by Midhun HP News | Aug 1, 2023 | Latest News, ജില്ലാ വാർത്ത
പാലക്കാട്; പാലക്കാട് സിപിഐയില് കൂട്ടരാജി. പട്ടാമ്പി എംഎല്എ മുഹമ്മദ് മുഹസിന് ഉള്പ്പെടെ പതിനഞ്ച് പേര് ജില്ലാ കൗണ്സില് നിന്ന് രാജിവച്ചു. മുഹമ്മദ് മുഹസിനെ തരംതാഴ്ത്തിയതില് പ്രതിഷേധിച്ചാണ് രാജിയെന്നാണ് സൂചന.
സമ്മേളനങ്ങളില് വിഭാഗീയ പ്രവര്ത്തനം നടത്തിയെന്ന പാര്ട്ടി കമ്മിഷന് റിപ്പോര്ട്ടിന്റെ അടിസ്ഥാനത്തില് മുഹമ്മദ് മുഹസിന്, ജില്ലാ കമ്മിറ്റി അംഗം കോടിയില് രാമകൃഷ്ണന് എന്നിവരെ ഉള്പ്പെടെ സിപിഐ തരംതാഴ്ത്തിയിരുന്നു.
പാര്ട്ടി ജില്ലാ എക്സിക്യൂട്ടീവ് അംഗം മുഹസിനെ ജില്ലാ കമ്മിറ്റിയിലേക്കും ജില്ലാ കമ്മിറ്റി അംഗം കോടിയില് രാമകൃഷ്ണനെയും പട്ടാമ്പി മണ്ഡലം സെക്രട്ടറി പികെ സുഭാഷിനെയും ബ്രാഞ്ചിലേക്കുമാണു തരംതാഴ്ത്തിയത്. ബ്രാഞ്ച് മുതല് ജില്ലാ സമ്മേളനം വരെയുണ്ടായ വിഭാഗീയതയില് മുതിര്ന്ന നേതാവ് കെഇ ഇസ്മായിലും കുറ്റക്കാരനാണെന്ന് കമ്മിഷന് കണ്ടെത്തിയിരുന്നു. മുന് ജില്ലാ സെക്രട്ടറി ടി സിദ്ധാര്ഥന്, ജില്ലാ എക്സിക്യൂട്ടീവ് അംഗം കെആര് മോഹന്ദാസ്, ജില്ലാ കമ്മിറ്റി അംഗം പി രാധാകൃഷ്ണന് എന്നിവരായിരുന്നു അന്വേഷണ കമ്മിഷന് അംഗങ്ങള്. എന്നാല് മുഹമ്മദ് മുഹസിന്റെ രാജി കിട്ടിയിട്ടില്ലെന്ന് സിപിഐ ജില്ലാ നേതൃത്വം പറഞ്ഞു.
by Midhun HP News | Jul 31, 2023 | Latest News, ജില്ലാ വാർത്ത
ആറ്റിങ്ങലിന്റെ വികസനനായകൻ വക്കം ബി പുരുഷോത്തമന്റെ ഭൗതികശരീരം നാളെ ഉച്ചക്ക് 2:മണിക്ക് ആറ്റിങ്ങൽ കച്ചേരി ജംഗ്ഷനിൽ പൊതുദർശനത്തിന് വയ്ക്കും. തുടർന്ന് അദ്ദേഹത്തിന്റെ ജന്മദേശ മായ വക്കത്തെ കുടുംബവീട്ടിൽ പൊതുദർശനത്തിനായി കൊണ്ട് പോകുകയും 2/8/2023 രാവിലെ 11 മണിക്ക് കുടുംബവീട്ടിൽ അദ്ദേഹത്തിന്റെ ഭൗതികശരീരം സംസ്കരിക്കും.
by Midhun HP News | Jul 31, 2023 | Latest News, ജില്ലാ വാർത്ത
ജ്വല്ലറികളിൽ നിന്നും വ്യക്തികളിൽ നിന്നും ലക്ഷക്കണക്കിന് രൂപ തട്ടിപ്പ് നടത്തി ഒളിവിൽ പോയ പ്രതികളെ ആറ്റിങ്ങൽ പോലീസ് അറസ്റ്റ് ചെയ്തു. ആറ്റിങ്ങൽ പ്രവർത്തിക്കുന്ന രണ്ട് ജൂലറുകളിൽ നിന്നും പല വ്യക്തികളിൽ നിന്നുമായി ഒരു കോടിയിൽ രൂപയാണ് പ്രതികൾ തട്ടിയെടുത്തത്. ആറ്റിങ്ങൽ പാട്ടിക്ക വിളാകം ക്ഷേത്രത്തിലെ പൂജാരിമാരായി സേവനമനുഷ്ഠിച്ചു വന്ന പഴയ കുന്നുമ്മേൽ വില്ലേജിൽ കുന്നുമ്മൽ അരുൺ നിവാസിൽ അരുൺകുമാർ, ചേർത്തല വില്ലേജിൽ നാഗം കുളങ്ങര നീലാട്ട് ഹൗസിൽ ആദ്യ സൂര്യ നാരായണ വർമ്മ എന്ന് വിളിക്കുന്ന സുമേഷ് എന്നിവരെയാണ് മൈസൂരിൽ നിന്നും അറസ്റ്റ് ചെയ്തത്.
തട്ടിപ്പ് നടത്തി പണവുമായി മുങ്ങിയ പ്രതികൾ കർണാടകം തമിഴ്നാട് എന്നീ സ്ഥലങ്ങളിൽ മാറിമാറി ഒളിവിൽ കഴിയുകയായിരുന്നു. പ്രതികൾ മൈസൂരിൽ ഉണ്ട് എന്ന് ജില്ലാ പോലീസ് മേധാവിക്ക് കിട്ടിയ വിവരത്തിന്റെ അടിസ്ഥാനത്തിൽ ആറ്റിങ്ങൽ ഡിവൈഎസ്പി ജയകുമാർ.ടി യുടെ നിർദ്ദേശപ്രകാരം ആറ്റിങ്ങൽ പോലീസ് ഇൻസ്പെക്ടർ തൻസീം അബ്ദുൽ സമദ്, എസ് ഐ അഭിലാഷ്, എ എസ് ഐ രാജീവൻ, സിപിഒ റിയാസ് എന്നിവർ അടങ്ങിയ സംഘമാണ് പ്രതികളെ അറസ്റ്റ് ചെയ്തത്.
by Midhun HP News | Jul 31, 2023 | Latest News, ജില്ലാ വാർത്ത
തിരുവനന്തപുരം: സാങ്കേതിക തകരാറിനെ തുടര്ന്ന് എയര് ഇന്ത്യ എക്സ്പ്രസ് വിമാനം അടിയന്തരമായി തിരുവനന്തപുരം വിമാനത്താവളത്തില് ഇറക്കി. തിരുച്ചിറപ്പള്ളിയില്നിന്നു ഷാര്ജയിലേക്ക് പുറപ്പെട്ട വിമാനമാണ് അടിയന്തര ലാന്ഡിങ് നടത്തിയത്. യാത്രക്കാര് സുരക്ഷിതരാണെന്ന് അധികൃതര് അറിയിച്ചു.
തിരുച്ചിറപ്പള്ളി വിമാനത്താവളത്തില് നിന്ന് പറന്നുയര്ന്നപ്പോള് തന്നെ എമര്ജന്സി ലാന്ഡിങ് ആവശ്യമാണെന്ന് വിവരം ലഭിച്ചു. തുടര്ന്ന് അധികൃതര് വിവരം തിരുവന്തപുരം വിമാനത്താവളത്തില് അറിയിച്ചു. ഇതിന്റെ അടിസ്ഥാനത്തില് വിമാനത്താവളത്തില് അടിയന്തരാവസ്ഥ പ്രഖ്യാപിച്ചു.
വിമാനത്തിന് സാങ്കേതിക തകരാര് കണ്ടെത്തിയതിനെ തുടര്ന്ന് വിമാനം തിരുവനന്തപുരത്തേക്ക് വഴി തിരിച്ചുവിടുകയായിരുന്നെന്നാണ് റിപ്പോര്ട്ടുകള്.
by Midhun HP News | Jul 31, 2023 | Latest News, ജില്ലാ വാർത്ത
തിരുവനന്തപുരം: മുതലപ്പൊഴി ഹാര്ബര് അടച്ചിടില്ലെന്ന് മന്ത്രി സജി ചെറിയാന്. തൊഴിലാളി സംഘനടകള് ഉള്പ്പെടുയുള്ള ആളുടെ അഭിപ്രായം പരിഗണിച്ചാണ് തീരുമാനമെന്ന് മന്ത്രി പറഞ്ഞു. പൊഴിയില് തകര്ന്നുവീണ കല്ലുകളും മണലും നീക്കം ചെയ്യാനുള്ള നടപടി നാളെ മുതല് ആരംഭിക്കുമെന്ന് അദാനി ഗ്രുപ്പമായി നടത്തിയ ചര്ച്ചക്ക് ശേഷം അദ്ദേഹം പറഞ്ഞു.
എത്ര കോടി ചെലവഴിച്ചാലും പൊഴിയിലെ അപകടം ഇല്ലാതാക്കുകയാണ് സര്ക്കാരിന്റെ ലക്ഷ്യം. അശാസ്ത്രീയമായ നിര്മമാണ പ്രവര്ത്തനങ്ങളാണ് അപകടത്തിന് കാരണമെങ്കില് അത് പരിശോധിക്കുമെന്ന് മന്ത്രി പറഞ്ഞു. ഡ്രഡ്ജിങ് നാളെ മുതല് ആരംഭിക്കുമെന്നാണ് അദാനി കമ്പനി ഉറപ്പുനല്കിയത്. മഴകാരണമാണ് ഡ്രഡ്ജിങ് വൈകുന്നതെന്നാണ് കമ്പനിയുടെ വിശദീകരണം.
സമയബന്ധിതമായി പൂര്ത്തിയാക്കിയില്ലെങ്കില് അദാനി ഗ്രൂപ്പിനെതിരെ കര്ശനനടപടി സ്വീകരിക്കുമെന്നും മന്ത്രി പറഞ്ഞു. രക്ഷാപ്രവര്ത്തനനത്തിനായി മൂന്ന് ബോട്ടുകള്, ഒരു ആംബുലന്സ് 24 മണിക്കൂറും സജ്ജമാക്കും. അവിടെ ആറ് ഹൈമാസ്റ്റ് ലൈറ്റുകള് സ്ഥാപിക്കുംപൊഴിയിലേക്കുള്ള വഴിയുടെ നിര്മ്മാണം നടത്തുമെന്നും മന്ത്രി പറഞ്ഞു.
by Midhun HP News | Jul 31, 2023 | Latest News, ജില്ലാ വാർത്ത
തിരുവനന്തപുരം: രാജ്യത്ത് ആദ്യമായി സംസ്ഥാനത്ത് ‘ക്വിയര് ഫ്രണ്ട്ലി ഹോസ്പിറ്റല് ഇനിഷ്യേറ്റീവ്’ നടപ്പിലാക്കുന്നതായി ആരോഗ്യ വകുപ്പ് മന്ത്രി വീണാ ജോര്ജ്. ട്രാന്സ്ജെന്ഡര് വ്യക്തികളുടേയും ക്വിയര് വ്യക്തികളുടേയും അവകാശങ്ങള് സംരക്ഷിച്ചുകൊണ്ട് ആരോഗ്യ സ്ഥാപനങ്ങളില് സേവനം ലഭ്യമാക്കുകയാണ് ഇതിന്റെ ലക്ഷ്യം. യാതൊരു തരത്തിലുളള വിവേചനവും ഇല്ലാതെ എല്ലാ സേവനങ്ങളും ലഭ്യമാവുന്ന ഒരു ആരോഗ്യ സംവിധാനമാണ് സര്ക്കാര് ലക്ഷ്യം വയ്ക്കുന്നത്. ആദ്യഘട്ടമായി തിരുവനന്തപുരം, എറണാകുളം, തൃശൂര്, കോഴിക്കോട് ജില്ലകളിലാണ് പദ്ധതി നടപ്പിലാക്കുന്നത്. ഈ ജില്ലകളിലെ ജനറല് ആശുപത്രികളെ ക്വിയര് ഫ്രണ്ട്ലി ആക്കി മാറ്റാനായി ജീവനക്കാര്ക്ക് പരിശീലനവും സംഘടിപ്പിച്ചു. ഘട്ടം ഘട്ടമായി കേരളത്തിലെ എല്ലാ ആരോഗ്യ സ്ഥാപനങ്ങളും ക്വിയര് ഫ്രണ്ട്ലി ആക്കി മാറ്റാനാണ് ശ്രമിക്കുന്നതെന്നും മന്ത്രി വ്യക്തമാക്കി.
ആദ്യഘട്ടമായി തിരുവനന്തപുരം, എറണാകുളം, തൃശൂര്, കോഴിക്കോട് ജില്ലകളില് ട്രാന്സ്ജെന്ഡര് കമ്മ്യൂണിറ്റി ലിങ്ക് വര്ക്കര് പദ്ധതി ആരംഭിച്ചിട്ടുണ്ട്. സമൂഹത്തിന്റെ മുഖ്യധാരയിലേക്ക് വരാന് നിരവധി തടസങ്ങള് നേരിടുന്ന ട്രാന്സ്ജെന്ഡര് വിഭാഗങ്ങള്ക്ക് ആവശ്യമായ ആരോഗ്യ സേവനങ്ങള് ലഭ്യമാക്കാന് ട്രാന്സ്ജെന്ഡര് കമ്മ്യൂണിറ്റിക്കും ആരോഗ്യ സംവിധാനത്തിനും ഇടയിലുളള കണ്ണിയായി പ്രവര്ത്തിക്കുകയെന്നതാണ് കമ്മ്യൂണിറ്റി ലിങ്ക് വര്ക്കര്മാരുടെ പ്രധാന ചുമതല. ഇത്തരത്തില് കമ്മ്യൂണിറ്റി ലിങ്ക് വര്ക്കര്മാര് ആശുപത്രികളിലെത്തിക്കുന്ന ഈ വിഭാഗത്തിലെ ആളുകള്ക്ക് സേവനങ്ങള് ഉറപ്പാക്കാനുള്ള നടപടി സ്വീകരിക്കുന്നതാണ്.
ട്രാന്സ്ജെന്ഡര് വിഭാഗത്തിന്റെ ഉന്നമനത്തിനായി ഈ സര്ക്കാര് വലിയ പ്രവര്ത്തനങ്ങളാണ് നടത്തുന്നത്. ട്രാന്സ്ജെന്ഡര് വിഭാഗത്തിന് ചരിത്രത്തില് ആദ്യമായി നഴ്സിംഗ് മേഖലയില് സംവരണം അനുവദിച്ചിരുന്നു. ബി.എസ്.സി. നഴ്സിംഗ് കോഴ്സില് ഒരു സീറ്റും ജനറല് നഴ്സിംഗ് കോഴ്സില് ഒരു സീറ്റുമാണ് സംവരണം അനുവദിച്ചത്.
Recent Comments