by Midhun HP News | Sep 29, 2024 | Latest News, ജില്ലാ വാർത്ത
തിരുവനന്തപുരം: എസ്എടി ആശുപത്രിയിലെ അത്യാഹിത വിഭാഗത്തില്‍ വൈദ്യുതിയില്ല. രോഗികളുടെ ബന്ധുക്കള്‍ പ്രതിഷേധിക്കുന്നു. 3 മണിക്കൂര്‍ നേരമായി വൈദ്യുതി മുടങ്ങിയിട്ട്. കുട്ടികളുടെ ഐസിയുവില്‍ വൈദ്യുതിയുണ്ടെന്ന് ആശുപത്രി സൂപ്രണ്ട് പറഞ്ഞു.
ടോര്‍ച്ചിന്റെ വെളിച്ചത്തിലാണ് ഡോക്ടര്‍മാര്‍ പരിശോധന നടത്തുന്നത്. മെഴുകുതിരി കത്തിച്ചാണ് ആളുകള്‍ പ്രതിഷേധിക്കുന്നത്. വൈദ്യുതി പുനഃസ്ഥാപിക്കാനുള്ള ശ്രമം നടക്കുന്നു. ജനറേറ്റര്‍ പ്രവര്‍ത്തിക്കുന്നില്ല. ഉച്ചക്ക് അധികസമയം ജനറേറ്റര്‍ പ്രവര്‍ത്തിപ്പിച്ചതിനാല്‍ ജനറേറ്റര്‍ കേടായി.
ആശുപത്രിക്കുള്ളിലുള്ള പ്രശ്‌നങ്ങളാണെന്നാണ് കെഎസ്ഇബിയുടെ വിശദീകരണം. പ്രതിഷേധം ശക്തമായതിനെത്തുടര്‍ന്ന് പൊലീസ് സ്ഥലത്ത് തമ്പടിച്ചിരിക്കുകയാണ്. ജനറേറ്റര്‍ പ്രവര്‍ത്തിപ്പിക്കാനുള്ള ശ്രമവും തുടരുന്നു. ആരോഗ്യമന്ത്രി വൈദ്യുത മന്ത്രിയുടെ സഹായവും തേടിയിരിക്കുകയാണ്.
by Midhun HP News | Sep 29, 2024 | Latest News, ജില്ലാ വാർത്ത
ആറ്റിങ്ങൽ: ലോക ഹൃദയ ദിനാചരണം, ഭീമ ഉപഭോക്താക്കൾക്ക് സൗജന്യ മെഡിക്കൽ ക്യാമ്പ്. കിംസ് ഹെൽത്തുമായി സഹകരിച്ച് ആണ് ആറ്റിങ്ങൽ ഭീമ ജൂവലറി പ്രത്യേകം മെഡിക്കൽ ക്യാമ്പ് സംഘടിപ്പിച്ചത്. ഭീമയിൽ ആഭരണങ്ങൾ വാങ്ങുവാൻ എത്തിയവർക്ക് സൗജന്യ ഹൃദയ ആരോഗ്യ പരിശോധനക്ക് അവസരം ലഭിച്ചു.
by Midhun HP News | Sep 29, 2024 | Latest News, കേരളം
തിരുവനന്തപുരം: സ്‌കൂള്‍ സമയത്ത് യോഗങ്ങള്‍ വിലക്കി പൊതുവിദ്യാഭ്യാസ ഡയറക്ടറുടെ സര്‍ക്കുലര്‍.പിടിഎ, എസ്എംസി, സ്റ്റാഫ് മീറ്റിങ്, യാത്രയയപ്പ് ചടങ്ങുകള്‍ തുടങ്ങിയവ സ്‌കൂള്‍ പ്രവൃത്തിസമയത്ത്നടത്തരുതെന്നാണ് നിര്‍ദേശം. പഠനസമയം സ്‌കൂള്‍ കുട്ടികളുടെ പാഠ്യ-പാഠ്യേതര പ്രവര്‍ത്തനങ്ങള്‍ക്കായിതന്നെ പ്രയോജനപ്പെടുത്തണമെന്ന് പൊതുവിദ്യാഭ്യാസ വകുപ്പ് അറിയിച്ചു.
മീറ്റിങ്ങുകളും യോഗങ്ങളും മറ്റു പരിപാടികളും നടത്തുന്നത് മൂലം അധ്യയന സമയം നഷ്ടമാകുന്നുവെന്നപരാതിയെത്തുടര്‍ന്നാണ് നിര്‍ദേശം. സ്‌കൂള്‍ സമയത്തിന് ശേഷം മാത്രമേ മീറ്റിങ്ങുകളും ചടങ്ങുകളും നടത്താവൂ. അടിയന്തര പ്രധാന്യമുള്ള മീറ്റിങ്ങുകള്‍ സ്‌കൂള്‍ സമയത്ത് നടത്തണമെങ്കില്‍ വിദ്യാഭ്യാസ ഓഫീസറുടെഅനുമതി വാങ്ങണമെന്നും പുതിയ സര്‍ക്കുലറിലുണ്ട്.
by Midhun HP News | Sep 29, 2024 | Latest News, ജില്ലാ വാർത്ത
കടയക്കാവൂർ പഞ്ചായത്ത് അഞ്ചാം വാർഡിലെ കിടാരി പാർക്കിൽ റോഡ് അപകടങ്ങൾ തുടർക്കഥയാകുന്നു .കിടാരി പാർക്ക് സന്ദർശിക്കാൻ എത്തിയ
കിഴുവലം മുൻ പഞ്ചായത്ത് പ്രസിഡൻറ് l VS കണ്ണൻ കഴിഞ്ഞദിവസം റോഡിലെ കുഴിയിൽ അകപ്പെട്ട് ഇരുചക്രവാഹനം മറിഞ്ഞ് ചെളി വെള്ളത്തിൽ വീഴുകയായിരുന്നു.
ഇതുവഴിയുള്ള ഗതാഗതം ദുഷ്കരമായതിനാൽ ഫാമിന്റെ പ്രവർത്തനങ്ങളെ സാരമായി ബാധിച്ചു. ഹരിതാമൃതത്തിൻറെ സ്ലോട്ടറിങ് ഹൗസിന്റെ പ്രവർത്തനം 70% ആയി കുറഞ്ഞു. ഇതിനകത്തുള്ള എല്ലാ സ്ഥാപനങ്ങളും പ്രതിസന്ധിയിലാണ്. മഴ തുടർന്നാൽ അടച്ചു പൂട്ടന്റെ വക്കല്ലാണ്. ഈറോഡ് ഗതാഗത യോഗ്യമാക്കുന്നതിന് കഴിഞ്ഞ ഏഴ് വർഷമായി പഞ്ചായത്ത് അധികാരികളുടെ ഭാഗത്തുനിന്നും വാഗ്ദാനങ്ങൾ മാത്രം.
വൃദ്ധരും വിദ്യാർത്ഥികളും തൊഴിലാളികളും ഉൾപ്പെടെ ഒട്ടനവധി പേർ നിരന്തരം അപകടങ്ങളിൽ പെടുകയാണ്. എത്രയും വേഗം ഇത് ഗതാഗത യോഗ്യമാക്കണമെന്നാണ് നാട്ടുകാരുടെ ആവശ്യം.
by Midhun HP News | Sep 29, 2024 | Latest News, ജില്ലാ വാർത്ത
വാമനപുരം ഫാർമർ പ്രൊഡ്യൂസർ കമ്പനിയുടെ വാർഷിക പൊതുയോഗം 27-09-24 ശനിയാഴ്ച വൈകുന്നേരം 03:00 മണിക്ക് വാമനപുരം എസ് എൻ ഡി പി ഹാളിൽ മുൻ കേന്ദ്ര മന്ത്രി വി മുരളീധരൻ ഉത്ഘാടനം നിർവ്വഹിച്ചു. ചെയർമാൻ VR രതീഷ് അദ്ധ്യക്ഷനായ ചടങ്ങിൽ ClSSA ഡയറക്ടർ Dr.S സുരേഷ് കുമാർ പദ്ധതി നിർവഹണത്തെ കുറിച്ച് സംസാരിച്ചു ഡയറക്ടർമാരായ പാലോട് R .സുരേഷ് സ്വാഗതവും,പുല്ലമ്പാറ M.ശശിധരൻ നന്ദിയും പറഞ്ഞു ഡയറക്ടർമാരായ അഖിലശാന്തി, പ്രദീപ് പെരിങ്ങമ്മല, സന്തോഷ് കല്ലറ, ശശിധരൻ നായർ കോലിയക്കോട് തുടങ്ങിയവരും കമ്പനിയുടെ ഓഹരി ഉടമകളും പങ്കെടുത്തു.
Recent Comments