ആറ്റിങ്ങൽ: ആറ്റിങ്ങൽ അട്ടക്കുളം പാലസ് റോഡിൽ വച്ച് പേഴ്സ് നഷ്ടപ്പട്ടു. പാൻ കാർഡ്, ആധാർ കാർഡ്, എടിഎം കാർഡ്, ഡ്രൈവിംഗ് ലൈസൻസ്, പണം എന്നിവയടങ്ങിയ പേഴ്സ് ആണ് നഷ്ടപ്പെട്ടത്. ആറ്റിങ്ങൽ കടുവയിൽ അമൃത ഭവനിൽ വിനീസിന്റെ പേഴ്സ് ആണ് നഷ്ടമായത്. പോലിസിൽ പരാതി നൽകിയിട്ടുണ്ട്. എന്തെങ്കിലും വിവരം ലഭിക്കുന്നവർ താഴെ കാണുന്ന നമ്പറിലോ പോലീസ് സ്റ്റേഷനിലോ ദയവായി വിവരമറിയിക്കേണ്ടതാണ്.
മൊബൈൽ നമ്പർ: 9995679417
പ്രയാഗ്രാജ്: ഭര്ത്താവിന്റെ മാതാപിതാക്കളെ സംരക്ഷിക്കാന് മരുമകള്ക്ക് നിയമപരമായ ബാധ്യതയില്ലെന്ന് അലഹബാദ് ഹൈക്കോടതി. ഭാരതീയ നാഗരിക് സുരക്ഷാ സംഹിത പ്രകാരം ഭര്തൃ മാതാപിതാക്കള്ക്കു മരുമകളില് നിന്ന് ജീവനാംശം ആവശ്യപ്പെടാനാവില്ലെന്ന് ജസ്റ്റിസ് മദന് പാല് സിങ്് വ്യക്തമാക്കി.
നിയമത്തില് വ്യക്തമായി പരാമര്ശിച്ചിട്ടുള്ള വിഭാഗങ്ങള്ക്ക് മാത്രമേ ജീവനാംശം ആവശ്യപ്പെടാന് അര്ഹതയുള്ളൂവെന്ന് കോടതി പറഞ്ഞു. നിയമപരമായി ഭര്ത്താവിന്റെ മാതാപിതാക്കള് ഈ വിഭാഗത്തില് ഉള്പ്പെടുന്നില്ല.
ഭര്ത്താവിന്റെ മാതാപിതാക്കളെ നോക്കുക എന്നത് ഒരു ധാര്മ്മിക കടമയായിരിക്കാം. എന്നാല് നിയമപരമായ പിന്ബലം അതിനില്ല. ധാര്മ്മികമായ ബാധ്യതകളെ നിയമപരമായി നടപ്പിലാക്കാന് കോടതിക്ക് കഴിയില്ലെന്ന് ബെഞ്ച് വ്യക്തമാക്കി. മരുമകളുടെ മേല് ഇത്തരമൊരു ബാധ്യത അടിച്ചേല്പ്പിക്കുന്നത് നിയമ സംവിധാനത്തിന്റെ ലക്ഷ്യമല്ലെന്നു കോടതി ചൂണ്ടിക്കാട്ടി.
ആഗ്രയിലെ കുടുംബ കോടതി വിധിയെ ചോദ്യം ചെയ്തുകൊണ്ട് പ്രായമായ ദമ്പതികള് സമര്പ്പിച്ച ഹര്ജി തള്ളിക്കൊണ്ടാണ് ഹൈക്കോടതിയുടെ ഉത്തരവ്. ഉത്തര്പ്രദേശ് പൊലീസില് കോണ്സ്റ്റബിളായ മരുമകള്ക്കെതിരെയായിരുന്നു ഇവരുടെ പരാതി. തങ്ങള് പ്രായമായവരും നിരക്ഷരരും ദരിദ്രരുമാണെന്നും ഏക മകന്റെ മരണശേഷം തങ്ങളെ നോക്കാന് ആരുമില്ലെന്നും ദമ്പതികള് വാദിച്ചു. മകന്റെ മരണാനന്തര ആനുകൂല്യങ്ങളെല്ലാം കൈപ്പറ്റുന്നത് മരുമകളാണെന്നും അവര്ക്ക് സ്വന്തമായി വരുമാനമുണ്ടെന്നും ഹര്ജിക്കാര് ചൂണ്ടിക്കാട്ടി. എന്നാല് ഈ വാദങ്ങള് തള്ളിയ കോടതി മരുമകള്ക്ക് ജോലി ലഭിച്ചത് ഭര്ത്താവിന്റെ മരണത്തെത്തുടര്ന്നുള്ള കാരുണ്യ നിയമനത്തിലൂടെ ആണെന്ന് തെളിയിക്കാന് രേഖകളില്ലെന്നും വ്യക്തമാക്കി.
സ്വത്ത് തര്ക്കങ്ങള് സംബന്ധിച്ച കാര്യങ്ങള് ഇത്തരം ജീവനാംശ കേസുകളില് പരിഗണിക്കാന് കഴിയില്ലെന്നും കോടതി ഓര്മ്മിപ്പിച്ചു.
ഡല്ഹി: കേന്ദ്രസര്ക്കാരിന്റെ വിവാദ തൊഴില് കോഡിനെതിരെ ട്രേഡ് യൂണിയനുകള് നാളെ കരിദിനം ആചരിക്കും. സിഐടിയു, എഐടിയുസി, ഐഎന്ടിയുസി ഉള്പ്പെടെയുള്ള ട്രേഡ് യൂണിയനുകളുടേയും വിവിധ മേഖലകളില് പ്രവര്ത്തിക്കുന്ന സ്വതന്ത്ര തൊഴിലാളി സംഘടനയുമാണ് ബുധനാഴ്ച കരിദിനം ആചരിക്കുന്നത്.
ഫെബ്രുവരി 12 ന് 30 കോടി ആളുകളെ പങ്കെടുപ്പിച്ച് അഖിലേന്ത്യാ പണിമുടക്ക് നടത്തിയിട്ടും തൊഴില് കോഡ് പിന്വലിക്കാന് കേന്ദ്രസര്ക്കാര് തയ്യാറാകാത്ത സാഹചര്യത്തിലാണ് പ്രതിഷേധം സംഘടിപ്പിച്ചിട്ടുള്ളത്. രാജ്യത്തെ തൊഴിലിടങ്ങളിലെല്ലാം കേന്ദ്രസര്ക്കാരിനെതിരെ ബുധനാഴ്ച പ്രതിഷേധം ഉയരുമെന്ന് ട്രേഡ് യൂണിയനുകള് വ്യക്തമാക്കി.
തൊഴിലാളികള് ബാഡ്ജ് അണിഞ്ഞ് തൊഴില്ശാലകളിലെത്തും. പ്രതിഷേധത്തിന്റെ ഭാഗമായി കറുത്ത കൊടി ഉയര്ത്തും. ഉച്ചഭക്ഷണ ഇടവേളകളില് പ്രകടനവും ധര്ണ്ണയും സംഘടിപ്പിക്കും. ബൈക്ക്, സൈക്കിള് റാലികളും സംഘടിപ്പിച്ചിട്ടുണ്ട്. ദലിത് ശോഷന് മുക്തിമഞ്ചും പ്രതിഷേധത്തിന് ഐക്യദാര്ഢ്യം അറിയിച്ചിട്ടുണ്ട്.
തിരുവനന്തപുരം: സംസ്ഥാനത്ത് നാളെ മുതല് മൂന്നു ദിവസം ബാങ്കുകളിലെ സാമ്പത്തിക ഇടപാടുകള് തടസ്സപ്പെടും. ബുധനാഴ്ച ബാങ്കുകളില് കണക്കെടുപ്പ് ആയതിനാല് പണമിടപാട് ഉണ്ടായിരിക്കില്ല.
പെസഹ വ്യാഴവും ദുഃഖ വെള്ളിയും ബാങ്കുകള്ക്ക് അവധിയാണ്. ബുധനാഴ്ച ‘നോ ട്രാൻസാക്ഷൻ ഡേ’ പ്രഖ്യാപിച്ചതിനാല് ട്രഷറികളിലും സാമ്പത്തിക ഇടപാടുകള് നടക്കില്ല. ശനിയാഴ്ച രാവിലെ ഏജന്സി ബാങ്കുകളില് നിന്ന് പണം ലഭ്യമാക്കിയശേഷമേ ട്രഷറികളില് പെന്ഷന്, സേവിങ്സ് ബാങ്ക് തുടങ്ങിയവ വഴിയുള്ള പണം ഇടപാടുകള് ആരംഭിക്കുകയുള്ളൂവെന്ന് അധികൃതര് അറിയിച്ചു.
തിരുവനന്തപുരം: നിയമസഭ തെരഞ്ഞെടുപ്പിന്റെ പ്രചാരണം ഊര്ജ്ജിതം. കേരളം പോളിങ് ബൂത്തിലേക്ക് എത്താന് ഇനി ഒമ്പതു ദിവസം മാത്രമാണ് ശേഷിക്കുന്നത്. പ്രമുഖ നേതാക്കളെയും താരപ്രചാരകരെയും അണിനിരത്തി ആവേശം വാനോളമുയര്ത്തുകയാണ് മുന്നണികള്.
വടക്കന് കേരളത്തില് യുഡിഎഫിന് ആവേശമായി രാഹുല് ഗാന്ധി ഇന്ന് കോഴിക്കോട് എത്തും. കണ്ണൂര്, കോഴിക്കോട് ജില്ലകളിലെ തെരഞ്ഞെടുപ്പ് പ്രചാരണ യോഗങ്ങളില് രാഹുല്ഗാന്ധി സംബന്ധിക്കും. രാവിലെ 10 ന് കണ്ണൂര് പൊലീസ് മൈതാനിയില് നടക്കുന്ന തെരഞ്ഞെടുപ്പ് പ്രചാരണ യോഗത്തില് സംസാരിക്കും. ജില്ലയിലെ 11 യുഡിഎഫ് സ്ഥാനാര്ത്ഥികളും യോഗത്തില് പങ്കെടുക്കും.
കണ്ണൂരിലെ പൊതുയോഗത്തിനു ശേഷം രാഹുല്ഗാന്ധി കോഴിക്കോട്ടേക്ക് പോകും. കോഴിക്കോട് ജില്ലയില് പേരാമ്പ്ര, ബാലുശ്ശേരി മണ്ഡലങ്ങളിലെ യോഗങ്ങളില് പങ്കെടുക്കും. ബാലുശ്ശേരി മുതല് നന്മണ്ട വരെ ഇന്ദിരാ ഗ്യാരണ്ടി ബസ്സില് സഞ്ചരിക്കും. എല്ഡിഎഫിന് വോട്ടു തേടി സിപിഎം പി ബി അംഗം മറിയം ധാവ്ളെ ഇന്ന് മലബാറിലെത്തും. എന്ഡിഎ സ്ഥാനാര്ത്ഥികള്ക്ക് വോട്ടുതേടി നടി ഖുശ്ബുവും കോഴിക്കോടെത്തുന്നുണ്ട്.
മുഖ്യമന്ത്രി പിണറായി വിജയന് ഇന്ന് തിരുവനന്തപുരത്ത് പ്രചാരണത്തിനെത്തും. ത്രികോണ പോരാട്ടം നടക്കുന്ന നേമം, വട്ടിയൂര്ക്കാവ്, കഴക്കൂട്ടം മണ്ഡലങ്ങളില് പിണറായി വിജയന് പ്രചാരണയോഗങ്ങളില് സംബന്ധിക്കും. എസ്ഡിപിഐ ബന്ധത്തില് രാഷ്ട്രീയ വിവാദം നിലനില്ക്കവെ, മുഖ്യമന്ത്രി പിണറായി വിജയന് നിലപാട് വ്യക്തമാക്കുമോയെന്ന് രാഷ്ട്രീയ കേരളം ഉറ്റുനോക്കുകയാണ്.
Recent Comments