ആറ്റിങ്ങലിൽ ബ്ലോക്ക് കോൺഗ്രസ് കമ്മിറ്റിയുടെ ആഭിമുഖ്യത്തിൽ ആഹ്ലാദപ്രകടനം നടത്തി
അടൂർ പ്രകാശിന്റെ വിജയത്തിൽ ആറ്റിങ്ങലിൽ ബ്ലോക്ക് കോൺഗ്രസ് കമ്മിറ്റിയുടെ ആഭിമുഖ്യത്തിൽ ആഹ്ലാദപ്രകടനം നടന്നു.
പരിസ്ഥിതി ദിനാഘോഷവും ഫോറസ്ട്രി ക്ലബ് ഉദ്ഘാടനവും സംഘടിപ്പിച്ച് പുരവൂർ ഗവൺമെൻറ് എസ് വി യു പി എസ്
പുരവൂർ ഗവൺമെൻറ് എസ് വി യു പി സ്കൂളിലെ പരിസ്ഥിതി ദിനാഘോഷവും ഫോറസ്ട്രി ക്ലബ് ഉദ്ഘാടനവും കിഴുവിലം ഗ്രാമപഞ്ചായത്ത് പ്രസിഡൻറ് ആർ രജിത നിർവഹിച്ചു. കേരള വനം വന്യജീവി വകുപ്പ് സാമൂഹ്യ വനവൽക്കരണ വിഭാഗം ആറ്റിങ്ങൽ റേയ്ഞ്ച് ഓഫീസിൻറെ നേതൃത്വത്തിൽ ‘വനസംരക്ഷണവും കാലാവസ്ഥ വ്യതിയാവും’ എന്ന വിഷയത്തിൽ സെക്ഷൻ ഫോറസ്റ്റ് ഓഫീസർ ഷാജി പഠന ക്ലാസ് നയിച്ചു.
ഡെപ്യൂട്ടി റേഞ്ച് ഓഫീസർ ഇ എം ഷാജഹാൻ ഫോറസ്ട്രി ക്ലബ്ബ് രജിസ്ട്രേഷൻ സർട്ടിഫിക്കറ്റ് സ്കൂളിന് കൈമാറി. പരിസ്ഥിതിദിന സന്ദേശവും കുട്ടികൾക്ക് നൽകി. സ്കൂൾ ഗ്രൗണ്ടിൽ 5 ഫലവൃക്ഷതൈകൾ ഈ പരിപാടിയിൽ വാർഡ് മെമ്പർ ആശ, ഫോറസ്റ്റ് ഓഫീസർ ഷാഫുൽ, എസ് എം സി ചെയർമാൻ ഷാബു, എം പി ടി എ പ്രസിഡൻറ് ജയലക്ഷ്മി, ഹെഡ്മിസ്ട്രസ്സ് ബിന്ദു, സീനിയർ അസിസ്റ്റൻറ് സുൽഫത്ത് ബീവി, എസ് എം സി അംഗങ്ങൾ, വികസനസമിതി അംഗങ്ങൾ, രക്ഷിതാക്കൾ എന്നിവർ പങ്കെടുത്തു.
പക്ഷിപ്പനി ബാധിച്ച് ആദ്യമനുഷ്യമരണം; മെക്‌സിക്കോയില്‍ 59കാരന് മരിച്ചു
മെക്‌സിക്കോ സിറ്റി: ലോകത്ത് ആദ്യമായി പക്ഷപ്പനി ബാധിച്ച് മനുഷ്യന്‍ മരിച്ചു. ഇത്തരത്തിലൊരു സംഭവം ആദ്യമായാണെന്ന് ലോകാരോഗ്യ സംഘടന അറിയിച്ചു. 59 കാരനാണ് മരിച്ചത്. എന്നാല്‍ എങ്ങനെയാണ് ഇയാള്‍ക്ക് രോഗംവന്നതെന്ന് ഡബ്ല്യുഎച്ച്ഒ വെളിപ്പെടുത്തിയിട്ടില്ല.
സാധാരണ മനുഷ്യര്‍ക്ക് പക്ഷിപ്പനി വൈറസിന്റെ പടരുന്നതിനുള്ള സാധ്യത കുറവാണെന്ന് ലോകാരോഗ്യ സംഘടന പറഞ്ഞു. പനി, ശ്വാസതടസ്സം, വയറിളക്കം, ഓക്കാനം, തുടങ്ങിയ രോഗലക്ഷണങ്ങളുമായാണ് ഇയാളെ ആശുപത്രിയില്‍ പ്രവേശിപ്പിച്ചതെന്ന് ലോകാരോഗ്യ സംഘടന അറിയിച്ചു. 59കാരന് വിട്ടുമാറാത്ത വൃക്കരോഗവും ടൈപ്പ് 2 പ്രമേഹവും ഉണ്ടായിരുന്നതായും വൈറസ് ബാധയുടെ ഉറവിടം കണ്ടെത്താനായിട്ടില്ലെന്നും മെക്‌സിക്കോ ആരോഗ്യവകുപ്പ് അറിയിച്ചു.
മെക്സിക്കോയിലെ കോഴികളില്‍ എ (എച്ച്5എന്‍ 2) വൈറസുകള്‍ റിപ്പോര്‍ട്ട് ചെയ്യപ്പെട്ടതായും ആരോഗ്യസംഘടന അറിയ സംഘടനയുടെ പ്രസ്താവനയില്‍ പറയുന്നു. ലോകാരോഗ്യ സംഘടനയുടെ കണക്കനുസരിച്ച്, ആഗോളതലത്തില്‍ ഇന്‍ഫ്ലുവന്‍സ എ(എച്ച്5എന്‍2) വൈറസ് ബാധിച്ചതായി ലബോറട്ടറി സ്ഥിരീകരിച്ച ആദ്യത്തെ കേസാണിത്. മരിച്ചയാള്‍ കോഴികളുമായോ മറ്റ് മൃഗങ്ങളുമായോ സമ്പര്‍ക്കം പുലര്‍ത്തിയിട്ടില്ല. ഇയാള്‍ക്ക് ഒന്നിലധികം രോഗങ്ങള്‍ ഉണ്ടായിരുന്നു. മറ്റ് ലക്ഷണങ്ങള്‍ ഉണ്ടാകുന്നതിന് മുമ്പ് മൂന്നാഴ്ചയോളം കിടപ്പിലായിരുന്നുവെന്നും ലോകാരോഗ്യ സംഘടന പറഞ്ഞു.
ഏപ്രിലിലുണ്ടായ മരണത്തോടെ മെക്‌സിക്കോ വൈറസ് ബാധയേക്കുറിച്ച് ലോകാരോഗ്യ സംഘടനയെ അറിയിക്കുകയായിരുന്നു.
‘ഇംഗ്ലീഷ് മീഡിയം ക്ലാസുകൾ ആരംഭിക്കണം’; എസ്എഫ്ഐ അഞ്ചുതെങ്ങ് ലോക്കൽ സമ്മേളനം
തീരദേശ ഗ്രാമമായ അഞ്ചുതെങ്ങ് ഗ്രാമപഞ്ചായത്തിലെ സർക്കാർ എൽ പി സ്കൂളുകളിൽ ഇംഗ്ലീഷ് മീഡിയം ക്ലാസുകളും പ്രീ പ്രൈമറിയും ആരംഭിക്കുന്നതിന് ആവശ്യമായ നടപടികൾ സ്വീകരിക്കണമെന്ന് എസ്എഫ്ഐ അഞ്ചുതെങ്ങ് ലോക്കൽ സമ്മേളനം സർക്കാരിനോട് ആവശ്യപ്പെട്ടു. അഞ്ചു ഗ്രാമപഞ്ചായത്തിൽ സർക്കാരിന്റെ മൂന്ന് എൽപി സ്കൂളുകളാണ് പ്രവർത്തിക്കുന്നത്. ബോർഡ് ബോയ്സ് എൽ പി സ്കൂൾ, ആശാൻ മെമ്മോറിയൽ ഗവnമെന്റ് എൽപിഎസ്, മങ്കുഴി മാധവൻ മെമ്മോറിയൽ ഗവൺമെന്റ് എൽപിഎസ് നെടുംങ്ങണ്ട എന്നിവയാണ്.
മഹാകവി കുമാരനാശാൻ പഠിച്ചതും, പഠിപ്പിച്ചതുമായ സ്കൂളാണ് ആശാൻ മെമ്മോറിയൽ ഗവ എൽ പി എസ്. ഈ സ്കൂളുകളിലൊക്കെ അധ്യയന വർഷം ആരംഭിക്കുമ്പോൾ പുതുതായി കുട്ടികൾ എത്തിച്ചേരുന്നതിൽ കുറവ് വരുന്നു. കൂടുതലും വിദ്യാർഥികളെ ഇംഗ്ലീഷ് മീഡിയം ക്ലാസ്സുകളിലേക്ക് ആണ് രക്ഷിതാക്കൾ പഠിക്കാനായി അയയ്ക്കുന്നത്.
അതുകൊണ്ട് സർക്കാർ സ്കൂളുകളിൽ പുതിയ അഡ്മിഷനുകൾ കടന്നു വരുന്നില്ല. ഈ സ്കൂളുകളുടെ നിലനിൽപ്പ് തന്നെ അപകടത്തിലേക്ക് ആവുന്ന അവസ്ഥയിലേക്ക് ആണ് പോകുന്നത് എന്നും സമ്മേളനത്തിൽ പറഞ്ഞു.
അതിനാൽ ഈ സ്കൂളുകളിൽ ഇംഗ്ലീഷ് മീഡിയം ക്ലാസുകൾ ആരംഭിച്ചാൽ സ്കൂളുകളിൽ ചേർക്കാൻ രക്ഷിതാക്കൾ താൽപര്യം കാണിക്കും. പല സർക്കാർ എൽ പി സ്കൂളുകളിലും ഇംഗ്ലീഷ് മീഡിയം ആരംഭിച്ചിട്ടുണ്ട്. തീരദേശ ഗ്രാമം ആയ അഞ്ചുതെങ്ങിലെ സർക്കാർ സ്കൂളുകളിൽ ഇംഗ്ലീഷ് മീഡിയം ക്ലാസുകൾ ആരംഭിച്ചാൽ സാധാരണക്കാരായ കയർ തൊഴിലാളികളുടെയും മത്സ്യത്തൊഴിലാളികളുടെയും മക്കൾക്ക് ഇംഗ്ലീഷ് മീഡിയത്തിൽ പഠിക്കുവാനുള്ള സൗകര്യം ഉണ്ടാകുമെന്നും കൂട്ടിച്ചേർത്തു. അടുത്ത അധ്യയന വർഷത്തിൽ ഈ സ്കൂളുകളിൽ ഇംഗ്ലീഷ് മീഡിയം ക്ലാസുകളും, പ്രീ പ്രൈമറി ക്ലാസുകളും ആരംഭിക്കാനുള്ള നടപടികൾ സ്വീകരിക്കണമെന്ന് സമ്മേളനം അധികാരികളോട് അഭ്യർത്ഥിച്ചു.
അഞ്ചുതെങ്ങ് മത്സ്യഭവൻ ഹാളിലെ ധീരജ് നഗറിൽ ചേർന്ന സമ്മേളനം എസ്എഫ്ഐ ജില്ലാ സെക്രട്ടറിയേറ്റ് അംഗം വിജയ് വിമൽ ഉദ്ഘാടനം ചെയ്തു. അഫ്സൽ സമ്മേളനത്തിൽ അധ്യക്ഷൻ ആയിരുന്നു. സിപിഎം അഞ്ചുതെങ്ങ് ലോക്കൽ കമ്മിറ്റി സെക്രട്ടറി എസ്.പ്രവീൺചന്ദ്ര, എസ്എഫ്ഐ ഏരിയ പ്രസിഡന്റ് അർജുൻ, നന്ദു ദാസ്, വിഷ്ണുദർശൻ, ശ്രുതി, വിശാഖ്, മിഥുൻ എന്നിവർ സംസാരിച്ചു. സമ്മേളനത്തിൽ മിഥുൻ (പ്രസിഡന്റ്), വൈശാഖ് (സെക്രട്ടറി )എന്നിവരെ ഭാരവാഹികളായി തിരഞ്ഞെടുത്തു.
മുന്നറിയിപ്പില്‍ മാറ്റം, എട്ടു ജില്ലകളില്‍ ശക്തമായ മഴ; യെല്ലോ അലര്‍ട്ട്
തിരുവനന്തപുരം: സംസ്ഥാനത്ത് മഴ മുന്നറിയിപ്പില്‍ മാറ്റം. നേരത്തെ ഇന്ന് അഞ്ചു ജില്ലകളിലാണ് ശക്തമായ മഴ മുന്നറിയിപ്പ് നല്‍കിയിരുന്നത്. പുതുക്കിയ മഴ മുന്നറിയിപ്പ് അനുസരിച്ച് ഇന്ന് എട്ടു ജില്ലകളില്‍ ഒറ്റപ്പെട്ട സ്ഥലങ്ങളില്‍ ശക്തമായ മഴയാണ് കാലാവസ്ഥ വകുപ്പ് പ്രവചിക്കുന്നത്. ജാഗ്രതയുടെ ഭാഗമായി ആലപ്പുഴ, എറണാകുളം, ഇടുക്കി, തൃശൂര്‍, മലപ്പുറം, കോഴിക്കോട്, കണ്ണൂര്‍ കാസര്‍കോട് ജില്ലകളില്‍ യെല്ലോ അലര്‍ട്ട് പ്രഖ്യാപിച്ചു.
നാളെ ( വെള്ളിയാഴ്ച) സംസ്ഥാനത്ത് പരക്കെ ശക്തമായ മഴയാണ് പ്രവചിക്കുന്നത്. ജാഗ്രതയുടെ ഭാഗമായി പത്തുജില്ലകളിലാണ് യെല്ലോ അലര്‍ട്ട് പ്രഖ്യാപിച്ചത്. പത്തനംതിട്ട, കോട്ടയം, പാലക്കാട്, വയനാട് ഒഴികെയുള്ള ജില്ലകളിലാണ് മഴ മുന്നറിയിപ്പ് ഉള്ളത്.
ഞായറാഴ്ച വരെ ശക്തമായ മഴ തുടരുമെന്ന മുന്നറിയിപ്പില്‍ ശനിയാഴ്ച തൃശൂര്‍, മലപ്പുറം, കോഴിക്കോട്, കണ്ണൂര്‍, കാസര്‍കോട് ജില്ലകളിലാണ് യെല്ലോ അലര്‍ട്ട് പ്രഖ്യാപിച്ചിരിക്കുന്നത്. ഞായറാഴ്ച മലപ്പുറം, കോഴിക്കോട്, കണ്ണൂര്‍, കാസര്‍കോട് ജില്ലകളിലും ശക്തമായ മഴയാണ് പ്രവചിക്കുന്നത്.
Recent Comments