by Midhun HP News | Oct 19, 2024 | Latest News, കേരളം
മുംബൈ: ശതകോടീശ്വരനായ മുകേഷ് അംബാനിയുടെ വീടായ അന്റിലിയയെക്കാളും മൂല്യമുള്ള വലിയ കൊട്ടാരത്തില്‍ കഴിയുന്ന ഒരു ഇന്ത്യന്‍ ക്രിക്കറ്ററുണ്ട് നമുക്ക്. അധികമാര്‍ക്കും ആ മനുഷ്യനെ ഇന്ന് അറിയാനിടയില്ല, പ്രത്യേകിച്ചും എത്ര സ്വത്തുണ്ടെന്നതെങ്കിലും. അന്താരാഷ്ട്ര ക്രിക്കറ്റില്‍ കളിക്കാത്ത ആ ക്രിക്കറ്റര്‍ ആഭ്യന്തരക്രിക്കറ്റില്‍ ഒരു കാലത്ത് സജീവമായിരുന്നു. സൂചിപ്പിക്കുന്നത് ബറോഡ മഹാരാജാവായി 2012ല്‍ കിരീടമണിഞ്ഞ സാക്ഷാല്‍ സമര്‍ജിത് സിന്‍ഹ് രഞ്ജിത്ത് സിന്‍ഹ് ഗെയ്ക് വാദിനെക്കുറിച്ച് തന്നെ.
ബറോഡ ക്രിക്കറ്റ് അസോസിയേഷന്റെ പ്രസിഡന്റായും പ്രവര്‍ത്തിച്ച അദ്ദേഹത്തിന്റെ വസതിയായ ലക്ഷ്മി വിലാസ് എന്ന കൊട്ടാരത്തിന് മാത്രം നിലവില്‍ 20,000 കോടിയോളമാണ് മൂല്യമെന്നാണ് പറയപ്പെടുന്നത്. വഡോദരയിലെ ഗെയ്ക്‌വാദ് രാജകുടുംബാംഗം. ഇന്നത്തെ വഡോദരയായ പണ്ടത്തെ ബറോഡ ഭരിച്ചിരുന്ന ഗെയ്ക്‌വാദ് രാജകുടുംബത്തിലെ രഞ്ജിത്സിന്‍ഹ് പ്രതാപസിന്‍ഹിന്റെയും ശുഭാംഗിണിരാജയുടെയും ഏകമകനായി 1967ല്‍ ആയിരുന്നു സമര്‍ജിത്തിന്റെ ജനനം. വാങ്കനീര്‍ രാജകുടുംബാംഗമായ രാധികരാജെയെയാണ് സമര്‍ജിത്സിംഗ് വിവാഹം കഴിച്ചത്.
സ്‌കൂള്‍ പഠനകാലത്തെ എല്ലാ കായിക ഇനങ്ങളോടും അടങ്ങാത്ത പ്രണയം സൂക്ഷിച്ച ഒരു മനുഷ്യനായിരുന്നു സമലര്‍ജിത്ത് സിന്‍ഹ്. ക്രിക്കറ്റില്‍ മാത്രമല്ല, ഫുട്ബോളിലും ഒരുകൈനോക്കിയ ആ മനുഷ്യന്‍ കൈവെക്കാത്ത കായിക ഇനങ്ങള്‍ കുറവായിരുന്നു. രഞ്ജി ട്രോഫിയില്‍ ബറോഡയ്ക്കായി അദ്ദേഹം കളിച്ചു. 1987-89 സീസണില്‍ ബറോഡയുടെ മിന്നും താരമായിരുന്നു.
1880 കളില്‍ മഹാരാജ സായാജിറാവു ഗെയ്ക്വാദാണ് ഈ കൊട്ടാരം പണികഴിപ്പിച്ചത്. ബ്രിട്ടന്‍ രാജകുടംുബത്തിന്റെ കൊട്ടാരമായ ബക്കിംഗ്ഹാമിനേത്താള്‍ നാലിരട്ടി വലിപ്പമുണ്ട് ഇതിന്. 700 ഏക്കറോളം സ്ഥലത്താണ് ലക്ഷ്മി വിലാസ് വ്യാപിച്ചുകിടക്കുന്നത്. ആകെ 170 മുറികളുള്ള കൊട്ടാരത്തിലെ ഇന്റീരിയല്‍ വര്‍ക്കുകളെല്ലാം ആരേയും ആകര്‍ഷിക്കുന്നതാണ്. കൊട്ടാരത്തില്‍നിന്ന് മൂന്ന് കിലോമീറ്ററോളം ദൂരത്തില്‍ രാജകുടുംബത്തിലെ കുട്ടികള്‍ക്ക് സ്‌കൂളില്‍ പോകാനായി് പണ്ട് റെയില്‍പാതയും നിര്‍മിച്ചിരുന്നു.
സര്‍ജിത്തിന്റെ രാജകുടുംബാംഗങ്ങളുടെ പക്കല്‍ 1934 മോഡല്‍ റോള്‍സ് റോയ്‌സ്, 1937ലെ റോള്‍സ് റോയ്‌സ് ഫാന്റം III, 1948 മോഡല്‍ ബെന്റ്‌ലി മാര്‍ക്ക് വിടി തുടങ്ങിയ അനേകം അത്യപൂര്‍വ വാഹനങ്ങളുമുണ്ട്. പാരമ്പര്യമായി ലഭിച്ച സ്വത്തുക്കള്‍ വിവിധ ബിസിനസ് സംരംഭങ്ങള്‍ എന്നിവയുള്‍പ്പെടെ കോടിക്കണത്ിന് സ്വത്തുക്കളുടെ ഉടമകളാണ് സമര്‍ജിത്ത് സിങ്ങും ഭാര്യ ഉള്‍പ്പെടെയുള്ള കുടുംബാംഗങ്ങളും.
by Midhun HP News | Oct 19, 2024 | Latest News, കേരളം
കൊല്ലം: കൊല്ലത്ത് എംഡിഎംഎയുമായി സീരിയല്‍ നടി പിടിയില്‍. പരവൂര്‍ ചിറക്കര സ്വദേശി ഷംനത്ത് ആണ് പിടിയിലായത്. ഇന്നലെ നടിയുടെ വീട്ടില്‍ നടത്തിയ പരിശോധനയിലാണ് എംഡിഎംഎ കണ്ടെത്തിയത്.
പരവൂര്‍ പൊലീസിന് ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് ഷംനത്തിന്റെ വീട്ടില്‍ റെയ്ഡ് നടന്നത്. 3 ഗ്രാം എംഡിഎംഎയാണ് കണ്ടെത്തിയത്. നടിയെ ഇന്ന് കോടതിയില്‍ ഹാജരാക്കും. കടയ്ക്കല്‍ സ്വദേശി നവാസ് ആണ് കേസില്‍ രണ്ടാം പ്രതി. ഇയാളില്‍ നിന്നാണ് ഷംനത്ത് എംഡിഎംഎ വാങ്ങിയത്.
by Midhun HP News | Oct 19, 2024 | Latest News, ജില്ലാ വാർത്ത
ടൈംസ് ഓഫ് ഒമാൻ 2024 ലൈഫ് ടൈം അച്ചീവ്മെൻ്റ് അവാർഡ് കെ എൻ ആനന്ദ് കുമാറിന്. 30 വർഷമായി സാമൂഹ്യ സേവന രംഗത്ത് നൽകിയ സംഭാവനയാണ് അവാർഡിന് അർഹനാക്കിയത്. ഒക്ടോബർ 18ന് ഒമാനിലെ ഖുറം സിറ്റിയിൽ നടന്ന ചടങ്ങിൽ ടൈംസ് ഓഫ് ഒമാൻ ലൈഫ് ടൈം അച്ചീവ്മെന്റ് പുരസ്കാരവും ഒരു ലക്ഷം രൂപ ക്യാഷ് അവാർഡും നൽകി ടൈംസ് ഓഫ് ഒമാൻ ഡയറക്ടർ മറിയം അൽ സദ്ജലി ആനന്ദ് കുമാറിനെ ആദരിച്ചു.
ഹെർ ഹൈനസ് പത്മശ്രീ അശ്വതി തിരുനാൾ ഗൗരി ലക്ഷ്മി ബായ് മുഖ്യാതിഥിയായി. പ്രശസ്ത ചലച്ചിത്ര നടി അനുശ്രീ, പ്രശസ്ത നർത്തകിമാരായ ഡോ. മേതിൽ ദേവിക, ഡോ. ഗായത്രി സുബ്രമണ്യൻ, പ്രശസ്ത ചലച്ചിത്ര നടനും അവതാരകനുമായ മിഥുൻ രമേശ് തുടങ്ങിയവർ പങ്കെടുത്തു.
ഇന്ത്യയിലെ നാലാമത്തേതും കേരളത്തിൽ ഒന്നാമത്തെയും എൻജിഒ ശ്രീ സത്യസായി ഗ്രാമം സ്ഥാപകനും എക്സിക്യൂട്ടീവ് ഡയറക്ടറാണ് കെ എൻ ആനന്ദ് കുമാർ. വ്യവസായ രംഗത്ത് നിന്ന് ജീവകാരുണ്യ മേഖലയിലെത്തിയ കെ എൻ ആനന്ദ് കുമാർ വിലപ്പെട്ട സംഭാവനയാണ് സമൂഹ സേവനരംഗത്ത് നൽകിവരുന്നത്.
ലാഭകരമായ വ്യവസായം അവസാനിപ്പിച്ച് സാമൂഹ്യ സേവന രംഗത്ത് ഇറങ്ങിയ ആനന്ദകുമാർ സ്ഥാപിച്ച പ്രസ്ഥാനമാണ് സായി ഗ്രാമം. തിരുവനന്തപുരം നഗരത്തിലെ കവടിയാർ ഗാർഡൻസിൽ 9 അനാഥ കുട്ടികളുമായി 1996 ആരംഭിച്ച പ്രസ്ഥാനം ഇന്ന് അസാധാരണമായ ഒരു സാമൂഹ്യ സേവന കേന്ദ്രമാണ് സ്ഥാപിച്ച സായി ഗ്രാമം. തിരുവനന്തപുരം നഗരത്തിലെ കവടിയാർ ഗാർഡൻസിൽ 9 അനാഥ കുട്ടികളുമായി 1996 സായി നികേതൻ എന്ന അനാഥാലയത്തിലൂടെ തുടക്കം. ഇന്ന് 120 സ്ഥാപനങ്ങൾ, 200 പദ്ധതികളുമായി ഇന്ത്യയിലെ ഏറ്റവും വലിയ സന്നദ്ധ സംഘടനയായി മാറിക്കഴിഞ്ഞു സായിഗ്രാമം.
ആരോഗ്യം, വിദ്യാഭ്യാസം, പുനരധിവാസം, സാംസ്കാരികം, ദുരന്ത നിവാരണം, പരിസ്ഥിതി സംരക്ഷണം, പൈതൃക സംരക്ഷണം, കൃഷി തുടങ്ങിയ മേഖലകളിൽ മികച്ച സംഭാവനയാണ് സായിഗ്രാമം നൽകിവരുന്നത്. മഹാത്മാഗാന്ധി വിഭാവനം ചെയ്ത ഗ്രാമ സ്വരാജ്, സ്വയം പര്യാപ്തത കൈവരിച്ച പ്രസ്ഥാനമാണ്.
by Midhun HP News | Oct 19, 2024 | Latest News, കായികം
ബംഗളൂരു: ന്യൂസിലന്‍ഡിനെതരായ ടെസ്റ്റില്‍ രണ്ടാം ഇന്നിങ്സില് നിലഭദ്രമാക്കി ഇന്ത്യ. നാലാം ദിനമായ ഇന്ന് മത്സരം തുടങ്ങി തന്റെ കന്നി സെഞ്ച്വറി പൂര്‍ത്തിയാക്കി സര്‍ഫറസ് ഖാന്‍. 154 പന്തില്‍ യാരം 125 റണ്‍സ് നേടിയ സര്‍ഫറസും 56 പന്തില്‍ 53 റണ്‍സുമായി ഋഷഭ് പന്തുമാണ് ക്രീസില്‍. മഴയെ തുടര്‍ന്ന് മത്സരം വീണ്ടും തടസപ്പെട്ടപ്പോള്‍ 344 ന് 3 എന്ന ശക്തമായ നിലയിലാണ് ഇന്ത്യ. 12 റണ്‍സ് ലീഡാണ് ഇന്ത്യക്കുള്ളത്.
ഇന്നലെ കളി അവസാനിക്കുമ്പോള്‍ മൂന്ന് വിക്കറ്റ് നഷ്ടത്തില്‍ 231 എന്ന നിലയിലായിരുന്നു ഇന്ത്യ. ഇന്ന് മത്സരം തുടങ്ങി അധികം വൈകാതെ തന്നെ സര്‍ഫറസ് ഖാന്‍ സെഞ്ച്വറി തികച്ചു. ഇന്നിങ്‌സ് തോല്‍വി ഒഴിവാക്കാന്‍ വേണ്ടിയിരുന്ന 125 റണ്‍സ് മറികടന്ന് ഇന്ത്യ വന്‍ സ്‌കോറിലേക്ക് കുതിക്കുന്നതിനിടെയാണ് മഴയെത്തിയത്. സര്‍ഫറാസ് തന്റെ കന്നി ടെസ്റ്റ് സെഞ്ച്വറി പൂര്‍ത്തിയാക്കിയപ്പോള്‍ അര്‍ധസെഞ്ച്വറിയുമായി അതിവേഗത്തില്‍ മുന്നേറുകയാണ് പന്ത്. ഇതുവരും ചേര്‍ന്ന് 20 ഓവറില്‍ 100 റണ്‍സാണ് സ്‌കോര്‍ ചെയ്തത്. ന്യൂസിലന്‍ഡിന് വേണ്ടി അജാസ് പട്ടേല്‍ രണ്ട് വിക്കറ്റെടുത്തു. ഗ്ലെന്‍ ഫിലിപ്സിന് ഒരു വിക്കറ്റുണ്ട്.
മൂന്ന് വിക്കറ്റ് നഷ്ടത്തില്‍ 231 റണ്‍സെന്ന നിലയിലാണ് ഇന്ത്യ നാലാം ദിനം ആരംഭിച്ചത്. സര്‍ഫറാസ് വേഗത്തില്‍ റണ്‍സ് കണ്ടെത്തി സെഞ്ച്വറിയും പൂര്‍ത്തിയാക്കി. ഇതുവരെ 135 പന്തുകള്‍ നേരിട്ട താരം മൂന്ന് സിക്സും 15 ഫോറും നേടിയിട്ടുണ്ട്. സര്‍ഫറാസിന് പുറമെ വിരാട് കോഹ് ലി (70), രോഹിത് ശര്‍മ (52), യശസ്വി ജയ്സ്വാള്‍ (35) എന്നിവരുടെ വിക്കറ്റുകളാണ് ഇന്ത്യക്ക് നഷ്ടമായത്.
നേരത്തെ രോഹിത് ശര്‍മയെ, കിവീസ് സ്പിന്നര്‍ അജാസ് പട്ടേല്‍ ബൗള്‍ഡാക്കി. ജയ്സ്വാളിനെ ബ്ലണ്ടല്‍ സ്റ്റംപ് ചെയ്ത് പുറത്താക്കുകയായിരുന്നു. രചിന്‍ രവീന്ദ്രയുടെ (134) സെഞ്ചുറി കരുത്തില്‍ 402 റണ്‍സാണ് ന്യൂസിലന്‍ഡ് ഒന്നാം ഇന്നിങ്സില് നേടിയത്. ഡെവോണ്‍ കോണ്‍വെ (91), ടിം സൗത്തി (65) മികച്ച പ്രകടനം പുറത്തെടുത്തിരുന്നു.
by Midhun HP News | Oct 19, 2024 | Latest News, കേരളം
കൊച്ചി: സംസ്ഥാനത്ത് സ്വര്‍ണവില പുതിയ റെക്കോര്‍ഡില്‍. പവന് 58,240 രൂപയായി. ഇന്ന് ഒറ്റയടിക്ക് പവന് 320 രൂപയാണ് വര്‍ധിച്ചത്. ഗ്രാമിന് 40 രൂപയാണ് വര്‍ധിച്ചത്. 7280 രൂപയായാണ് ഒരു ഗ്രാം സ്വര്‍ണത്തിന്റെ വില ഉയര്‍ന്നത്.
കഴിഞ്ഞ ദിവസം പവന് 360 രൂപ വര്‍ധിച്ചതോടെയാണ് സ്വര്‍ണവില ആദ്യമായി 57,000 കടന്നത്. ഇന്നലെ സ്വര്‍ണവില ഒരു പവന് 57,280 രൂപയായിരുന്നു. ഈ മാസത്തിന്റെ തുടക്കത്തില്‍ 56,400 രൂപയായിരുന്നു ഒരു പവന് സ്വര്‍ണത്തിന്റെ വില.
ഇന്നലെ 57,280 രൂപയായി ഉയര്‍ന്ന റെക്കോര്‍ഡ് വിലയാണ് പഴങ്കഥയായത്. നാലു ദിവസത്തിനിടെ 1460 രൂപയാണ് വര്‍ധിച്ചത്. ഒക്ടോബര്‍ പത്തിനായിരുന്നു ഈ മാസത്തെ ഏറ്റവും കുറഞ്ഞ സ്വര്‍ണനിരക്ക്. അന്ന് 56,000 രൂപയുടെ ഒരുപവന്‍ സ്വര്‍ണത്തിന്റെ വില.
Recent Comments