by Midhun HP News | Mar 30, 2026 | Latest News, ജില്ലാ വാർത്ത
തിരുവനന്തപുരം: സംസ്ഥാനത്തെ സ്കൂളുകളിൽ വാർഷിക പരീക്ഷകൾ അവസാനിക്കുന്ന ദിവസവും മധ്യവേനൽ അവധിക്കായി സ്കൂൾ അടയ്ക്കുന്ന ദിവസവും ആഘോഷങ്ങളൊന്നും പാടില്ലെന്ന് പൊതു വിദ്യാഭ്യാസ ഡയറക്ടർ ഉത്തരവിട്ടു. മുൻവർഷങ്ങളിൽ പരീക്ഷ ദിനങ്ങളിൽ നടന്ന ആഘോഷങ്ങൾ പലപ്പോഴും അതിരുകടന്നതായും അക്രമ സംഭവങ്ങൾ റിപ്പോർട്ട് ചെയ്യപ്പെട്ടതായും ശ്രദ്ധയിൽ പെട്ടതിനെ തുടർന്നാണ് മുൻകരുതൽ നടപടി.
ഹയർ സെക്കൻഡറി, വി എച്ച് എസ് ഇ പരീക്ഷകൾ ശനിയാഴ്ചയും എസ് എസ് എൽ സി പരീക്ഷ 30നും അവസാനിക്കും. ഒന്ന് മുതൽ ഒമ്പത് വരെയുള്ള ക്ലാസുകളുടെ പരീക്ഷകൾ പൂർത്തിയാക്കി 31നാണ് സ്കൂൾ അടയ്ക്കുന്നത്.
പരീക്ഷ കഴിഞ്ഞിറങ്ങുന്ന കുട്ടികൾ അച്ചടക്കരഹിതമായ പ്രവർത്തനങ്ങളിൽ ഏർപ്പെടുന്നില്ലെന്ന് അധ്യാപകർ ഉറപ്പ് വരുത്തണം. കുട്ടികളെ സുരക്ഷിതമായി വീട്ടിൽ എത്തിക്കുന്നതിന് രക്ഷിതാക്കളുടെ സഹകരണം തേടണമെന്നും സ്കൂൾ പരിസരത്ത് ക്രമസമാധാന പാലനത്തിനായി ആവശ്യമെങ്കിൽ പൊലീസിൻ്റെ സഹായം തേടാമെന്നും ഉത്തരവിൽ വ്യക്തമാക്കുന്നു.
by Midhun HP News | Mar 30, 2026 | Latest News, ജില്ലാ വാർത്ത, മരണം
പുകയിലത്തോപ്പ് എസ് എസ് സദനത്തിൽ സത്യശീലൻ (75) നിര്യാതനായി.
ഭാര്യ: ശാന്ത
മക്കൾ: സന്തോഷ്, സുമേഷ്, സന്ദീപ്
by Midhun HP News | Mar 30, 2026 | Latest News, ജില്ലാ വാർത്ത
ആറ്റിങ്ങല്: ഗവ.ടൗണ് യു.പി.സ്കൂളിലെ പൂര്വ്വവിദ്യാര്ത്ഥികളുടെയും അധ്യാപകരുടെയും സംഗമം 31 ന് ഉച്ചയ്ക്ക് 1.30 ന് സ്കൂളില് നടക്കും. സ്കൂളിന്റെ വാര്ഷികാഘോഷത്തിന്റെയും മികവുത്സവത്തിന്റെയും ഭാഗമായാണ് പരിപാടി.
img class=”alignnone wp-image-196920 size-large” src=”https://hpnewsatl.com/wp-content/uploads/2025/11/aswathy-1weAS-1024×124.jpg” alt=”” width=”1024″ height=”124″ />
by Midhun HP News | Mar 30, 2026 | Latest News, ജില്ലാ വാർത്ത
ആറ്റിങ്ങല്: കൃഷ്ണപുരം റെസിഡെന്സ് അസോസിയേഷന് ഏപ്രില് ഒന്നുമുതല് ഏഴുവരെ കുട്ടികള്ക്കായി വേനല്ക്കൂടാരം എന്ന അവധിക്കാലക്യാമ്പ് സംഘടിപ്പിക്കുന്നു. ആറ്റിങ്ങല് എല്.എം.എസ്.എല്.പി.സ്കൂളിലാണ് ക്യാമ്പ്. വിവിധരംഗങ്ങളിലെ വിദഗ്ധര് നയിക്കുന്ന ക്ലാസ്സുകള്, സംഘപ്രവര്ത്തനങ്ങള്, കലാ-സാഹിത്യ പരിശീലനങ്ങള് എന്നിവയാണ് ക്യാമ്പില് സംഘടിപ്പിച്ചിട്ടുള്ളത്.
വിവരങ്ങള്ക്കും രജിസ്ട്രേഷനുമായി ഈ നമ്പറുകളിൽ ബന്ധപ്പെടുക: 9447015873, 7356184877.
img class=”alignnone wp-image-196920 size-large” src=”https://hpnewsatl.com/wp-content/uploads/2025/11/aswathy-1weAS-1024×124.jpg” alt=”” width=”1024″ height=”124″ />
by Midhun HP News | Mar 30, 2026 | Latest News, ജില്ലാ വാർത്ത
ആറ്റിങ്ങൽ: മാമം തക്ഷശില ലൈബ്രറി ആൻഡ് റീഡിങ് റൂമിന്റെ ആഭിമുഖ്യത്തിൽ നടത്തുന്ന പ്രതിമാസ പുസ്തക ചർച്ച കൂട്ടായ്മ ആയ നിള മാർച്ച് മാസത്തിൽ സജിത്ത്ലാൽ നന്ദനത്തിന്റെ “ബുദ്ധനും യൂദാസും കുറെ ചാവേറുകളും” എന്ന നോവൽ ചർച്ച ചെയ്തു. പുസ്തകം അവതരിപ്പിച്ചത് എഴുത്തുകാരനായ കരവാരം രാമചന്ദ്രൻ ആയിരുന്നു. ലൈബ്രറി പ്രസിഡൻറ് ജയകുമാർ അദ്ധ്യക്ഷനായ ചടങ്ങിൽ ലൈബ്രറി സെക്രട്ടറി രഞ്ജിത്ത് കുമാർ സ്വാഗതവും, എക്സിക്യൂട്ടീവ് അഗം ശ്യാം കൃഷ്ണ നന്ദിയും പറഞ്ഞു. രാജചന്ദ്രൻ, സന്തോഷ് ആറ്റിങ്ങൽ, നന്ദു നാരായണൻ, സുജ കമല, സുമ, ഷീന രാജീവ്, നിമിഷ എന്നിവർ ചർച്ചയിൽ പങ്കെടുത്തു.
img class=”alignnone wp-image-196920 size-large” src=”https://hpnewsatl.com/wp-content/uploads/2025/11/aswathy-1weAS-1024×124.jpg” alt=”” width=”1024″ height=”124″ />
by Midhun HP News | Mar 30, 2026 | Latest News, ജില്ലാ വാർത്ത
തിരുവനന്തപുരം: സംസ്ഥാനത്തിന്റെ വാണിജ്യസിലിണ്ടര് വിഹിതം 66 ശതമാനമാക്കി ഉയര്ത്തിയതിന് പിന്നാലെ ഹോട്ടല് മേഖലയ്ക്ക് ദിവസം 13,433 സിലിണ്ടറുകള് അനുവദിച്ച് സംസ്ഥാന സര്ക്കാര് ഉത്തരവിറക്കി. ദിവസം 26,160 സിലിണ്ടറുകളാണ് ലഭിക്കുന്നത്. ആശുപത്രികള്, സ്കൂളുകള്,ശ്മശാനങ്ങള്, ഐടി, വ്യാവസായിക സ്ഥാപനങ്ങളിലെ കാന്റീനുകള്, സമൂഹ അടുക്കള, സുഭിക്ഷ ഹോട്ടലുകള്, വയോജന കേന്ദ്രങ്ങള്, അനാഥാലയങ്ങള് എന്നിവയ്ക്ക് മുന്ഗണനയുണ്ട്.
അര്ധ അവശ്യസേവന വിഭാഗത്തിലാണ് ഹോട്ടലുകള്, റെസ്റ്റോറന്റുകള് , ബേക്കറികള് എന്നിവയെയും മരുന്ന് നിര്മാണ കമ്പനികളെയും ഉള്പ്പെടുത്തിയിരിക്കുന്നത്. കാറ്ററിങ് യൂണിറ്റുകള്, ഫിഷറീസ് , ഭക്ഷ്യസംസ്കരണ മേഖലകള് എന്നിവയും ഇൗ വിഭാഗത്തിലാണ്. 62 ശതമാനം വിഹിതമാണ് ഇവയ്ക്കായി അനുവദിച്ചത്. വ്യാവസായിക വിഭാഗത്തില്പ്പെടുന്ന സ്റ്റീല്, ടെക്സ്റ്റൈല്സ്, ഓട്ടോമൊബൈല്സ്, പ്ലാസ്റ്റിക് കമ്പനികള്ക്കും 62 ശതമാനം വിഹിതം നീക്കി വച്ചിട്ടുണ്ട്.നിലവില് കൂടുതല് സിലിണ്ടര് ലഭിക്കുന്നത് എറണാകുളം ജില്ലയിലാണ്.19.39 ശതമാനം. കുറവ് കാസര്കോട് ജില്ലയിലും. 1.17 ശതമാനം.
കഴിഞ്ഞ ആഴ്ചയെ അപേക്ഷിച്ച്, 5000ത്തിലേറെ സിലിണ്ടറുകള് പ്രതിദിനം അനുവദിച്ചതിനാല് ഹോട്ടല്മേഖലയിലെ പ്രതിസന്ധി ഒഴിവാകുമെന്നാണ് കരുതുന്നതെന്ന് അധികൃതര് പറഞ്ഞു. ഓരോ മേഖലയ്ക്കുമുള്ള ക്വാട്ട വിതരണം ചെയ്യണമെന്ന് എണ്ണക്കമ്പനികള്ക്കും ഗ്യാസ് ഏജന്സികള്ക്കും നിര്ദേശം നല്കി. പരാതിയുണ്ടെങ്കില് സെക്രട്ടേറിയറ്റ് വാര് റൂമിലെ ടോള് ഫ്രീ നമ്പറിലും ഹോട്ടല് ആന്ഡ് റെസ്റ്റോറന്റ് അസോസിയേഷന് ഭാരവാഹികള്ക്കും ഹോട്ടല് ഉടമകള്ക്കും പരാതി നല്കാം. പരാതി ലഭിച്ചാല് അടിയന്തര നടപടി സ്വീകരിക്കുമെന്ന് വാര് റൂമില്നിന്ന് അറിയിച്ചു.
img class=”alignnone wp-image-196920 size-large” src=”https://hpnewsatl.com/wp-content/uploads/2025/11/aswathy-1weAS-1024×124.jpg” alt=”” width=”1024″ height=”124″ />
Recent Comments