ആറ്റിങ്ങൽ: ആലംകോട് ചന്ദ്രവിലാസത്തിൽ കെ. തങ്കപ്പൻ (88) അന്തരിച്ചു. കോൺഗ്രസ് മുൻ ആറ്റിങ്ങൽ ബ്ലോക്ക് പ്രസിഡന്റ് അംബിരാജയുടെ പിതാവാണ്. സംസ്കാരം ഇന്ന് പകൽ 11:30 മണിക്ക് വീട്ടുവളപ്പിൽ. റിട്ടയേഡ് ഐടിഐ ഇൻസ്ട്രക്ടർ കൂടി ആണ്. വാർദ്ധക്യ സഹജമായ അസുഖത്തെ തുടർന്ന് തിരുവനന്തപുരത്ത് അനന്തപുരി ആശുപത്രിയിൽ ചികിത്സയിലിരിക്കെ ഇന്ന് പുലർച്ചെ ഒരു മണിക്കാണ് അന്ത്യം സംഭവിച്ചത്.
ഭാര്യ: പ്രഭ.
മക്കൾ: അല്ലിറാണി.
മരുമകൻ: ആർ രമണൻ.
തിരുവനന്തപുരം: സംസ്ഥാനത്ത് കനത്ത ചൂട് തുടരും. സാധാരണയെക്കാൾ 3 മുതൽ 5 ഡിഗ്രി സെൽഷ്യസ് വരെ ചൂട് കൂടാൻ സാധ്യതയെന്നാണ് മുന്നറിയിപ്പ്. പാലക്കാട് ജില്ലയിലെ ചില പ്രദേശങ്ങളിൽ മെയ് 02 വരെ ഉഷ്‌ണതരംഗ സാധ്യത തുടരുന്നതിനാൽ കേന്ദ്ര കാലാവസ്ഥ വകുപ്പ് ഓറഞ്ച് അലർട്ട് പ്രഖ്യാപിച്ചു. മെയ് 04 വരെ പാലക്കാട് ജില്ലയിൽ ഉയർന്ന താപനില 41 ഡിഗ്രി സെൽഷ്യസ് വരെ തുടരാൻ സാധ്യതയുണ്ടെന്ന് കാലാവസ്ഥ വകുപ്പ് അറിയിച്ചു.
തൃശൂർ ജില്ലയിൽ ഉയർന്ന താപനില 40 ഡിഗ്രി സെൽഷ്യസ് വരെയും, കൊല്ലം, കോഴിക്കോട് ജില്ലകളിൽ ഉയർന്ന താപനില 39 ഡിഗ്രി സെൽഷ്യസ് വരെയും, ആലപ്പുഴ, കോട്ടയം, പത്തനംതിട്ട, കണ്ണൂർ ജില്ലകളിൽ ഉയർന്ന താപനില 38 ഡിഗ്രി സെൽഷ്യസ് വരെയും, തിരുവനന്തപുരം, എറണാകുളം, കാസർകോട്, മലപ്പുറം ജില്ലകളിൽ ഉയർന്ന താപനില 37 ഡിഗ്രി സെൽഷ്യസ് വരെയും ഉയരാൻ സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു.
ആറ്റിങ്ങൽ ഗവ: പോളിടെക്‌നിക്ക് കോളേജിൽ തുടർ വിദ്യാദ്യാസകേന്ദ്രത്തിൻറെ ആഭിമുഖ്യത്തിൽ ആരംഭിച്ച താഴെപ്പറയുന്ന ഹ്രസ്വകാല കോഴ്‌സിലേയ്ക്ക് അപേക്ഷകൾ ക്ഷണിച്ചുകൊള്ളുന്നു.
വിദ്യാദ്യാസയോഗ്യത: എസ് എസ് എൽ സി
അപേക്ഷാഫോറവും വിശദവിവരങ്ങളും പോളിടെക്നിക്കിലെ തുടർവിദ്യാഭ്യാസ കേന്ദ്രത്തിലെ ഓഫീസിൽ നിന്നും ലഭിക്കുന്നതാണ്. അപേക്ഷിക്കേണ്ട അവസാനതീയതി 10.05.2024.
ഫോൺ: 6235557495, 9567271987
തിരുവനന്തപുരം: ലോക്‌സഭാ തെരഞ്ഞെടുപ്പില്‍ സംസ്ഥാനത്ത് 71.27 ശതമാനം പോളിങ്. 2,77,49,158 വോട്ടര്‍മാരില്‍ 1,97,77,478 പേര്‍ പോളിങ് ബൂത്തുകളില്‍ വോട്ട് ചെയ്തു. ഇവരില്‍ 94,75,090 പുരുഷന്‍മാരും 1,03,022 സ്ത്രീകളും 150 ട്രാന്‍സ് ജന്‍ഡേഴ്‌സും ഉള്‍പ്പെടുന്നു. തെരഞ്ഞെടുപ്പ് കമ്മീഷനാണ് അന്തിമ കണക്കുകള്‍ പുറത്തുവിട്ടത്.
സംസ്ഥാനത്ത് ഏറ്റവും കൂടുതല്‍ പോളിങ് നടന്നത് വടകര മണ്ഡലത്തിലാണ്. 78.41 ശതമാനം. ഏറ്റവും കുറവ് പത്തനംതിട്ടയിലാണ്. 63.37 ശതമാനം.
അബ്‌സന്റി വോട്ടര്‍ വിഭാഗത്തില്‍ 1,80,865 വോട്ടും തെരഞ്ഞെടുപ്പ് ഡ്യൂട്ടിയുള്ള ഉദ്യോഗസ്ഥരുടെ വിഭാഗത്തില്‍ 41,904 തപാല്‍ വോട്ടും രേഖപ്പെടുത്തിയിട്ടുണ്ട്. ഇതുള്‍പ്പെടെ 2,00,00,247 പേരാണ് വോട്ട് രേഖപ്പെടുത്തിയത്.
സൈനികര്‍ക്കുള്ള സര്‍വീസ് വോട്ടിന് 57,849 സൈനികര്‍ അപേക്ഷിച്ചു. ഇതില്‍ 8277 പേര്‍ ശനിയാഴ്ച വരെ വോട്ട് രേഖപ്പെടുത്തി അയച്ചു. വോട്ടെണ്ണല്‍ തുടങ്ങുന്നതു വരെ സര്‍വീസ് വോട്ട് സ്വീകരിക്കും.
ഓരോ മണ്ഡലത്തിലേയും കണക്കുകള്‍ ഇങ്ങനെ
(മണ്ഡലം, ആകെ വോട്ടര്‍മാര്‍, പോള്‍ ചെയ്ത വോട്ടുകള്‍, പുരുഷന്‍മാര്‍, സ്ത്രീകള്‍, ട്രാന്‍സ് ജെന്റേഴ്‌സ്, പോളിങ് ശതമാനം എന്ന ക്രമത്തില്‍)
1 തിരുവനന്തപുരം: 1430531- 950829- 467078- 483722- 29- 66.47
2 ആറ്റിങ്ങല്‍: 1396807- 970517- 449212- 521292- 13- 69.48
3 കൊല്ലം: 1326648- 904047- 424134- 479906- 7- 68.15
4 പത്തനംതിട്ട: 1429700- 906051- 442897- 463148- 6- 63.37
5 മാവേലിക്കര: 1331880- 878360- 417202- 461155- 3- 65.95
6 ആലപ്പുഴ: 1400082- 1050726- 508933- 541791- 2- 75.05
7 കോട്ടയം: 1254823- 823237- 418285- 404946- 6- 65.61
8 ഇടുക്കി: 1250157- 831936- 425598- 406332- 6- 66.55
9 എറണാകുളം: 1324047- 904131- 450659- 453468- 4- 68.29
10 ചാലക്കുടി: 1310529- 942787- 460351- 482428- 8- 71.94
11 തൃശൂര്‍: 1483055- 1081125- 509052- 572067- 6- 72.90
12 ആലത്തൂര്‍: 1337496- 981945- 476187- 505753- 5- 73.42
13 പാലക്കാട്: 1398143- 1028627- 495567- 533051- 9- 73.57
14 പൊന്നാനി: 1470804- 1019889- 467726- 552148- 15- 69.34
15 മലപ്പുറം: 1479921- 1079547- 519332- 560211- 4- 72.95
16 കോഴിക്കോട്: 1429631- 1079683- 515836- 563835- 12- 75.52
17 വയനാട്: 1462423- 1075921- 520885- 555033- 3- 73.57
18 വടകര: 1421883- 1114950- 507584- 607362- 4- 78.41
19 കണ്ണൂര്‍: 1358368- 1048839- 485112- 563724- 3- 77.21
20 കാസര്‍ക്കോട്: 1452230- 1104331- 513460- 590866- 5- 76.04
ആകെ: 27749158- 19777478- 9475090- 10302238- 150- 71.27
എല്ലാവര്‍ഷവും മെയ് 1നാണ് തൊഴിലാളി ദിനം ആചരിക്കുന്നത്. തൊഴിലാളികളെ അവരുടെ അവകാശങ്ങളെക്കുറിച്ച് ഓര്‍മിപ്പിക്കാനും സമൂഹത്തിന് അവര്‍ നല്‍കിയ സംഭാവനകള്‍ക്ക് അര്‍ഹമായ അംഗീകാരം നല്‍കാനുമാണ് അന്താരാഷ്ട്ര തൊഴിലാളി ദിനം ആഘോഷിക്കുന്നത്.
തൊഴിലാളി ദിനത്തിന്റെ ചരിത്രം
പത്തൊമ്പതാം നൂറ്റാണ്ടില്‍ അമേരിക്കയില്‍ തൊഴിലാളികളുടെ അവകാശങ്ങളുടെ പോരാട്ടങ്ങളില്‍ നിന്നാണ് തൊഴിലാളി ദിനം എന്നതിന്റെ വേരുകള്‍ തുടങ്ങുന്നത്. 1884ലാണ് അമേരിക്കന്‍ ഫെഡറേഷന്‍ ഓഫ് ഓര്‍ഗനൈസ്ഡ് ട്രേഡ്‌സ് ആന്റ് ലേബര്‍ യൂണിയനുകള്‍ തൊഴിലിടങ്ങളിലെ സമയം എട്ടു മണിക്കൂറാക്കി പരിഷ്‌കരിക്കണമെന്ന ആവശ്യം ആദ്യമായി മുന്നോട്ടുവെക്കുന്നത്. ആവശ്യം അംഗീകരിക്കാത്തതിനെത്തുടര്‍ന്ന് 1886ല്‍ തൊഴിലാളികള്‍ സംഘടിച്ചു, സമരം ചെയ്തു. ഈ സമരത്തിന്റെ അനന്തരഫലമായി കലാപം പൊട്ടിപ്പുറപ്പെട്ടു. പിന്നീട് ചിക്കാഗോയിലെ ഹേ മാര്‍ക്കറ്റ് സ്‌ക്വയറില്‍ സമാധാനപരമായ ഒരു സമ്മേളനം നടത്തി പിരിഞ്ഞു പോകാന്‍ ശ്രമിക്കുന്നതിനിടെ ബോംബ് സ്‌ഫോടനം ഉണ്ടാവുകയും സംഘര്‍ഷം ഉണ്ടാവുകയുമാണ് ചെയ്തത്. ഹേമാര്‍ക്കറ്റ് കൂട്ടക്കൊല എന്നും ഹേ മാര്‍ക്കറ്റ് കലാപം എന്നും ഈ സംഘര്‍ഷം അറിയപ്പെട്ടു. തൊഴിലാളികളും പൊലീസും തമ്മില്‍ ഏറ്റുമുട്ടല്‍ നടന്നു. രക്തച്ചൊരിച്ചിലുണ്ടായി. ഈ കലാപം ലോകത്തെമ്പാടുമുള്ള തൊഴിലാളികളെ ഇളക്കി മറിച്ചു. ലോകത്തെ ഞെട്ടിച്ച ഈ കലാപം ആണ് പിന്നീട് അന്താരാഷ്ട്ര തൊഴിലാളി ദിനമായി ആചരിക്കുന്നതിലേയ്ക്ക് എത്തിച്ചത്.
തൊഴിലാളി പ്രസ്ഥാനത്തെയും ഹേ മാര്‍ക്കറ്റ് സംഭവത്തെയും ബഹുമാനിക്കുന്നതിന്റെയും ഭാഗമായി അന്താരാഷ്ട്ര സോഷ്യലിസ്റ്റ് കോണ്‍ഫറന്‍സ് 1899ല്‍ മെയ് 1 തൊഴിലാളി ദിനമായി പ്രഖ്യാപിച്ചു. ഒരു വര്‍ഷത്തിന് ശേഷം 1890ലാണ് ഔദ്യോഗികമായി ആദ്യ തൊഴിലാളി ദിനം ആചരിക്കുന്നത്.
Recent Comments