by Midhun HP News | Oct 17, 2023 | Latest News, കായികം
തൃശൂർ: സംസ്ഥാന സ്കൂള് കായികമേളയിലെ ആദ്യ സ്വര്ണം കണ്ണൂരിന്. പെണ്കുട്ടികളുടെ 3000 മീറ്ററില് ജിവിഎച്ച്എസ്എസ് കണ്ണൂരിലെ ഗോപിക ഗോപിക്കാണ് സ്വര്ണം ലഭിച്ചത്.
സ്കൂള് കായികോത്സവത്തിന്റെ 65-ാം പതിപ്പിന് കുന്നംകുളം ഗവ. വൊക്കേഷണല് ഹയര് സെക്കന്ഡറി സ്കൂള് സിന്തറ്റിക് ട്രാക്ക് സ്റ്റേഡിയത്തിലാണ് ഇന്ന് തുടക്കമായത്. പകല് 3.30ന് കായികോത്സവം വിദ്യാഭ്യാസ മന്ത്രി വി ശി ശിവന്കുട്ടി ഔദ്യോഗികമായി ഉദ്ഘാടനം ചെയ്യും. 20 വരെ നീളുന്ന മേളയില് ആറു വിഭാഗങ്ങളിലായി 96 ഇനങ്ങളില് 2680 കൗമാരതാരങ്ങള് അണിനിരക്കും.
by Midhun HP News | Oct 14, 2023 | Latest News, കായികം
അഹമ്മദാബാദ്: ലോകപ്പില് ഇന്ത്യക്കെതിരായ മത്സരത്തില് പാകിസ്ഥാന് ആദ്യ വിക്കറ്റ് നഷ്ടം. അബ്ദുല്ല ഷഫീക്കിന്റെ വിക്കറ്റാണ് വീണത്. 20 റണ്സ് എടുത്ത് ഷഫിക്കിനെ മുഹമ്മദ് സിറാജ് എല്ബിഡബ്ല്യുവില് കുടുക്കി. പന്ത്രണ്ട് ഒരുവിക്കറ്റ് നഷ്ടത്തില് 73 റണ്സ് എന്ന നിലയിലാണ് പാകിസ്ഥാന്. 39 റണ്സ് എടുത്ത ഇമാം ഉള് ഹഖിന്റെ വിക്കറ്റാണ് നഷ്ടമായത്. ഹാര്ദിക് പാണ്ഡ്യക്കാണ് വിക്കറ്റ്.
മുഹമ്മദ് റിസ് വാനും 16 റണ്സുമായി ബാബര് അസുമുമാണ് ക്രീസില്. ടോസ് നേടിയ ഇന്ത്യ പാകിസ്ഥാനെ ബാറ്റിങിന് അയക്കുകയായിരുന്നു. ശുഭ്മാന് ഗില് ടീമില് തിരിച്ചെത്തി. ഇഷാന് കിഷന് അതോടെ പുറത്തായി. ശാര്ദുല് ഠാക്കൂറിനെ ഇന്ത്യ നിലനിര്ത്തി.ഓസ്ട്രേലിയ, അഫ്ഗാനിസ്ഥാന് ടീമുകളെ വീഴ്ത്തിയാണ് ഇന്ത്യ മൂന്നാം പോരിന് ഇറങ്ങുന്നത്. നെതര്ലന്ഡ്സ്, ശ്രീലങ്ക ടീമുകളെ വീഴ്ത്തിയതിന്റെ ആത്മവിശ്വാസത്തിലാണ് പാകിസ്ഥാന്.
ടീം ഇന്ത്യ, പ്ലേയിങ് ഇലവന്രോഹിത് ശര്മ(ക്യാപ്റ്റന്) ശുഭ്മാന് ഗില്, വിരാട് കോലി, ശ്രേയസ് അയ്യര്, കെ.എല്.രാഹുല്, ഹര്ദിക് പാണ്ഡ്യ, രവീന്ദ്ര ജഡേജ, ശ്രാദുല് ഠാക്കൂര്, കുല്ദീപ് യാദവ്, ജസ്പ്രീത് ബുംറ, മുഹമ്മദ് സിറാജ്
പാകിസ്ഥാന് ടീം, പ്ലേയിങ് ഇലവന്ബാബര് അസം(ക്യാപ്റ്റന്), അബ്ദുള്ള ഷഫീഖ്, ഇമാം ഉള് ഹഖ്, മുഹമ്മദ് റിസ്വാന്, സൗദ് ഷക്കീല്, ഇഫ്തിഖര് അഹമ്മദ്, ഷദാബ് ഖാന്, മുഹമ്മദ് നവാസ്, ഹസന് അലി, ഷഹീന് അഫ്രീദി, ഹാരിസ് റൗഫ്.
by Midhun HP News | Oct 14, 2023 | Latest News, കായികം
അഹമ്മദാബാദ്: ഇന്ത്യയും പാകിസ്ഥാനും തമ്മിലുള്ള ലോകകപ്പ് ക്ലാസിക്ക് അല്പ്പ സമയത്തിനുള്ളില്. ടോസ് നേടി ഇന്ത്യ ബൗളിങ് തിരഞ്ഞെടുത്തു..
ശുഭ്മാന് ഗില് ടീമില് തിരിച്ചെത്തി. ഇഷാന് കിഷന് അതോടെ പുറത്തായി. ശാര്ദുല് ഠാക്കൂറിനെ ഇന്ത്യ നിലനിര്ത്തി. ഓസ്ട്രേലിയ, അഫ്ഗാനിസ്ഥാന് ടീമുകളെ വീഴ്ത്തിയാണ് ഇന്ത്യ മൂന്നാം പോരിന് ഇറങ്ങുന്നത്. നെതര്ലന്ഡ്സ്, ശ്രീലങ്ക ടീമുകളെ വീഴ്ത്തിയതിന്റെ ആത്മവിശ്വാസത്തിലാണ് പാകിസ്ഥാന്.
by Midhun HP News | Oct 14, 2023 | Latest News, കായികം
ഇന്ത്യ-പാക് ലോകകപ്പ് മത്സരത്തിന് കാത്തിരിക്കുകായാണ് ക്രിക്കറ്റ് ലോകം. ഉച്ചയ്ക്ക് 2 മണിക്ക് അഹമ്മദാബാദിലെ നരേന്ദ്ര മോദി സ്റ്റേഡിയത്തിലാണ് മത്സരം. മത്സരത്തിന്റെ മുഴുവന് ടിക്കറ്റുകളും ഇതിനോടകം തന്നെ വിറ്റുപോയെന്ന് ബിസിസിഐ വ്യക്തമാക്കി. സ്റ്റേഡിയത്തിലേക്ക് ഇന്നലെ രാത്രി മുതല് തന്നെ ആരാധകരുടെ വലിയ തിരക്കാണ് അനുഭവപ്പെടുന്നത്.
ഏഴ് വര്ഷത്തിന് ശേഷം വീണ്ടും മടങ്ങിയെത്തുന്ന പാക് പടയെ നേരിടാന് സര്വ്വ സജ്ജമാണ് ഇന്ത്യ. തിരിച്ചു വരവ് അതിഗംഭീരമാക്കിയാണ് പാക് പടയുടെ കുതിപ്പ്. ശക്തമായ ബാറ്റിങ്ങും അതിശക്തമായ ബൗളിംഗുമാണ് ടീമിനിത്തവണ. ആദ്യമായാണ് പാക് നിരയിലെ താരങ്ങലെല്ലാം ഇന്ത്യയിലെത്തിയതെങ്കിലും പരിചിതമല്ലാത്ത പിച്ചില് ഗംഭീരമാണ് ടീമിന്റെ പ്രകടനം. ശ്രീലങ്കയ്ക്ക് എതിരെ തോല്വി ഉറപ്പിച്ചിടത്ത് നിന്നാണ് പാകിസ്താന് ചരിത്രവിജയം സ്വന്തമാക്കിയത്.
by Midhun HP News | Oct 11, 2023 | Latest News, കായികം
ഡല്ഹി: ഓസ്ട്രേലിയക്കെതിരെ ആറ് വിക്കറ്റ് വിജയത്തോടെ തുടങ്ങിയ ഇന്ത്യ, ഇന്ന് അഫ്ഗാനെ നേരിടുമ്പോള് അതിനെക്കാള് മികവാര്ന്ന ജയമാണ് ലക്ഷ്യമിടുന്നത്. ഡല്ഹിയിലെ അരുണ് ജെയ്റ്റ്ലി സ്റ്റേഡിയത്തില് നടക്കുന്ന മത്സരത്തില് ഓപ്പണര് ശുഭ്മാന് ഗില് ഇന്നും കളത്തിലിറങ്ങില്ല.
സിക്സറുകളുടെ മൈതാനമാണ് ഡല്ഹി. മൂന്നുദിവസംമുമ്പ് ദക്ഷിണാഫ്രിക്ക-ശ്രീലങ്ക മത്സരത്തില് പറന്നത് 31 സിക്സറുകളായിരുന്നു. ഇരുടീമുകളും അടിച്ചുകൂട്ടിയത് 754 റണ്. ലോകകപ്പിലെ അതിവേഗ സെഞ്ച്വറിയും ഇവിടെ പിറന്നു.വിരാട് കോഹ്ലി, കെഎല് രാഹുല് സഖ്യമായിരുന്നു ഓസീസിനെതിരെ ജയമൊരുക്കിയത്. ഇരുവര്ക്കും സമ്മര്ദമില്ലാതെ ബാറ്റ് ചെയ്യാനുള്ള അവസരംകൂടിയാണ് ഇന്ന്. ഇഷാന് കിഷനും ശ്രേയസ് അയ്യരും ഫോമിലേക്ക് തിരിച്ചെത്തുമെന്ന പ്രതീക്ഷയിലാണ് ആരാധകര്. ആദ്യകളിയില് ബംഗ്ലാദേശിനോട് തോറ്റാണ് അഫ്ഗാന് ഇന്ത്യക്കെതിരെ ഇറങ്ങുന്നത്.
ശുഭ്മാന് ഗില്ലിന്റെ അഭാവത്തില് ഇഷാന് കിഷന്തന്നെ ഓപ്പണറായി തുടരും. സ്പിന്നര്മാരാണ് അഫ്ഗാന്റെ കരുത്ത്. റാഷിദ് ഖാന്, മുജീബ് ഉര് റഹ്മാന്, മുഹമ്മദ് നബി എന്നിവരാണ് സ്പിന് വകുപ്പില്. പേസര്മാരെ കടന്നാക്രമിക്കാനായിരിക്കും ഇന്ത്യന് ബാറ്റര്മാരുടെ ശ്രമം. ശ്രേയസിന് സ്പിന്നമാര്ക്കെതിരെ മികച്ച റെക്കോഡുണ്ട്. പേസര്മാര്ക്ക് ഗുണംകിട്ടുന്ന പിച്ചില് ആര് അശ്വിന്-രവീന്ദ്ര ജഡേജ-കുല്ദീപ് യാദവ് സ്പിന് ത്രയത്തില് ഒരാളെ പുറത്തിരുത്താന് സാധ്യതയുണ്ട്. അങ്ങനെയാണെങ്കില് അശ്വിനാകും ഒഴിവാകുക.
പേസര് മുഹമ്മ് ഷമി നാലുവര്ഷംമുമ്പ് അഫ്ഗാനെതിരെ ഹാട്രിക് നേടിയിരുന്നു. പക്ഷെ, ഷമിയെ ഉള്പ്പെടുത്തിയാല് ബാറ്റിങ് കരുത്ത് കുറയും. ഈ സാഹചര്യത്തില് ശാര്ദുല് ഠാക്കൂറിനായിരിക്കും സാധ്യത. ഇന്ത്യന് നിരയില് അഫ്ഗാനിസ്ഥാനെതിരെ ഏറ്റവും കൂടുതല് വിക്കറ്റ് നേടിയ ബൗളര് ജഡേജയാണ്.
ഇന്ത്യന് ടീം: രോഹിത് ശര്മ, ഇഷാന് കിഷന്, വിരാട് കോഹ്ലി, ശ്രേയസ് അയ്യര്, കെഎല് രാഹുല്, ഹാര്ദിക് പാണ്ഡ്യ, രവീന്ദ്ര ജഡേജ, ആര് അശ്വിന്/ശാര്ദുല് ഠാക്കൂര്, കുല്ദീപ് യാദവ്, ജസ്പ്രീത് ബുമ്ര, മുഹമ്മദ് സിറാജ്.
അഫ്ഗാനിസ്ഥാന് ടീം: റഹ്മാനുല്ല ഗുര്ബാസ്, ഇബ്രാഹിം സദ്രാന്, റഹ്മത് ഷാ, ഹഷ്മതുല്ല ഷാഹിദി, നജീബുള്ള സദ്രാന്, മുഹമ്മദ് നബി, അസ്മതുല്ല ഒമര്സായ്, റാഷിദ് ഖാന്, മുജീബ് റഹ്മാന്, നവീന് ഉള് ഹഖ്, ഫസല്ഹഖ് ഫാറൂഖി.
by Midhun HP News | Oct 8, 2023 | Latest News, കായികം
ചെന്നൈ: ലോകകപ്പ് പോരാട്ടത്തില് ഓസ്ട്രേലിയയുടെ ആദ്യ വിക്കറ്റ് വീഴ്ത്തി ഇന്ത്യ. ഓപ്പണര് മിച്ചല് മാര്ഷാണ് പുറത്തായത്. താരം സംപൂജ്യനായി കൂടാരം കയറി. ജസ്പ്രിത് ബുമ്റയുടെ പന്തില് വിരാട് കോഹ്ലിക്ക് പിടി നല്കിയാണ് മാര്ഷിന്റെ മടക്കം. ഒരു വിക്കറ്റ് നഷ്ടത്തില് 16 റണ്സെന്ന നിലയിലാണ് ഓസ്ട്രേലിയ. ടോസ് നേടി ഓസ്ട്രേലിയ ബാറ്റിങ് തിരഞ്ഞെടുക്കുകയായിരുന്നു. അഞ്ച് റണ്സുമായി ഡേവിഡ് വാര്ണറും 11 റണ്സുമായി സ്റ്റീവ് സ്മിത്തും ബാറ്റിങ് തുടരുന്നു. ശുഭ്മാന് ഗില്ലിനു പകരം ഇഷാന് കിഷന് പ്ലെയിങ് ഇലവനില് സ്ഥാനം നേടി. ആര് അശ്വിന്, ജഡേജ, കുല്ദീപ് സ്പിന് ത്രയവും ഇന്ത്യക്കായി ഇറങ്ങും.
Recent Comments