by Midhun HP News | Sep 20, 2025 | Latest News, ജില്ലാ വാർത്ത
തിരുവനന്തപുരം: തിരുവനന്തപുരം നഗരസഭയിലെ ബിജെപി കൗണ്സിലര് മരിച്ച നിലയില്. തിരുമല വാര്ഡ് കൗണ്സിലറും ബിജെപി ജില്ലാ ജനറല് സെക്രട്ടറിയുമായ തിരുമല അനില് ആണ് മരിച്ചത്. കൗണ്സിലര് ഓഫീസിനുള്ളില് തൂങ്ങി മരിച്ച നിലയില് ആയിരുന്നു അനിലിനെ കണ്ടെത്തിയത്. തിരുവനന്തപുരം നഗരത്തിലെ ബിജെപിയുടെ പ്രമുഖ നേതാവ് കൂടിയാണ് അനില്.
മൃതദേഹത്തിന് സമീപത്ത് നിന്നും കണ്ടെത്തിയ ആത്മഹത്യ കുറിപ്പില് ബിജെപി നേതൃത്വത്തിന് ഏതിരെ പരാമര്ശം ഉണ്ടെന്നാണ് വിവരം. അനില് ഭരണ സമിത അംഗമായി വലിയ ശാല ഫാം സൊസൈറ്റിയുമായി ബന്ധപ്പെട്ട സാമ്പത്തിക പ്രതിസന്ധിയില് പാര്ട്ടി പിന്തുണച്ചില്ലെന്നാണ് കുറിപ്പിലെ പരാമര്ശം എന്നാണ് വിവരം. സൊസൈറ്റിയില് പ്രശ്നമുണ്ടാപ്പോള് ഒറ്റപ്പെടുത്തി. താനും കുടുംബവും സൊസൈറ്റിയില് നിന്ന് പണവും എടുത്തിട്ടില്ല. ആറ് കോടിയോളം രൂപയൂടെ വായ്പാ ബാധ്യത സൊസൈറ്റിയുമായി ബന്ധപ്പെട്ട് ഉണ്ടെന്നാണ് റിപ്പോര്ട്ടുകള്.
സൊസൈറ്റിയില് നിക്ഷേപം സ്വീകരിച്ചതുമായി ബന്ധപ്പെട്ട് ചില പ്രശ്നങ്ങളുടെ പേരില് കഴിഞ്ഞ ദിവസം അനിലിനെ തമ്പാനൂര് പൊലീസ് വിളിപ്പിച്ചിരുന്നു. ഇതിന്റെ മാനസിക വിഷമാണ് മരണത്തിലേക്ക് നയിച്ചത് എന്നാണ് പ്രാഥമിക വിലയിരുത്തല്. എന്നാല് കഴിഞ്ഞ ദിവസങ്ങളിലും പാര്ട്ടി യോഗങ്ങളില് ഉള്പ്പെടെ സജീവമായിരുന്നു അനില് എന്നും സൊസൈറ്റിയുമായി ബന്ധപ്പെട്ട് പരിഹരിക്കാവുന്ന പ്രശ്നങ്ങള് മാത്രമാണ് ഉണ്ടായിരുന്നത് എന്നുമാണ് ബിജെപി ജില്ലാ നേതൃത്വത്തിന്റെ പ്രതികരണം.
by Midhun HP News | Sep 20, 2025 | Latest News, കായികം, ജില്ലാ വാർത്ത
ദുബൈ: അനായാസം വിജയം പ്രതീക്ഷിച്ച് കളത്തിലിറങ്ങിയ ഇന്ത്യന് ടീം ഒമാന് മുന്നില് വിറച്ചു ജയിച്ചു. ഇന്ത്യയുടെ വിജയം 21 റണ്സിനാണ്. ഈ ഏഷ്യാകപ്പിലെ ഉയര്ന്ന ടോട്ടലായ 188 റണ്സ് പിന്തുടര്ന്ന ഒമാന് ഇരുപത് ഓവറില് നാലുവിക്കറ്റ് നഷ്ടത്തില് 167 റണ്സില് അവസാനിച്ചു. ടൂര്ണമെന്റില് ഒരു മത്സരം പോലും വിജയിച്ചില്ലെങ്കിലും ഒമാന് അഭിമാനത്തോടെ തിരികെ വണ്ടി കയറാം.
വിജയത്തോടെ ഗ്രൂപ്പ് എയില് എല്ലാം മത്സരങ്ങളും വിജയിച്ച ഇന്ത്യ, ആറു പോയിന്റോടെ ഒന്നാം സ്ഥാനത്തെത്തി. ഒമാന് പട്ടികയില് അവസാനവും. 21നു പാകിസ്ഥനെതിരെയാണ് ഇന്ത്യയുടെ ആദ്യ സൂപ്പര് ഫോര് മത്സരം. മറുപടി ബാറ്റിങ്ങില്, അര്ധസെഞ്ച്വറി നേടിയ ആമിര് കലീം (46 പന്തില് 64), ഹമ്മദ് മിര്സ (33 പന്തില് 51) എന്നിവരുടെ മികച്ച ബാറ്റിങിലാണ് ഒമാന് പൊരുതിയത്.
ക്യാപ്റ്റന് ജതീന്ദര് സീങ്ങും, ആമിര് കലീമും ചേര്ന്ന് മികച്ച തുടക്കമാണ് ഒമാനു നല്കിയത്. ഇരുവരും ചേര്ന്ന് ഒന്നാം വിക്കറ്റില് 56 റണ്സ് കൂട്ടിച്ചേര്ത്തു.ഒമാന്റെ ആദ്യ വിക്കറ്റ് വീഴ്ത്താന് ഇന്ത്യയ്ക്ക് ഒന്പതാം ഓവര് വരെ കാത്തിരിക്കേണ്ടി വന്നു. ജതീന്ദര് സിങ്ങിന്റെ വിക്കറ്റ് വീഴ്ത്തി കുല്ദീപ് യാദവാണ് കൂട്ടുകെട്ട് പൊളിച്ചത്.എന്നാല് മൂന്നാമനായി ഹമ്മദ് മിര്സ എത്തിയതോടെ ഒമാന് സ്കോര് ബോര്ഡ് കുറച്ചുകൂടി വേഗത്തില് ചലിച്ചു. ഇരുവരും ചേര്ന്ന് നിശ്ചിത ഇടവേളകളില് സിക്സറുകളും ബൗണ്ടറികളും കണ്ടെത്തിയതോടെ ഒരു സമയത്ത് വന് അട്ടിമറി വരെയുണ്ടാകുമെന്ന തോന്നലുമുണ്ടായി.
ക്യാപ്റ്റന് സൂര്യകുമാര് യാദവ് ബൗളര്മാരെ മാറി മാറി പരീക്ഷിച്ചിട്ടും വിക്കറ്റ് വീഴ്ത്താനുമായില്ല. രണ്ടു സിക്സും ഏഴു ഫോറുമാണ് ആമിറിന്റെ ബാറ്റില്നിന്നു പിറന്നത്. 18ാം ഓവറില് ഹര്ഷിത് റാണയുടെ പന്തില് കിടിലന് ക്യാച്ചിലൂടെ ഹാര്ദിക് പാണ്ഡ്യ ആമിറിനെ പുറത്താക്കിയതാണ് ഒമാനു തിരിച്ചടിയായത്. തൊട്ടടുത്ത ഓവറില് മിര്സയും പുറത്തായി. രണ്ടു സിക്സും അഞ്ച് ഫോറുമാണ് മിര്സ നേടി. അവസാന ഓവറില് 34 റണ്സാണ് ഒമാനു ജയിക്കാന് വേണ്ടിയിരുന്നത്. എന്നാല് 12 റണ്സ് നേടാനെ അവര്ക്കായുള്ളൂ.
ഇന്ത്യയ്ക്കായി ഹാര്ദിക് പാണ്ഡ്യ, അര്ഷ്ദീപ് സിങ്, ഹര്ഷിത് റാണ, കുല്ദീപ് യാദവ് എന്നിവര് ഓരോ വിക്കറ്റ് വീതം വീഴ്ത്തി. അവസാന ഓവറിനെ വിനായക് ശുക്ലയെ പുറത്താക്കി അര്ഷ്ദീപ് ട്വന്റി20യില് 100 വിക്കറ്റ് നേട്ടം സ്വന്തമാക്കി. ഈ നേട്ടം സ്വന്തമാക്കുന്ന ആദ്യ ഇന്ത്യക്കാരനാണ് അര്ഷ്ദീപ് സീങ്.
ആദ്യം ബാറ്റു ചെയ്ത ഇന്ത്യ, നിശ്ചിത 20 ഓവറില് എട്ടു വിക്കറ്റ് നഷ്ടത്തില് 188 റണ്സെടുത്തു. മലയാളിത്താരം സഞ്ജു സാംസണ്ന്റെ അര്ധ സെഞ്ച്വറിയും അഭിഷേക് ശര്മയുടെയും തിലക് വര്മയുടെയും ബാറ്റിങാണ് ഇന്ത്യക്ക് ഭേദപ്പെട്ട സ്കോര് കണ്ടെത്താനായത്.
by Midhun HP News | Sep 20, 2025 | Latest News, ജില്ലാ വാർത്ത, മരണം
ആറ്റിങ്ങൽ കടുവയിൽ വെള്ളൂർക്കോണം ദിവ്യ ദീപത്തിൽ ഗോപാല കൃഷ്ണൻ നായർ (78) അന്തരിച്ചു.
ഭാര്യ: വിജയകുമാരി
മക്കൾ: സന്ദീപ്, ദീപ, ദിവ്യ
മരുമക്കൾ: കീർത്തി, രാജേഷ്, സുജിത്ത്
by Midhun HP News | Sep 20, 2025 | Latest News, ജില്ലാ വാർത്ത
ആറ്റിങ്ങൽ: തുറിച്ച് നോക്കിയെന്നാരോപിച്ച് പ്ലസ് വൺ വിദ്യാർഥിയെ ക്രൂരമായി മർദിച്ച സംഭവത്തിൽ സീനിയേഴ്സിനെതിരെ കേസെടുത്ത് പോലീസ്. പ്ലസ് ടു വിദ്യാർഥികളായ 13 പേർക്കെതിരെയാണ് ഇതുമായി ബന്ധപ്പെട്ട് കേസെടുത്തിട്ടുള്ളത്. പ്ലസ് വൺ വിദ്യാർഥിയെ സീനിയർ വിദ്യാർഥികൾ നിലത്തിട്ട് ചവിട്ടുകയും ഇടിക്കുകയും ചെയ്തുവെന്ന് ചൂണ്ടിക്കാട്ടി ആക്രമണത്തിനിരയായ വിദ്യാർഥിയുടെ മാതാപിതാക്കൾ പോലീസിൽ പരാതി നൽകി.
കടയ്ക്കാവൂർ എസ്എൻവി ഹയർ സെക്കന്ററി സ്കൂളിലെ പ്ലസ് ടു വിദ്യാർഥികളാണ് ഇതേ സ്കൂളിലെ പ്ലസ് വൺ വിദ്യാർഥിയെ ക്രൂരമായി ആക്രമിച്ചത്. ആക്രമണത്തിനിരയായ വിദ്യാർഥിയുടെ രക്ഷിതാക്കളുടെ പരാതിയിൽ കണ്ടാലറിയാവുന്ന 10 പേരും ഉൾപ്പെടെ 13 വിദ്യാർഥികൾക്കെതിരെ പോലീസ് കേസ് രജിസ്റ്റർ ചെയ്തു.
by Midhun HP News | Sep 19, 2025 | Latest News, ജില്ലാ വാർത്ത
വെഞ്ഞാറമൂട്: വാമനപുരത്ത് സ്കൂൾ ബസ് വയലിലേക്ക് മറിഞ്ഞു. അപകടത്തിൽ 11 കുട്ടികൾക്ക് നിസാര പരിക്കേറ്റു. പരപ്പാറ നോബിൾ സ്കൂളിന്റെ ബസാണ് മറിഞ്ഞത്. ബസിൽ 15 കുട്ടികൾ ഉണ്ടായിരുന്നു. വെഞ്ഞാറമൂട് പൊലീസ് സ്ഥലത്തെത്തി രക്ഷാപ്രവർത്തനം നടത്തി. കുട്ടികളുടെ പരിക്കുകൾ ഗുരുതരമല്ലെന്ന് വെഞ്ഞാറമൂട് പൊലീസ് അറിയിച്ചു. പരിക്കേറ്റ കുട്ടികളെ വാമനപുരം പിഎച്ച്സിയിൽ പ്രവേശിപ്പിച്ചു. വണ്ടി തിരിക്കാനായി പിന്നോട്ട് എടുത്തപ്പോഴാണ് അപകടം സംഭവിച്ചത്.
by Midhun HP News | Sep 19, 2025 | Latest News, ജില്ലാ വാർത്ത
തിരുവനന്തപുരം: ഐഡിബിഐ ബാങ്കിന്റെ കോർപ്പറേറ്റ് സോഷ്യൽ റെസ്പോൺസിബിലിറ്റി (CSR) പദ്ധതിയുടെ ഭാഗമായി ഹോപ്പ് സ്കീം പ്രകാരം തിരുവനന്തപുരം ഗവ. മെഡിക്കൽ കോളേജിലെ ജനറൽ മെഡിസിൻ വിഭാഗത്തിന് 3 വി.പി.എ.പി മെഷീനുകൾ കൈമാറി.
ഇന്ന് നടന്ന ചടങ്ങിൽ ഐഡിബിഐ ബാങ്ക് സീനിയർ റീജിയണൽ ഹെഡ് റോണി ജോസ്, ഐഡിബിഐ ബാങ്ക് വഴുതക്കാട് ശാഖാ മാനേജർ ലിജോ ജോൺ എന്നിവർ പങ്കെടുത്തു.
മെഡിക്കൽ കോളേജ് പ്രതിനിധികളായി ഡോ. അരുണ രാമൻ (വിഭാഗം മേധാവി) ഡോ. ജേക്കബ് ആന്റണി (പ്രൊഫസർ), ഡോ. അജിത് (അസോസിയേറ്റ് പ്രൊഫസർ), ഡോ. ശ്രീകണ്ഠൻ (പ്രൊഫസർ) എന്നിവർ സന്നിഹിതരായി. ഈ സംഭാവന മെഡിക്കൽ കോളേജിലെ ജനറൽ മെഡിസിൻ വിഭാഗത്തിലെ രോഗികൾക്ക് മികച്ച ചികിത്സാ സൗകര്യം ലഭ്യമാക്കുന്നതിന് സഹായകരമാകുമെന്ന് പ്രതീക്ഷിക്കുന്നു.
Recent Comments