by Midhun HP News | Oct 16, 2025 | Latest News
കൊച്ചി: റെക്കോര്ഡുകള് തകര്ത്ത് മുന്നേറുന്ന സ്വര്ണവിലയില് ഇന്ന് രണ്ടാംതവണയും വില കൂടിയതോടെ 95,000ലേക്ക്. ഇന്ന് രണ്ടു തവണയായി പവന് 800 രൂപയാണ് വര്ധിച്ചത്. 94,920 രൂപയാണ് പുതിയ സ്വര്ണവില. രാവിലെയും ഉച്ചയ്ക്ക് ശേഷവും പവന് 400 രൂപ വീതമാണ് വര്ധിച്ചത്. ഉച്ചയ്ക്ക് ശേഷം ഗ്രാമിന് ആനുപാതികമായി 50 രൂപയാണ് വര്ധിച്ചത്. 11,865 രൂപയാണ് ഒരു ഗ്രാം സ്വര്ണത്തിന്റെ വില.
ഇന്നലെ മൂന്ന് തവണയാണ് സ്വര്ണവില മാറി മറിഞ്ഞത്.രാവിലെ റെക്കോര്ഡ് കുതിപ്പ് നടത്തിയ സ്വര്ണവില ഉച്ചയോടെ കുറഞ്ഞെങ്കിലും വൈകുന്നേരത്തോടെ വീണ്ടും കുതിക്കുകയായിരുന്നു. എട്ടിനാണ് സ്വര്ണവില ആദ്യമായി 90,000 കടന്നത്. തൊട്ടടുത്ത ദിവസം 91,000 കടന്ന് കുതിച്ച സ്വര്ണവില 95,000ലേക്ക് അടുക്കുകയാണ്. സുരക്ഷിത നിക്ഷേപം എന്ന നിലയില് സ്വര്ണത്തിലേക്ക് കൂടുതല് ആളുകള് ഒഴുകിയെത്തുന്നതാണ് സ്വര്ണവില ഉയരാന് പ്രധാന കാരണം.
ഇന്നലെ മൂന്ന് തവണയാണ് സ്വര്ണവില മാറി മറിഞ്ഞത്.രാവിലെ റെക്കോര്ഡ് കുതിപ്പ് നടത്തിയ സ്വര്ണവില ഉച്ചയോടെ കുറഞ്ഞെങ്കിലും വൈകുന്നേരത്തോടെ വീണ്ടും കുതിക്കുകയായിരുന്നു. എട്ടിനാണ് സ്വര്ണവില ആദ്യമായി 90,000 കടന്നത്. തൊട്ടടുത്ത ദിവസം 91,000 കടന്ന് കുതിച്ച സ്വര്ണവില 95,000ലേക്ക് അടുക്കുകയാണ്. സുരക്ഷിത നിക്ഷേപം എന്ന നിലയില് സ്വര്ണത്തിലേക്ക് കൂടുതല് ആളുകള് ഒഴുകിയെത്തുന്നതാണ് സ്വര്ണവില ഉയരാന് പ്രധാന കാരണം.
by Midhun HP News | Oct 16, 2025 | Latest News, ജില്ലാ വാർത്ത
തിരുവനന്തപുരം: കുട്ടികള്ക്ക് സ്കോളര്ഷിപ്പുമായി തദ്ദേശ സ്വയം ഭരണ വകുപ്പ്. ശുചിത്വവുമായി ബന്ധപ്പെട്ട ചില ആക്ടിവിറ്റികള് വിജയകരമായി പൂര്ത്തിയാക്കുന്ന അന്പതിനായിരം കുട്ടികള്ക്ക് സ്കോളര്ഷിപ്പ് നല്കുമെന്ന് മന്ത്രി എം ബി രാജേഷ് അറിയിച്ചു.
സ്വന്തം വീട്ടിലെ മാലിന്യ സംസ്കരണം നിരീക്ഷിക്കലിലും മെച്ചപ്പെടുത്തലിലും തുടങ്ങി സമീപപ്രദേശങ്ങളിലെ വീടുകളിലെയും സ്ഥാപനങ്ങളിലെയും മാലിന്യ സംസ്കരണ രീതികള് മനസ്സിലാക്കലും നിര്ദ്ദേശങ്ങള് നല്കലും, എങ്ങനെ ഗ്രീന് പ്രോട്ടോകോള് പാലിക്കാം, മാലിന്യത്തിന്റെ തരംതിരിക്കല് രീതികള് മനസ്സിലാക്കല്, മാലിന്യത്തിന്റെ അളവ് കുറയ്ക്കാനുള്ള ശ്രമങ്ങള്, തുടങ്ങിയ വിവിധ തരത്തിലുള്ള ഇടപെടലുകളെ അടിസ്ഥാനമാക്കിയാണ് സ്കോളര്ഷിപ്പ് നല്കുക.
1500 രൂപയാണ് സ്കോളര്ഷിപ്പ് തുക. 6, 7, 8, 9, പ്ലസ് വണ് വിദ്യാര്ത്ഥികള്ക്കാണ് ഈ വര്ഷം സ്കോളര്ഷിപ്പ് നല്കുന്നതെന്നും മാലിന്യമുക്തമായ കേരളം ഒരുക്കാനും നിലനിര്ത്താനും പുതുതലമുറയുടെ സഹകരണവും പിന്തുണയും അനിവാര്യമാണെന്നും മന്ത്രി പറഞ്ഞു.
എം ബി രാജേഷിന്റെ കുറിപ്പ്
കുട്ടികള്ക്ക് നല്കുന്ന ഒരു സമ്മാനത്തെക്കുറിച്ച് അറിയിക്കാനാണ് ഈ പോസ്റ്റ്.തദ്ദേശ സ്വയം ഭരണ വകുപ്പുനല്കുന്ന ഈ സമ്മാനമെന്താണെന്നോ? 1500 രൂപയുടെ ഒരു സ്കോളര്ഷിപ്പാണത്. ഒന്നും രണ്ടുമല്ല അന്പതിനായിരം കുട്ടികള്ക്ക്! അതിന് ശുചിത്വവുമായി ബന്ധപ്പെട്ട ചില ആക്ടിവിറ്റികള് വിജയകരമായി പൂര്ത്തിയാക്കണം.അവ ഇനി പറയുന്നതാണ്. സ്വന്തം വീട്ടിലെ മാലിന്യ സംസ്കരണം നിരീക്ഷിക്കലിലും മെച്ചപ്പെടുത്തലിലും തുടങ്ങി സമീപപ്രദേശങ്ങളിലെ വീടുകളിലെയും സ്ഥാപനങ്ങളിലെയും മാലിന്യ സംസ്കരണ രീതികള് മനസ്സിലാക്കലും നിര്ദ്ദേശങ്ങള് നല്കലും, എങ്ങനെ ഗ്രീന് പ്രോട്ടോകോള് പാലിക്കാം, മാലിന്യത്തിന്റെ തരംതിരിക്കല് രീതികള് മനസ്സിലാക്കല്, മാലിന്യത്തിന്റെ അളവ് കുറയ്ക്കാനുള്ള ശ്രമങ്ങള്, തുടങ്ങിയ വിവിധ തരത്തിലുള്ള ഇടപെടലുകളെ അടിസ്ഥാനമാക്കിയാണ് സ്കോളര്ഷിപ്പ് നല്കുക. 6, 7, 8, 9, പ്ലസ് വണ് വിദ്യാര്ത്ഥികള്ക്കാണ് ഈ വര്ഷം സ്കോളര്ഷിപ്പ് നല്കുന്നത്.
മാലിന്യമുക്തമായ കേരളം ഒരുക്കാനും നിലനിര്ത്താനും പുതുതലമുറയുടെ സഹകരണവും പിന്തുണയും അനിവാര്യമാണ്. ഈ ശ്രമത്തില് എല്ലാ കുഞ്ഞുങ്ങളുടെയും പിന്തുണ അഭ്യര്ത്ഥിക്കുന്നു.
by Midhun HP News | Oct 16, 2025 | Latest News, കേരളം
പെരുമാതുറ മുതലപ്പൊഴിയിൽ വള്ളത്തിൽ നിന്ന് തെറിച്ചു കടലിൽ വീണ് കാണാതായ പെരുമാതുറ വലിയവിളാകം സ്വദേശി സജീറിന്റെ മകൻ ഷഹാൻ്റെ മൃതദേഹം കണ്ടെത്തി
ഇന്നലെയായിരുന്നു മത്സ്യബന്ധനം കഴിഞ്ഞ് മടങ്ങി വരവേ തിരയിൽ പെട്ട് വള്ളത്തിൽ നിന്നും തെറിച്ചു കടലിൽ വീഴുകയായിരുന്നു.
by Midhun HP News | Oct 16, 2025 | Latest News, കേരളം
ന്യൂഡല്ഹി: ഹിന്ദുസ്ഥാന് യൂണിലിവറിന്റെ ഉത്പന്നങ്ങള് വ്യാജമായി നിര്മിച്ച് വില്ക്കുന്ന വന് റാക്കറ്റ് പിടിയില്. ഡല്ഹി കേന്ദ്രീകരിച്ച് പ്രവര്ത്തിക്കുന്ന സംഘമാണ് പൊലീസ് റെയ്ഡില് കുടുങ്ങിയത്. വ്യാജ കേന്ദ്രത്തില് നടന്ന റെയ്ഡില് ക്ലോസപ്പ് ടൂത്ത് പേസ്റ്റിന്റെത് എന്ന് തോന്നിപ്പിക്കുന്ന 25,000 ട്യൂബുകളും പിടിച്ചെടുത്തു.
വ്യാജ ഉത്പന്നങ്ങള് നിര്മിച്ച് വിപണിയിലെത്തിക്കുന്ന സംഘത്തെക്കുറിച്ച് ഹിന്ദുസ്ഥാന് യൂണിലിവര് അധികൃതര് തന്നെയാണ് പൊലീസില് പരാതി നല്കിയത്. തുടര്ന്നാണ് പൊലീസ് സംഘം പരിശോധന നടത്തിയത്.
ഉത്പന്നങ്ങള് നിര്മിക്കാനുള്ള അസംസ്കൃതവസ്തുക്കളും യന്ത്രങ്ങളും പൊലീസ് പിടിച്ചെടുത്തു. സംഭവത്തില് രണ്ടുപേരെ കസ്റ്റഡിയിലെടുത്തു. കേസില് ഇനിയും പരിശോധനകളും അന്വേഷണവും തുടരുമെന്നും പൊലീസ് അറിയിച്ചു.
by Midhun HP News | Oct 16, 2025 | Latest News, കേരളം
കോഴിക്കോട്: കോഴിക്കോട് സൗത്ത് ബീച്ച് ഭാഗത്ത് അസാധാരണമാംവിധം കടല് ഉള്വലിഞ്ഞു. ഏകദേശം ഏകദേശം 200 മീറ്ററിലധികം ദൂരത്തേക്ക് ഉള്വലിഞ്ഞതോടെ പ്രദേശത്ത് ചെളിക്കെട്ട് രൂപം കൊണ്ടു. ബുധനാഴ്ച രാത്രി മുതലാണ് പ്രദേശവാസികളെ ആശങ്കയിലാക്കി കടല് ഉള്വലിയാന് ആരംഭിച്ചത്.
ബുധനാഴ്ച വൈകീട്ടോടെ തന്നെ കടല് ഉള്വലിയുന്ന പ്രതിഭാസം കണ്ടുതുടങ്ങിയിരുന്നതായി മത്സ്യത്തൊളിലാളികളും പറയുന്നു. രാത്രിയോടെ വലിയ തോതില് കടല് ഉള്വലിയുകയായിരുന്നു. നിലവില് കടലില് ഏതെങ്കിലും തരത്തിലുള്ള മുന്നറിയിപ്പുകള് ഒന്നും തന്നെ നിലവിലില്ല. ഇത് സ്വാഭാവിക പ്രതിഭാസമാണെന്നാണ് വിദഗ്ധര് അഭിപ്രായപ്പെടുന്നത്.
by Midhun HP News | Oct 16, 2025 | Latest News, ജില്ലാ വാർത്ത
കിളിമാനൂർ ഗവ. എൽപിഎസിലെ വിദ്യാർത്ഥിയെയാണ് നായകൾ കടിച്ചത്. സ്കൂളിലെ ഒന്നാം ക്ലാസ് വിദ്യാർത്ഥിയായ പ്രയാഗിനെയാണ് നാല് നായകൾ വളഞ്ഞിട്ട് ആക്രമിച്ചത്. കുട്ടിയെ ഓടിച്ച് തള്ളിയിട്ട ശേഷം ദേഹത്ത് കയറി നായകൾ ആക്രമിക്കുകയായിരുന്നു.
സമീപത്തെ ഹയർസെക്കണ്ടറി സ്കൂളിലെ മുതിർന്ന കുട്ടികളാണ് നായകളെ ഓടിച്ച് വിട്ട്, പ്രയാഗിനെ രക്ഷിച്ചത്. ശരീരത്തിന്റെ പിൻഭാഗത്ത് മുറിവുകളേറ്റ കുട്ടിക്ക് കേശവപുരം സർക്കാർ ആശുപത്രിയിലും പാരിപ്പള്ളി മെഡിക്കൽ കോളേജ് ആശുപത്രിയിലും ചികിത്സ നൽകി.
മുറിവുകളേറ്റ കുട്ടിക്ക് പാരിപ്പള്ളി മെഡിക്കൽ കോളജിൽ കുത്തിവയ്പ്പ് നൽകി.നേരത്തെയും സ്കൂൾ വളപ്പിൽ കുട്ടികളെ നായ കടിച്ചിട്ടുണ്ടെന്നും ഗ്രാമപഞ്ചായത്തിനെ സമീപിച്ചിട്ടും നടപടി എടുത്തില്ലെന്നും കുട്ടിയുടെ അച്ഛൻ പ്രശാന്ത് പരാതിപ്പെട്ടു. സംഭവത്തിൽ ഇടപെടൽ ആവശ്യപ്പെട്ട് വിദ്യാഭ്യാസ മന്ത്രിക്കും പ്രശാന്ത് പരാതി നൽകിയിട്ടുണ്ട്.
Recent Comments