ങൽ: ഊരൂപൊയ്ക സുധാമന്ദിരത്തിൽ പരേതനായ കെ.ജി ശക്തിധരൻ നായരുടെ (റിട്ടയേർഡ് പൊതുമരാമത്ത് വകുപ്പ്) സഹധർമ്മിണി ബി സുകുമാരി അമ്മ (89) (റിട്ടയേർഡ് പോസ്റ്റ് മിസ്ട്രസ് ,ഊരൂപൊയ്ക) അന്തരിച്ചു. മക്കൾ; കെ . എസ് സുധാദേവി, കെ.എസ് സതീദേവി(റിട്ടയേർഡ്, ഇടയ്ക്കോട് സർവീസ് സഹകരണ ബാങ്ക്), പരേതരായ കെ.എസ് അജയകുമാർ (മൻ ഫാം സൂപ്പർ വൈസർ, വെള്ളായണി കാർഷിക കോളേജ്),കെ.എസ് അനിൽ കുമാർ (മുൻ ഹെഡ്മാസ്റ്റർ, ഗവ:ഠൗൺ യു.പി.എസ് ആറ്റിങ്ങൽ). മരുമക്കൾ: ബി പ്രസന്ന കുമാരി (ഹെഡ്മിസ്ട്രസ്സ്,ഇ.വി യു.പി.എസ് കൊയ്ത്തൂർകോണം), സി.വി മിനി(റിട്ടയേർഡ് ഹെഡ്മിസ്ട്രസ്സ്, കെ.വി യു.പി.എസ് വെള്ളുമണ്ണടി), ആർ പപ്പു പിള്ള (ബിസിനസ്), ആർ ഉണ്ണികൃഷ്ണൻ നായർ (പങ്കജകസ്തൂരി).
Recent Comments