by Midhun HP News | Oct 30, 2026 | Latest News, സിനിമ
സോഷ്യല്‍ മീഡിയയില്‍ നിറഞ്ഞു നില്‍ക്കുകയാണ് ദിയ കൃഷ്ണ. കേരളത്തിനെതിരെയുള്ള വിദ്വേഷ വിഡിയോയിലെ ദിയയുടെ കമന്റും പിന്നാലെയുള്ള പ്രതികരണങ്ങളുമെല്ലാം വലിയ വിവാദമായി മാറിയിരുന്നു. ദിയയുടെ മുന്‍ പ്രതികരണങ്ങളും വിവാദ വ്‌ളോഗറുടെ വിഡിയോകള്‍ക്ക് പിന്തുണ നല്‍കിയതുമെല്ലാം സോഷ്യല്‍ മീഡിയ കുത്തിപ്പൊക്കുന്നുണ്ട്.
ഇതിനിടെ തന്റെ കുഞ്ഞിനെക്കുറിച്ചുള്ളൊരു കമന്റിന് ദിയ നല്‍കിയ മറുപടിയും ശ്രദ്ധ നേടുകയാണ്. ദിയയുടെ പുതിയ വ്‌ളോഗിലായിരുന്നു ഒരാള്‍ മകന്‍ ഓമിയെ അവഹേളിക്കുന്ന കമന്റുമായെത്തിയത്. നവീന്‍ പ്രേം എന്നയാളൂടേതായിരുന്നു വിവാദ കമന്റ്.
”ദിയ ഒരു സത്യം പറയട്ടെ. ഓമിയെ കാണാന്‍ അങ്ങനെ പറയത്തക്ക ഭംഗിയൊന്നും ഇല്ല. ഏതൊരു കുഞ്ഞുമക്കള്‍ക്കും ഉള്ള ഒരു നിഷ്‌കളങ്കത മാത്രേ ഉള്ളു. ബാക്കി കുഞ്ഞുങ്ങളെ പറ്റി പറയുമ്പോ ഇതും കൂടെ ആലോചിക്കണം” എന്നായിരുന്നു കമന്റ്. പിന്നാലെ ദിയ മറുപടിയുമായെത്തുകയായിരുന്നു.
”എനിക്ക് ഏറ്റവും ഭംഗിയുള്ള കുഞ്ഞ് എന്റെ കുഞ്ഞാണ്. എല്ലാ അമ്മമാര്‍ക്കും തങ്ങളുടെ കുഞ്ഞായിരിക്കും ഏറ്റവും നല്ലത്. പക്ഷെ നിങ്ങളുടെ കേസില്‍ മിസ്റ്റര്‍ നവീന്‍, നിങ്ങളുടെ വീട്ടിലെ കുഞ്ഞിന്റെ കാര്യത്തില്‍ അസ്വസ്ഥനാണെന്ന് തോന്നുന്നു. പോയി ഒരു സൈക്യാര്‍ട്ടിസ്റ്റിന്റെ സഹായം തേടൂ. നിങ്ങളുടെ നെഗറ്റീവ് എനര്‍ജിയും അസ്വസ്ഥയും ഒഴിവാക്കൂ. ജീവിക്കൂ, ജീവിക്കാന്‍ അനുവദിക്കൂ” എന്നായിരുന്നു ദിയയുടെ മറുപടി.
പിന്നാലെ നിരവധി പേരാണ് ദിയയ്ക്ക് പിന്തുണയുമായെത്തുന്നത്. ഒരു പിഞ്ചു കുഞ്ഞിനെക്കുറിച്ച് ഇത്തരം കമന്റിടുന്നത് ശരിയല്ലെന്നാണ് സോഷ്യല്‍ മീഡിയ പറയുന്നത്. ദിയയോടുള്ള അമര്‍ഷവും വിയോജിപ്പും കുഞ്ഞിനോട് തീര്‍ക്കരുതെന്നും സോഷ്യല്‍ മീഡിയ പറയുന്നു. ദിയയുടേയും അശ്വിന്റേയും മകനായ ഓമി എന്ന നിയോം സോഷ്യല്‍ മീഡിയയ്ക്ക് സുപരിചിതനാണ്.
by Midhun HP News | Oct 30, 2026 | Latest News, ജില്ലാ വാർത്ത
ആറ്റിങ്ങൽ ഗവൺമെന്റ് ഗേൾസ് ഹയർസെക്കൻഡറി സ്കൂളിൽ ഹയർ സെക്കൻഡറി വിഭാഗത്തിൽ അറബിക് ജൂനിയർ അധ്യാപക തസ്തികയിൽ താൽക്കാലിക ഒഴിവുണ്ട്. അഭിമുഖം ഒക്ടോബർ 29 വ്യാഴാഴ്ച രാവിലെ 10.30 ന്.
by Midhun HP News | Oct 30, 2026 | Latest News, ദേശീയ വാർത്ത
ഡല്‍ഹി: കേരളത്തിലെ എസ്‌ഐആറില്‍ പേര് നീക്കം ചെയ്തവര്‍ക്ക് പരാതി നല്‍കാനുള്ള സമയം നീട്ടി നല്‍കി. ചീഫ് ജസ്റ്റിസ് സൂര്യകാന്ത് അധ്യക്ഷനായ സുപ്രീംകോടതി ബെഞ്ചിന്റേതാണ് നിർദേശം. പരാതിക്കാര്‍ക്ക് തെരഞ്ഞെടുപ്പ് കമ്മീഷനെ സമീപിക്കാവുന്നതാണെന്ന് കോടതി വ്യക്തമാക്കി. രേഖാമൂലം ലഭിക്കുന്ന പരാതികള്‍ പരിശോധിച്ച് ഉചിതമായ നിലപാട് സ്വീകരിക്കാന്‍ കേന്ദ്ര തെരഞ്ഞെടുപ്പ് കമ്മീഷന് സുപ്രീംകോടതി നിര്‍ദേശം നല്‍കി.
ഉത്തര്‍പ്രദേശ്, കേരളം, ഛത്തീസ്ഗഡ് എന്നിവിടങ്ങളിലെ ‘എസ്‌ഐആര്‍’ ഹര്‍ജികള്‍ പരിഗണിക്കുകയായിരുന്നു സുപ്രീംകോടതി. കേരളത്തില്‍ എസ്‌ഐആറിന്റെ ഭാഗമായി പേരു നീക്കം ചെയ്യപ്പെട്ടവര്‍ക്ക്, പേര് ചേര്‍ക്കണമെന്ന് ആവശ്യപ്പെട്ട് പരാതി നല്‍കാനുള്ള സമയപരിധി ഇന്ന് ( ഒക്ടോബര്‍ 30) അവസാനിക്കുമെന്ന് സിപിഎം സംസ്ഥാന സെക്രട്ടറി എം വി ഗോവിന്ദന്റെ അഭിഭാഷകന്‍ ജി പ്രകാശ് സുപ്രീംകോടതിയില്‍ ചൂണ്ടിക്കാട്ടി. അപ്പോഴാണ് പരാതിയുള്ളവര്‍ക്ക് തുടര്‍ന്നും തെരഞ്ഞെടുപ്പ് കമ്മീഷനെ സമീപിക്കാമെന്ന് ചീഫ് ജസ്റ്റിസ് വ്യക്തമാക്കിയത്.
കേരളത്തിലെയും ഛത്തീസ്ഗഡിലെയും എസ്‌ഐആര്‍ നടപടികള്‍ പൂര്‍ത്തിയായിക്കഴിഞ്ഞുവെന്ന് തെരഞ്ഞെടുപ്പ് കമ്മീഷനു വേണ്ടി ഹാജരായ മുതിര്‍ന്ന അഭിഭാഷകന്‍ ഡി എസ് നായിഡു കോടതിയെ അറിയിച്ചു. ഉത്തര്‍പ്രദേശിനെ സംബന്ധിച്ചിടത്തോളം, വന്‍തോതില്‍ ‘ഫോം 7’ സമര്‍പ്പിക്കപ്പെട്ടെന്ന ആരോപണങ്ങള്‍ പരിശോധിക്കാന്‍ തെരഞ്ഞെടുപ്പ് കമ്മീഷനോട് നിര്‍ദ്ദേശിച്ചിരുന്നു. കമ്മീഷന് ഉദ്യോഗസ്ഥര്‍ പരിശോധിച്ചതില്‍ അവ വ്യാജമാണെന്ന് കണ്ടെത്തി. അതില്‍ സത്യവാങ്മൂലം സമര്‍പ്പിച്ചിട്ടുണ്ട് എന്നും അഭിഭാഷകന്‍ നായിഡു അറിയിച്ചു.
by Midhun HP News | Oct 30, 2026 | Latest News, കേരളം
തിരുവനന്തപുരം: കള്ളിക്കാട് എക്സൈസ് ചെക്ക്‌പോസ്റ്റിൽ ഡ്യൂട്ടിക്കിടെ മദ്യപിച്ച നിലയിൽ കണ്ടെത്തിയെന്ന റിപ്പോർട്ടിനെ തുടർന്ന് പ്രിവന്റീവ് ഓഫീസറെ സർവീസിൽ നിന്ന് സസ്‌പെൻഡ് ചെയ്തു. കള്ളിക്കാട് എക്സൈസ് ചെക്ക്‌പോസ്റ്റിലെ പ്രിവന്റീവ് ഓഫീസർ കെ.എസ്. ഷിൻരാജിനെതിരെയാണ് തിരുവനന്തപുരം ഡെപ്യൂട്ടി എക്സൈസ് കമ്മീഷണർ നടപടിയെടുത്തത്.
2026 ഒക്ടോബർ 29-ന് പുറപ്പെടുവിച്ച ഉത്തരവിലാണ് സസ്‌പെൻഷൻ നടപടി വ്യക്തമാക്കിയിരിക്കുന്നത്. നെയ്യാറ്റിൻകര എക്സൈസ് സർക്കിൾ ഇൻസ്പെക്ടറുടെ ഒക്ടോബർ 28-ലെ റിപ്പോർട്ടിന്റെ അടിസ്ഥാനത്തിലാണ് നടപടി.
ഒക്ടോബർ 28-ന് കള്ളിക്കാട് എക്സൈസ് ചെക്ക്‌പോസ്റ്റിൽ ഡ്യൂട്ടിയിലുണ്ടായിരുന്ന ഉദ്യോഗസ്ഥൻ മദ്യപിച്ച് അബോധാവസ്ഥയിലാണെന്ന വിവരം തിരുവനന്തപുരം അസിസ്റ്റന്റ് എക്സൈസ് കമ്മീഷണർക്ക് ലഭിച്ചതിനെ തുടർന്നാണ് പരിശോധന നടത്തിയത്.
തുടർന്ന് നെയ്യാറ്റിൻകര എക്സൈസ് സർക്കിൾ ഇൻസ്പെക്ടറും സംഘവും ഉച്ചകഴിഞ്ഞ് 2.30-ഓടെ ചെക്ക്‌പോസ്റ്റിലെത്തി പരിശോധന നടത്തി. ഈ സമയം ഡ്യൂട്ടി പോയിന്റിലും ചെക്ക്‌പോസ്റ്റിലെ കണ്ടെയ്‌നർ മോഡ്യൂളിലും ഉദ്യോഗസ്ഥരെ കണ്ടെത്താനായില്ലെന്നാണ് റിപ്പോർട്ടിൽ പറയുന്നത്.
ജനറൽ ഡയറി പരിശോധിച്ചപ്പോൾ രാവിലെ ഒൻപത് മണിക്ക് പ്രിവന്റീവ് ഓഫീസർ കെ.എസ്. ഷിൻരാജ് ഡ്യൂട്ടിയിൽ പ്രവേശിച്ചതായി രേഖപ്പെടുത്തിയിരുന്നു. തുടർന്ന് ചെക്ക്‌പോസ്റ്റിലും പരിസരങ്ങളിലും നടത്തിയ തിരച്ചിലിനൊടുവിൽ ജീവനക്കാർ വിശ്രമത്തിനായി ഉപയോഗിക്കുന്ന വാടകക്കെട്ടിടത്തിൽ യൂണിഫോമിൽ ഷിൻരാജിനെ കണ്ടെത്തിയതായി ഉത്തരവിൽ വ്യക്തമാക്കുന്നു.
ഡ്യൂട്ടി സമയത്ത് വിശ്രമമുറിയിൽ ഉണ്ടായിരുന്നതിനെക്കുറിച്ച് ചോദിച്ചപ്പോൾ വ്യക്തതയില്ലാത്ത മറുപടിയാണ് നൽകിയതെന്നും പെരുമാറ്റത്തിൽ മദ്യപിച്ചതായി സംശയം തോന്നിയതായും റിപ്പോർട്ടിലുണ്ട്.
തുടർന്ന് ഡ്യൂട്ടിക്ക് പകരം മറ്റൊരു സിവിൽ എക്സൈസ് ഓഫീസറെ നിയോഗിച്ച ശേഷം ഷിൻരാജിനെ വൈദ്യപരിശോധനയ്ക്കായി മലയിൻകീഴ് താലൂക്ക് ഹെഡ്‌ക്വാർട്ടേഴ്‌സ് ആശുപത്രിയിലെത്തിച്ചു. പ്രാഥമിക പരിശോധനയിൽ മദ്യപിച്ചതായി ഡോക്ടർ സർട്ടിഫിക്കറ്റ് നൽകിയതായും ഉത്തരവിൽ പറയുന്നു.
ഡ്യൂട്ടി സമയത്ത് മദ്യപിച്ച നിലയിൽ കണ്ടെത്തിയ നടപടി ഗുരുതരമായ അച്ചടക്കലംഘനവും കൃത്യവിലോപവുമാണെന്ന് വിലയിരുത്തിയാണ് സർവീസിൽനിന്ന് സസ്‌പെൻഡ് ചെയ്യാനുള്ള ഉത്തരവ് പുറപ്പെടുവിച്ചത്.
തിരുവനന്തപുരം ഡെപ്യൂട്ടി എക്സൈസ് കമ്മീഷണർ സൂരജ് എം. ആണ് ഉത്തരവ് പുറപ്പെടുവിച്ചത്.
by Midhun HP News | Oct 30, 2026 | Latest News, ജില്ലാ വാർത്ത
ആറ്റിങ്ങൽ വീരകേരളപുരം ശ്രീകൃഷ്ണസ്വാമി ക്ഷേത്രത്തിലെ പതിനാലാം ശ്രീമദ് ഭാഗവത സപ്താഹയജ്ഞം, യജ്ഞാചാര്യൻ പാല, പ്ലാപ്പള്ളി മഠം പ്രദീപ് നാരായണന്റെ മുഖ്യ കാർമികത്വത്തിൽ നവംബർ 1 ഞായറാഴ്ച മുതൽ 8 ഞായർ വരെ സംഘടിപ്പിക്കുന്നു.
നവംബർ ഒന്നിന് സ്വാമി ശ്രീശക്തി ശാന്താനന്ദ മഹർഷി ഭദ്രദീപ പ്രകാശനം നടത്തും. എല്ലാ ദിവസവും രാവിലെ 5.30 മുതൽ വൈകുന്നേരം 6.30 വരെ ഭാഗവത പാരായണവും പ്രഭാഷണവും ഉണ്ടായിരിക്കും.
ഒന്നാം ദിവസം വിശിഷ്ടം വരാഹാവതാരം, രണ്ടാം ദിവസം ചൊവ്വാഴ്ച വൈകുന്നേരം 6 30ന് സർവ്വ ഐശ്വര്യ പൂജ, മൂന്നാം ദിവസം വിശിഷ്ടം നരസിംഹാവതാരം, നാലാം ദിവസം ശ്രീകൃഷ്ണാവതാരം, അഞ്ചാം ദിവസം ഉച്ചയ്ക്ക് 12. 30 മുതൽ ഉണ്ണിയൂട്ട് തുടർന്ന് രുഗ്മിണി സ്വയംവരം, ആറാം ദിവസം കുചേലവൃത്തം, ഏഴാം ദിവസത്തെ കലശം, ആറാട്ട്, യജ്ഞ സമർപ്പണം ആരതിയുടെ സമാപനം
Recent Comments