by Midhun HP News | Aug 11, 2026 | Latest News, കേരളം
കൊച്ചി: സംസ്ഥാനത്ത് സ്വര്ണവില കുതിപ്പ് തുടരുന്നു. ഇന്ന് പവന് ഒറ്റയടിക്ക് 2320 രൂപയാണ് വര്ധിച്ചത്. 1,13,760 രൂപയാണ് ഒരു പവന് സ്വര്ണത്തിന്റെ വില. ഗ്രാമിന് ആനുപാതികമായി 290 രൂപയാണ് കൂടിയത്. 14,220 രൂപയാണ് ഒരു ഗ്രാം സ്വര്ണത്തിന്റെ വില. ഒരാഴ്ചയ്ക്കിടെ 8000 രൂപയാണ് വര്ധിച്ചത്.
അമേരിക്കന് വിലക്കയറ്റ കണക്കുകള് ഇന്ന് വരാനിരിക്കുകയാണ്. വിലക്കയറ്റ കണക്കുകളുടെ അടിസ്ഥാനത്തില് സെപ്റ്റംബറില് യുഎസ് കേന്ദ്രബാങ്ക് പലിശനിരക്ക് വര്ധിപ്പിക്കാനുള്ള സാധ്യത കുറവാണ് എന്ന റിപ്പോര്ട്ടുകളാണ് സ്വര്ണത്തിന് തുണയായത്. തുടര്ച്ചയായ ദിവസങ്ങളിലുള്ള കുതിപ്പിന് ശേഷം നിക്ഷേപകരുടെ ഭാഗത്ത് നിന്ന് ഉണ്ടായ ലാഭമെടുപ്പിനെ തുടര്ന്ന് ഇന്നലെ സ്വര്ണവില ഇടിഞ്ഞിരുന്നു. എന്നാല് ഇന്ന് സ്വര്ണവില തിരിച്ചുകയറുന്ന കാഴ്ചയാണ് കണ്ടത്. ആഗോള വിപണിയില് എണ്ണവില കുറഞ്ഞതും സ്വര്ണവിലയെ സ്വാധീനിക്കുന്നുണ്ട്.
വരും ദിവസങ്ങളിലും അന്താരാഷ്ട്ര വിപണിയിലെ ചലനങ്ങള്ക്കനുസരിച്ച് സംസ്ഥാനത്തെ വിലയില് വ്യതിയാനങ്ങള് തുടരാന് സാധ്യതയുണ്ട്. ജനുവരി 29ന് രേഖപ്പെടുത്തിയ 1,31,160 രൂപയാണ് സ്വര്ണ വിലയിലെ റെക്കോര്ഡ്. ഡിസംബര് 23നാണ് പവന് വില ആദ്യമായി ഒരു ലക്ഷം കടന്നത്.
by Midhun HP News | Aug 10, 2026 | Latest News, കേരളം
ഭാരതീയ സംസ്കാരത്തിൽ പിതൃസ്മരണയ്ക്കും പിതൃആരാധനയ്ക്കും അത്യന്തം പ്രാധാന്യമുണ്ട്. ജീവിച്ചിരിക്കുന്നവരുടെ ജീവിതം മുൻഗാമികളുടെ അനുഗ്രഹത്താൽ നിലനിൽക്കുന്നതാണെന്ന വിശ്വാസമാണ് പിതൃകർമ്മങ്ങളുടെ അടിസ്ഥാനം. അതുകൊണ്ടുതന്നെ ഓരോ മാസത്തെയും അമാവാസി ദിനത്തിൽ ബലിയിടുന്നതും പ്രത്യേകിച്ച് കർക്കടക മാസത്തിലെ അമാവാസിയായ കർക്കടകവാവ് ദിവസം വിശേഷ ബലികർമ്മങ്ങൾ അനുഷ്ഠിക്കുന്നതും കേരളീയ ഹിന്ദു ആചാരങ്ങളിൽ പ്രധാന സ്ഥാനമാണ് കൈവരിച്ചിരിക്കുന്നത്.
അമാവാസിയുടെ ആത്മീയ പ്രാധാന്യം
ചന്ദ്രൻ പൂർണമായും അദൃശ്യമാകുന്ന തിഥിയാണ് അമാവാസി. ചന്ദ്ര പ്രകാശമില്ലാത്ത ഈ സമയം പിതൃലോകവുമായി ബന്ധപ്പെട്ട ആത്മീയബന്ധം കൂടുതൽ സജീവമാകുന്ന ദിനമാണെന്ന് ശാസ്ത്രങ്ങൾ വ്യാഖ്യാനിക്കുന്നു. 2026 ഓഗസ്റ്റ് പന്ത്രണ്ടാം തീയതി ബുധനാഴ്ചയാണ് ഈ വർഷത്തെ കർക്കടക വാവ്.
ഗരുഡപുരാണം, ധർമ്മ ശാസ്ത്രങ്ങൾ, സ്മൃതിഗ്രന്ഥങ്ങൾ എന്നിവയിൽ അമാവാസി പിതൃതർപ്പണത്തിനും ശ്രാദ്ധാനുഷ്ഠാനങ്ങൾക്കും ഏറ്റവും ഉചിതമായ ദിവസമായി പരാമർശിക്കപ്പെട്ടിട്ടുണ്ട്. അമാവാസി ദിനത്തിൽ പിതൃക്കൾ ഭൂമിയിലേക്ക് അടുക്കുന്നുവെന്നും അവരുടെ സംതൃപ്തിക്കായി അന്നവും ജലവും എള്ളും സമർപ്പിക്കണമെന്നും വിശ്വാസമുണ്ട്. അതിനാലാണ് ഈ ദിവസം പിണ്ഡപ്രദാനം, തർപ്പണം, ബലി തുടങ്ങിയ കർമ്മങ്ങൾ നടത്തുന്നത്.
എല്ലാ മാസവും അമാവാസി ബലിയിടുന്ന ആചാരം
കേരളത്തിലെ നിരവധി കുടുംബങ്ങളിൽ ഓരോ മാസത്തെയും അമാവാസി ദിവസം ലഘുരൂപത്തിലുള്ള പിതൃബലി നടത്താറുണ്ട്. ഇതിനെ മാസബലി അഥവാ അമാവാസി ബലി എന്നു വിളിക്കുന്നു. പിതൃസ്മരണ നിരന്തരം നില നിർത്തുന്ന ഗൃഹാചാരമായാണ് ഇത് കണക്കാക്കപ്പെടുന്നത്.
സാധാരണ അനുഷ്ഠാനക്രമം
പ്രഭാതസ്നാനം ചെയ്ത് ശുദ്ധവസ്ത്രം ധരിക്കുക.
പിതാക്കളുടെ പേരുകൾ അറിയാമെങ്കിൽ അവ ഉച്ചരിക്കാം; അറിയാത്തവർ “സർവ പിതൃഭ്യോ നമഃ” എന്ന് സമർപ്പിക്കാം. പല സ്ഥലങ്ങളിലും കാക്കയ്ക്ക് അന്നം നൽകുന്ന പതിവുണ്ട്; കാക്കയെ പിതൃദൂതനായി കാണുന്ന വിശ്വാസമാണ് ഇതിന് പിന്നിൽ.
കർക്കടകമാസം – പിതൃസ്മരണയുടെ വിശേഷകാലം
മലയാളവർഷത്തിലെ കർക്കടകം ആത്മീയമായി പ്രത്യേക സ്ഥാനമുള്ള മാസമാണ്. മഴക്കാലത്തിന്റെ ശാന്തഭാവം, ദേവാരാധനയും രാമായണപാരായണവും വ്യാപകമായി നടക്കുന്ന കാലഘട്ടം എന്ന നിലയിൽ ഇത് ശ്രദ്ധേയമാണ്. കർക്കടകമാസത്തിലെ അമാവാസിയെയാണ് കർക്കടകവാവ് എന്ന് വിളിക്കുന്നത്. കേരളത്തിൽ ഈ ദിവസം പിതൃകർമ്മങ്ങൾക്ക് ഏറ്റവും വിശിഷ്ടമായ ദിനമായി കരുതപ്പെടുന്നു. വർഷം മുഴുവൻ ബലി ചെയ്യാൻ കഴിയാത്തവർ പോലും കർക്കടകവാവ് ദിവസം നിർബന്ധമായും ബലികർമ്മം നടത്താൻ ശ്രമിക്കുന്നതാണ് പതിവ്.
കർക്കടകവാവ് ബലിയുടെ പ്രത്യേകത
കർക്കടകവാവ് ബലി സാധാരണ മാസബലിയേക്കാൾ വിപുലമായ അനുഷ്ഠാനമാണ്. ഇതിനെ വാവുബലി എന്നും വിളിക്കുന്നു. സമുദ്രതീരങ്ങളിലും നദീതീരങ്ങളിലും ക്ഷേത്ര കടവുളിലും ആയിരക്കണക്കിന് ഭക്തർ ഒത്തുകൂടി പിതൃകർമ്മങ്ങൾ നിർവഹിക്കുന്ന ദൃശ്യങ്ങൾ കേരളത്തിന്റെ ആത്മീയജീവിതത്തിന്റെ അവിഭാജ്യഘടകമാണ്.
പ്രധാന വിശ്വാസങ്ങൾ
ഈ ദിവസം ചെയ്ത തർപ്പണം പിതാക്കൾക്ക് അതിവേഗം പ്രാപിക്കുന്നു.
വാവുബലി നടത്തുന്ന വിധം
സാധാരണയായി പുരോഹിതന്റെ നേതൃത്വത്തിലാണ് വാവുബലി നടത്തുന്നത്. പ്രാദേശികമായ വ്യത്യാസങ്ങൾ ഉണ്ടായാലും പ്രധാന ഘട്ടങ്ങൾ ഇവയാണ്:
സ്നാനം ചെയ്ത് ശുദ്ധവസ്ത്രം ധരിക്കുക.
ചിലർ വീട്ടിൽ തന്നെയും വാവുബലി നിർവഹിക്കാറുണ്ട്; എങ്കിലും നദീതീരം, സമുദ്രതീരം, തീർത്ഥഘട്ട് എന്നിവ കൂടുതൽ പുണ്യസ്ഥലങ്ങളായി കണക്കാക്കപ്പെടുന്നു.
കേരളത്തിലെ പ്രധാന വാവുബലി കേന്ദ്രങ്ങള്
ആലുവ മണപ്പുറം
ഈ കേന്ദ്രത്തിൽ കർക്കടകവാവ് ദിവസം പ്രത്യേക ബലികർമ്മ ക്രമീകരണങ്ങൾ നടത്തപ്പെടുന്നു.
പിതൃകർമ്മങ്ങളുടെ തത്ത്വചിന്ത
പിതൃബലി മരിച്ചവരെ മാത്രം ഓർക്കുന്ന ചടങ്ങല്ല; അത് കൃതജ്ഞതയുടെ ആത്മീയപ്രകടനമാണ്. മാതാപിതാക്കൾക്കും പൂർവികർക്കും നാം കടപ്പെട്ടവരാണെന്ന ബോധം തലമുറകളിലേക്ക് കൈമാറുന്ന സംസ്കാര പാഠമാണ് ഇത്.
പിതൃസ്മരണയിലൂടെ:
കുടുംബപരമ്പര സംരക്ഷിക്കപ്പെടുന്നു.
ശ്രദ്ധിക്കേണ്ട കാര്യങ്ങൾ
ശുദ്ധിയും ഏകാഗ്രതയും പാലിക്കുക.
സമാപനം
ഓരോ മാസത്തെയും അമാവാസി ബലിയും കർക്കടകവാവ് ബലിയും കേരളീയ ഹിന്ദുസമൂഹത്തിന്റെ ആത്മീയവും കുടുംബകേന്ദ്രിതവുമായ പാരമ്പര്യത്തിന്റെ ജീവന്തമായ പ്രതീകങ്ങളാണ്. മാസ അമാവാസി ബലി പിതൃസ്മരണയെ നിരന്തരം നിലനിർത്തുമ്പോൾ കർക്കടകവാവ് ആ സ്മരണയെ വാർഷിക മഹാസമർപ്പണമായി ഉയർത്തുന്നു.
മുൻഗാമികളെ ആദരിക്കുകയും അവരുടെ അനുഗ്രഹം പ്രാർത്ഥിക്കുകയും കുടുംബബന്ധങ്ങളുടെ പവിത്രത പുതുക്കി ഉറപ്പിക്കുകയും ചെയ്യുന്ന ഈ മഹത്തായ ആചാരങ്ങൾ കാലാതീതമായ ആത്മീയസമ്പത്തായി തലമുറകളിലേക്ക് കൈമാറപ്പെടട്ടെ.
വീട്ടുമുറ്റത്തോ നിർദ്ദിഷ്ട ബലിസ്ഥലത്തോ ദർഭ വിരിക്കുക.
പിതൃദോഷശമനത്തിന് ഉത്തമദിനമാണ്.
ദർഭധാരണം നടത്തുക.
തിരുനെല്ലി
ബന്ധങ്ങളുടെ പവിത്രത ശക്തിപ്പെടുന്നു.
കഴിയുമെങ്കിൽ സാത്വികാഹാരം സ്വീകരിക്കുക.
ദർഭധാരണം നടത്തുക.
സന്താനസൗഭാഗ്യം, കുടുംബഐക്യം, മാനസികശാന്തി എന്നിവ ലഭിക്കുമെന്ന വിശ്വാസമുണ്ട്.
സംകല്പം ചൊല്ലുക.
ചേലാമറ്റം
ആത്മീയ വിനയം വളരുന്നു.
മദ്യവും മാംസാഹാരവും ഒഴിവാക്കുക.
സംകല്പം ചൊല്ലുക.
എള്ള് കലർന്ന ജലതർപ്പണം നിർവഹിക്കുക.
വർക്കല പാപനാശം
കൃതജ്ഞതാബോധം ജീവിതത്തിൽ ആഴം പ്രാപിക്കുന്നു.
കലഹങ്ങളും ദുഷ്പ്രവൃത്തികളും ഒഴിവാക്കി ശാന്തഭാവം നിലനിർത്തുക.
എള്ള് കലർന്ന ജലതർപ്പണം നടത്തുക.
അരിപിണ്ഡങ്ങളും ബലിദ്രവ്യങ്ങളും സമർപ്പിക്കുക.
തിരുവല്ലം പരശുരാമക്ഷേത്ര തീരം
ഭക്തിയോടെയും വിനയത്തോടെയും പിതൃസ്മരണം നടത്തുക.
പുഴുങ്ങിയ അരി, എള്ള്, തേങ്ങ, പഴം എന്നിവ ഉപയോഗിച്ച് ബലി ഒരുക്കുക.
പിതൃനാമസ്മരണം നടത്തുക.
ശംഖുമുഖം കടൽത്തീരം
അരിപിണ്ഡങ്ങൾ നിർമ്മിച്ച് സമർപ്പിക്കുക.
ദക്ഷിണയും അന്നദാനവും നൽകുക.
കോഴിക്കോട്, കണ്ണൂർ, കാസർഗോഡ് എന്നിവിടങ്ങളിലെ വിവിധ തീരഘാട്ടുകൾ
“സ്വധാ” മന്ത്രോച്ചാരത്തോടുകൂടി സമർപ്പണം നിർവഹിക്കുക.
ബ്രാഹ്മണഭക്ഷണം അല്ലെങ്കിൽ അന്നദാനം നടത്തുക.
പിതൃനാമങ്ങൾ സ്മരിച്ച് ജലതർപ്പണം നടത്തുക.
കുടുംബത്തിലെ നിര്യാതരായ എല്ലാവർക്കും കൂട്ടായ സമർപ്പണം നടത്താം.
by Midhun HP News | Aug 10, 2026 | Latest News, ജില്ലാ വാർത്ത
ആറ്റിങ്ങൽ നഗരസഭ പരിധിയിൽ വാവു ബലിയ്ക്കുള്ള ഒരുക്കങ്ങൾ പൂർത്തിയായി. 2026 കർക്കിടക വാവുബലി നഗരസഭാ പരിധിയിൽ വാമനപുരം പൂവൻപാറ ശിവഭദ്ര ദേവീക്ഷേത്ര കടവ്, കൊല്ലമ്പുഴ ആവണിപുരം ശ്രീ മഹാവിഷ്ണു ക്ഷേത്ര കടവ്, അവനവഞ്ചേരി മൂത്തേടത്ത് ദേവീക്ഷേത്ര കടവ് എന്നിവിടങ്ങളിലാണ് ബലികർമ്മങ്ങൾ നടക്കുന്നത്.
നഗരസഭ ആരോഗ്യ വിഭാഗം, ആറ്റിങ്ങൽ പോലീസ്, ആറ്റിങ്ങൽ ഫയർ & റസ്ക്യൂ സർവ്വീസ്, വലിയകുന്ന് താലൂക്ക് ആശുപത്രി, ആറ്റിങ്ങൽ ഗവ. ഹോമിയോ ആശുപത്രി എന്നീ വകുപ്പുകളുടെ സേവനം ബലിതർപ്പണം നടക്കുന്ന സ്ഥലങ്ങളിൽ ഉറപ്പാക്കിയിട്ടുണ്ട്.
by Midhun HP News | Aug 10, 2026 | Latest News, ദേശീയ വാർത്ത
ഡല്ഹി: എല്പിജി ഗാര്ഹിക സിലിണ്ടര് ഉപയോക്താക്കള്ക്ക് ഇ- കെവൈസി പൂര്ത്തിയാക്കാന് ഇനി ദിവസങ്ങള് മാത്രമാണ് ശേഷിക്കുന്നത്. ഓഗസ്റ്റ് പതിനഞ്ചിനകം ഇ-കെവൈസി നിര്ബന്ധമായി നല്കണമെന്നാണ് പൊതുമേഖല എണ്ണ കമ്പനികള് നല്കിയിട്ടുള്ള നിര്ദേശം. ഇത് പൂര്ത്തിയാക്കാത്തവര്ക്ക് സബ്സിഡി നിരക്കില് സിലിണ്ടറുകള് ലഭിക്കില്ലെന്നും വാണിജ്യ നിരക്കില് സിലിണ്ടറുകള് വാങ്ങേണ്ടി വന്നേക്കാമെന്നുമാണ് റിപ്പോര്ട്ടുകള് വ്യക്തമാക്കുന്നത്.
നിശ്ചിത തീയതിക്കകം ബയോമെട്രിക് അപ്ഡേഷന് നല്കിയില്ലെങ്കില് ഗാര്ഹിക സിലിണ്ടര് ആനൂകൂല്യം ലഭിക്കില്ല എന്ന തരത്തില് കമ്പനികള് ഉപഭോക്താക്കള്ക്ക് സന്ദേശം അയക്കുന്നുണ്ട്. ഇതുസംബന്ധിച്ച് ഗ്യാസ് ഏജന്സികള്ക്കും നിര്ദേശം നല്കിയിട്ടുണ്ട്. 2024ല് ആരംഭിച്ച ഇ- കെവൈസി അപ്ഡേഷന് കര്ശനമാക്കിയത് പശ്ചിമേഷ്യന് സംഘര്ഷത്തെ തുടര്ന്ന് സിലിണ്ടര് ക്ഷാമം രൂക്ഷമായ സാഹചര്യത്തിലാണ്. ഗ്യാസ് സിലിണ്ടര് യഥാര്ഥ ഉടമകള് തന്നെയാണ് ഉപയോഗിക്കുന്നതെന്ന് ഉറപ്പിക്കാനാണ് അപ്ഡേഷന് എന്നാണ് കമ്പനികളുടെ വാദം.
വിതരണ ഏജന്സികള് മുഖേനെയും കമ്പനികളുടെ ആപ്പ് വഴി ഓണ്ലൈനായും അപ്ഡേഷന് നടത്താം. സിലിണ്ടര് വിതരണത്തിനായി ഏജന്സി ജീവനക്കാര് വീട്ടിലെത്തുമ്പോഴും അപ്ഡേഷന് നടത്താവുന്നതാണ്. ഓണ്ലൈന് അപ്ഡേഷനായി കമ്പനി ആപ്പും ചിത്രം എടുക്കാനായി ആധാര് ഫെയ്സ് ആര്ഡി ആപ്പും ഫോണില് ഡൗണ്ലോഡ് ചെയ്യണം. സംശയങ്ങള്ക്ക് ടോള്ഫ്രീ നമ്പര്: 1800 2333555ല് ബന്ധപ്പെടാവുന്നതാണ്.
ഇന്ഡേന്, എച്ച്പി ഗ്യാസ്, ഭാരത് ഗ്യാസ് എന്നിവയ്ക്കായി ഇ- കെവൈസി പൂര്ത്തിയാക്കേണ്ട വിധം താഴെ:
1. എല്പിജി സിലിണ്ടര് കമ്പനിയുടെ ആപ്പ് ഡൗണ്ലോഡ് ചെയ്യുക
2. എല്പിജി അക്കൗണ്ടുമായി ബന്ധിപ്പിച്ചിരിക്കുന്ന മൊബൈല് നമ്പര് ഉപയോഗിച്ച് ലോഗിന് ചെയ്യുക
3. രജിസ്റ്റര് ചെയ്ത നമ്പറിലേക്ക് വരുന്ന ഒടിപി നല്കി മൊബൈല് നമ്പര് വെരിഫൈ ചെയ്യുക
4. എല്പിജി അക്കൗണ്ട് ലിങ്ക് ചെയ്യുകയോ ആക്സസ് ചെയ്യുകയോ ചെയ്യുക
ഇന്ഡേന് ഗ്യാസ്: അക്കൗണ്ടുമായി ബന്ധിപ്പിക്കാന് 16 അക്ക എല്പിജി ഐഡി നല്കുക
ബിപിസിഎല്, എച്ച്പിസിഎല് ആപ്പുകളില് ഇ-കെവൈസി ഓപ്ഷന് നേരിട്ട് ലഭ്യമാണ്
5. ഇ- കെവൈസി ഓപ്ഷന് ഓപ്പണ് ചെയ്യുക
ഇന്ഡേന് ഗ്യാസ്: മൈ പ്രൊഫൈല് വിഭാഗത്തിന് കീഴില് ഇ-കെവൈസി ഓപ്ഷന് കാണാം
ഭാരത് ഗ്യാസ്: ഹോം പേജില് തന്നെ ഇ-കെവൈസി ഓപ്ഷന് ലഭ്യമാണ്
എച്ച്പി ഗ്യാസ്: എച്ച്പി പേ ആപ്പില് എല്പിജി സെക്ഷന് കീഴില് ഇ- കെവൈസി ഓപ്ഷന് കാണാം
6. നിബന്ധനകള് വായിച്ച് മനസിലാക്കിയ ശേഷം ആധാര് അധിഷ്ഠിത ഫെയ്സ് ഓതന്റിക്കേഷന് സമ്മതം നല്കുക
7. ഫെയ്സ് സ്കാന് ടാപ്പ് ചെയ്ത് ആധാര് ഫെയ്സ്ആര്ഡി ആപ്പിനെ മുഖം സ്കാന് ചെയ്യാന് അനുവദിക്കുക. തുടര്ന്ന് ഇ- കെവൈസി നടപടികള് പൂര്ത്തിയാക്കുക.
by Midhun HP News | Aug 10, 2026 | Latest News, ജില്ലാ വാർത്ത
കിഴുവിലം കുഴിമൺകാവ് ശ്രീധർമ്മശാസ്താക്ഷേത്രത്തിൽ ആഗസ്റ്റ് പതിമൂന്നാം തീയതി മുതൽ ഇരുപതാം തീയതി വരെ ഭാഗവത രത്നം ആമ്പല്ലൂർ അജിത്ത് യജ്ഞാചാര്യനായി പതിനാറാമത് ശ്രീമദ് ഭാഗവത സപ്താഹയജ്ഞം നടത്തുന്നു.
എല്ലാദിവസവും 12.30നു അന്നദാനം ഉണ്ടാകും. ഓഗസ്റ്റ് 15 രണ്ടാം ദിവസം ശനിയാഴ്ച നരസിംഹാവതാരത്തിന്റെ പാരായണ സന്ദർഭം നടക്കും. മൂന്നാം ദിവസം ഓഗസ്റ്റ് 16 ഉച്ചയ്ക്ക് 11ന് ഉണ്ണിയൂട്ട്, നാലാം ദിവസം തിങ്കളാഴ്ച വൈകുന്നേരം 5. 30ന്
വിദ്യാരാജാഗോപാല മന്ത്രാർച്ചന, ആഗസ്റ്റ് 18ന് ചൊവ്വാഴ്ച വൈകുന്നേരം 5നു സർവൈശ്വര്യ പൂജ, ആറാം ദിവസം ബുധനാഴ്ച കുചേല ഗതി പാരായണ സന്ദർഭം, ഏഴാം ദിവസം വൈകുന്നേരം 5ന് അവഭൃദ്ധസ്നാന ഘോഷയാത്രയും നടക്കും.
കുഴിമൺകാവ് ക്ഷേത്രക്കടവിൽ കർക്കിടക വാവ് ബലിതർപ്പണം ഉണ്ടായിരിക്കും. ആഗസ്റ്റ് 12 ബുധനാഴ്ച രാവിലെ നാലുമണി മുതൽ ഉച്ചയ്ക്ക് 12 മണി വരെ മൃത്യുഞ്ജയ ഹോമം, തിലഹവനം തുടങ്ങിയ പൂജകൾ നടത്തുവാനുള്ള സൗകര്യം ഉണ്ടായിരിക്കുന്നതാണ്.
Recent Comments