1) ജനകീയസൂത്രണ പദ്ധതി 2023 -24 ലെ ഗുണഭോക്താക്കളെ തെരഞ്ഞെടുക്കുന്നതിനുള്ള അപേക്ഷ എല്ലാ അംഗൻവാടികൾ വഴിയും നഗര സഭ ഓഫീസിൽനിന്നും ജൂൺ 21 മുതൽ 29 വരെ വിതരണം ചെയ്യുന്നതാണ്.
2) തണ്ണീർ തടങ്ങളിൽ നടന്നിട്ടുള്ള കയ്യേറ്റങ്ങൾ നഗരസഭ എഞ്ചിനീയറിങ് വിഭാഗത്തിൽ റിപ്പോർട്ട് ചെയ്യാവന്നതാണ്.
വായനദിനത്തിൽ അവനവഞ്ചേരി ഗവ. ഹൈസ്കൂളിലെ സ്റ്റുഡന്റ് പോലീസ് കേഡറ്റുകൾ ആലിൻചുവട്ടിൽ വിശ്രമിക്കാൻ എത്തുന്നവർക്ക് വായനയ്ക്ക് അവസരമൊരുക്കാൻ വർത്തമാന പത്രങ്ങളും മാസികകളും പുസ്തകങ്ങളും എത്തിച്ചു നൽകി. നാട്ടു വായന എന്ന പേരിൽ തുടങ്ങിയ പദ്ധതി കവിയും സാംസ്കാരിക പ്രവർത്തകനുമായ രാധാകൃഷ്ണൻ കുന്നുംപുറം നാടിന് സമർപ്പിച്ചു. അവനവഞ്ചേരി സ്കൂളിന് സമീപത്തെ കൊച്ചാലുംമൂട്ടിൽ സ്ഥാപിച്ച പുസ്തക ചെപ്പിൽ വച്ചിരിക്കുന്ന വ്യത്യസ്ത വർത്തമാന പത്രങ്ങളും മാസികകളും ആവശ്യാനുസരണം എടുത്തു വായിക്കാവുന്നതാണ്. സ്കൂൾ പി.റ്റി.എ. പ്രസിഡന്റ് റ്റി.എൽ. പ്രഭൻ, ഹെഡ്മാസ്റ്റർ ജി.എൽ. നിമി, ഗ്രന്ഥശാല സെക്രട്ടറി വാസുദേവൻ, അധ്യാപകരായ എൻ. സാബു, ആർ.എസ്. ലിജിൻ എന്നിവർ സംബന്ധിച്ചു.
പുരവൂർ: പുരവൂർ ഗവ.എസ്.വി.യു.പി.സ്കൂളിൽ വായനദിനം സമുചിതമായി ആഘോഷിച്ചു. കിഴുവിലം ഗ്രാമ പഞ്ചായത്ത് ക്ഷേമകാര്യ സ്റ്റാൻ്റിംഗ് കമ്മിറ്റി ചെയർമാൻ ഗോപകുമാർ വായന മാസാചരണ പരിപാടികളുടെ ഉദ്ഘാടനം നിർവ്വഹിച്ചു. വാർഡ് മെമ്പർ ആശ.സി അമ്മ വായന ഉദ്ഘാടനം ചെയ്തു. കുഞ്ഞിക്കൈയ്യിലൊരു കുഞ്ഞു പുസ്തകം പരിപാടിയിൽ ആറാം വാർഡ് മെമ്പർ അനീഷ് കുട്ടികളിൽ നിന്ന് പുസ്തകം സ്വീകരിച്ചു. സാഹിത്യകാരനും ഐക്യമലയാള പ്രസ്ഥാനം കൺവീനറുമായ ആർ നന്ദകുമാർ മുഖ്യ പ്രഭാഷണം നടത്തി. സ്കൂൾ വിദ്യാരംഗം കലാ സാഹിത്യ വേദിയുടെ ഔപചാരികമായ ഉദ്ഘാടനവും അദ്ദേഹം നിർവ്വഹിച്ചു. തുടർന്ന് വായനദിനവുമായി ബന്ധപ്പെട്ട വിവിധ പരിപാടികൾ കുട്ടികൾ അവതരിപ്പിച്ചു.
തിരുവനന്തപുരം: സംസ്ഥാന വ്യാപകമായി നാളെ കെ എസ് യുവിന്റെ വിദ്യാഭ്യാസ ബന്ദ്. വ്യാജ സർട്ടിഫിക്കറ്റ് വിവാദവുമായി ബന്ധപ്പെട്ട് ഉന്നത വിദ്യാഭ്യാസ മേഖലയെ എസ് എഫ് ഐ തകർത്തു എന്നാരോപിച്ചാണ് കോളേജുകളിൽ നാളെ വിദ്യാഭ്യാസ ബന്ദിന് ആഹ്വാനം .
വ്യാജന്മാരുടെ കൂടാരമായി എസ്എഫ് മാറുമ്പോള്, ഉന്നതവിദ്യാഭ്യാസ മേഖലയെ തകര്ത്തെറിയുമ്പോള്, സര്ക്കാര് മൗനം വെടിയണം എന്നാവശ്യപ്പെട്ടുകൊണ്ട് സംസ്ഥാന വ്യാപകമായി പ്രതിഷേധത്തിലേക്ക് നീങ്ങുകയാണെന്ന് കെഎസ്യു സംസ്ഥാന പ്രസിഡന്റ് അലോഷ്യസ് സേവ്യര് പറഞ്ഞു.
അതേസമയം, വ്യാജ ബിരുദ സര്ട്ടിഫിക്കറ്റ് വിവാദത്തില് എസ്എഫ്ഐ നേതാവ് നിഖില് തോമസിനെ കായംകുളം എംഎസഎം കോളജ് സസ്പെന്ഡ് ചെയ്തു. മറ്റുകാര്യങ്ങള് അന്വേഷണ സമിതി നല്കുന്ന റിപ്പോര്ട്ടിന്റെ അടിസ്ഥാനത്തില് തീരുമാനിക്കുമെന്ന് എംഎസ്എം കോളജ് പ്രിന്സിപ്പല് അറിയിച്ചു.
അന്വേഷണത്തിന് ആറംഗ സമിതിയെ നിയോഗിച്ചു. രണ്ടു ദിവസത്തിനകം റിപ്പോര്ട്ട് നല്കാന് സമിതിക്ക് നിര്ദേശം നല്കിയതായും മുഹമ്മദ് താഹ മാധ്യമങ്ങളോട് പറഞ്ഞു. സ്റ്റാഫ് കൗണ്സില് യോഗത്തിന് ശേഷമാണ് തീരുമാനം. നിഖിലിനെതിരായ ആരോപണത്തില് കഴമ്പുണ്ടെന്നും വിദ്യാര്ഥിക്കെതിരെ നിയമ നടപടി സ്വീകരിക്കുമെന്നും പ്രിന്സിപ്പല് അറിയിച്ചു.
തിരുവനന്തപുരം: സംസ്ഥാന എഞ്ചിനീയറിംഗ് റാങ്ക് ലിസ്റ്റ് പ്രസിദ്ധീകരിച്ചു. കണ്ണൂർ സ്വദേശി സഞ്ജയ് പി മല്ലാർ ഒന്നാം റാങ്ക് നേടി. കോട്ടയം സ്വദേശികളായ ആഷിക് സ്റ്റെന്നി രണ്ടാം റാങ്കും, ഫ്രഡി ജോർജ്ജ് റോബിൻ 3ാം റാങ്കും നേടി. എസ് സി വിഭാഗത്തിൽ പത്തനംതിട്ട സ്വദേശി ചേതന എസ് ജെ ഒന്നാം റാങ്ക് നേടി. രണ്ടാം റാങ്ക് കോഴിക്കോട് സ്വദേശി സൂര്യദേവ് വിനോദിനാണ്. എസ് ടി വിഭാഗത്തിൽ എറണാകുളം സ്വദേശി ഏദൻ വിനു ജോൺ ഒന്നാം റാങ്ക്. പാലക്കാട് സ്വദേശി അനഘ എസ് രണ്ടാം റാങ്ക് നേടി.
ആലപ്പുഴ: വ്യാജ ഡിഗ്രി സർട്ടിഫിക്കറ്റ് വിവാദത്തിൽ നിർണ്ണായക വെളിപ്പെടുത്തലുമായി കലിംഗ സർവ്വകലാശാല. നിഖില് തോമസ് എന്ന വിദ്യാര്ത്ഥി സർവകലാശാലയില് പഠിച്ചിട്ടില്ലെന്ന് കലിംഗ സർവകലാശാലയുടെ വെളിപ്പെടുത്തൽ. ഇക്കാര്യം പരിശോധിച്ചുവെന്ന് രജിസ്ട്രാർ പറഞ്ഞു. നിഖില് തോമസിനെതിരെ നിയമനടപടിയെടുക്കുമെന്ന് രജിസ്ട്രാർ സന്ദീപ് ഗാന്ധി. മാധ്യമവാർത്തകള് ശ്രദ്ധയില്പ്പെട്ടതിന്റെ അടിസ്ഥാനത്തിലാണ് പരിശോധിച്ചതെന്നും കലിംഗ രജിസ്ട്രാർ കൂട്ടിച്ചേർത്തു.
എംഎസ്എം കോളേജ് മുന് യൂണിറ്റ് സെക്രട്ടറി നിഖില് തോമസിന് പ്രവേശനം നല്കുന്നതില് മാനേജര്ക്ക് വീഴ്ച പറ്റിയെന്ന് കോളേജ് ട്രസ്റ്റ് ജോയിന്റ് സെക്രട്ടറി ഷേക് പി.ഹാരിസ് പ്രതികരിച്ചിരുന്നു. രേഖകള് പരിശോധിച്ച് വിലയിരുത്തേണ്ട ഉത്തരവാദിത്തം മാനേജര്ക്കും പ്രിന്സിപ്പലിനുമാണെന്നും, ഏത് രാഷ്ട്രീയ നേതാവാണ് ശുപാര്ശ ചെയ്തെന്ന് വ്യക്തമാക്കേണ്ടത് മാനേജറാണെന്നും ഷേക്ക് പി.ഹാരിസ് പറഞ്ഞു.
നിഖില് തോമസിന്റെ സര്ട്ടിഫിക്കറ്റുകള് ഒറിജിനില് ആണെന്ന് ഉറപ്പിച്ചുവെന്നായിരുന്നു എസ്എഫ്ഐ സംസ്ഥാന സെക്രട്ടറി പിഎം ആര്ഷോയുടെ പ്രതികരണം. വ്യാജ സര്ട്ടിഫിക്കറ്റ് ആരോപണം തള്ളിയ എസ്എഫ്ഐ കലിംഗ സര്വകലാശാലയില് അഡ്മിഷന് എടുത്ത ശേഷം കേരള യൂണിവേഴ്സിറ്റി രജിസ്ട്രേഷന് ക്യാന്സല് ചെയ്തുവെന്നും വ്യക്തമാക്കിയിരുന്നു.
വ്യാജ ബിരുദ സര്ട്ടിഫിക്കറ്റ് ഹാജരാക്കി എം കോമിന് ചേർന്നുവെന്ന ആരോപണങ്ങളെ തുടര്ന്ന് നിഖിൽ തോമസിനെ എസ് എഫ് ഐയുടെ ജില്ലാ കമ്മറ്റി, കായംകുളം ഏരിയാ സെക്രട്ടറി സ്ഥാനങ്ങളിൽ നിന്ന് നീക്കിയിരുന്നു. നിഖില് തോമസ് ഇപ്പോള് കായംകുളം എം എസ് എം കോളേജിലെ രണ്ടാം വര്ഷ എം കോം വിദ്യാര്ഥിയാണ്. ഇതേ കോളേജില് തന്നെയാണ് 2017-20 കാലഘട്ടത്തില് ബികോം ചെയ്തത്. പക്ഷേ നിഖില് ഡിഗ്രിക്ക് തോറ്റുപോയിരുന്നു. പക്ഷെ ഒരു വര്ഷത്തെ ഇടവേളക്ക് ശേഷം നിഖില് ഇവിടെ തന്നെ എം കോമിന് ചേര്ന്നു. അഡ്മിഷനായി ഹാജരാക്കിയത് കലിംഗ സര്വകലാശാലയുടെ ബിരുദ സര്ട്ടിഫിക്കറ്റായിരുന്നു.
2019 മുതല് കലിംഗയില് പഠിച്ചെന്നാണ് നിഖിലിന്റെ വാദം. ഇതോടെയാണ് എംഎസ്എം കോളേജില് നിഖിലിന്റെ ജുനിയർ വിദ്യാര്ഥിനി കൂടിയായ ജില്ലാ കമ്മിറ്റി അംഗം ഡിഗ്രി വ്യാജമെന്ന് ആരോപിച്ച് പാർട്ടിക്ക് പരാതി നല്കിയത്. സംഭവത്തില് 2019 ല് താന് കേരളയിലെ രജിസ്ട്രേഷന് ക്യാന്സൽ ചെയ്തിരുന്നു എന്നായിരുന്നു നിഖിലിന്റെ ആദ്യ ന്യായീകരണം. ഇത് പൊളിഞ്ഞു. 2019 ൽ നിഖില് യൂണിവേഴ്സിറ്റി യൂണിയന് കൗണ്സിലറും 2020 ല് സര്വകലാശാല യൂണിയന് ജോയിന്റ് സെക്രട്ടറിയുമായിരുന്നു.
ഒരേ സമയത്ത് രണ്ട് ഡിഗ്രി സാധ്യമല്ലെന്ന് വ്യക്തമായതോടെ കായംകുളം ഏരിയാ സെക്രട്ടറി, ആലപ്പുഴ ജില്ലാ കമ്മിറ്റി സ്ഥാനങ്ങളില് നിന്ന് നിഖിലിനെ നീക്കുകയായിരുന്നു. ഇക്കാര്യം സിപിഎം സിപിഎം ജില്ല സെക്രട്ടറി ആര് നാസര് സ്ഥിരീകരിക്കുകയും ചെയ്തു.ഡിഗ്രിയുടെ കാര്യത്തില് പ്രശ്നമുണ്ടെന്ന് നിഖില് തോമസും സമ്മതിച്ചു. എന്നാൽ ഡിഗ്രി സര്ട്ടിഫിക്കറ്റ് ഹാജരാക്കിയാൽ തീരുന്ന പ്രശ്നമേയുള്ളൂവെന്നാണ് വിശദീകരണം. തനിക്ക് 26 വയസ്സായതു കൊണ്ടാണ് എസ്എഫ്ഐ ജില്ലാ കമ്മിറ്റിയിൽ നിന്ന് ഒഴിവാക്കിയതെന്നും നിഖിൽ പ്രതികരിച്ചു.
യഥാര്ഥ ഡിഗ്രി ആവശ്യപ്പെട്ടപ്പോൾ നിഖില് പാർട്ടിക്ക് കൈമാറിയത് നിഖിലിന്റെ കലിംഗ ഡിഗ്രി തതുല്യ യോഗ്യതയാണെന്ന് സാക്ഷ്യപ്പെടുത്തുന്ന സര്വകലാശാലയുടെ ഒരു കത്താണ്. യഥാർത്ഥ സര്ട്ടിഫിക്കറ്റ് സർവ്വകലാശാലയുടെ പക്കലാണെന്നായിരുന്നു ന്യായീകരണം. ഈ കത്ത് നിഖിലിന് എങ്ങിനെ ലഭിച്ചു എന്നതിനെക്കുറിച്ചും വിശദമായി അന്വേഷിക്കാനാണ് പാർട്ടി തീരുമാനം.
Recent Comments