by Midhun HP News | Oct 16, 2025 | Latest News, കേരളം
നടൻ പൃഥ്വിരാജിന്റെ 43-ാം പിറന്നാൾ ആണിന്ന്. ആരാധകരും സിനിമാ പ്രവർത്തകരുമടക്കം നിരവധി പേരാണ് പൃഥ്വിരാജിന് ആശംസകൾ നേരുന്നത്. ഇപ്പോഴിതാ നടൻ മോഹൻലാലും പൃഥ്വിരാജിന് പിറന്നാൾ ആശംസകൾ നേർന്നിരിക്കുകയാണ്. “പ്രിയപ്പെട്ട പൃഥ്വിക്ക് ജന്മദിനാശംസകൾ! നിങ്ങളുടെ ദിവസം സ്നേഹത്താലും, ചിരിയാലും, ജീവിതത്തെ മനോഹരമാക്കുന്ന എല്ലാ നല്ല വികാരങ്ങളാലും നിറഞ്ഞുനിൽക്കട്ടെ എന്ന് ആശംസിക്കുന്നു!”- എന്നാണ് മോഹൻലാൽ കുറിച്ചിരിക്കുന്നത്.
മോഹൻലാലിന്റെ പോസ്റ്റിന് താഴെയും നിരവധി പേരാണ് പൃഥ്വിക്ക് ആശംസകൾ നേർന്നിരിക്കുന്നത്. മോഹൻലാലിനെ നായകനാക്കി പൃഥ്വിരാജ് സംവിധാനം ചെയ്ത എംപുരാൻ എന്ന ചിത്രം വലിയ വിവാദങ്ങൾക്കാണ് വഴിതെളിച്ചത്. മോഹൻലാലിനും പൃഥ്വിരാജിനും സൈബർ ആക്രമണം നേരിടേണ്ടി വന്നിരുന്നു.വൻ തോതിലുള്ള വിമർശനമാണ് പൃഥ്വിരാജിന് നേരിടേണ്ടി വന്നത്. എംപുരാന് മുൻപ് പൃഥ്വിരാജും മോഹൻലാലും ഒന്നിച്ചെത്തിയ ലൂസിഫർ തിയറ്ററുകളിൽ വൻ വിജയം നേടിയിരുന്നു. എംപുരാന് ശേഷം മലയാളത്തിൽ പൃഥ്വിരാജിന്റെ ചിത്രങ്ങളൊന്നും പുറത്തിറങ്ങിയിരുന്നില്ല. സർ സമീൻ എന്ന ബോളിവുഡ് ചിത്രമാണ് ഒടുവിലെത്തിയ പൃഥ്വിരാജ് ചിത്രം.
വിലായത്ത് ബുദ്ധയാണ് പൃഥ്വിരാജിന്റേതായി റിലീസിനൊരുങ്ങുന്ന ചിത്രം. ഖലീഫ എന്ന ചിത്രവും ലൂസിഫറിന്റെ മൂന്നാം ഭാഗവുമാണ് പൃഥ്വിരാജിന്റേതായി ഇനി വരാനുള്ള ചിത്രങ്ങൾ. അതേസമയം ദൃശ്യം 3യുടെ ഷൂട്ടിങ് തിരക്കിലാണ് മോഹൻലാലിപ്പോൾ. കഴിഞ്ഞ ദിവസം മോഹൻലാലിന്റെ രാവണപ്രഭു റീ റിലീസായി എത്തിയിരുന്നു. ഹൃദയപൂർവം ആണ് മോഹൻലാലിന്റേതായി ഒടുവിൽ തിയറ്ററുകളിലെത്തിയ ചിത്രം.
by Midhun HP News | Oct 16, 2025 | Latest News, ജില്ലാ വാർത്ത
കഴക്കൂട്ടം: മൃതദേഹം സംസ്കരിക്കുന്നതിനിടെ പേസ്മേക്കർ പൊട്ടിത്തെറിച്ച് കാലിൽ തുളച്ചുകയറി ഒരാൾക്ക് ഗുരുതര പരിക്ക്. പള്ളിപ്പുറം കരിച്ചാറ സ്വദേശിയായ സുന്ദരനാണ് പരിക്കേറ്റത്.
ഇന്നലെ ഉച്ചയോടെ പള്ളിപ്പുറത്താണ് സംഭവം. ചൊവാഴ്ച മരിച്ച പള്ളിപ്പുറം വി.ടി.നിലയത്തിൽ വിമലയമ്മയുടെ മൃതദേഹം ഇന്നലെ ഉച്ചയോടെയാണ് വീട്ടുവളപ്പിൽ സംസ്കരിച്ചത്. ചിത കത്തുന്നതിനിടെ മൃതദേഹത്തിലുണ്ടായിരുന്ന പേസ്മേക്കർ ഉഗ്രശബ്ദത്തോടെ പൊട്ടിത്തെറിച്ച് അവശിഷ്ടം സുന്ദരന്റെ കാൽമുട്ടിൽ തുളച്ചുകയറുകയായിരുന്നു.
ഉടൻതന്നെ വീട്ടുകാർ സുന്ദരനെ കഴക്കൂട്ടത്തെ സ്വകാര്യ ആശുപത്രിയിൽ പ്രവേശിപ്പിച്ചു. ഹൃദ്രോഗിയായ വീട്ടമ്മയ്ക്ക് അടുത്തിടെയാണ് ശ്രീചിത്രിയിൽ വച്ച് പേസ്മേക്കർ ഘടിപ്പിച്ചത്. ചികിത്സയ്ക്കുശേഷം രണ്ടുദിവസം മുമ്പാണ് ആശുപത്രി വിട്ടത്. വീട്ടിൽ വച്ചായിരുന്നു മരണം. വീട്ടുകാർ പേസ്മേക്കർ ഘടിപ്പിച്ചിരുന്ന വിവരം ആശുപത്രി അധികൃതരെ അറിയിച്ചപ്പോൾ അത് ഇളക്കേണ്ടെന്നും മറ്റു പ്രശ്നമൊന്നും ഉണ്ടാകില്ലെന്നുമാണ് മറുപടി ലഭിച്ചത്.
by Midhun HP News | Oct 16, 2025 | Latest News, കേരളം
ആലപ്പുഴ: ശബരിമല സ്വര്ണക്കവര്ച്ചയില് പഴുതടച്ച അന്വേഷണം വേണമെന്ന് എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന്. പലരുടേയും കാലത്തെ അഴിമതികള് പുറത്തു വന്നുകൊണ്ടിരിക്കുകയാണ്. കേരളത്തില് നാലഞ്ച് ദേവസ്വം ബോര്ഡ് ഉണ്ടാക്കി കുറേ രാഷ്ട്രീയക്കാര്ക്ക് ഇരിക്കാന് അവസരമുണ്ടാക്കി കൊടുത്തിരിക്കുകയാണ്. തിരുവിതാംകൂര് ദേവസ്വം ബോര്ഡും വേണ്ട. എല്ലാം ഒഴിവാക്കണം. ഇതെല്ലാം പിരിച്ചു വിട്ട് ഒറ്റ കുടക്കീഴിലാക്കണമെന്നും വെള്ളാപ്പള്ളി നടേശന് ആവശ്യപ്പെട്ടു.
ഇന്നത്തെ ദേവസ്വം ഭരണ സംവിധാനത്തിലെ ബോര്ഡ് സംവിധാനം അഴിച്ചു പണിയാത്തിടത്തോളം കാലം ഈ അഴിമതി ആരു വന്നാലും ലോകാവസാനം വരെ അനുസ്യൂതമായി നടക്കും. തിരുവിതാംകൂര് ദേവസ്വം ബോര്ഡേ വേണ്ട. എല്ലാം പിരിച്ചുവിട്ട് ഒറ്റ ബോര്ഡ് ഉണ്ടാക്കിക്കൂടേ. നല്ല ഐഎഎസുകാരനെ തലപ്പത്തു നിയമിച്ച്, അയാള്ക്ക് എക്സിക്യൂഷന് അധികാരം നല്കുകയാണ് വേണ്ടത്. വെള്ളാപ്പള്ളി പറഞ്ഞു.
കേരളത്തിലെ സമ്പത്തുള്ള എല്ലാ ദേവസ്വം ബോര്ഡ് അമ്പലങ്ങളിലും മോഷണമാണ്. ഇന്നുള്ള ഭരണസംവിധാനം ഈ നിലയില് പോയാല്, തീര്ച്ചയായും ‘ചക്കരക്കുടം കണ്ടാല് കയ്യിട്ടു നക്കു’മെന്നുള്ള കാര്യത്തില് യാതൊരു സംശയവുമില്ല. മുമ്പുണ്ടായിരുന്ന പത്തനംതിട്ടക്കാരന് വലിയ കുഴപ്പക്കാരനാണെന്ന് മുമ്പേ താന് പറഞ്ഞിട്ടുള്ളതാണ്. പത്മകുമാര് ഭയങ്കര കുഴപ്പക്കാരനാണ്. അതിന്റെ പേരില് രാജ്യത്ത് മുഴുവന് പ്രക്ഷോഭമാണ്. അതിനു പിന്നില് രാഷ്ട്രീയമുണ്ടെന്നും വെള്ളാപ്പള്ളി നടേശന് പറഞ്ഞു.
സ്വര്ണം മോഷണവുമായി ബന്ധപ്പെട്ട് നമ്പൂതിരിമാരും പോറ്റിമാര്ക്കുമെതിരായ പ്രസ്താവനയില് ബ്രാഹ്മണ സഭയോട് വെള്ളാപ്പള്ളി ക്ഷമ ചോദിച്ചു. മേല്ശാന്തിയെ ചീത്തപറഞ്ഞു, ബ്രാഹ്മണരെ ചീത്ത പറഞ്ഞു എന്നൊന്നും വ്യാഖ്യാനിക്കരുത്. ബ്രാഹ്മണ സഭയ്ക്ക് എതിരെ താനൊന്നും പറഞ്ഞിട്ടില്ല. അങ്ങനെ അവര്ക്ക് തോന്നിയിട്ടുണ്ടെങ്കില് ക്ഷമ ചോദിക്കുകയാണെന്നും വെള്ളാപ്പള്ളി നടേശന് പറഞ്ഞു.
സുധാകരന് സംശുദ്ധ രാഷ്ട്രീയത്തിന് ഉടമ
ജി സുധാകരന് സംശുദ്ധ രാഷ്ട്രീയത്തിന് ഉടമയായ വ്യക്തിയാണെന്ന് വെള്ളാപ്പള്ളി നടേശന് പറഞ്ഞു. ഇന്നും കുറേ ജനങ്ങളുടെ ഹൃദയത്തില് സുധാകരന് സ്ഥാനമുണ്ട്. അദ്ദേഹത്തിന് പ്രായമായി, അധികാരത്തില് നിന്നും മാറി നില്ക്കുന്നു എന്നത് ശരിയാണ്. എന്നാല്ത്തന്നെയും ആലപ്പുഴക്കാരെ സംബന്ധിച്ചിടത്തോളം അത്ര പെട്ടെന്ന് അവഗണിക്കാന് പറ്റുന്ന വ്യക്തിത്വമല്ല ജി സുധാകരന്. തെരഞ്ഞെടുപ്പ് അടുത്ത സമയത്ത് ഒരുപാട് സംവാദങ്ങള് ഉണ്ടാക്കാതെ യോജിച്ച് പോകുന്നതാണ് നല്ലതെന്നാണ് തനിക്ക് തോന്നുന്നതെന്നും വെള്ളാപ്പള്ളി പറഞ്ഞു.
ജി സുധാകരന് മന്ത്രിയായിരുന്നപ്പോഴാണ് കേരളത്തിന് ഒരു പൊതുമരാമത്ത് മന്ത്രി ഉണ്ടെന്ന് കേരളം അറിഞ്ഞത്. ഒട്ടേറെ വികസനം കൊണ്ടുവന്നു. അഴിമതിക്കാരായ ഉദ്യോഗസ്ഥര്ക്ക് സുധാകരനെ ഭയമായിരുന്നു. ചില പരിപാടികളില് അദ്ദേഹത്തെ ഒഴിവാക്കി എന്നു പറയുമ്പോള് സ്വാഭാവികമായും അദ്ദേഹത്തിന് വിഷമം ഉണ്ടാകും. അതൊക്കെ പരിഹരിച്ചു കൊണ്ടുപോകണം. സജി ചെറിയാന്റെയും നാസറിന്റെയും വളര്ച്ച ഉള്ക്കൊള്ളാന് സുധാകരന് തയ്യാറാണ്. അദ്ദേഹത്തിന്റെ പ്രായവും പരിജ്ഞാനവും അവര്ക്ക് കൂടി പകര്ന്നുകൊടുത്ത് നല്ല രീതിയില് മുന്നോട്ടുകൊണ്ടു പോകണമെന്നും വെള്ളാപ്പള്ളി നടേശന് പറഞ്ഞു.
by Midhun HP News | Oct 16, 2025 | Latest News, ജില്ലാ വാർത്ത
തിരുവനന്തപുരം: രാഷ്ട്രപതിയുടെ സന്ദര്ശന വേളയില് ശബരിമലയിലെ സ്വര്ണം കാണാതായ സംഭവം ദ്രൗപദി മുര്മുവിന്റെ മുന്നില് ഉന്നയിക്കാനൊരുങ്ങി ഹൈന്ദവ സംഘടനകളുടെ സംയുക്ത വേദിയായ ശബരിമല കര്മ സമിതി. ഈ മാസം അവസാനമാണ് രാഷ്ട്രപതി ശബരിമല സന്ദര്ശിക്കാനെത്തുന്നത്. ശബരിമലയില് സുപ്രീംകോടതിയില് പ്രസിഡന്ഷ്യല് റഫറന്സ് കൊണ്ടു വരാനാണ് കര്മ സമിതി ലക്ഷ്യമിടുന്നത്.
തിരുവനന്തപുരം ശ്രീപത്മനാഭസ്വാമി ക്ഷേത്രത്തിന്റെ മാതൃകയില്, ശബരിമല ക്ഷേത്രത്തിന് പ്രത്യേക ഭരണസംവിധാനം രൂപീകരിക്കുന്നതിനുള്ള സാധ്യതകള് പരിശോധിക്കാന് ആര്ട്ടിക്കിള് 143 പ്രകാരം സുപ്രീം കോടതിയിലേക്ക് രാഷ്ട്രപതിയുടെ റഫറന്സ് നല്കാനാകുമെന്നാണ് സമിതിയുടെ പ്രതീക്ഷ. പത്മനാഭസ്വാമി ക്ഷേത്രത്തില് തിരുവനന്തപുരത്തെ അഡീഷണല് ഡിസ്ട്രിക്റ്റ് ആന്ഡ് സെഷന്സ് ജഡ്ജി അധ്യക്ഷനായ കമ്മിറ്റിയാണ് ഭരണം നടത്തുന്നത്.
കേന്ദ്ര, സംസ്ഥാന സര്ക്കാരുകളുടെ പ്രതിനിധികള്, തന്ത്രി കുടുംബം, തിരുവിതാംകൂര് രാജകുടുംബം എന്നിവര് കമ്മിറ്റിയില് അംഗങ്ങളാണ്. ഒക്ടോബര് 22 ന് രാഷ്ട്രപതി ശബരിമലയിലെത്തുമ്പോള് കാണാന് അനുമതി ലഭിച്ചിട്ടുണ്ടെന്ന് ശബരിമല കര്മ സമിതി ജനറല് കണ്വീനര് എസ് ജെ ആര് കുമാര് പറഞ്ഞു. തിരുവിതാംകൂര് ദേവസ്വം ബോര്ഡ് അംഗങ്ങളുടെയും ഉദ്യോഗസ്ഥരുടെയും പിടിപ്പുകേടും അഴിമതിയുമാണ് സ്വര്ണം കാണാതാകലിന് പിന്നിലെന്ന് കുമാര് ആരോപിച്ചു.
‘ശബരിമല ക്ഷേത്രം ദേശീയ പ്രാധാന്യമുള്ളതിനാല്, മെച്ചപ്പെട്ട ഭരണസംവിധാനം രൂപീകരിക്കുന്നതിനായി രാഷ്ട്രപതിക്ക് ഇക്കാര്യം സുപ്രീം കോടതിയില് റഫര് ചെയ്യാന് കഴിയും. എസ് ജെ ആര് കുമാര് ദി ന്യൂ ഇന്ത്യന് എക്സ്പ്രസിനോട് പറഞ്ഞു. അയോധ്യ രാമക്ഷേത്ര കേസില് 1993 ല് അന്നത്തെ രാഷ്ട്രപതി ഇത്തരത്തില് റഫറന്സ് നടത്തിയിരുന്നു. പൊതു പ്രാധാന്യമുള്ള ഏതൊരു പ്രശ്നത്തിലും നിയമത്തിലും സുപ്രീം കോടതിയുടെ ഉപദേശം തേടാന് ആര്ട്ടിക്കിള് 143 രാഷ്ട്രപതിക്ക് അധികാരം നല്കുന്നുണ്ട്.
ബാബറി മസ്ജിദ് പൊളിച്ചുമാറ്റിയശേഷം, പള്ളി പണിയുന്നതിനുമുമ്പ് സ്ഥലത്ത് ഏതെങ്കിലും ഹിന്ദു നിര്മ്മിതികള് നിലനിന്നിരുന്നോ എന്നതിനെക്കുറിച്ച് അന്നത്തെ പ്രസിഡന്റ് ശങ്കര് ദയാല് ശര്മ്മ 1993 ല് സുപ്രീം കോടതിയുടെ അഭിപ്രായം തേടിയിരുന്നു. രാഷ്ട്രപതിയുടെ റഫറന്സില് പ്രതികരിക്കണോ വേണ്ടയോ എന്നത് സുപ്രീം കോടതിയുടെ വിവേചനാധികാരമാണ്. 1993-ല്, ശങ്കര് ദയാല് ശര്മ്മയുടെ റഫറന്സില് അഭിപ്രായം പറയാന് കോടതി വിസമ്മതിച്ചിരുന്നു.
‘ശബരിമല ക്ഷേത്രം ദേശീയ പ്രാധാന്യമുള്ളതിനാല്, മെച്ചപ്പെട്ട ഭരണസംവിധാനം രൂപീകരിക്കുന്നതിനായി രാഷ്ട്രപതിക്ക് ഇക്കാര്യം സുപ്രീം കോടതിയില് റഫര് ചെയ്യാന് കഴിയും. എസ് ജെ ആര് കുമാര് ദി ന്യൂ ഇന്ത്യന് എക്സ്പ്രസിനോട് പറഞ്ഞു. അയോധ്യ രാമക്ഷേത്ര കേസില് 1993 ല് അന്നത്തെ രാഷ്ട്രപതി ഇത്തരത്തില് റഫറന്സ് നടത്തിയിരുന്നു. പൊതു പ്രാധാന്യമുള്ള ഏതൊരു പ്രശ്നത്തിലും നിയമത്തിലും സുപ്രീം കോടതിയുടെ ഉപദേശം തേടാന് ആര്ട്ടിക്കിള് 143 രാഷ്ട്രപതിക്ക് അധികാരം നല്കുന്നുണ്ട്.
ബാബറി മസ്ജിദ് പൊളിച്ചുമാറ്റിയശേഷം, പള്ളി പണിയുന്നതിനുമുമ്പ് സ്ഥലത്ത് ഏതെങ്കിലും ഹിന്ദു നിര്മ്മിതികള് നിലനിന്നിരുന്നോ എന്നതിനെക്കുറിച്ച് അന്നത്തെ പ്രസിഡന്റ് ശങ്കര് ദയാല് ശര്മ്മ 1993 ല് സുപ്രീം കോടതിയുടെ അഭിപ്രായം തേടിയിരുന്നു. രാഷ്ട്രപതിയുടെ റഫറന്സില് പ്രതികരിക്കണോ വേണ്ടയോ എന്നത് സുപ്രീം കോടതിയുടെ വിവേചനാധികാരമാണ്. 1993-ല്, ശങ്കര് ദയാല് ശര്മ്മയുടെ റഫറന്സില് അഭിപ്രായം പറയാന് കോടതി വിസമ്മതിച്ചിരുന്നു.
by Midhun HP News | Oct 16, 2025 | Latest News
കൊച്ചി: സംസ്ഥാനത്തെ പൊതുവിതരണ സംവിധാനം ആധുനിക വത്കരിക്കാന് വിഷന് 2031 പദ്ധതിയുമായി സര്ക്കാര്. റേഷന് കടകളെ സ്മാര്ട്ട് റീട്ടെയില് ഔട്ട്ലെറ്റുകളുടെ ശൃംഖലയാക്കി മാറ്റുന്ന രീതിയിലാണ് പദ്ധതി വിഭാവനം ചെയ്യുന്നത്. പാല്, പലചരക്ക് സാധനങ്ങള്, പാചക വാതകം, സ്റ്റേഷനറി എന്നിവയുള്പ്പെടെ വൈവിധ്യമാര്ന്ന ഉല്പ്പന്നങ്ങള് റേഷന് കട വഴി വിതരണം ചെയ്യുന്ന വിധത്തില് റീട്ടൈല് ഔട്ട്ലറ്റുകളാക്കി മാറ്റുന്നതുള്പ്പെടെയുള്ള സാധ്യതകളാണ് സര്ക്കാര് പരിശോധിക്കുന്നത്. നിലവില് ഭക്ഷ്യ ധാന്യങ്ങളുടെ വിതരണ കേന്ദ്രങ്ങളായി പ്രവര്ത്തിക്കുന്ന റേഷന് കടകളിലൂടെ മില്മ, സപ്ലൈകോ, കേരഫെഡ്, ഇന്ത്യന് ഓയില് എന്നിവയില് നിന്നുള്ള ഉല്പ്പന്നങ്ങളും വീട്ടുപകണങ്ങള്, കാര്ഷികാവശ്യങ്ങള്ക്കുള്ള സാധനങ്ങള് എന്നിവയും ഉള്പ്പെടുത്തും. ആധുനിക ബില്ലിംഗ് സംവിധാനങ്ങള്, ഡിജിറ്റല് ഇന്വെന്ററി മാനേജ്മെന്റിലൂടെ സേവനങ്ങളുടെ കാര്യക്ഷമത വര്ധിപ്പിക്കാനും വിഷന് 2031 പദ്ധതിയിടുന്നു.
ഭക്ഷ്യ-സിവില് സപ്ലൈസ് വകുപ്പിലെ മുതിര്ന്ന ഉദ്യോഗസ്ഥര് പങ്കെടുത്ത, അടുത്തിടെ നടന്ന വിഷന് 2031 സെമിനാറില് റേഷന് കടകളെയും മാവേലി സ്റ്റോറുകളാക്കി മാറ്റുന്നതിനുള്ള നിര്ദേശം ഉരുത്തിരിഞ്ഞതായി ഉദ്യോഗസ്ഥരും വ്യക്തമാക്കുന്നു. മൂന്ന് ഘട്ടങ്ങളിലായി വിഷന് 2031 നടപ്പാക്കാനാണ് പദ്ധതി. നടപ്പ് സാമ്പത്തിക വര്ഷം ഉള്പ്പെടുന്ന (2025-26) ആദ്യ ഘട്ടത്തില് അഞ്ച് 5 ജില്ലകളില് പൈലറ്റ് പദ്ധതി നടപ്പിലാക്കും. രണ്ടാം ഘട്ടമായി (2026-28) പദ്ധതി എല്ലാ പഞ്ചായത്തുകളിലേക്കും വ്യാപിപ്പിക്കും. മൂന്നാം ഘട്ടത്തില് (2028-30 ) പദ്ധതിയെ ഏകജാലക സംവിധാനത്തിലേക്ക് കൊണ്ടുവരികയും കേന്ദ്രീകൃത നിരീക്ഷണം നടപ്പിലാക്കാനുമാണ് പദ്ധതിയിടുന്നത്.
ഭക്ഷ്യ-സിവില് സപ്ലൈസ് വകുപ്പിലെ മുതിര്ന്ന ഉദ്യോഗസ്ഥര് പങ്കെടുത്ത, അടുത്തിടെ നടന്ന വിഷന് 2031 സെമിനാറില് റേഷന് കടകളെയും മാവേലി സ്റ്റോറുകളാക്കി മാറ്റുന്നതിനുള്ള നിര്ദേശം ഉരുത്തിരിഞ്ഞതായി ഉദ്യോഗസ്ഥരും വ്യക്തമാക്കുന്നു. മൂന്ന് ഘട്ടങ്ങളിലായി വിഷന് 2031 നടപ്പാക്കാനാണ് പദ്ധതി. നടപ്പ് സാമ്പത്തിക വര്ഷം ഉള്പ്പെടുന്ന (2025-26) ആദ്യ ഘട്ടത്തില് അഞ്ച് 5 ജില്ലകളില് പൈലറ്റ് പദ്ധതി നടപ്പിലാക്കും. രണ്ടാം ഘട്ടമായി (2026-28) പദ്ധതി എല്ലാ പഞ്ചായത്തുകളിലേക്കും വ്യാപിപ്പിക്കും. മൂന്നാം ഘട്ടത്തില് (2028-30 ) പദ്ധതിയെ ഏകജാലക സംവിധാനത്തിലേക്ക് കൊണ്ടുവരികയും കേന്ദ്രീകൃത നിരീക്ഷണം നടപ്പിലാക്കാനുമാണ് പദ്ധതിയിടുന്നത്.
ഇപ്പോഴത്തെ പരിമിതമായ ഉല്പ്പന്നങ്ങള്ക്ക് അപ്പുറത്ത് എല്ലാതരം ഉല്പന്നങ്ങളും വില്ക്കാന് കഴിയുന്ന റീട്ടൈല് കേന്ദ്രങ്ങളാക്കി റേഷന് കടകളെ മാറ്റുക എന്നതാണ് പദ്ധതിയുടെ ദീര്ഘകാല ലക്ഷ്യമെന്ന് ഭക്ഷ്യ, സിവില് സപ്ലൈസ്, ഉപഭോക്തൃ കാര്യ പ്രിന്സിപ്പല് സെക്രട്ടറി എം ജി രാജമാണിക്യം പറഞ്ഞു. റേഷന് കടകളെ സാമ്പത്തികമായി ലാഭകരമാക്കുക എന്നതാണ് പദ്ധതികൊണ്ട് ലക്ഷ്യമാക്കുന്നത്. കെ-സ്റ്റോറുകളാക്കി മാറ്റുകയും ലാഭകരമായി പ്രവര്ത്തിക്കുകയും ചെയ്യുമ്പോള് തന്നെ പൊതുവിതരണ കേന്ദ്രങ്ങളായുള്ള അവയുടെ പ്രവര്ത്തനവും തുടരും. സപ്ലൈകോയ്ക്ക് കട ഉടമകളുമായി കരാറുകളില് ഏര്പ്പെടാനും അവര്ക്ക് ക്രെഡിറ്റ് സൗകര്യം നല്കാനും കഴിയുമെന്നും എം ജി രാജമാണിക്യം വ്യക്തമാക്കുന്നു.
സ്ഥലസൗകര്യങ്ങളുള്ള മാവേലി സ്റ്റോറുകളെ പഞ്ചായത്ത് തലത്തിലുള്ള വിതരണ ഗോഡൗണുകളാക്കി ഉപയോഗിക്കാനും വിതരണ ശൃംഖല കാര്യക്ഷമമാക്കാനുമാണ് പദ്ധതിയിടുന്നത്. ഭക്ഷ്യ-സിവില് സപ്ലൈസ് വകുപ്പുമായി ഏകോപിപ്പിച്ച് നടപ്പാക്കുന്ന പദ്ധതിക്ക് സപ്ലൈകോ നേതൃത്വം നല്കും. സംവിധാനങ്ങളിലെ മാറ്റം സംസ്ഥാനത്തെ പൊതുവിതരണ സംവിധാനത്തെ കാര്യക്ഷമവും ജനസൗഹൃദവുമാക്കുമെന്നാണ് വിലയിരുത്തല്. റേഷന് കടകള്, മാവേലി സ്റ്റോറുകള്, സപ്ലൈകോ എന്നിവയെ സംയോജിപ്പിച്ച് റീട്ടൈല് റീട്ടെയില് ശൃംഖലയാണ് സര്ക്കാര് വിഭാവനം ചെയ്യുന്നത്. 470 കോടി രൂപയാണ് പദ്ധതിയുടെ പ്രാരംഭ നടപടികള്ക്ക് ആവശ്യമായി വരികയെന്നാണ് വിലയിരുത്തല്.
പൊതുവിതരണ കേന്ദ്രങ്ങള് മാവേലി സ്റ്റോറുകളാക്കി മാറ്റുന്നത് റീട്ടൈല് മേഖലയില് വലിയ മാറ്റങ്ങള്ക്ക് വഴി വയ്ക്കുമെന്ന് കേരള സ്റ്റേറ്റ് റീട്ടെയില് റേഷന് ഡീലേഴ്സ് അസോസിയേഷന് ഓര്ഗനൈസിംഗ് സെക്രട്ടറി എന് ഷിജീര് പറഞ്ഞു. എണ്ണ, പയര്വര്ഗ്ഗങ്ങള് ഉള്പ്പെടെയുള്ള സബ്സിഡി ഉല്പ്പന്നങ്ങള് റേഷന് കടകളിലെത്തുന്നത് ജനങ്ങളെ ആകര്ഷിക്കും. ഇത് കടകളുടെ ലാഭത്തില് പ്രതിഫലിക്കുമെന്നും ഷിജീര് ചൂണ്ടിക്കാട്ടുന്നു.
by Midhun HP News | Oct 16, 2025 | Latest News
സംവരണ വിഭാഗം സംവരണ നിയോജക മണ്ഡലത്തിൻ്റെ നമ്പരും
പട്ടികജാതി സ്ത്രീ സംവരണം – 2-ആലംകോട്
പട്ടികജാതി സ്ത്രീ സംവരണം – 14-കോസ്മോ ഗാർഡൻസ്
പട്ടികജാതി സംവരണം – 1-കൊച്ചുവിള
സ്ത്രീ സംവരണം – 5-കരിച്ചിയിൽ
സ്ത്രീ സംവരണം – 7-ആറാട്ടുകടവ്
സ്ത്രീ സംവരണം – 8-അവനവഞ്ചേരി
സ്ത്രീ സംവരണം – 9 ഗ്രാമം
സ്ത്രീ സംവരണം – 13-അമ്പലംമുക്ക്
സ്ത്രീ സംവരണം – 18-ഐ.റ്റി.ഐ.
സ്ത്രീ സംവരണം – 19-പാർവ്വതീപുരം
സ്ത്രീ സംവരണം – 20-കാഞ്ഞിരംകോണം
സ്ത്രീ സംവരണം – 21-വിളയിൽമൂല
സ്ത്രീ സംവരണം – 23 കൊടുമൺ
സ്ത്രീ സംവരണം – 25-എ.സി.എ.സി. നഗർ
സ്ത്രീ സംവരണം – 26 ടൗൺ
സ്ത്രീ സംവരണം – 28 കുഴിമുക്ക്
സ്ത്രീ സംവരണം – 31 ടൗൺ ഹാൾ
Recent Comments