സി പി ഐ എം 24 – ആം പാർട്ടി കോൺഗ്രസിനോട് അനുബന്ധിച്ച് കിഴുവിലം ലോക്കൽ കമ്മിറ്റിക്ക് കീഴിലെ ഇടയവണം ബ്രാഞ്ച് സമ്മേളനം ദേവരാജൻ നഗറിൽ വച്ച് നടന്നു. സമ്മേളനം പാർട്ടി ആറ്റിങ്ങൽ ഏരിയാ കമ്മിറ്റി അംഗം ആർ.എസ്.അനൂപ് ഉദ്ഘാടനം ചെയ്തു. പാർട്ടി ഏരിയാ കമ്മിറ്റി അംഗം വേണുഗോപാൽ, മണികണ്ഠൻ, ലൊക്കൽ സെക്രട്ടറി ആർ.കെ.ബാബു, ലോക്കൽ കമ്മിറ്റി അംഗങ്ങൾ പ്രദീപ്, ബിനു ശിവൻ, വിഷ്ണു രാജ് എന്നിവർ പങ്കെടുത്തു. സമ്മേളനം സെക്രട്ടറിയായി. ഉദയകുമാർ നെ തെരഞ്ഞെടുത്തു.
ഈ വർഷത്തെ അഗസ്ത്യാർകൂടം ഓഫ് സീസൺ ട്രക്കിങ് ആരംഭിച്ചു . തിങ്കൾ, വ്യാഴം, ശനി ദിവസങ്ങളിലാണ് ട്രക്കിങ് ക്രമീകരിച്ചിരിക്കുന്നത്. അഞ്ച് അല്ലെങ്കിൽ 10 പേരടങ്ങുന്ന സംഘങ്ങളായാണ് ട്രക്കിങ് അനുവദിക്കുക. താത്പര്യമുള്ളവർക്ക് tvmwildlife.com എന്ന വെബ്സൈറ്റിൽ രജിസ്റ്റർ ചെയ്ത് ടിക്കറ്റ് ബുക്ക് ചെയ്യാവുന്നതാണെന്ന് വനം വകുപ്പ് അധികൃതർ അറിയിച്ചു.
വാടക കെട്ടിടത്തിലായിരുന്ന കലാഭവൻ മണി സേവന സമിതി മണിദേവാലയം ഇനിമുതൽ സ്വന്തം ഭൂമിയിൽ
നന്മവറ്റാത്ത ഹൃദയങ്ങൾ നശിച്ചിട്ടില്ല എന്ന് തെളിയിച്ചുകൊണ്ട് ചന്ദ്രിക അമ്മ. ഇളമ്പ വില്ലേജിൽ പാലക്കുന്നിൽ വീട്ടിൽ പരേതനായ സദാനന്ദൻ പിള്ളയുടെ ഭാര്യ ചന്ദ്രിക അമ്മയും മക്കളായ സതികുമാരി, അനിൽ കുമാർ എന്നിവരും ചേർന്ന് മണിദേവാലയം ഓൾഡ് ഏജ് ഹോമിന് പുതിയ കെട്ടിടത്തിനായി 10 സെന്റ് ഭൂമിയുടെ പ്രമാണം കലാഭവൻ മണി സേവന സമിതി ചെയർമാൻ അജിൽ മണിമുത്തിന് കൈമാറുന്നു. സാന്നിധ്യം രജനി ( പ്രസിഡന്റ്,കലാഭവൻ മണി സേവനസമിതി വനിതാ യൂണിറ്റ് ), സുമ (സെക്രട്ടറി ,കലാഭവൻ മണി സേവനസമിതി വനിതാ യൂണിറ്റ് ), കിരൺ, സുജിത
ആലപ്പുഴ: പുന്നമടക്കായലിലെ ഓളപ്പരപ്പിലെ ജലരാജാവായി കാരിച്ചാല്‍. മൈക്രോ സെക്കന്റുകളുടെ വ്യത്യാസത്തിലാണ് പള്ളാത്തുരുത്തിയുടെ കാരിച്ചാല്‍ ചുണ്ടന്‍ ചരിത്ര നേട്ടം സ്വന്തമാക്കിയത്. ഇക്കുറി കപ്പില്‍ മുത്തമിട്ടതോടെ പതിനാറാം കിരീടം സ്വന്തമാക്കിയിരിക്കുകയാണ് കാരിച്ചാല്‍. തുടര്‍ച്ചയായി അഞ്ചാം കിരീടമാണ് കാരിച്ചാല്‍ ചുണ്ടന്റേത്.
ഫോട്ടോ ഫിനിഷിനാണ് വീയപുരത്തെ കാരിച്ചാല്‍ മറികടന്നത്. ഹീറ്റ്സ് മത്സരങ്ങളിൽ റെക്കോഡ് സമയം കുറിച്ചാണ് കാരിച്ചാൽ ചുണ്ടൻ ഒന്നാമതെത്തിയത്. നെഹ്റു ട്രോഫി വള്ളംകളിയുടെ ചരിത്രത്തിലെ മികച്ച സമയത്തോടെയാണ് ഹീറ്റ്സിൽ പി ബി സി ഫൈനൽ യോഗ്യത ഉറപ്പിച്ചത്. 4.14.35 മിനിറ്റിലായിരുന്നു ഫിനിഷിങ്.
ഫൈനലില്‍ വില്ലേജ് ബോട്ട് ക്ലബ്ബിന്റെ വിയപുരം, നിരണം ബോട്ട് ക്ലബ്ബിന്റെ നിരണം ചുണ്ടന്‍, കുമരകം ബോട്ട് ക്ലബ്ബിന്റെ നടുഭാഗം ചുണ്ടന്‍ വള്ളങ്ങളെ മറികടന്നാണ് കാരിച്ചാലിന്റെ വിജയം. വില്ലേജ് ബോട്ട് ക്ലബ്ബ് കൈനകരി തുഴഞ്ഞ വീയ്യപുരം ചുണ്ടന്‍ രണ്ടാമതും കുമരകം ടൗണ്‍ ബോട്ട് ക്ലബ് തുഴഞ്ഞ നടുഭാഗം ചുണ്ടന്‍ മൂന്നാമതും എത്തി. നിരണം ബോട്ട് ക്ലബ്ബ് തുഴഞ്ഞ നിരണം ചുണ്ടന്‍ ആണ് നാലാം സ്ഥാനത്ത്.
കോഴിക്കോട്: കൂത്തുപറമ്പ് സമരനായകന്‍ പുഷ്പന്‍ അന്തരിച്ചു. 54 വയസ്സായിരുന്നു. കോഴിക്കോട് ബേബി മെമ്മോറിയല്‍ ആശുപത്രിയില്‍ മൂന്നരയോടു കൂടിയായിരുന്നു അന്ത്യം. ആഗസ്ത് രണ്ടിന് വൈകിട്ടാണ് അതീവഗുരുതരാവസ്ഥയില്‍ ആശുപത്രിയില്‍ പ്രവേശിപ്പിച്ചത്. പിന്നീട് ഹൃദയാഘാതമുണ്ടായതിനെതുടര്‍ന്ന് വെന്റിലേറ്ററിലേക്ക് മാറ്റിയെങ്കിലും ജീവന്‍ രക്ഷിക്കാനായില്ല.
ജീവിക്കുന്ന രക്തസാക്ഷിയെന്നായിരുന്നു പുഷ്പന്‍ അറിയപ്പെട്ടത്. കൂത്തുപറമ്പില്‍ 1994 നവംബര്‍ 25ന് നടന്ന ഡിവൈഎഫ്‌ഐ സമരത്തിനു നേരെയുണ്ടായ പൊലീസ് വെടിവെപ്പില്‍ സുഷുമ്നനാഡി തകര്‍ന്ന് ഇരുപത്തിനാലാം വയസില്‍ കിടപ്പിലായതാണ് പുഷ്പന്‍.
യുഡിഎഫ് സര്‍ക്കാറിന്റെ അഴിമതിക്കും വിദ്യാഭ്യാസ കച്ചവടത്തിനുമെതിരെ മന്ത്രി എംവി രാഘവനെ കരിങ്കൊടി കാണിക്കുന്നതിനിടെ പൊലീസ് നടത്തിയ വെടിവെപ്പിലാണ് പുഷ്പനും പരിക്കേറ്റത്. കെ കെ രാജീവന്‍. കെ വി റോഷന്‍, ഷിബുലാല്‍, ബാബു, മധു എന്നിവര്‍ കൊല്ലപ്പെട്ടിരുന്നു
Recent Comments