by liji HP News | Jun 19, 2023 | Latest News, കേരളം, ജില്ലാ വാർത്ത
തിരുവനന്തപുരം എസ്എംവി സ്കൂളില് ഇനിമുതൽ പെണ്കുട്ടികളും പഠിക്കും. എസ്എംവി സ്കൂളില് ഇന്ന് നാല് വിദ്യാര്ത്ഥിനികളാണ് എത്തിയത്. സ്കൂളിലെത്തിയ പെണ്കുട്ടികളെ വിദ്യാഭ്യാസ മന്ത്രി വി. ശിവന്കുട്ടി ഐഡി കാര്ഡ് നല്കി സ്വീകരിച്ചു. 1834ല് സ്കൂള് സ്ഥാപിതമായതിന് ശേഷം 190 വര്ഷം പിന്നിട്ടപ്പോഴാണ് ഇവിടെ പെണ്കുട്ടികള്ക്ക് പ്രവേശനം നല്കുന്നത്.
മിക്സഡ് ആക്കിയതിന്റെ പ്രഖ്യാപനവും പെണ്കുട്ടികള്ക്കുള്ള പ്രവേശനോത്സവവും നടന്നു. പരിപാടിയുടെ ഉദ്ഘാടനം വിദ്യാഭ്യാസമന്ത്രി വി. ശിവന്കുട്ടി നിര്വഹിച്ചു. ഒരു വര്ഷത്തോളം നീണ്ട നടപടിക്രമങ്ങള്ക്കു ശേഷമാണ് പൊതു വിദ്യാഭ്യാസ വകുപ്പ് എസ്എംവിയില് പെണ്കുട്ടികളെയും പ്രവേശിപ്പിക്കാന് അനുമതി നല്കിയത്. 5 മുതല് 10 വരെയുള്ള ക്ലാസുകളില് പെണ്കുട്ടികള്ക്കും പ്രവേശനം അനുവദിക്കാന് മന്ത്രി വി ശിവന്കുട്ടി നിര്ദേശം നല്കുകയായിരുന്നു.
by liji HP News | Jun 19, 2023 | Latest News, കേരളം, ജില്ലാ വാർത്ത
ആലംകോട്: ജി എൽ പി എസ് ആലംകോടിന് ആലംകോട് ഫെഡറൽ ബാങ്കിന്റെ വകയായി രണ്ട് വാട്ടർ കെയിൻ സംഭാവന ചെയ്തു. അതോടൊപ്പം വായനാദിനാചരണ ഭാഗമായി വിദ്യാർത്ഥികൾക്ക് പുസ്തകങ്ങളും സമ്മാനിച്ചു. സ്കൂളിൽ നടന്ന ലളിതമായ ചടങ്ങിൽ വെച്ച് ഫെഡറൽ ബാങ്ക് ബ്രാഞ്ച് മാനേജർ ഉദ്ഘാടനം നിർവഹിച്ചു. സ്കൂൾ വികസന സമിതി അംഗം വഹാബ്, ഹെഡ്മിസ്ട്രസ് റീജ സത്യൻ, ബാങ്ക് ജീവനക്കാർ അധ്യാപകർ എന്നിവർ സംബന്ധിച്ചു.
by liji HP News | Jun 19, 2023 | Latest News, കേരളം, ജില്ലാ വാർത്ത
ന്യൂഡല്ഹി: ഇന്ത്യയുടെ രഹസ്യാന്വേഷണ ഏജന്സി റോയുടെ മേധാവിയായി മുതിര്ന്ന ഐപിഎസ് ഓഫീസര് രവി സിന്ഹയെ നിയമിച്ചു. 1988 ബാച്ച് ഐപിഎസ് ഓഫീസറാണ്. ഛത്തീസ് ഗഡ് കേഡര് ഐപിഎസുകാരനായ രവി സിന്ഹ നിലവില് കാബിനറ്റ് സെക്രട്ടേറിയറ്റില് സ്പെഷല് സെക്രട്ടറിയാണ്.
നിലവിലെ റിസര്ച്ച് ആന്റ് അനാലിസിസ് വിങ് (റോ) മേധാവി സാമന്ത് കുമാര് ഗോയല് ഈ മാസം 30 വിരമിക്കുകയാണ്. ഈ ഒഴിവിലാണ് രവി സിന്ഹയുടെ നിയമനം. രണ്ടു വര്ഷത്തേക്കാണ് രവി സിന്ഹയെ നിയമിച്ചിട്ടുള്ളത്.
by liji HP News | Jun 19, 2023 | Latest News, കേരളം, ജില്ലാ വാർത്ത
തിരുവനന്തപുരം: സംസ്ഥാനത്ത് ഇന്ന് സ്വർണവിലയില് മാറ്റമില്ല. തുടർച്ചയായ മൂന്നാം ദിനമാണ് വില മാറാത്തത്. ഒരു പവന് സ്വര്ണ്ണത്തിന് വെള്ളിയാഴ്ച 320 രൂപ ഉയർന്നു. അന്തരാഷ്ട്ര വിപണിയയിൽ ഉണ്ടാകുന്ന മാറ്റങ്ങളാണ് സംസ്ഥാന വിപണിയിയിലെ നിരക്കിലും പ്രതിഫലിക്കുന്നത്. ഒരു പവൻ സ്വർണത്തിന്റെ ഇന്നത്തെ വിപണി വില 44,080 രൂപയാണ്. ഒരു ഗ്രാം 22 കാരറ്റ് സ്വർണത്തിന്റെ വിപണി വില 5510 രൂപയാണ്. ഒരു ഗ്രാം 18 കാരറ്റ് സ്വർണത്തിന്റെ വിപണി വില 4568 രൂപയാണ്.
by liji HP News | Jun 19, 2023 | Latest News, കേരളം, ജില്ലാ വാർത്ത
വർക്കല: വർക്കല നഗരമധ്യത്തെ റോഡിൽ ബൈക്ക് കത്തിനശിച്ചു. ഇടവ പ്രസീദ മന്ദിരത്തിൽ രതീവ് ഓടിച്ചുവന്ന ബൈക്കാണ് കത്തിയത്. ബൈക്കിന് നല്ല ചൂട് അനുഭവ പ്പെട്ടതോടെ രതീവ് ബൈക്ക് നിർത്തി ഇറങ്ങിയപ്പോഴാണ് കത്തിയത്. അഗ്നിരക്ഷാസേനയെത്തി തീ കെടുത്തി. ബൈക്ക് മുക്കാൽ ഭാഗത്തോളം കത്തിനശിച്ചു. ഞായറാഴ്ച ഉച്ചയ്ക്ക് 02.45-ഓടെ വർക്കല പോലീസ് സ്റ്റേഷനു മുൻവശം പ്രധാന റോഡിലേക്ക് കടക്കുന്ന ഭാഗത്തായിരുന്നു സംഭവം. രതീവ് ഒരു സെക്കൻഡ് ഹാൻഡ് ബൈക്ക് വാങ്ങിയിരുന്നു. ബൈക്കിന് കുഴപ്പങ്ങളുള്ളതിനാൽ വാങ്ങിയ കടയിൽ തിരിച്ചേൽപ്പിക്കാൻ പോകുന്ന വഴിയ്ക്കാണ് തീപിടിച്ചത്.
by liji HP News | Jun 19, 2023 | Latest News, കേരളം, ജില്ലാ വാർത്ത
ആറ്റിങ്ങൽ പോലീസ് സ്റ്റേഷൻ പരിധിയിലെ വധശ്രമമുൾപ്പെടെ, അബ്കാരി തുടങ്ങിയ നിരവധി കേസുകളിലെ പ്രതിയായ മുദാക്കൽ വില്ലേജിൽ കരിക്കകം കുന്നിൽ ചരുവിള പുത്തൻ വീട്ടിൽ 26 വയസ്സുള്ള മനീഷിനെ ഗുണ്ടാ ആക്ട് പ്രകാരം അറസ്റ്റു ചെയ്തു. ജില്ലാ കളക്ടറുടെ കാപ്പ ഉത്തരവ് പ്രകാരം ഒളിവിലായിരുന്ന പ്രതിയെ തിരുവനന്തപുരം റൂറൽ ജില്ലാ പോലീസ് മേധാവിയുടെ നിർദ്ദേശാനുസരണം ആറ്റിങ്ങൽ ഡിവൈഎസ്പി ജയകുമാർ ടി യുടെ നേതൃത്വത്തിൽ ആറ്റിങ്ങൽ ഐ എസ് എച്ച് ഒ തൻസിം അബ്ദുൽസമദ്, എസ് ഐ അഭിലാഷ്, ജി എസ് സി പി ഒമാരായ ശരത്, റിയാസ് എന്നിവരടങ്ങുന്ന സംഘമാണ് പ്രതിയെ അറസ്റ്റ് ചെയ്തത്.
Recent Comments