by Midhun HP News | Aug 27, 2025 | Latest News, ജില്ലാ വാർത്ത
തിരുവനന്തപുരം: ഓപ്പറേഷന് ലൈഫിന്റെ ഭാഗമായി സംസ്ഥാന വ്യാപകമായി വെളിച്ചെണ്ണ ഉത്പാദന വിപണന കേന്ദ്രങ്ങളില് ഭക്ഷ്യ സുരക്ഷാ വകുപ്പ് വീണ്ടും മിന്നല് പരിശോധനകള് നടത്തിയതായി ആരോഗ്യ വകുപ്പ് മന്ത്രി വീണാ ജോര്ജ്.
7 ജില്ലകളില് നിന്നായി ആകെ 4513 ലിറ്റര് സംശയാസ്പദമായ വെളിച്ചെണ്ണ പിടികൂടി. ഒന്നര ആഴ്ച മുമ്പ് നടത്തിയ പരിശോധനകളില് 16,565 ലിറ്റര് വെളിച്ചെണ്ണ പിടികൂടിയിരുന്നു. വെളിച്ചെണ്ണയുടെ ഗുണനിലവാരം സംബന്ധിച്ച പരാതികള് ലഭിച്ചതിനെത്തുടര്ന്നാണ് ഓണക്കാല പരിശോധനകള്ക്ക് പുറമേ പ്രത്യേക പരിശോധനകള് കൂടി നടത്തിയത്. പരിശോധനകള് തുടരുമെന്ന് മന്ത്രി വ്യക്തമാക്കി.
വിവിധ ജില്ലകളിലെ അസിസ്റ്റന്റ് ഭക്ഷ്യസുരക്ഷാ കമ്മീഷണര്മാരുടെ നേതൃത്വത്തില് പ്രത്യേക സ്ക്വാഡുകളാണ് പരിശോധനകള് നടത്തിയത്. പത്തനംതിട്ട 300 ലിറ്റര്, ഇടുക്കി 107 ലിറ്റര്, തൃശൂര് 630 ലിറ്റര്, പാലക്കാട് 988 ലിറ്റര്, മലപ്പുറം 1943 ലിറ്റര്, കാസര്ഗോഡ് 545 ലിറ്റര് എന്നിങ്ങനെയാണ് സംശയാസ്പദമായ വെളിച്ചെണ്ണ പിടിച്ചെടുത്തത്.
മലപ്പുറം ചെറുമുക്കിലെ റൈസ് & ഓയില് മില്ലില് നിന്നും സമീപത്തുള്ള ഗോഡൗണില് നിന്നുമായി 735 ലിറ്റര് സംശയാസ്പദമായ വെളിച്ചെണ്ണ പിടിച്ചെടുത്തു. വയനാട് നിന്നും 2 സ്റ്റാറ്റിയൂട്ടറി സാമ്പിള് ശേഖരിച്ചെങ്കിലും സംശയാസ്പദമായ വെളിച്ചെണ്ണ കണ്ടെത്താനായില്ല. ആകെ 20 സ്റ്റാറ്റിയൂട്ടറി സാമ്പിളുകളും 3 സര്വൈലന്സ് സാമ്പിളുകളും ശേഖരിച്ചു.
by Midhun HP News | Aug 27, 2025 | Latest News, ജില്ലാ വാർത്ത
തപസ്യ സുവർണോത്സവം ആറ്റിങ്ങൽ ഫെസ്റ്റ് 2025 ആഗസ്റ്റ് 28 വൈകുന്നേരം 3.30 മുതൽ
ആറ്റിങ്ങൽ കച്ചേരി നട ഇന്നു ഓഡിറ്റോറിയത്തിൽ നടക്കും.
ഉച്ചയ്ക്ക് 2.00 മണിമുതൽ പ്രേം നസീർ ഷോർട്ട് ഫിലിം അവാർഡ് വിതരണം, പ്രാദേശിക കലാകാരന്മാർ അവതരിപ്പിക്കുന്ന സംഗീതപരിപാടി.
3.30 മുതൽ മെഗാ മ്യൂസിക് നൈറ്റ് ആദരണ സഭ, ഐഡിയ സ്റ്റാർ സിംഗർ വിജയിയായ
യദു കൃഷ്ണ, സിനിമ പിന്നണിഗായകർ എന്നിവർ പങ്കെടുക്കുന്നു.
പ്രവേശനം സൗജന്യ പാസ് മുഖേനയാണ്.
ആറ്റിങ്ങലിൽ 50 ലേറെ വർഷക്കാലമായി സേവനം നൽകുന്ന വ്യക്തികൾക്കുള്ള ആദരവ്,
ആറ്റിങ്ങൽ കലാപം എന്ന ഡോക്യുമെൻററി പ്രകാശനവും ഈ ചടങ്ങിനോട് അനുബന്ധിച്ച് നടക്കും.
by Midhun HP News | Aug 27, 2025 | Latest News, ജില്ലാ വാർത്ത
കൊടുവഴന്നൂർ: പ്രതീക്ഷ യൂത്ത് ആൻഡ് സോഷ്യൽ ഡെവലപ്പ്മെൻ്റ് സെൻ്ററിൻ്റെ നാൽപ്പതാം വാർഷികം, ഓണാഘോഷം ഇവയോടനുബന്ധിച്ചു കൈകൊട്ടിക്കളി മത്സരം സംഘടിപ്പിക്കുന്നു. 2025 സെപ്റ്റംബർ 6 അവിട്ടം നാളിൽ വൈകുന്നേരം ആറു മണി മുതൽ പ്രതീക്ഷാ ഗ്രൗണ്ടിൽ ആണ് മത്സരം നടക്കുന്നത്.
ഒന്നാം സമ്മാനം 15001 രൂപയും ട്രോഫിയും രണ്ടാം സമ്മാനം 7001 രൂപയും ട്രോഫിയും മൂന്നാം സമ്മാനം 4001 രൂപയും ട്രോഫിയും നാലാം സമ്മാനം 2001 രൂപയും ട്രോഫിയും അഞ്ചാം സമ്മാനം 1001 രൂപയും ട്രോഫിയും എന്നിങ്ങനെ വിജയികൾക്ക് സമ്മാനം ലഭിക്കും. രജിസ്ട്രേഷൻ ഫീസ് 500 രൂപയാണ്. രജിസ്ട്രേഷൻ ആരംഭിച്ചു കഴിഞ്ഞു. മൽസരത്തിൽ പങ്കെടുക്കാൻ താത്പര്യമുള്ള ടീം അംഗങ്ങൾ
8086269496, 9745679471, 9072406184 തുടങ്ങിയ നമ്പറുകളിൽ ബന്ധപ്പെടണമെന്നു പ്രതീക്ഷയുടെ ഭാരവാഹികൾ അറിയിച്ചു.
by Midhun HP News | Aug 27, 2025 | Latest News, ജില്ലാ വാർത്ത
കേരള സ്റ്റേറ്റ് ഭാരത് സ്കൗട്ട്സ് ആന്റ്ഗൈഡ്സ് ദീർഘകാല പ്രവർത്തനങ്ങൾക്ക് ഉള്ള സംസ്ഥാന അവാർഡുകൾ വിതരണം ചെയ്തു. ആറ്റിങ്ങൽ വിദ്യാഭ്യാസ ജില്ലയിൽ നിന്നും ഗൈഡ് വിഭാഗത്തിൽ ലിജിമോൾ. ബി., ഗവ.ഹയർസെക്ക സെക്കന്ററി സ്കൂൾ, ഭരതന്നൂർ, സ്കൗട്ട് വിഭാഗത്തിൽ ജി.സുന്ദരേശൻ, ഗവ.മോഡൽ ബോയ്സ് ഹയർസെക്കന്ററി സ്കൂൾ, ആറ്റിങ്ങൽ, എസ്.സതീഷ്കുമാർ, ഗവ.ഹൈസ്കൂൾ അയിലം(റിട്ട.) എന്നിവർക്ക് തിരുവനന്തപുരം ശിക്ഷക് സദനിൽ നടന്ന സംസ്ഥാന കൗൺസിലിൽ വിദ്യഭ്യാസ മന്ത്രിയും പ്രസ്ഥാനത്തിന്റെ പ്രസിഡന്റുമായ വി.ശിവൻകുട്ടി ഉദ്ഘാടനം ചെയ്ത ചടങ്ങിൽ വച്ച് കേരള പൊതു വിദ്യാഭ്യാസ ഡയറക്ടർ ഉമേഷ് എൻ. എസ്.കെ. – ഐ.എ.എസ് -ൽ നിന്നും സംസ്ഥാന സെക്രട്ടറി എൻ.കെ.പ്രഭാകരൻ അവർകളുടെ സാന്നിദ്ധ്യത്തിൽ ഏറ്റുവാങ്ങി.
by Midhun HP News | Aug 27, 2025 | Latest News, ജില്ലാ വാർത്ത, മരണം
ആറ്റിങ്ങൽ: കോരാണി കൈലാത്തുകോണം കൂത്താങ്ങൽ വിദ്യാലാന്റിൽ വിദ്യാധരൻ (73) നിര്യാതനായി.
ഭാര്യ: വത്സല.
മക്കൾ: അജിത, അരുൺ, ഷിജി.
മരുമക്കൾ: ജയകുമാർ, കുഞ്ഞുമോൻ, ജയ്സിരാജ് .
മരണാനന്തര ചടങ്ങുകൾ ഞായർ (31.08) രാവിലെ 8.30 ന്
by Midhun HP News | Aug 27, 2025 | Latest News, ജില്ലാ വാർത്ത
തിരുവനന്തപുരം: കണ്സ്യൂമര്ഫെഡിന്റെ ഓണച്ചന്തകള്ക്ക് തുടക്കമായി. 10ദിവസം നീളുന്ന ഓണച്ചന്തയുടെ സംസ്ഥാന തല ഉദ്ഘാടനം തിരുവനന്തപുരത്ത് മുഖ്യമന്ത്രി പിണറായി വിജയന് ഉദ്ഘാടനം ചെയ്തു. ജനങ്ങള്ക്ക് ആശ്വാസമേകുന്ന നടപടികളില് നിന്നും സര്ക്കാര് പിന്നോട്ടില്ലെന്ന് മുഖ്യമന്ത്രി പറഞ്ഞു. കേന്ദ്രം നമ്മെ പ്രായസത്തിലാക്കാനുള്ള നിലപാട് സ്വീകരിക്കുന്നുണ്ടെങ്കിലും, സമൃദ്ധമായ ഓണം ഉറപ്പാക്കുന്നതിനുള്ള ഇടപെടലുകളാണ് സര്ക്കാര് നടത്തിവരുന്നതെന്ന് മുഖ്യമന്ത്രി കൂട്ടിച്ചേര്ത്തു.
സംസ്ഥാനതലത്തില് 1800 കേന്ദ്രങ്ങളിലാണ് ഓണച്ചന്ത ആരംഭിക്കുന്നത്. ആന്ധ്ര ജയ അരി, കുറുവ അരി, മട്ട അരി, പച്ചരി, പഞ്ചസാര, ഉഴുന്ന്, ചെറുപയര്, കടല, തുവരപ്പരിപ്പ്, വന്പയര്, മുളക്, മല്ലി, വെളിച്ചെണ്ണ എന്നിങ്ങനെ 13 നിത്യോപയോഗ സാധനങ്ങള് സര്ക്കാര് സബ്സിഡിയോടെ പൊതുവിപണിയേക്കാള് 30 മുതല് 50 ശതമാനം വരെ വിലക്കുറവില് ഓണച്ചന്തകളില് ലഭിക്കും. വെളിച്ചെണ്ണ ഒരു ലിറ്ററിന് 339 രൂപ നിരക്കിലാണ് വില്പ്പന നടത്തുക. പഞ്ചസാര 34.65 രൂപ, ജയ അരി/ കുറുവ അരി/ കുത്തരി (8 കിലോ ) 264 രൂപ നിരക്കില് ലഭിക്കും.
തിരക്ക് ഒഴിവാക്കാന് ഉപഭോക്താക്കള്ക്ക് സമയമെഴുതിയ കൂപ്പണ് നല്കും. റേഷന് കാര്ഡ് മുഖേന നിയന്ത്രണ വിധേയമായാണ് സാധനങ്ങളുടെ വിതരണം. തിരുവനന്തപുരം 160, കൊല്ലം 167, പത്തനംതിട്ട 107, ആലപ്പുഴ 118, കോട്ടയം 114, ഇടുക്കി 84, എറണാകുളം 173, തൃശൂര് 168, പാലക്കാട് 100, മലപ്പുറം 126, കോഴിക്കോട് 170, വയനാട് 22, കണ്ണൂര് 145, കാസര്കോട് 85 എന്നിങ്ങനെയാണ് ഓണച്ചന്തകള് പ്രവര്ത്തിക്കുക.
Recent Comments