ആറ്റിങ്ങൽ: ആറ്റിങ്ങൽ നഗരസഭ ഹെൽത്ത് വിഭാഗത്തിൽ വിജിലൻസിന്റെ മിന്നൽ പരിശോധന തുടരുന്നു. ഇന്ന് രാവിലെ 10:30 മുതൽ തുടങ്ങിയ പരിശോധന പുരോഗമിക്കുന്നു. ലൈസൻസ് സംബന്ധമായ ഫയലുകൾ പരിശോധിക്കുന്നതായാണ് സൂചന.
ആറ്റിങ്ങൽ ലയൺസ് ക്ലബ്ബിൻറെയും ശ്രീ മഹാദേവ റസിഡൻസ് അസോസിയേഷൻറെയും ആഭിമുഖ്യത്തിൽ സൗജന്യ നേത്ര പരിശോധന ക്യാമ്പും തിമിര ശസ്ത്രക്രിയയും നടത്തുന്നു. 2023 ജൂലൈ 23 ഞായറാഴ്ച രാവിലെ 9 മണി മുതൽ ഉച്ചയ്ക്ക് ഒരു മണി വരെ കൊടുമൺ ഐക്കര ആഡിറ്റോറിയത്തിലാണ് ക്യാമ്പ് നടക്കുക. സിഎസ്ഐ കാരക്കോണം മെഡിക്കൽ കോളേജിലെ വിദഗ്ധ ഡോക്ടർമാർ ക്യാമ്പിന് നേതൃത്വം നൽകും.
ക്യാമ്പിന്റെ ഉദ്ഘാടനം ആറ്റിങ്ങൽ മുനിസിപ്പാലിറ്റി ചെയർപേഴ്സൺ അഡ്വ.എസ് കുമാരി നിർവഹിക്കുന്നു.
ആറ്റിങ്ങൽ ലയൺസ് ക്ലബ് പ്രസിഡൻറ് ലയൺ മധുസൂദനൻ നായർ അധ്യക്ഷനാകും. രജിസ്ട്രേഷൻ രാവിലെ 7 .30 മുതൽ ക്യാമ്പിലെത്തുന്ന മുറയ്ക്കായിരിക്കും മുൻഗണന. രജിസ്ട്രേഷനും കൂടുതൽ വിവരങ്ങൾക്കും താഴെ കാണുന്ന നമ്പറിൽ ബന്ധപ്പെടാം.
മൊബൈൽ നമ്പർ: 8330015030, 9526231136, 9946750664
2022 ലെ മികച്ച ബാലതാരത്തിനുള്ള സംസ്ഥാന പുരസ്കാരം ലഭിച്ചതറിയാതെ സ്കൂൾ വിട്ട് വരുന്ന തന്മയ സോൾ എന്ന പെൺകുട്ടിയുടെ വിഡിയോ ആണ് ഇപ്പോൾ സമൂഹ മാധ്യമങ്ങളിൽ വൈറലായിക്കൊണ്ടിരിക്കുന്നത്. സനൽ കുമാർ ശശിധരൻ സംവിധാനം ചെയ്ത വഴക്ക് എന്ന സിനിമയിലെ പ്രകടനത്തിനാണ് തന്മയയ്ക്ക് മികച്ച ബാലതാരത്തിനുള്ള പുരസ്കാരം ലഭിച്ചത്. അവാർഡ് ലഭിച്ച സന്തോഷത്തിൽ മറ്റു താരങ്ങളെല്ലാം മാധ്യമങ്ങളിൽ സജീവമായപ്പോൾ തന്മയ മാത്രം ഇതൊന്നുമറിഞ്ഞിരുന്നില്ല.പുരസ്കാരം ലഭിച്ച വിവരമറിയാതെ സ്കൂളിൽനിന്ന് വരുന്ന വഴിക്ക് ഇക്കാര്യം അറിയിച്ചപ്പോൾ തന്മയയുടെ പ്രതികരണം കണ്ടപ്പോൾ കണ്ണുനിറഞ്ഞുവെന്ന് വിദ്യാഭ്യാസ മന്ത്രി വി ശിവൻകുട്ടി ഫേസ്ബുക്കിൽ കുറിച്ചു .
സംസ്ഥാന ചലച്ചിത്ര പുരസ്കാരത്തിൽ ഇത്തവണത്തെ മികച്ച ബാലതാരം(പെൺകുട്ടി) – യ്ക്കുള്ള പുരസ്കാരം ലഭിച്ചത് പട്ടം ഗേൾസ് എച്ച്എസ്എസിലെ എട്ടാം ക്ലാസ് വിദ്യാർത്ഥിനി തന്മയയ്ക്കാണ്. സർക്കാർ വിദ്യാലയം
ഏറെ അഭിമാനമെന്നും തന്മയയെ നേരിട്ട് വിളിച്ച് അഭിനന്ദിച്ചുവെന്നും മന്ത്രി ഫേസ്ബുക്കിൽ കുറിച്ചു.
ഹെല്മറ്റ് ധരിച്ചില്ലെന്ന് ചൂണ്ടിക്കാട്ടി വാഹനാപകടത്തില് പരിക്കേറ്റ് എട്ടുമാസമായി വീട്ടില് കഴിയുന്ന ആള്ക്ക് പിഴയിട്ട് മോട്ടോര് വാഹന വകുപ്പ്. പാലോട് പെരിങ്ങമല സ്വദേശി അനില്കുമാറിനാണ് പിഴ ചുമത്തിയത്. വാഹനാപകടത്തില് തുടയെല്ല് പൊട്ടി എട്ടുമാസമായി ചികിത്സയില് കഴിഞ്ഞുവരികയാണ് അനില്കുമാര്. പിഴ സന്ദേശത്തില് അഞ്ഞൂറു രൂപ പിഴയടക്കണമെന്നാണ് നിര്ദേശം. സംഭവത്തില് പരാതി നല്കുമെന്ന് അനില് കുമാര് പറയുന്നു.
പിഴ സന്ദേശത്തില് കാണിക്കുന്ന ചിത്രത്തിലുള്ള വാഹനം അനില്കുമാറിന്റെ അല്ല. സ്കൂട്ടറില് രണ്ടു പേര് സഞ്ചരിക്കുന്ന ചിത്രമാണ് പിഴ സന്ദേശത്തില് ഉള്ളത്. എന്നാല് അനില്കുമാറിന്റേത് ഹോണ്ട ബൈക്കാണ് വാഹനം. ചിത്രത്തില് രണ്ടു പേരും ഹെല്മറ്റ് ധരിച്ചിട്ടില്ല. പത്തനംതിട്ട ഏനാത്ത് ഭാഗത്ത് വെച്ച് നിയമലംഘനം നടത്തയതായാണ് നോട്ടീസില് പറയുന്നത്. എന്നാല് കഴിഞ്ഞ എട്ടുമാസമായി വാഹനപകടത്തില് പരിക്കേറ്റ് പുറത്തുപോലും ഇറങ്ങാന് കഴിയാതെ വീട്ടില് കഴിഞ്ഞുവരികയാണ് അനില്കുമാര്.
കേരള ലോട്ടറി വകുപ്പിന്റെ കാരുണ്യ KR -611 ലോട്ടറി നറുക്കെടുപ്പ് ഇന്ന്. മൂന്ന് മണിക്കാണ് നറുക്കെടുപ്പ് ആരംഭിക്കുക. 80 ലക്ഷം രൂപയാണ് ഒന്നാം സമ്മാനം ലഭിക്കുന്ന ടിക്കറ്റിന് ലഭിക്കുക. കാരുണ്യ ലോട്ടറിയുടെ രണ്ടാം സമ്മാനമായി 5 ലക്ഷം രൂപയും മൂന്നാം സമ്മാനം ഒരു ലക്ഷം രൂപ വീതവും ലഭിക്കും. എല്ലാ ശനിയാഴ്ചകളിലും നറുക്കെടുക്കുന്ന കാരുണ്യ ലോട്ടറി ടിക്കറ്റിന്റെ വില 40 രൂപയാണ്. സമാശ്വാസ സമ്മാനമടക്കം എട്ട് സമ്മാനങ്ങളാണ് ലോട്ടറിയ്ക്ക് ഉള്ളത്.
ലോട്ടറി വകുപ്പ് വെബ്സൈറ്റുകളായ http://www.keralalotteries.com/ , https://www.keralalotteryresult.net/ എന്നിവയിലും ഔദ്യോഗിക സോഷ്യൽ മീഡിയ പേജുകളിലൂടെയും ഫലം അറിയാൻ കഴിയും. കാരുണ്യ ലോട്ടറിയിലൂടെ ലഭിക്കുന്ന സമ്മാനം 5,000 രൂപയിൽ താഴെയാണെങ്കിൽ ഏത് ലോട്ടറിക്കടയിൽ നിന്നും നിങ്ങൾക്ക് തുക സ്വന്തമാക്കാൻ കഴിയും. തുക 5000ത്തിലും കൂടുതലാണെങ്കിൽ ലോട്ടറി ടിക്കറ്റും തിരിച്ചറിയൽ രേഖയും സഹിതം ലോട്ടറി ഓഫീസിലോ, ബാങ്കിലോ ബന്ധപ്പെടണം.
Recent Comments