by liji HP News | Jul 3, 2023 | Latest News, മരണം
തിരുവനന്തപുരം; നവവധുവിനെ ഭർത്താവിന്റെ വീട്ടിൽ മരിച്ച നിലയിൽ കണ്ടെത്തി. തിരുവനന്തപുരം പന്നിയോട് തണ്ണിച്ചാൻകുഴി സ്വദേശി വിപിന്റെ ഭാര്യ സോന (22)യെയാണ് വീടിനുള്ളിൽ തൂങ്ങി മരിച്ച നിലയിൽ കണ്ടെത്തിയത്. പതിനഞ്ച് ദിവസം മുമ്പായിരുന്നു സോനയും വിപിനും വിവാഹിതരായത്.
ഇന്നലെ രാത്രി 11.30 ഓടെയായിരുന്നു മരണം സംഭവിച്ചത്. ഭര്ത്താവ് വിപിനാണ് തൂങ്ങിയ നിലയില് സോനയെ ആദ്യം കണ്ടത്. കെട്ടഴിച്ച് ഉടന് ആശുപത്രിയില് എത്തിക്കാന് ശ്രമിച്ചെങ്കിലും മരിക്കുകയായിരുന്നു. ആത്മഹത്യയാണ് എന്നാണ് പ്രാഥമിക നിഗമനം. ഇരുവരുടേയും പ്രണയവിവാഹമായിരുന്നു.
അസ്വാഭാവിക മരണത്തിന് കാട്ടാകട പൊലീസ് കേസ് എടുത്തു.
by liji HP News | Jul 3, 2023 | Latest News, കേരളം
പാലക്കാട്; പൊലീസിന്റെ വാഹന പരിശോധനയ്ക്കിടെ 62 ഗ്രാം എംഡിഎംഎയുമായി അറസ്റ്റിലായത് മോഡലും ഇൻസ്റ്റഗ്രാം താരവുമായ യുവതിയെന്ന് പൊലീസ്. കൊച്ചിയിലെ റിസോർട്ട് കേന്ദ്രീകരിച്ചു മോഡലുകളും സമൂഹമാധ്യമ കൂട്ടായ്മയിലെ താരങ്ങളും നടത്തിയ പാർട്ടിയിലേക്കാണ് ഇവർ എംഡിഎംഎ കൊണ്ടുപോയതെന്നും പൊലീസിനു വിവരം ലഭിച്ചിട്ടുണ്ട്.
കഴിഞ്ഞ ദിവസമാണ് തൃശൂർ മുകുന്ദപുരം വള്ളിവട്ടം എടവഴിക്കൽ വീട്ടിൽ ഷമീന (31), സുഹൃത്ത് എടശ്ശേരി തളിക്കുളം അറക്കൽ വീട്ടിൽ മുഹമ്മദ് റയീസ് (31) എന്നിവർ അറസ്റ്റിലാകുന്നത്. പാലക്കാട് വച്ച് നടത്തിയ പരിശോധനയിലാണ് ഇവർ സഞ്ചരിച്ചിരുന്ന താർ ജീപ്പിൽ നിന്നാണ് മയക്കുമരുന്ന് കണ്ടെത്തിയത്. ബംഗളൂരുവിൽ നിന്ന് വരികയായിരുന്നു ഇരുവരും.
ഷമീന 2019ൽ തിരുവമ്പാടി, കൊടുങ്ങല്ലൂർ പൊലീസ് സ്റ്റേഷനുകളിൽ ഹണി ട്രാപ് കേസിലും പ്രതിയാണ്. സൗത്ത് കേരള സൗന്ദര്യ മത്സരത്തിലെ ഫസ്റ്റ് റണ്ണറയിരുന്നു ഇവർ. മുഹമ്മദ് റയീസ് ഐടി പ്രഫഷനലാണ്. മാസങ്ങൾക്കു മുൻപാണ് ഇയാൾ ഗൾഫിലെ ജോലി ഉപേക്ഷിച്ചു തൃശൂരിലെത്തിയത്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
by liji HP News | Jul 1, 2023 | Latest News, കേരളം
ആയുർവേദ രംഗത്ത് കൂടുതൽ തൊഴിലവസരങ്ങളും സംരംഭങ്ങളും ലക്ഷ്യമെന്ന് ആരോഗ്യ വകുപ്പ് മന്ത്രി വീണാ ജോർജ്. ആയുർവേദത്തിന് ലോകത്ത് സ്വീകാര്യതയേറുകയാണ്. ക്യൂബ ഉൾപ്പെടെയുള്ള രാജ്യങ്ങൾ സന്ദർശിച്ചപ്പോൾ ഇത് നേരിട്ട് ബോധ്യമായി. നൂറിലധികം രാജ്യങ്ങളിൽ ആയുർവേദം പ്രചരിക്കപ്പെടുന്നുണ്ട്. പല രാജ്യങ്ങളിലെ യൂണിവേഴ്സിറ്റികളുമായുള്ള ആശയ വിനിമയത്തിൽ ആയുർവേദ രംഗത്തു കേരളത്തിന്റെ സഹകരണം ആവശ്യപ്പെട്ടിട്ടുണ്ടെന്നും മന്ത്രി വ്യക്തമാക്കി. തിരുവനന്തപുരം ഗവ. ആയുർവേദ കോളേജ് വനിതാ ഹോസ്റ്റൽ ഉദ്ഘാടനം ചെയ്യുകയായിരുന്നു മന്ത്രി.
രോഗങ്ങൾക്ക് ചികിത്സ നൽകുന്നതിനോടൊപ്പം തന്നെ രോഗ പ്രതിരോധത്തിനും ആരോഗ്യ പരിപാലനത്തിനും തുല്യ പ്രാധാന്യം നൽകുന്ന സമഗ്രമായ സമീപനമാണ് ആയുർവേദത്തിന്റേത്. ആയുർവേദ ഗവേഷണം കേരളം നയിക്കണം. പരമ്പരാഗത ആരോഗ്യ മേഖലയിലുള്ള പ്രയോഗങ്ങളും ഔഷധ സമ്പത്തും കൂടുതൽ തെളിവ് അധിഷ്ഠിതമാക്കി നിലവിലുള്ള പൊതുജനാരോഗ്യ സംവിധാനവുമായി കൂട്ടിച്ചേർത്തു നല്ലൊരു മാതൃക സൃഷ്ടിക്കാൻ കഴിയും എന്നതിന്റെ അടിസ്ഥാനത്തിലാണ് അന്താരാഷ്ട്ര ആയുർവേദ ഗവേഷണ കേന്ദ്രം എന്ന ആശയത്തിലേക്ക് കേരളം എത്തിയത്. അന്താരാഷ്ട്ര ആയുർവേദ റിസർച്ച് ഇൻസ്റ്റിറ്റ്യൂട്ടിന്റെ ഒന്നാം ഘട്ട നിർമ്മാണ പ്രവർത്തനം ഈ സർക്കാരിന്റെ കാലത്ത് ആരംഭിച്ചു.
by liji HP News | Jul 1, 2023 | Latest News, ജില്ലാ വാർത്ത
തീരദേശ പ്രദേശമായ അഞ്ചുതെങ്ങിലെ അനധികൃത വിദേശ മദ്യവിലപ്പന നിയന്ത്രിക്കാൻ കഴിയുന്നില്ലെങ്കിൽ, പ്രദേശത്ത് ബിവറേജസ് ഔട്ട്ലെറ്റ് തുറക്കണമെന്ന ആവിശ്യം ശക്തമാകുന്നു. തീരമേഖലയിൽ അനിയന്ത്രിതമായി വർദ്ധിച്ചുവരുന്ന അനധികൃത മദ്യവിൽപ്പന നിയന്ത്രിക്കാൻ കഴിയാത്ത സാഹചര്യം ചൂണ്ടിക്കാട്ടിയാണ് പ്രദേശത്ത് ബിവറേജസ് ഔട്ട്ലെറ്റ് തുറക്കണമെന്ന ആവിശ്യം ശക്തമായിരിക്കുന്നത്.
സാമൂഹ്യ പ്രവർത്തകനായ അഞ്ചുതെങ്ങ് സജനാണ് ഈ ആവിശ്യവുമായി രംഗത്ത് വന്നിരിക്കുന്നത്. നിലവിലെ സാഹചര്യത്തിൽ തീരദേശ മേഖല കേന്ദ്രീകരിച്ച് മദ്യവും ലഹരി വസ്തുക്കളും പുകയില ഉൽപ്പന്നങ്ങളും യാതൊരു നിയന്ത്രണങ്ങളും ഇല്ലാതെ സുലഭമായി ലഭ്യമാണെന്നും, ഇതിനെ പ്രതിരോധിക്കുവാൻ പോലീസും എക്സൈസും സാമുദായിക / യുവജന സംഘടനകളുമടക്കം പല തലങ്ങളിലുള്ള കൂട്ടമായ പരിശ്രമം നടത്തിയെങ്കിലും ഇവയൊന്നും തന്നെ ഫലവത്തായിരുന്നില്ല.
നിലവിൽ അഞ്ചുതെങ്ങ് കേന്ദ്രീകരിച്ച് വിവിധ മേഖലകളിൽ അനധികൃത വിദേശ മദ്യവിൽപ്പന തകൃതിയായ് തുടരുയാണ്. മദ്യം 24 മണിക്കൂറും കയ്യെത്തും ദൂരത്ത് ലഭ്യമാണ്. കടയ്ക്കാവൂർ പ്രവർത്തിച്ചിരുന്ന വെപ്കോ ബിവറേജ് കോർപ്പറേഷന്റെ ഔട്ട്ലെറ്റ് സമീപത്തെ സ്കൂളിനും പ്രദേശവാസികൾക്കും സാമൂഹ്യവിരുദ്ധരുടെ ശല്യവും ഭീഷണിയും പരിസര മലിനീകരണവും ഉയർത്തിയിരുന്നതിനാൽ പ്രദേശവാസികളുടെ കൂട്ടായ പരിശ്രമത്തിനൊടുവിൽ അടച്ചുപൂട്ടിച്ചിരുന്നു.
ഈ ഔട്ട്ലെറ്റ് പൂട്ടിയതാണ് നിലവിൽ അഞ്ചുതെങ്ങിൽ വ്യാപകമായുള്ള മദ്യഒഴുക്കിന് പ്രധാന കാരണമായത്. നിലവിൽ ബിവറേജ് ഔട്ട്ലറ്റ് ഉള്ളത് ചിറയിൻകീഴ് വർക്കല മേഖലകളിലാണ്. ഇവിടങ്ങളിലേക്ക് വാഹനമാർഗ്ഗം പോകുന്നത് 150 മുതൽ 250 വരെ രൂപയുടെ അധിക ചിലവ് ഉണ്ടാക്കുന്നതും അനധികൃത മദ്യവിൽപ്പന വർദ്ധിക്കുവാൻ കാരണമായിട്ടുണ്ട്. 250 മുതൽ 500 രൂപയ്ക്ക് വരെ ലഭ്യമാകുന്ന അര ലിറ്റർ മദ്യം നിലവിൽ MRP വിലയെക്കാൾ 100 മുതൽ 150 രൂപ ലാഭത്തിലാണ് അഞ്ചുതെങ്ങിൽ അനധികൃത വിൽപ്പനയിലൂടെ ദിനം പ്രതി വിറ്റഴിയ്ക്കപ്പെടുന്നത്. വണ്ടിക്കൂലി ചിലവഴിച്ച് ചിറയിൻകീഴ് വർക്കല പ്രദേശങ്ങളിൽ എത്തി മദ്യം വാങ്ങി മടങ്ങുന്നതിനേക്കാൾ എന്ത്കൊണ്ടും ലാഭവും സമയ നഷ്ടവും ഉണ്ടാകുന്നില്ല എന്നത് മദ്യപരെ അനധികൃത വിൽപ്പനക്കാരിൽ നിന്നും മദ്യം വാങ്ങിപ്പിയ്ക്കുവാൻ പ്രേരണയാകുന്നുണ്ട്.
അതിനാൽ എത്രയും പെട്ടെന്ന് തന്നെ മേഖലയിലെ ആളൊഴിഞ്ഞ പ്രദേശം കണ്ടെത്തി ബിവറേജസ് ഔട്ട്ലെറ്റ് ആരംഭിച്ചുകൊണ്ട് അനധികൃത മദ്യവിൽപ്പനയും ഇതുമൂലം സർക്കാറി ന് ഉണ്ടാകുന്ന നികുതി നഷ്ടത്തിനും തടയിടണമെന്ന ആവിശ്യമാണ് ശക്തമായിട്ടുള്ളത്.
by liji HP News | Jul 1, 2023 | Latest News, ജില്ലാ വാർത്ത
തൊളിക്കോട് ഗ്രാമപഞ്ചായത്ത് ഭിന്നശേഷി കുട്ടികൾക്കായി സൗജന്യ ഫിസിയോ തെറാപ്പി സെന്റർ തുറന്നു. ഫിസിയോ തെറാപ്പി യൂണിറ്റ് ജി.സ്റ്റീഫൻ എം.എൽ.എ ഉദ്ഘാടനം ചെയ്തു. ഭിന്നശേഷി കുട്ടികളെ സമൂഹത്തിന്റെ മുഖ്യധാരയിലേക്ക് കൊണ്ടുവരണമെന്ന് എം.എൽ.എ പറഞ്ഞു. തൊളിക്കോട് ഗ്രാമപഞ്ചായത്തും പാലോട് ബി.ആർ.സി യും സംയുക്തമായിട്ടാണ് സെന്റർ ആരംഭിച്ചത്.
തൊളിക്കോട് പ്രാഥമികാരോഗ്യകേന്ദ്രത്തിൽ സജ്ജമാക്കിയ തെറാപ്പി സെന്ററിൽ ആഴ്ചയിൽ രണ്ട് ദിവസം ഫിസിയോതെറാപ്പിസ്റ്റിന്റെ സേവനം ലഭിക്കും. തൊളിക്കോട് പഞ്ചായത്തിലും സമീപ പഞ്ചായത്തുകളിലുമുള്ള 17 വയസുവരെയുള്ള കുട്ടികൾക്ക് തെറാപ്പി സെന്ററിന്റെ സേവനം ഉപയോഗിക്കാവുന്നതാണ്. നിലവിൽ ഇരുപത്തഞ്ചോളം കുട്ടികൾ ഇവിടെ രജിസ്റ്റർ ചെയ്തിട്ടുണ്ട്.
തൊളിക്കോട് ഗ്രാമപഞ്ചായത്ത് പ്രസിഡന്റ് വി.ജെ സുരേഷ് അധ്യക്ഷനായ ചടങ്ങിൽ ജില്ലാ പഞ്ചായത്ത് സ്റ്റാൻഡിംഗ് കമ്മിറ്റി ചെയർപേഴ്സൺ എസ്.സുനിത, ബ്ലോക്ക്-ഗ്രാമപഞ്ചായത്തംഗങ്ങൾ, എസ്.എസ്.കെ ജില്ലാ പ്രോഗ്രാം ഓഫീസർ ബി.ശ്രീകുമാർ, പാലോട് ബി.പി.സി എസ്.ബൈജു എന്നിവരും പങ്കെടുത്തു
Recent Comments