രാധാമണി അമ്മ (68) നിര്യാതയായി
ചിറയിൻകീഴ് തിട്ടയിൽ മുക്ക് തിട്ടയിൽ വീട്ടിൽ രാധാമണി അമ്മ (68) നിര്യാതയായി.
മകൾ: രജനി (അശ്വതി)
മരണാനന്തര ചടങ്ങ് : 19/10/25 (ശനിയാഴ്ച)
‘ഇത് കോഹ് ലിയെയും രോഹിത്തിനെയും കാണാനുള്ള അവസാന അവസരം; അവര് ചാംപ്യന്മാര്’
സിഡ്നി: ഓസ്ട്രേലിയക്കെതിരായ ഇന്ത്യയുടെ ഏകദിന പരമ്പര ഞായറാഴ്ച പെര്ത്തില് ആരംഭിക്കുകയാണ്. മാസങ്ങള്ക്ക് ശേഷം ടീമിലേക്ക് തിരിച്ചെത്തിയ സൂപ്പര് താരങ്ങളായ രോഹിത് ശര്മയും വിരാട് കോഹ് ലിയും കടുത്ത പരിശീലനത്തിലാണ്. ഇരുവരും അടുത്ത ഏകദിന ലോകകപ്പ് വരെ ഉണ്ടാവുമോ എന്ന അഭ്യൂഹങ്ങള് പ്രചരിക്കുന്നതിനിടെ, ഇരുതാരങ്ങളും ഓസ്ട്രേലിയയ്ക്കെതിരെ കളിക്കുന്നത് കാണാനുള്ള ആകാംക്ഷയിലാണ് ഇന്ത്യന് ആരാധകര്. അതിനിടെ രോഹിത്തിനെയും കോഹ് ലിയെയും കാണാനുള്ള ഓസ്ട്രേലിയന് ആരാധകരുടെ അവസാന അവസരമായിരിക്കാം ഇതെന്ന് പറഞ്ഞ് ആരാധകരുടെ ആവേശം കൂട്ടിയിരിക്കുകയാണ് ഓസ്ട്രേലിയന് ക്യാപ്റ്റന് പാറ്റ് കമ്മിന്സ്.
‘ഞായറാഴ്ച പെര്ത്തില് ആരംഭിക്കുന്ന ഇന്ത്യയ്ക്കെതിരായ ഏകദിന പരമ്പര ഏറെ പ്രത്യേകതകള് നിറഞ്ഞതാണ്. കാരണം ഇന്ത്യയുടെ സൂപ്പര് താരങ്ങളായ കോഹ് ലിയും രോഹിത്തും കളിക്കുന്നത് സ്വന്തം നാട്ടില് കാണാന് ഓസ്ട്രേലിയന് ആരാധകര്ക്കുള്ള അവസാന അവസരമായിരിക്കാം ഇത്’- പാറ്റ് കമ്മിന്സ് പറഞ്ഞു. പുറംവേദന കാരണം 32 കാരനായ കമ്മിന്സ് പരമ്പരയില് കളിക്കുന്നില്ല.
‘കഴിഞ്ഞ 15 വര്ഷമായി കോഹ്ലിയും രോഹിത്തും മിക്കവാറും എല്ലാ ഇന്ത്യന് ടീമുകളുടെയും ഭാഗമാണ്. അതിനാല് ഓസ്ട്രേലിയന് ആരാധകര്ക്ക് അവര് ഇവിടെ കളിക്കുന്നത് കാണാനുള്ള അവസാന അവസരമായിരിക്കാം ഇത്,’- കമ്മിന്സ് ജിയോഹോട്ട്സ്റ്റാറിനോട് പറഞ്ഞു.
‘അവര് ഇന്ത്യയുടെ ചാംപ്യന്മാരാണ്, എല്ലായ്പ്പോഴും അവര്ക്ക് മികച്ച പിന്തുണ ലഭിക്കുന്നു. ഞങ്ങള് അവര്ക്കെതിരെ കളിക്കുമ്പോഴെല്ലാം ആവേശം കൊണ്ട് കാണികളുടെ ശബ്ദം ഉയരാറുണ്ട്. പെര്ത്തിന് പുറമേ അഡലെയ്ഡിലും സിഡ്നിയിലുമായി നടക്കുന്ന പരമ്പര നഷ്ടമായതില് നിരാശയുണ്ട്. ഇന്ത്യയ്ക്കെതിരായ വൈറ്റ്-ബോള് പരമ്പര നഷ്ടമാകുന്നത് വിഷമകരമാണ്. ഓസ്ട്രേലിയയില് ഇതിനകം തന്നെ വളരെയധികം ആവേശം നിറഞ്ഞിട്ടുണ്ട്. ഇതുപോലുള്ള ഒരു വലിയ പരമ്പര നഷ്ടപ്പെടുന്നത് എല്ലായ്പ്പോഴും ഉള്ക്കൊള്ളാന് അല്പ്പം ബുദ്ധിമുട്ടാണ്.’- പാറ്റ് കമ്മിന്സ് കൂട്ടിച്ചേര്ത്തു.
‘ഏകദിന ലോകകപ്പിനോട് അടുക്കുമ്പോള്, ഞങ്ങളുടെ 15 അംഗ ടീം എന്തായിരിക്കുമെന്ന് ഞങ്ങള്ക്ക് അറിയാം. ഞങ്ങള് മികച്ച സ്ഥാനത്താണെന്ന് ഉറപ്പാക്കുക എന്നതാണ് ലക്ഷ്യം. കഴിഞ്ഞ ലോകകപ്പില് കളിക്കാത്ത യുവതാരങ്ങളെ കളിപ്പിക്കാന് ശ്രമിക്കുക. അവര്ക്ക് എന്തുചെയ്യാന് കഴിയുമെന്ന് കാണുക’- ഓസ്ട്രേലിയയുടെ പകരം ക്യാപ്റ്റന് മിച്ചല് മാര്ഷിന് പാറ്റ് കമ്മിന്സ് ഉപദേശം നല്കി. ഇന്ത്യയ്ക്കെതിരെ ഓസ്ട്രേലിയയുടെ അഞ്ച് മത്സരങ്ങളുള്ള ടി20 അന്താരാഷ്ട്ര പരമ്പര ഒക്ടോബര് 29 മുതലാണ്.
ആക്കുളം പാലത്തില് നിന്ന് കായലിലേക്ക് ചാടിയ 15കാരിയെ രക്ഷപ്പെടുത്തി ഓട്ടോഡ്രൈവർ
തിരുവനന്തപുരം ആക്കുളം പാലത്തില് നിന്ന് കായലിലേക്ക് ചാടിയ പെൺകുട്ടിയെ ഓട്ടോറിക്ഷാ ഡ്രൈവറുടെ സമയോചിത ഇടപെടലിൽ രക്ഷപ്പെടുത്തി. രാത്രി വൈകിട്ടായിരുന്നു സംഭവം. 15 വയസുള്ള പെണ്കുട്ടിയാണ് ചാടിയത്. പെൺകുട്ടി ചാടുന്നത് കണ്ട് ഇതുവഴി വന്ന ഓട്ടോ ഡ്രൈവറും കൂടെ ചാടി.
തുടർന്ന്, പെൺകുട്ടി മുങ്ങി പോകാതിരിക്കാന് പിടിച്ചു നിര്ത്തി. പിന്നാലെ ഫയര് ഫോഴ്സ് എത്തി ഇരുവരെയും രക്ഷപ്പെടുത്തുകയായിരുന്നു. തുമ്പ പൊലീസും സ്ഥലത്ത് എത്തിയിരുന്നു. പെണ്കുട്ടിയെ സ്വകാര്യ ആശുപത്രിയില് പ്രവേശിപ്പിച്ചു. വെള്ളായണി സ്വദേശി വിനോദ് ആണ് യുവതിയെ രക്ഷപ്പെടുത്തിയത്.അച്ഛനുമായി പിണങ്ങി വീടുവിട്ടിറങ്ങിയ പത്താം ക്ലാസ് വിദ്യാര്ഥിനിയാണ് കായലിൽ ചാടിയത്. വീട്ടുകാര് കഴക്കൂട്ടം പൊലീസില് പരാതി നല്കാന് നില്ക്കുമ്പോഴായിരുന്നു പെണ്കുട്ടി കായലില് ചാടിയത് അറിഞ്ഞത്.
വിക്ടോറിയൻ മുഖ്യമന്ത്രിയ്ക്കു ഗുരുദേവ നാണയത്തിന്റെ സെറ്റ്ഉപഹാരമായി നൽകി
ഓസ്ട്രേലിയയിലെ വിക്ടോറിയൻ പാർലമെന്റിൽ നടന്ന സർവമത സമ്മേളന ശതാബ്ദി സമ്മേളനം ഉദ്ഘാടനം ചെയ്ത വിക്ടോറിയൻ മുഖ്യമന്ത്രി ജസീന്ത അലന് ശിവഗിരി മഠത്തിന്റെ ഉപഹാരമായി റിസർവ് ബാങ്ക് പുറത്തിറക്കിയ ഗുരുദേവ നാണയത്തിന്റെ സെറ്റ് നൽകി. ശ്രീനാരായണ ധർമ്മസംഘം പ്രസിഡന്റ് ബ്രഹ്മശ്രീ സച്ചിദാനന്ദ സ്വാമിയും ജനറൽ സെക്രട്ടറി ശ്രീമദ്. ശുഭാംഗാനന്ദ സ്വാമികൾ ചേർന്നാണ് ഉപഹാരം കൈമാറിയത്. ഗവണ്മെന്റ് വിപ്പ് ലീ ടർലാമിസ്, ശശി തരൂർ എം. പി, ചാണ്ടി ഉമ്മൻ എം. എൽ. എ. എന്നിവർ പങ്കെടുത്തു.
പാലക്കാട് അയല്വാസികള് വെടിയേറ്റ് മരിച്ച നിലയില്; നാടന് തോക്ക് കണ്ടെത്തി
പാലക്കാട്: കല്ലടിക്കോട് അയല്വാസികളായ രണ്ടു യുവാക്കള് വെടിയേറ്റു മരിച്ച നിലയില് കണ്ടെത്തി. മൂന്നേക്കര് മരുതംകാട് സ്വദേശികളായ ബിനു, നിതിന് എന്നിവരാണ് മരിച്ചത്. നിതിനെ കൊലപ്പെടുത്തിയ ശേഷം ബിനു സ്വയം വെടിവച്ച് മരിച്ചാതാകാമെന്നാണ് പൊലീസിന്റെ പ്രാഥമിക നിഗമനം. ഇന്ന് ഉച്ചയ്ക്ക് മൂന്ന് മണിയോടെയാണ് സംഭവം. സംഭവത്തില് പൊലീസ് അന്വേഷണം ആരംഭിച്ചു.
മരുതംകോട് സര്ക്കാര് സ്കൂളീന് സമീപത്തെ റോഡിലാണ് ചോരയില് കുളിച്ച നിലയില് ബിനുവിന്റെ മൃതദേഹം കണ്ടത്തെിയത്. സമീപത്തുനിന്ന് ചോരപടര്ന്ന നാടന് തോക്കും കണ്ടെത്തി. സുഹൃത്തായ നിതിനെ വീട്ടിലാണ് മരിച്ച നിലയില് കണ്ടെത്തിയത്. തുടര്ന്ന് നാട്ടുകാര് വിവരം കല്ലടിക്കോട്ട് പൊലീസിനെ അറിയിക്കുകയായിരുന്നു.
വന്യമൃഗശല്യമുള്ള പ്രദേശമായതിനാല് ആളുകള് ഇവിടെ പൊതുവെ കുറവാണ്. നിതിന് 26 വയസ്സാണ് പ്രായം. നിതിന്റെ അമ്മ ഹോട്ടല് തൊഴിലാളിയാണ്. ബിനു ടാപ്പിങ് തൊഴിലാളിയാണ്. ഇരുവരും തമ്മില് ചില ലഹരി ഇടപാടുകളെ ചൊല്ലിയുണ്ടായ തര്ക്കമാവാം കൊലപാതകത്തിലേക്ക് നയിച്ചതെന്നാണ് പൊലീസ് പറയുന്നത്.
എംസി റോഡ് വഴി യാത്ര ചെയ്യുന്നവരുടെ ശ്രദ്ധയ്ക്ക്, പുതിയ ട്രാഫിക് നിയന്ത്രണങ്ങള് നാളെ മുതല്
തിരുവനന്തപുരം: വിവിധ ആവശ്യങ്ങള്ക്കായി റോഡുമാര്ഗം തിരുവനന്തപുരത്തേക്ക് യാത്ര ചെയ്യുന്നവര് ഏറെനാളായി എന്എച്ച് ഒഴിവാക്കി എംസി റോഡാണ് തെരഞ്ഞെടുക്കുന്നത്. പണി തുടരുന്ന ദേശീയപാതയിലെ ഗതാഗതക്കുരുക്കും പൊടിശല്യം ഉള്പ്പെടെയുള്ള റോഡിലെ അസൗകര്യങ്ങളും യാത്രക്കാരെ എംഎസി റോഡ് തെരഞ്ഞെടുക്കാന് പ്രേരിപ്പിക്കാറുണ്ട്. നിലവില് ഇരുചക്രവാഹനങ്ങള്ക്കും കാറുകള്ക്കും വെഞ്ഞാറമൂട് വഴി കടന്നുപോകാനാവും. എന്നാല് തിരക്ക് വര്ധിച്ചാല് ഇവയ്ക്കും നിയന്ത്രണം ബാധകമാകും.
എംസി റോഡില് വെഞ്ഞാറമൂട്ടില് മേല്പ്പാല നിര്മാണവുമായി ബന്ധപ്പെട്ട് പുതിയ ഗതാഗത നിയന്ത്രണങ്ങള് നിലവില് വരികയാണ്. ബുധനാഴ്ച മുതല് പുതുക്കിയ ട്രാഫിക് നിയന്ത്രണങ്ങള് നടപ്പിലാക്കുമെന്ന് അധികൃതര് അറിയിച്ചു. ഡി കെ മുരളി എംഎല്എയുടെ അധ്യക്ഷതയില് നടന്ന യോഗത്തിലാണ് പുതുക്കിയ ട്രാഫിക് നിയന്ത്രണങ്ങള് ചര്ച്ച ചെയ്തത്. ഇതുപ്രകാരം നാളെ മുതല് നടപ്പിലാക്കുന്ന നിയന്ത്രണങ്ങള് ഇപ്രകാരമാണ്.
എംസി റോഡില് വെഞ്ഞാറമൂട്ടില് മേല്പ്പാല നിര്മാണവുമായി ബന്ധപ്പെട്ട് പുതിയ ഗതാഗത നിയന്ത്രണങ്ങള് നിലവില് വരികയാണ്. ബുധനാഴ്ച മുതല് പുതുക്കിയ ട്രാഫിക് നിയന്ത്രണങ്ങള് നടപ്പിലാക്കുമെന്ന് അധികൃതര് അറിയിച്ചു. ഡി കെ മുരളി എംഎല്എയുടെ അധ്യക്ഷതയില് നടന്ന യോഗത്തിലാണ് പുതുക്കിയ ട്രാഫിക് നിയന്ത്രണങ്ങള് ചര്ച്ച ചെയ്തത്. ഇതുപ്രകാരം നാളെ മുതല് നടപ്പിലാക്കുന്ന നിയന്ത്രണങ്ങള് ഇപ്രകാരമാണ്.
കൊട്ടാരക്കരയില് നിന്നും തിരുവനന്തപുരത്തേക്ക് പോകേണ്ട കെഎസ്ആര്ടിസി ബസുകള് അമ്പലമുക്കില് നിന്ന് വെഞ്ഞാറമൂട് സ്റ്റാന്റില് എത്തി തിരിച്ച് നാഗരുകുഴി വഴി പിരപ്പന്കോടെത്തി പോകണം.
തിരുവനന്തപുരത്ത് നിന്ന് കൊട്ടാരക്കരയിലേക്ക് പോകേണ്ട കെഎസ്ആര്ടിസി ബസുകള് തൈക്കാട് സമന്വയ നഗര് തിരിഞ്ഞ് മൈത്രീ നഗറിലെത്തി ആറ്റിങ്ങല് റോഡിലേക്ക് തിരിയേണ്ടതും മുക്കുന്നുര് നിന്ന് വലത്തേക്ക് തിരിഞ്ഞ് ത്രിവേണി ജംഗ്ഷന് വഴി എം.സി റോഡിലെത്തണം.
തിരുവനന്തപുരത്തുനിന്നും പോത്തന്കോട് ഭാഗത്ത് നിന്നും വെഞ്ഞാറമൂട്ടില് എത്തേണ്ട കെഎസ്ആര്ടിസി വാഹനങ്ങള് തൈക്കാട് നിന്ന് വയ്യേറ്റ് പെട്രോള് പമ്പിന്റെ ഭാഗത്തെത്തി യാത്രക്കാരെ ഇറക്കി തിരികെ പോകണം. അതേസമയം ആറ്റിങ്ങല് – നെടുമങ്ങാട് റോഡില് വാഹന നിയന്ത്രണമില്ല. നിലവില് ഇരുചക്രവാഹനങ്ങള്ക്കും കാറുകള്ക്കും വെഞ്ഞാറമൂട് വഴി കടന്നുപോകാനാവും. എന്നാല് തിരക്ക് വര്ധിച്ചാല് ഇവയ്ക്കും നിയന്ത്രണം ബാധകമാകും.
Recent Comments