by Midhun HP News | Jun 4, 2025 | Latest News, കേരളം
തിരുവനന്തപുരം: സംസ്ഥാനത്ത് ഇന്നും ഒറ്റപ്പെട്ട ശക്തമായ മഴയ്ക്ക് ( rain alert ) സാധ്യത. ഒറ്റപ്പെട്ടയിടങ്ങളില് ഇടിമിന്നലോടു കൂടിയ മഴയ്ക്കും മണിക്കൂറില് 40 കിലോമീറ്റര് വരെ വേഗതയില് ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു. സംസ്ഥാനത്തെ ഏഴു ജില്ലകളില് ഇന്ന് അതിശക്ത മഴ മുന്നറിയിപ്പും ( yellow alert ) പുറപ്പെടുവിച്ചിട്ടുണ്ട്.
കാസര്കോട്, കണ്ണൂര്, കോഴിക്കോട്, മലപ്പുറം, തൃശൂര്, എറണാകുളം, ആലപ്പുഴ എന്നീ ജില്ലകളിലാണ് യെല്ലോ അലര്ട്ട് പുറപ്പെടുവിച്ചിട്ടുള്ളത്. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നതുകൊണ്ട് അര്ത്ഥമാക്കുന്നത്.
മത്സ്യത്തൊഴിലാളി ജാഗ്രത നിര്ദേശം
കേരള – കര്ണാടക- ലക്ഷദ്വീപ് തീരങ്ങളില് ഇന്നും മത്സ്യബന്ധനത്തിന് പോകാന് പാടില്ലെന്ന് കേന്ദ്ര കാലാവസ്ഥാ വകുപ്പ് അറിയിച്ചു. കേരള – കര്ണാടക- ലക്ഷദ്വീപ് തീരങ്ങളില് മണിക്കൂറില് 35 മുതല് 45 കിലോമീറ്റര് വരെയും ചില അവസരങ്ങളില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്.
പ്രത്യേക ജാഗ്രതാ നിര്ദേശം
തെക്കു പടിഞ്ഞാറന് അറബിക്കടല്,മധ്യ പടിഞ്ഞാറന് അറബിക്കടലും അതിന്റെ പടിഞ്ഞാറന് ഭാഗങ്ങളും എന്നിവിടങ്ങളില് മണിക്കൂറില് 45 മുതല് 55 കിലോമീറ്റര് വരെയും ചില അവസരങ്ങളില് 65 കിലോമീറ്റര് വരെയും വേഗതയില് ശക്തമായ കാറ്റിനു സാധ്യത.
തെക്കു പടിഞ്ഞാറന് ബംഗാള് ഉള്ക്കടല്, അതിനോട് ചേര്ന്ന മധ്യ പടിഞ്ഞാറന് ബംഗാള് ഉള്ക്കടല്, വടക്കന് തമിഴ്നാട് തീരം, തെക്കന് ആന്ധ്രാ പ്രദേശ് തീരം, മധ്യ ബംഗാള് ഉള്ക്കടലിന്റെ വടക്കന് ഭാഗങ്ങള്, വടക്കന് ബംഗാള് ഉള്ക്കടലിനോട് ചേര്ന്ന ഭാഗങ്ങള് എന്നിവിടങ്ങളില് മണിക്കൂറില് 35 മുതല് 45 കിലോമീറ്റര് വരെയും ചില അവസരങ്ങളില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയെന്നും അധികൃതര് അറിയിച്ചു.
by Midhun HP News | Jun 4, 2025 | Latest News, കേരളം
കൊച്ചി: സംസ്ഥാനത്ത് സ്വര്ണവിലയില് (kerala gold) വീണ്ടും വര്ധന. പവന് 80 രൂപയാണ് കൂടിയത്. ഇന്ന് 72,720 രൂപയാണ് ഒരു പവന് സ്വര്ണത്തിന്റെ വില. ഗ്രാമിന് ആനുപാതികമായി 10 രൂപയാണ് വര്ധിച്ചത്. 9090 രൂപയാണ് ഒരു ഗ്രാം സ്വര്ണത്തിന്റെ വില. തിങ്കളാഴ്ച രണ്ടു തവണകളായി 1120 വര്ധിച്ചതോടെയാണ് ഒരിടവേളയ്ക്ക് ശേഷം സ്വര്ണവില വീണ്ടും 72,000ന് മുകളില് എത്തിയത്.
കഴിഞ്ഞ മാസം 71,000നും 72,000നും ഇടയില് സ്വര്ണ വില കൂടിയും കുറഞ്ഞും നില്ക്കുന്ന കാഴ്ചയാണ് വിപണിയില് കണ്ടത്. കഴിഞ്ഞ മാസം 15ന് 68,880 ലേക്ക് കൂപ്പുകുത്തിയ സ്വര്ണവില പിന്നീട് കരകയറി 71,000ന് മുകളില് എത്തിയ ശേഷമാണ് ചാഞ്ചാടി നിന്നത്. എന്നാല് തിങ്കളാഴ്ച രണ്ടു തവണകളായി 1120 രൂപ വര്ധിച്ച് 72000 കടന്നതോടെ വീണ്ടും റെക്കോര്ഡുകള് ഭേദിച്ച് സ്വര്ണവില കുതിക്കുമോ എന്ന പ്രതീതി സൃഷ്ടിച്ചിട്ടുണ്ട്.
by Midhun HP News | Jun 3, 2025 | Latest News, ജില്ലാ വാർത്ത
ജിഎച്ച്എസ്എസ് നഗരൂർ നെടുംപറമ്പ് സ്കൂളിൽ HST MATHS, HST ENGLISH & HST PHYSICAL SCIENCE തസ്തികളിലേക്ക് ദിവസ വേതന അടിസ്ഥാനത്തിൽ താൽകാലിക നിയമനത്തിന് അധ്യാപകരെ ആവശ്യമുണ്ട്. 05/06/2025 വ്യാഴം രാവിലെ 10.am നാണ് ഇന്റർവ്യൂ. അസ്സൽ രേഖകൾ, സെൽഫ് അറ്റെസ്റ്റഡ് കോപ്പികൾ എന്നിവയുമായി അന്നേദിവസം രാവിലെ 10.am ന് മുൻപ് സ്കൂൾ ഓഫീസിൽ എത്തിച്ചേരുക.
കൂടുതൽ വിവരങ്ങൾക്ക്.+91 80784 27831ഈ നമ്പറിൽ ബന്ധപ്പെടുക
by Midhun HP News | Jun 3, 2025 | Latest News, കേരളം
തിരുവനന്തപുരം: ഉപ്പുമാവിന് പകരം ബിരിയാണി വേണമെന്ന ശങ്കുവിന്റെ ആഗ്രഹം പൂവണിഞ്ഞു. അങ്കണവാടിയില് കുട്ടികളുടെ ഭക്ഷണ മെനു പരിഷ്കരിച്ചു. പുതിയ മെനുവില് ബിരിയാണിയും പുലാവും ഉള്പ്പെടുത്തി. രണ്ടുദിവസം കൊടുത്തിരുന്ന പാല് മൂന്ന് ദിവസമാക്കി ഉയര്ത്തി.
അങ്കണവാടിയില് ഉപ്പുമാവിന് പകരം ബിരിയാണിയും പൊരിച്ച കോഴിയും വേണമെന്ന ശങ്കുവിന്റെ വീഡിയോ സാമൂഹിക മാധ്യമങ്ങളില് വൈറലായിരുന്നു. അതിന് പിന്നാലെ ആരോഗ്യമന്ത്രി വീണാ ജോര്ജ് സംഭവത്തില് ഇടപെട്ടിരുന്നു. ശങ്കുവിന്റെ ആവശ്യം പരിഗണിച്ച് അങ്കണവാടിയിടെ ഭക്ഷണ മെനു പരിഷ്ക്കരിക്കുമെന്ന് മന്ത്രി വീണാ ജോര്ജ് പറഞ്ഞിരുന്നു.
‘ആ മകന് വളരെ നിഷ്കളങ്കമായിട്ട് പറഞ്ഞ ആവശ്യം ഉള്ക്കൊള്ളുകയാണ്. കുട്ടികള്ക്ക് പോഷകാഹാരം ഉറപ്പ് വരുത്താനായി വിവിധ തരം ഭക്ഷണങ്ങള് അങ്കണവാടി വഴി നല്കുന്നുണ്ട്. ഈ സര്ക്കാരിന്റെ കാലത്ത് അങ്കണവാടി വഴി മുട്ടയും പാലും നല്കുന്ന പദ്ധതി നടപ്പിലാക്കി. അത് വിജയകരമായി നടക്കുന്നുണ്ട്. വനിത ശിശുവികസന വകുപ്പിന്റെ ഏകോപനത്തില് തദ്ദേശ സ്ഥാപനങ്ങള് സ്വന്തം നിലയില് അങ്കണവാടികളില് പലതരം ഭക്ഷണങ്ങള് നല്കുന്നുണ്ട്. ശങ്കുവിന്റെ അഭിപ്രായം പരിഗണിച്ച് ഭക്ഷണ മെനു പരിശോധിക്കും’ മന്ത്രിയുടെ വാക്കുകള് ഇങ്ങനെയായിരുന്നു.
by Midhun HP News | Jun 3, 2025 | Latest News, ജില്ലാ വാർത്ത
തിരുവന്തപുരം: ലോകത്തെ ഏറ്റവും വലിയ കണ്ടെയ്നര് കപ്പലായ എംഎസ്സി ഐറീന വിഴിഞ്ഞം തുറമുഖത്തേക്ക്. ഇന്ന് രാത്രി കപ്പല് വിഴിഞ്ഞം പുറംകടലിലെത്തും. എന്നാല് ബര്ത്തിലടുക്കുന്നത് ആറാം തീയതിയാണ്. സൗത്ത് ഏഷ്യന് തുറമുഖങ്ങളില് ആദ്യമായാണ് ഐറീന എത്തുന്നത്.
സിംഗപ്പൂരില് നിന്നാണ് കപ്പല് വിഴിഞ്ഞത്തേക്ക് എത്തുന്നത്. മലയാളിയായ തൃശ്ശൂര് സ്വദേശി വില്ലി ആന്റണിയാണ് പടുകൂറ്റന് കപ്പലിന്റെ ക്യാപ്റ്റന്. കണ്ണൂര് സ്വദേശി അഭിനന്ദ് ഉള്പ്പെടെ 35 ജീവനക്കാരുണ്ട്. മെഡിറ്റേറിയന് ഷിപ്പിങ് കമ്പനിയുടെ ഐറീന സിരീസിലുള്ള കപ്പലുകളാണ് ലോകത്തെ ഏറ്റവും വലിയ കണ്ടെയ്നര് കപ്പലുകള്.
എംഎസ്സി ഐറീനക്ക് 400 മീറ്റര് നീളവും 62 മീറ്റര് വീതിയുമുണ്ട്. 16.2 മീറ്റര് ഡ്രാഫ്റ്റിലാണു ഐറിന വിഴിഞ്ഞം ബെര്ത്തില് പ്രവേശിക്കുന്നത്. 24,346 ടിഇയു കണ്ടെയ്നര് ശേഷിയുണ്ട്. 19,462 ടിഇയു ശേഷിയുള്ള എംഎസ്സി ക്ലൗഡ് ജിറാഡറ്റാണ് വിഴിഞ്ഞത്ത് ഇതുവരെ വന്നതില് ഏറ്റവും ശേഷിയുള്ള കപ്പല്. ലൈബീരിയന് ഫ്ലാഗുള്ള ഐറീന 2023 ല് നിര്മ്മിച്ച് നീറ്റിലിറക്കിയതാണ്. 22 നില കെട്ടിടത്തിന്റെ ഉയരമുള്ള നിര്മ്മിതിയാണ്. ആറ് സഹോദരി കപ്പലുകളില് എംഎസ്സി തുര്ക്കിയും മിഷേല് കപ്പലിനിയും നേരത്തെ തന്നെ വിഴിഞ്ഞം തുറമുഖത്തെത്തിയിരുന്നു.
by Midhun HP News | Jun 3, 2025 | Latest News, ജില്ലാ വാർത്ത
ആറ്റിങ്ങൽ ഗവൺമെൻ്റ് പോളിടെക്നിക് കോളേജിന്റെ കീഴിൽ പ്രവർത്തിച്ചുവരുന്ന തുടർവിദ്യാഭ്യാസ കേന്ദ്രത്തിൻ്റെ ആഭിമുഖ്യത്തിൽ ആരംഭിക്കുന്ന താഴെ പറയുന്ന കോഴ്സുകളിലേയ്ക്ക് അപേക്ഷകൾ ക്ഷണിച്ചുകൊളളുന്നു.
വിദ്യാഭ്യാസ യോഗ്യത
എസ് എസ് എൽ സി
1. സർട്ടിഫിക്കറ്റ് കോഴ്സ് ഇൻ ഫ്രഞ്ച് ലാംഗ്വേജ് (4 മാസം)
2. ഡിപ്ലോമ ഇൻ കമ്പ്യൂട്ടർ ആപ്ലിക്കേഷൻ (6 മാസം)
3. മൊബൈൽ ഫോൺ ടെക്നോളജി (3 മാസം)
4. സർട്ടിഫിക്കറ്റ് കോഴ്സ് ഇൻ ഇലക്ട്രിക്കൽ വയറിംഗ് (10 മാസം)
അപേക്ഷ ഫോറവും വിശദ വിവരങ്ങളും പോളിടെക്നിക് കോളേജിൻ്റെ തുടർ വിദ്യാഭ്യാസ കേന്ദ്രത്തിലെ ഓഫീസിൽ നിന്നും ലഭിക്കുന്നതാണ്.
ഫോൺ നമ്പർ : 6235557495, 9567271987
Recent Comments