‘സുപ്രീംകോടതി വിധി സ്വാഗതാർഹം’: എസ്.കെ.ജെ.എം

by Midhun HP News | Nov 29, 2024 | Latest News, ജില്ലാ വാർത്ത

ആറ്റിങ്ങൽ: ഭരണഘടനയുടെ ആമുഖത്തിൽ നിന്ന് സോഷ്യലിസ്റ്റ്, മതേതരത്വം എന്നീ പദങ്ങൾ ഒഴിവാക്കണമെന്ന് ആവശ്യപ്പെട്ടുള്ള ഹർജികൾ സുപ്രീം കോടതി തള്ളിയത് സ്വാഗതാർഹമെന്ന് സമസ്ത കേരള ജം-ഇയ്യത്തുൽ മുഅ:ല്ലിമീൻ ആലംകോട് റെയിഞ്ച് പ്രവർത്തകസമിതി യോഗം അഭിപ്രായപ്പെട്ടു.

എസ്കെജെഎം ആലംകോട് റെയിഞ്ച് പ്രസിഡന്റ്‌ ഷെഫീഖ് ബാഖവി അധ്യക്ഷത വഹിച്ചു. സെക്രട്ടറി അർശുദ്ദീൻ മുസ്‌ലിയാർ, ട്രഷറർ ഹുസൈൻ മുസ്‌ലിയാർ, പരീക്ഷാ ബോർഡ് ചെയർമാൻ സജ്ജാദ് ദാരിമി, ഐടി കോ-ഓർഡിനേറ്റർ തമീം അശ്അരി, ക്ഷേമനിധി ചെയർമാൻ നവാസ് സഅദി, നൗഫൽ ബാഖവി, ഹുസൈൻ ജൗഹരി, മാഹിൻ മുസ്ലിയാർ, മുബാറക്ക് ദാരിമി, മുനീർ അൻവരി, നജീബ് റഹ്മാനി എന്നിവർ സംസാരിച്ചു.

എച്ച്.എസ് സ്കോളർഷിപ്പ് പരീക്ഷയുടെ കൈപുസ്തകത്തിന്റെ വിതരണോദ്ഘാടനം ആലംകോട് മദ്രസ സദർ-മുഅല്ലിം ഹുസൈൻ ജൗഹരിക്ക് കൈപുസ്തകം നൽകി റെയിഞ്ച് പ്രസിഡന്റ്‌ ഷെഫീഖ്‌ ബാഖവി നിർവഹിച്ചു.

ജില്ലാ സർഗവസന്തം; ആറ്റിങ്ങൽ ഓവറോൾ ചമ്പ്യന്മാർ

by Midhun HP News | Nov 29, 2024 | Latest News, ജില്ലാ വാർത്ത

തിരുവനന്തപുരം: വിസ്ഡം എജ്യൂക്കേഷൻ ബോർഡ് സംഘടിപ്പിച്ച മദ്രസാ വിദ്യാർത്ഥികളുടെ ‘സർഗവസന്തം’ ജില്ലാതല മത്സരങ്ങളിൽ ആറ്റിങ്ങൽ എഡ്യൂക്കേഷൻ കോംപ്ലക്സ് ചാമ്പ്യന്മാരായി. കൊല്ലായിൽ അൽ ഫലാഹ് കോളേജിൽ സമാപിച്ച മത്സരങ്ങളിൽ 446 പോയിൻ്റുകൾ കരസ്ഥമാക്കിയാണ് ആറ്റിങ്ങൻ കോംപ്ലക്സ് ഓവറോൾ ഒന്നാം സ്ഥാനം നിലനിർത്തിയത്. 414 പോയിൻ്റുകളോടെ തിരുവനന്തപുരം വെസ്റ്റ് കോംപ്ലക്സ് ഓവറോൾ രണ്ടാം സ്ഥാനം നേടി.

7 വേദികളിലായി 106 ഇനങ്ങളിൽ നടന്ന മത്സരങ്ങളിൽ 338 വിദ്യാർത്ഥികൾ പങ്കെടുത്തു. കൊല്ലായിൽ അൽഫലാഹ് ഹിഫ്ദ് കോളേജ്, ലിറ്റിൽ ഫ്ലോക്ക് പബ്ലിക് സ്കൂൾ, സലഫി മദ്രസാ ഹാൾ എന്നിവടങ്ങളിലാണ് വേദികൾ തയ്യാറാക്കിയത്.

വിസ്ഡം ഇസ്‌ലാമിക് ഓർഗനൈസേഷൻ തിരുവനന്തപുരം ജില്ലാ പ്രസിഡൻറ് നസീർ വള്ളക്കടവ് പരിപാടി ഉദ്ഘാടനം ചെയ്തു. ജില്ലാ മദ്രസാ കൺവീനർ സഫീർ കുളമുട്ടം അധ്യക്ഷനായി. വാമനപുരം എം.എൽ.എ അഡ്വ.ഡി.കെ മുരളി മുഖ്യാതിഥിയായി.
ബ്ലോക്ക് പഞ്ചായത്ത് മെമ്പർ റിയാസ്, വിസ്‌ഡം ജില്ലാ സെക്രട്ടറി നസീർ മുള്ളിക്കാട്,
വിസ്ഡം യൂത്ത് ജില്ലാ പ്രസിഡൻറ് ഹാറൂൺ വള്ളക്കടവ്, വിസ്ഡം സ്റ്റുഡൻസ് ജില്ലാ പ്രസിഡന്റ് സമീർ കരിച്ചാറ എന്നിവർ സംസാരിച്ചു. ജില്ലാ സർഗവസന്തം കൺവീനർ അൻസാറുദ്ദീൻ സ്വലാഹി സ്വാഗതവും മദ്രസാ കൺവീനർ നിസാറുദ്ദീൻ മൗലവി നന്ദിയും പറഞ്ഞു.

റവന്യൂ ജില്ലാ കലോത്സവത്തിൽ കഥാപ്രസംഗത്തിൽ എ ഗ്രേഡ് നേടി പകൽക്കുറി ഗവ.വി എച്ച് എസ് എസ്സിലെ വിദ്യാർത്ഥികൾ

by Midhun HP News | Nov 29, 2024 | Latest News, ജില്ലാ വാർത്ത

തിരുവനന്തപുരം റവന്യൂ ജില്ലാ കലോത്സവത്തിൽ കഥാപ്രസംഗം യുപി വിഭാഗത്തിൽ എ ഗ്രേഡോടുകൂടി ഒന്നാം സ്ഥാനം കരസ്ഥമാക്കി പകൽക്കുറി ഗവ.വി എച്ച് എസിലെ വിദ്യുദ് വി റാം & പാർട്ടി.