Midhun HP News, Author at HP NEWS

ബാലസംഘം ആറ്റിങ്ങൽ വെസ്റ്റ് മേഖല കമ്മിറ്റിയുടെ ആഭിമുഖ്യത്തിൽ കാർണിവെൽ സംഘടിപ്പിച്ചു

by Midhun HP News | Dec 31, 2025 | Latest News, ജില്ലാ വാർത്ത

ബാലസംഘം ആറ്റിങ്ങൽ വെസ്റ്റ് മേഖല കമ്മിറ്റിയുടെ ആഭിമുഖ്യത്തിൽ കൊല്ലമ്പുഴ മുനിസിപ്പൽ പാർക്കിൽ കാർണിവെൽ സംഘടിപ്പിച്ചു. കവിയും സാഹിത്യകാരനുമായ രാധാകൃഷ്ണൻ കുന്നുംപുറം ഉദ്ഘാടനം ചെയ്തു.

വെസ്റ്റ് മേഖല കോഡിനേറ്റർ എൻ വേണുഗോപാൽ അധ്യക്ഷത വഹിച്ചു. സി.പി.ഐ എം ആറ്റിങ്ങൽ ഏര്യയ സെക്രട്ടറി ആർ സുബാഷ്, ജില്ലാ കോഡിനേറ്റർ ആർ രാജു, ആറ്റിങ്ങൽ മുനിസിപ്പൽ വൈസ്ചെയർപേഴ്സൺ ആർ.എസ് രേഖ, ഏര്യയ കമ്മിറ്റി അംഗം സി ദേവരാജൻ, സ്വാഗതസംഘം ചെയർമാൻ അഡ്വ: എൻ മോഹനൻ നായർ, കൺവീനർ എസ് സതീഷ്കുമാർ, കൗൺസിലർമാരായ ആർ.കെ ശ്യാം,
കെ തുളസീധരൻ നായർ, രമ്യ എം.ആർ, ഒ.എസ് മിനി, ബാലസംഘം വെസ്റ്റ് മേഖലാ പ്രസിഡന്റ് ജയരാജ് എന്നിവർ പങ്കെടുത്തു. ബാലസംഘം കൂട്ടുകാരുടെ കലാപരിപാടികളും ഉണ്ടായിരുന്നു.

വര്‍ക്കലയില്‍ പത്താം ക്ലാസ് വിദ്യാര്‍ത്ഥിനി ജീവനൊടുക്കിയ നിലയില്‍

by Midhun HP News | Dec 31, 2025 | Latest News, ജില്ലാ വാർത്ത

തിരുവനന്തപുരം: വര്‍ക്കലയില്‍ പത്താം ക്ലാസ് വിദ്യാര്‍ത്ഥിനിയെ ജീവനൊടുക്കിയ നിലയില്‍ കണ്ടെത്തി. അഞ്ചുതെങ്ങ് നെടുങ്ങണ്ട നളിനി ഭവനില്‍ ഋഷികയെയാണ് വീടിനുള്ളില്‍ കിടപ്പുമുറിയില്‍ തൂങ്ങി മരിച്ച നിലയില്‍ കണ്ടെത്തിയത്. കടക്കാവൂര്‍ ഗവണ്‍മെന്റ് ഹയര്‍സെക്കണ്ടറി സ്‌കൂളിലെ പത്താംക്ലാസ് വിദ്യാര്‍ത്ഥിയാണ് ഋഷിക.

വര്‍ക്കലയിലെ സ്വകാര്യആശുപത്രിയില്‍ സൂക്ഷിച്ചിരുന്ന മൃതദേഹം പാരിപ്പള്ളി മെഡിക്കല്‍ കോളേജില്‍ പോസ്റ്റുമോര്‍ട്ടം നടപടികള്‍ക്ക് ശേഷം വീട്ടുവളപ്പില്‍ സംസ്‌കരിക്കും.

ഓൺലൈൻ ഡെലിവറി തൊഴിലാളികളുടെ രാജ്യവ്യാപക പണിമുടക്ക് നാളെ

by Midhun HP News | Dec 31, 2025 | Latest News, ജില്ലാ വാർത്ത

ഓൺലൈൻ ഡെലിവറി തൊഴിലാളികളുടെ രാജ്യവ്യാപക പണിമുടക്ക് നാളെ. സൊമാറ്റോ, സ്വിഗ്ഗി, ബ്ലിങ്കിറ്റ്, സെപ്‌റ്റോ, ആമസോൺ തുടങ്ങിയ ഓൺലൈൻ പ്ലാറ്റ്‌ഫോമുകളിലെ ഡെലിവറി തൊഴിലാളികൾ ആണ്
പണിമുടക്കുന്നത്. കുറഞ്ഞ വേതനം, തൊഴിൽ സുരക്ഷ ഉൾപ്പെടെയുള്ള ആവശ്യങ്ങൾ ഉന്നയിച്ചാണ് പണിമുടക്ക്. തൊഴിൽ മേഖലയിലെ പ്രതിസന്ധികൾക്ക് പരിഹാരം തേടിയാണ് ഈ ഗിഗ് തൊഴിലാളികളുടെ പണിമുടക്ക് പ്രഖ്യാപനം.