ആറ്റിങ്ങൽ: മികവാർന്ന വിജയം നേടി ആറ്റിങ്ങൽ ഗവ.മോഡൽ വി ആൻഡ് എച്ച്.എസ്.എസ്. ഹ്യൂമാനിറ്റീസ് വിഭാഗത്തിൽ അഷറഫുൾ ഹക്ക്.എൻ എന്ന കുട്ടി ഫുൾ മാർക്ക് നേടി. ഹയർസെക്കൻഡറി വിഭാഗത്തിൽ 350ൽ 325 പേര് വിജയം നേടി. 93% വിജയം. 101 കുട്ടികൾ ഫുൾ എ പ്ലസ് നേടി. വൊക്കേഷണൽ ഹയർസെക്കൻഡറി വിഭാഗത്തിൽ 92ൽ 85 കുട്ടികൾ വിജയം നേടി. 92.4% വിജയം ഉണ്ട്. 10 കുട്ടികൾ ഫുൾ എ പ്ലസ് നേടി.
ആറ്റിങ്ങൽ: പ്ലസ് ടു പരീക്ഷയിൽ ഫുൾ മാർക്ക് നേടി അഷറഫുൾ ഹക്ക്.എൻ. ആറ്റിങ്ങൽ ഗവൺമെൻറ് മോഡൽ ബോയ്സ് എച്ച്.എസ്.എസ് ആൻഡ് വി.എച്ച്.എസ്.എസ് വിദ്യാർത്ഥിയാണ് അഷ്റഫുൽ ഹക്ക്. ഹ്യൂമാനിറ്റീസ് വിഭാഗത്തിലാണ് ഫുൾ മാർക്കോടെ തിളക്കമാർന്ന വിജയം നേടിയത്.
പ്രൈമറി വിദ്യാഭ്യാസം മുതൽ പൊതുവിദ്യാലയത്തിൽ തന്നെയാണ് ഈ മിടുക്കൻ പഠിച്ചത്. സിവിൽ സർവീസ് ലക്ഷ്യമിടുന്ന ഈ മിടുക്കൻ ഡൽഹി യൂണിവേഴ്സിറ്റിയുടെ ബിരുദ പ്രവേശന പരീക്ഷയ്ക്കുള്ള തയ്യാറെടുപ്പിലാണ്. മുദാക്കൽ ചെമ്പൂർ എ.എ ഹൗസിൽ കെ.എസ്.ഇ.ബി ഓവർസീയർ എച്ച്.നിസാമിന്റെയും പോലീസ് ഓഫീസർ സഫീജയുടെയും മകനാണ്. അഫ്സൽ മുഹമ്മദ് സഹോദരൻ ആണ്.
ആറ്റിങ്ങൽ ഗവ: ഗേൾസ് ഹയർ സെക്കന്ററി സ്കൂളിൽ 257 പേർ പരീക്ഷ എഴുതിയതിൽ
211 പേർ വിജയിച്ചു. 53 പേർക്ക് ഫുൾ A+. ഗംഗ ജി പ്രസന്നനു ബയോളജിയിൽ
ബയോളജി :
ഗംഗ ജി പ്രസന്നൻ :
1199 / 1200
കൊമേഴ്സ് :
അനന്യ ജെ നാഥ്
1185 / 1200
കഴിഞ്ഞ എസ്.എസ്.എൽ.സി. പരീക്ഷ എഴുതിയ അവനവഞ്ചേരി ഗവ. ഹൈസ്കൂളിലെ 292 കുട്ടികളിൽ 289 പേർ ഉപരിപഠനത്തിന് അർഹത നേടി വിജയിച്ചു. 99% വിജയം. 75 കുട്ടികൾക്ക് മുഴുവൻ വിഷയങ്ങൾക്കും എ പ്ലസ് നേടി. 14 കുട്ടികൾ 9 വിഷയങ്ങളിൽ എപ്ലസ് നേടി. മികച്ച വിജയം നേടിയ അവനവഞ്ചേരി ഗവ. ഹൈസ്കൂളിലെ കുട്ടികളെ ആറ്റിങ്ങൽ നഗരസഭ ചെയർപേഴ്സൺ അഡ്വ. എസ്.കുമാരി സ്കൂളിലെത്തി അനുമോദിച്ചു. കുട്ടികൾക്ക് മധുരപലഹാരം വിതരണം ചെയ്തു. നഗരസഭ കൗൺസിലർമാരായ അവനവഞ്ചേരി രാജു, ആർ.എസ്. അനൂപ്, പിടിഎ പ്രസിഡൻ്റ് ജി.ആർ. ജിബി, എസ്എംസി ചെയർമാൻ ചിത്രകുമാർ, ഹെഡ്മാസ്റ്റർ ജി.എൽ. നിമി, സീനിയർ അസിസ്റ്റൻ്റ് എൻ.സാബു, അധ്യാപകർ, രക്ഷിതാക്കൾ എന്നിവർ സംബന്ധിച്ചു.
കോഴിക്കോട്: കോഴിക്കോട് കോര്‍പറേഷന്‍ പരിധിയില്‍ ഐസ് ഒരതി കടച്ചവടം നിരോധിച്ചു. കോഴിക്കോട് കോര്‍പറേഷന്‍ പരിധിയില്‍ മഞ്ഞപ്പിത്തം അടക്കമുള്ള ജലജന്യരോഗങ്ങള്‍ പടരുന്നതിനാലാണ് നടപടി.
ഐസ് ഒരതി കച്ചവടം ഒരുമാസത്തേയ്ക്കാണ് നിരോധിച്ചത്. മധുരവും എരിവും കലര്‍ന്ന പാനീയങ്ങള്‍ക്ക് കൂടുതല്‍ ആകര്‍ഷണം നല്‍കാനാണ് ചുരണ്ടി ഐസ്, ഐസ് അച്ചാര്‍ എന്നിങ്ങനെ വിവിധ പേരുകളില്‍ അറിയപ്പെടുന്ന ഐസ് ഒരതിയും ചേര്‍ത്ത് നല്‍കുന്നത്. കോഴിക്കോടിന്റെ ബീച്ച് പ്രദേശങ്ങളിലാണ് ഐസ് ഒരതി കച്ചവടം വ്യാപകമായി നടക്കുന്നത്. ഇതിന് പുറമേ കരിമ്പിന്‍ ജ്യൂസ് കച്ചവടത്തിനും കോര്‍പറേഷന്‍ നിയന്ത്രണം ഏര്‍പ്പെടുത്തിയിട്ടുണ്ട്.കടല്‍ത്തീരത്ത് ഉന്തുവണ്ടികളില്‍ അടക്കം കച്ചവടം നടത്തുന്നവരാണ് പാനീയങ്ങള്‍ക്ക് കൂടുതല്‍ ആകര്‍ഷണം നല്‍കി ഐസ് ഒരതി ചേര്‍ക്കുന്നത്. ചൂട് കാലത്ത് ഒരു ആശ്വാസം എന്ന് കരുതി ഐസ് ഒരതി ചേര്‍ത്ത പാനീയങ്ങള്‍ കഴിക്കുന്നത് സാധാരണ കാഴ്ചയാണ്.
Recent Comments