by Midhun HP News | Oct 4, 2025 | Latest News
പത്തനംതിട്ട: സംസ്ഥാനത്ത് വീണ്ടും പേ വിഷബാധയേറ്റ് മരണം. 65 കാരിയായ പത്തനംതിട്ട സ്വദേശിനി കളര്നില്ക്കുന്നതില് കൃഷ്ണമ്മയാണ് മരിച്ചത്. കോട്ടയം മെഡിക്കല് കോളജില് ചികിത്സയിലിരിക്കെയാണ് അന്ത്യം.
കഴിഞ്ഞ മാസം നാലാം തീയതിയാണ് കൃഷ്ണമ്മയെ തെരുവ് നായ കടിച്ചത്. തുടര്ന്ന് പത്തനംതിട്ട ജനറല് ആശുപത്രിയില് നിന്നും പ്രതിരോധ വാക്സിന് സ്വീകരിക്കുകയും ചെയ്തിരുന്നു. കൃഷ്ണമ്മയെ കടിച്ച നായയെ പിന്നീട് ചത്തനിലയില് കണ്ടെത്തിയിരുന്നു.
സംസ്ഥാനത്ത് ഈ വര്ഷം ജൂലൈ വരെ ഏഴ് മാസത്തിനുള്ളില് കേരളത്തില് പേവിഷബാധ മൂലം 23 പേര് മരിച്ചതായ കണക്കുകള്. സര്ക്കാര് ഹൈക്കോടതിയില് സമര്പ്പിച്ച കണക്കിലാണ് ഇക്കാര്യം ചൂണ്ടിക്കാട്ടുന്നത്. പേവിഷബാധ മൂലമുള്ള മരണങ്ങളില് പോയ വര്ഷത്തേക്കാള് വലിയ വര്ധനവ് ഉണ്ടെന്ന സര്ക്കാര് കണക്കുകള് തന്നെ ചൂണ്ടിക്കാട്ടുന്നതിനിടെയാണ് വീണ്ടും മരണം റിപ്പോര്ട്ട് ചെയ്തിരിക്കുന്നത്.
by Midhun HP News | Oct 4, 2025 | Latest News, ജില്ലാ വാർത്ത
തിരുവനന്തപുരം: സിനിമ മേഖലയ്ക്കുള്ള സമഗ്ര സംഭാവനയ്ക്കുള്ള രാജ്യത്തിന്റെ പരമോന്നത ബഹുമതിയായ ദാദാസാഹേബ് ഫാല്ക്കെ പുരസ്കാരം നേടിയ നടന് മോഹന്ലാലിനെ സംസ്ഥാന സര്ക്കാര് ആദരിക്കുന്ന ചടങ്ങ് ഇന്ന്. വൈകുന്നേരം അഞ്ചിന് സെന്ട്രല് സ്റ്റേഡിയത്തില് വച്ച് നടക്കന്ന ‘മലയാളം വാനോളം, ലാല്സലാം’ എന്ന ചടങ്ങില് മുഖ്യമന്ത്രി പിണറായി വിജയന് സര്ക്കാരിന് വേണ്ടി മോഹന്ലാലിനെ ആദരിക്കും. ഇന്ത്യന് ചലച്ചിത്രരംഗത്തെ പ്രമുഖര് ചടങ്ങില് അതിഥികളായി എത്തും. ചടങ്ങില് പൊതുജനങ്ങള്ക്ക് പ്രവേശനം ഉണ്ടാകും.
തൊഴില്, വിദ്യാഭ്യാസ വകുപ്പ് മന്ത്രി വി. ശിവന്കുട്ടി അധ്യക്ഷനാകുന്ന ഉദ്ഘാടച്ചടങ്ങില് സാംസ്കാരികമന്ത്രി സജി ചെറിയാന്, ധനകാര്യ വകുപ്പ് മന്ത്രി കെ എന് ബാലഗോപാല്, ഭക്ഷ്യ – പൊതുവിതരണ മന്ത്രി ജി ആര് അനില്, പ്രതിപക്ഷ നേതാവ് വി ഡി സതീശന്, എംപിമാരായ ശശി തരൂര്, അടൂര് പ്രകാശ്, എ എ റഹീം, ജോണ് ബ്രിട്ടാസ് എംപി, ആന്റണി രാജു എംഎല്എ, മേയര് ആര്യ രാജേന്ദ്രന്, ജില്ല പഞ്ചായത്ത് പ്രസിഡന്റ് ഡി. സുരേഷ് കുമാര്, അടൂര് ഗോപാലകൃഷ്ണന്, ജോഷി, ഉര്വ്വശി, മീന, മീര ജാസ്മിന്, രഞ്ജിനി, കെ. മധു (ചെയര്പേഴ്സന്, കേരള സംസ്ഥാന ചലച്ചിത്ര വികസന കോര്പ്പറേഷന്), പ്രേംകുമാര് (ചെയര്പേഴ്സന്, കേരള സംസ്ഥാന ചലച്ചിത്ര അക്കാദമി), കെ. മധുപാല് (ചെയര്പേഴ്സന്, കേരള സംസ്ഥാന സാംസ്കാരിക പ്രവര്ത്തക ക്ഷേമനിധി ബോര്ഡ്), പ്രിയദര്ശനന് പി.എസ്. (മാനേജിങ് ഡയറക്ടര്, കേരള സംസ്ഥാന ചലച്ചിത്ര വികസന കോര്പ്പറേഷന്), സി. അജോയ് (സെക്രട്ടറി, കേരള സംസ്ഥാന ചലച്ചിത്ര അക്കാദമി) തുടങ്ങിയവര് പങ്കെടുക്കും.
വെകുന്നേരം 05.00 മണിയ്ക്ക് തിരുവനന്തപുരം സെന്ട്രല് സ്റ്റേഡിയത്തില് നടക്കുന്ന പരിപാടിയോട് അനുബന്ധിച്ച് ഉച്ചയ്ക്ക് 03:00 മണി മുതല് നഗരത്തില് ഗതാഗത ക്രമീകരണങ്ങള് ഏര്പ്പെടുത്തി. നഗത്തിലെ ജേക്കബ്സ് ജംഗ്ക്ഷന്, ഊറ്റുകുഴി, ഗവണ്മന്റ് പ്രസ് ജംഗ്ക്ഷന്, എന്നീ സ്ഥലങ്ങളില് നിന്നും സെന്ട്രല് സ്റ്റേഡിയം ഭാഗത്തേയ്ക്ക് വാഹനഗതാഗതം അനുവദിക്കുന്നതല്ല.
വിജെറ്റി ഭാഗത്ത് നിന്ന് വരുന്ന പൊതുജനങ്ങള് സ്റ്റാച്ച്യു വഴി കന്റോണ്മെന്റ് ഗേറ്റ് എത്തി ആള്ക്കാരെ ഇറക്കിയ ശേഷം ജേകബ്സ് ജംഗ്ഷന് വഴിയും , ആയുര്വേദ കോളേജ് ഭാഗത്ത് നിന്നും വരുന്ന വാഹനങ്ങള് പുളിമൂട് ഭാഗത്ത് ആള്ക്കാരെ ഇറക്കിയ ശേഷവും, ആര്.ബി.ഐ, ബേക്കറി ജംഗ്ഷന്, മോഡല് സ്കൂള് ജംഗ്ഷന് എന്നീ ഭാഗങ്ങളില് നിന്നുള്ള വാഹനങ്ങള് ഹൗസിങ് ബോര്ഡ് ജംഗ്ഷന് വഴി ഗവണ്മന്റ് പ്രസ്സ് ജംഗ്ഷനില് എത്തി ആള്ക്കാരെ ഇറക്കിയ ശേഷം പുളിമൂട് ജംഗ്ഷന് വഴിയും പാര്ക്കിങ്ങ് സ്ഥലങ്ങളിലേയ്ക്ക് പോകേണ്ടതാണ്.
പുളിമൂട് ഭാഗത്ത് നിന്നും ഗവണ്മെന്റ് പ്രസ്സ് ജംഗ്ഷന് ഭാഗത്തേയ്ക്ക് വാഹന ഗതാഗതം അനുവദിക്കാത്തതും ഗവണ്മെന്റ് പ്രസ്സ് ജംഗ്ഷന് ഭാഗത്ത് നിന്നും പുളിമൂട് ഭാഗത്തേയ്ക്ക് വാഹന ഗതാഗതം അനുവദിക്കുന്നതുമാണ്.
വാഹനങ്ങള് സെന്ട്രല് സ്റ്റേഡിയത്തിന് സമീപമുളള പ്രധാന റോഡുകളിലോ ഇടറോഡുകളിലോ പാര്ക്ക് ചെയ്യാന് പാടില്ലാത്തതും പാര്ക്കിംഗ് അനുവദിച്ചിട്ടുളള സ്ഥലങ്ങളില് മാത്രം വാഹനങ്ങള് പാര്ക്ക് ചെയ്യേണ്ടതാണ്. വലിയ വാഹനങ്ങളില് വരുന്നവര് ആള്ക്കാരെ ഇറക്കിയ ശേഷം വാഹനങ്ങള് ആറ്റുകാല് ക്ഷേത്ര ഗ്രൌണ്ടില് പാര്ക്ക് ചെയ്യേണ്ടതാണ്. അനധികൃതമായും, ഗതാഗതതടസ്സം സൃഷ്ടിച്ചും പാര്ക്ക് ചെയ്യുന്ന വാഹനങ്ങളെ റിക്കവറി വാഹനം ഉപയോഗിച്ച് നീക്കം ചെയ്ത് നിയമനടപടികള് സ്വീകരിക്കുന്നതുമാണ്.
പാര്ക്കിംഗ് സ്ഥലങ്ങള് (LMV)
1. കേരളാ യൂണിവേഴ്സിറ്റി കോംമ്പൌണ്ട് 2. സംസ്കൃത കോളേജ് ഗ്രൌണ്ട് 3. തൈക്കാട് പോലീസ് ഗ്രൗണ്ട് 4.ജിമ്മി ജോര്ജ്ജ് ഇന്ഡോര് സ്റ്റേഡിയം ഗ്രൌണ്ട് 5.മ്യൂസിക് കോളേജ് ഗ്രൌണ്ട് 6.പുളിമൂട് മുതല് ആയുര്വേദകോളേജ് വരെയുളള റോഡിന്റെ ഇരുവശവും 7. പുളിമൂട് മുതല് ആസാദ് ഗേറ്റ് വരെയും സ്പെന്സര് മുതല് പാളയം വരെയുളള റോഡിന്റെ ഇടത് വശം 9. മോഡല് സ്കൂള് ജംഗ്ക്ഷന് മുതല് പനവിള വരെയുളള റോഡിന്റെ ഇടത് വശം . 10. പി എം ജി മുതല് ലോ -കോളേജ് വരെയുളള റോഡിന്റെ ഇടത് വശം 11 വികാസ് ഭവന് ഓഫിസ് റോഡ് 12. നന്ദാവനം മുതല് മ്യൂസിയം വരെയുളള റോഡിന്റെ ഇടത് വശം
വലിയ വാഹനങ്ങള്
1. ആറ്റുകാല് ക്ഷേത്ര പാര്ക്കിംഗ് ഗ്രൌണ്ട്
ഇരുചക്രവാഹനങ്ങള്
1. ജേക്കബ്സ് മുതല് വി ജെ റ്റി വരെയുളള റോഡിന്റെ വശങ്ങളിലും
2. ആശാന് സ്ക്വയര് മുതല് എ കെ ജി വരെയുളള റോഡിന്റെ ഇടത് വശം
3. എ കെ ജി മുതല് സ്പെന്സര് വരെയുളള റോഡിന്റെ ഇടത് വശം
4. പബ്ളിക് ലൈബ്രറി മുതല് വേള്ഡ് വാര് വരെയുളള റോഡിന്റെ ഇടത് വശം.
ഗതാഗതക്രമീകരണങ്ങളുടെ വിവരം അറിയാന് പൊതുജനങ്ങള്ക്ക് ബന്ധപ്പെട്ടാന് ഫോണ് നമ്പറുകളും (9497930055, 04712558731) സിറ്റി പൊലീസ് ഏര്പ്പെടുത്തിയിട്ടുണ്ട്.
by Midhun HP News | Oct 4, 2025 | Latest News, കേരളം
തിരുവനന്തപുരം: മേയർ ആര്യ രാജേന്ദ്രൻ നടുറോഡിൽ കെഎസ്ആർടിസി ബസ് തടഞ്ഞു നിർത്തിയ സംഭവത്തിൽ അന്വേഷണം ശരിയായ ദിശയിൽ നടന്നില്ലെന്നു കാണിച്ച് സർക്കാരിനും പൊലീസിനും വക്കിൽ നോട്ടീസ് അയച്ച് ബസിന്റെ ഡ്രൈവറായിരുന്ന എൽഎച് യദു. ചീഫ് സെക്രട്ടറി, ആഭ്യന്തര സെക്രട്ടറി, പൊലീസ് മേധാവി, കന്റോൺമെന്റ് എസ്ഐ എന്നിവർക്കാണ് അഭിഭാഷകൻ അശോക് പി നായർ വഴി യദു നോട്ടീസ് അയച്ചത്.
കോടതി നിർദ്ദേശപ്രകാരം നടത്തിയ അന്വേഷണം രാഷ്ട്രീയ സ്വാധീനത്തിനു വഴങ്ങി അട്ടിമറിക്കപ്പെട്ടുവെന്നും മേയർ ആര്യ രാജേന്ദ്രനേയും ഭർത്താവ് സച്ചിൻ ദേവ് എംഎൽഎയേയും കുറ്റവിമുക്തരാക്കി റിപ്പോർട്ട് നൽകിയ നടപടി നീതിയുക്തമല്ലെന്നും 15 ദിവസത്തിനുള്ളിൽ ഒരു ലക്ഷം രൂപ നഷ്ടപരിഹാരം നൽകിയില്ലെങ്കിൽ വീണ്ടും കോടതിയെ സമീപിക്കുമെന്നും നോട്ടീസിൽ പറയുന്നു. ഏപ്രിൽ 28നു നടുറോഡിൽ മേയർ കെഎസ്ആർടിസി ബസ് തടഞ്ഞതിനെ തുടർന്നു തർക്കമുണ്ടായ സംഭവം വലിയ വിവാദമായിരുന്നു.
by Midhun HP News | Oct 4, 2025 | Latest News, ജില്ലാ വാർത്ത
ആറ്റിങ്ങൽ: കിഴുവിലം പഞ്ചായത്തിൻ കുറക്കട സ്വദേശി രജിത്താണ് വീട്ട് മുറ്റത്തെ ഏകദേശം 60 അടി താഴ്ചയും 10 അടിയോളം വെള്ളവും ഉള്ള കിണറ്റിൽ രാത്രി 10 മണിയോടെ വീണത്. ആറ്റിങ്ങൽ അഗ്നിശമനരക്ഷാ സേന സ്ഥലത്തെത്തി നെറ്റ് റോപ്പ് എന്നിവ ഉപയോഗിച്ച് രജിത്തിനെ പരിക്ക്കളൊന്നും കൂടാതെ സുരക്ഷിതമായി രക്ഷപ്പെടുത്തി.
ഗ്രേഡ്: അസ്സി:സ്റ്റേഷൻഓഫീസർ സി.ആർ.ചന്ദ്രമോഹൻ്റെ നേതൃത്വത്തിൽ ഫയർ ഓഫീസർമാരായ ജി.എസ്.സജീവ്, എം.പി.ജിഷ്ണു, വി.ആർ.നന്ദഗോപാൻ, ഫയർഓഫീസർ ഡ്രൈവർ എസ്.എസ്.ശരത് ലാൻ, ഹോംഗാഡ് എസ്-ബൈജു എന്നിവരടങ്ങുന്ന ടീമാണ്
രക്ഷാപ്രവർത്തനം നടത്തിയത്.
by Midhun HP News | Oct 4, 2025 | Latest News, കേരളം
തിരുവനന്തപുരം: കോട്ടയം മെഡിക്കല് കോളജിലെ കെട്ടിടത്തിന്റെ ഭാഗം ഇടിഞ്ഞുവീണ് ജീവന് നഷ്ടമായ വൈക്കം സ്വദേശിനി ബിന്ദുവിന്റെ മകന് നവനീതിന് തിരുവിതാംകൂര് ദേവസ്വം ബോര്ഡില് നിയമനം. ഇതു സംബന്ധിച്ച ഉത്തരവ് പുറത്തിറങ്ങി. എന്ജിനീയറിങ് ബിരുദധാരിയായ നവനീതിന് തിരുവിതാംകൂര് ദേവസ്വം ബോര്ഡിലെ മരാമത്ത് വിഭാഗത്തില് തേഡ് ഗ്രേഡ് ഓവര്സീയര് തസ്തികയില് ജോലി നല്കിയതായി മന്ത്രി വിഎന് വാസവന് അറിയിച്ചു.
വൈക്കം അസിസ്റ്റന്റ് എന്ജിനീയര് ഓഫിസിലാവും നവനീത് ജോലിയില് പ്രവേശിക്കുക. ബിന്ദുവിന്റെ കുടുംബത്തിന് സര്ക്കാര് പുതിയ വീട് നിര്മിച്ച് താക്കോല് കൈമാറിയിരുന്നു. ഇതിനൊപ്പം ജോലി കൂടി നല്കി കുടുംബത്തിന്റെ സുരക്ഷിതത്വം ഉറപ്പാക്കുകയാണ് എല്ഡിഎഫ് സര്ക്കാരെന്ന് മന്ത്രി പറഞ്ഞു. ജൂലൈ 3നാണ് കോട്ടയം മെഡിക്കല് കോളജിന്റെ പതിനാലാം വാര്ഡിലെ ശുചിമുറിയുടെ ഭാഗം തകര്ന്നുവീണ് തലയോലപ്പറമ്പ് സ്വദേശി ബിന്ദു മരിച്ചത്.
Recent Comments