by Midhun HP News | Aug 31, 2025 | Latest News, ജില്ലാ വാർത്ത
തിരുവനന്തപുരം: ദേശീയപാതയില്‍ കഴക്കൂട്ടത്ത് വാഹനാപകടത്തില്‍ യുവാവ് മരിച്ചു. ബാലരാമപുരം സ്വദേശി ഷിബിനാണ് മരിച്ചത്. കഴക്കൂട്ടം എലിവേറ്റഡ് ഹൈവേയിലാണ് അപകടമുണ്ടായത്. നിയന്ത്രണം വിട്ട ജീപ്പ് ഹൈവേയിലെ തൂണില്‍ ഇടിച്ചാണ് അപകടമുണ്ടായത്. കാറിലുണ്ടായിരുന്ന ഒരു യുവതിയുടെ അടക്കം രണ്ടുപേരുടെ നില ഗുരുതരമാണ്. റേസിങ്ങിനിടെയാണ് അപകടമുണ്ടായതെന്ന് സംശയമുള്ളതായി റിപ്പോര്‍ട്ടുകളുണ്ട്. കാർ ഓടിച്ചിരുന്നയാളാണ് മരിച്ചത്.
രജനീഷ് (27) മാരായമുട്ടം, ഷിബിൻ (28) ബാലരാമപുരം, കിരൺ (29) പോങ്ങുംമൂട്, അഖില CVR പുരം (28), ശ്രീലക്ഷ്മി കൈമനം (23) എന്നിവരാണ് വാഹനത്തിൽ ഉണ്ടായിരുന്നത്. രാത്രി 12 മണിയോടെയാണ് അപകടം നടന്നത്. ഇവർ മദ്യലഹരിയിലായിരുന്നതായിട്ടാണ് വിവരം ലഭിച്ചത്.
by Midhun HP News | Aug 31, 2025 | Latest News, ജില്ലാ വാർത്ത
ഓണാഘോഷങ്ങളിൽ വ്യത്യസ്ത പുലർത്തി ജി വി എച്ച് എസ് എസ് വക്കം. യു പി, എച്ച് എസ്, എച്ച് എസ് എസ് വിഭാഗങ്ങളിൽ നിന്നും 75 ൽ പരം കുട്ടികൾ പങ്കെടുത്ത പരമ്പരാഗത വസ്ത്രങ്ങൾ ധരിച്ച ഫാഷൻ ഷോ ഓണാഘോഷ പരിപാടികളിൽ ഏറെ ശ്രെദ്ധ നേടി.
by Midhun HP News | Aug 30, 2025 | Latest News, ജില്ലാ വാർത്ത
ആറ്റിങ്ങൽ: ഓണം സ്പെഷ്യൽ ഡ്രൈവിന്റെ ഭാഗമായി ആറ്റിങ്ങലിൽ സംയുക്ത വാഹന പരിശോധന പോലീസ്, എക്സൈസ്, മോട്ടോർ വെഹിക്കിൾ, ജി.എസ്.ടി വകുപ്പ് ഉദ്യോഗസ്ഥരുടെ നേതൃത്വത്തിലാണ് സംയുക്തമായി വാഹന പരിശോധന നടത്തിയത്.
ദേശീയപാതയിൽ ആലംകോട് കേന്ദ്രീകരിച്ച് ശനിയാഴ്ച പുലർച്ചയാണ് പരിശോധന നടന്നത്. വിവിധ നിയമലംഘനങ്ങളുമായി ബന്ധപ്പെട്ട് 3 ലക്ഷത്തിൽ പരം രൂപ പിഴച്ചുമത്തുകയും ചെയ്തു. ഓണവിപണി ലക്ഷ്യമായിട്ടുള്ള ലഹരി വസ്തുക്കളുടെ കടത്തൽ, അനധികൃത നികുതി വെട്ടിപ്പും വാണിജ്യ സാധനങ്ങളുടെ അനധികൃത കടത്തലും തുടങ്ങിയ വ്യത്യസ്ത നിയമലംഘനങ്ങൾ കണ്ടെത്തുവാൻ വേണ്ടിയാണ് വിവിധ വകുപ്പുകളുടെ നേതൃത്വത്തിൽ ഏകീകൃത പരിശോധന നടന്നത്.
ഈ സമയം ദേശീയപാതയിലൂടെ ഇരുഭാഗത്തേയും കടന്നുപോയ വാഹനങ്ങളെല്ലാം പരിശോധനയ്ക്ക് വിധേയമാക്കി. ഇതിനിടയിലാണ് വിവിധ നിയമലംഘനങ്ങൾ കണ്ടെത്തുകയും 3 ലക്ഷത്തിൽപരം രൂപ പിഴച്ചുമത്തുകയും ചെയ്തത്. ഇതുമായി ബന്ധപ്പെട്ട് കേസുകളും റെജിസ്റ്റർ ചെയ്തിട്ടുണ്ട്.
by Midhun HP News | Aug 30, 2025 | Latest News, ജില്ലാ വാർത്ത
ലയൺസ്‌ ക്ലബ്സ് ഇന്റർനാഷണൽ ഡിസ്ട്രിക്ട് 318A യുടെ (പാറശ്ശാല മുതൽ ഹരിപ്പാട് വരെ) ഓണക്കിറ്റ് വിതരണത്തിന്റെ ഉദ്ഘാടനം ആറ്റിങ്ങൽ ലയൺസ്‌ ക്ലബ്ബിൽ നടന്നു. ലയൺ ആറ്റിങ്ങൽ പ്രകാശ് അധ്യക്ഷൻ ആയ ചടങ്ങിൽ ഡിസ്ട്രിക്ട് ഗവർണ്ണർ ജെയിൻ സി ജോബ്, ഭിന്നശേഷി കുട്ടികൾക്ക് നൽകുവാനായി കിറ്റുകൾ ബി ആർ സി ഭാരവാഹികൾക്ക് കൈമാറി ഉദ്ഘാടനം നിർവഹിച്ചു. ആറ്റിങ്ങൽ ലയൺസ്‌ ക്ലബ് മെമ്പർമാരാണ് അവർക്ക് കിറ്റുകൾ സ്പോൺസർ ചെയ്തത് .
ഡിസ്ട്രിക്ടിൽ 6000 കിറ്റുകളാണ് 30 ലക്ഷം രൂപ ചിലവിൽ ലയൺസ്‌ വിതരണം ചെയ്യുന്നത്. ക്ലബ് സെക്രട്ടറി ഡോ. ബിജു എ നായർ, ഡിസ്ട്രിക്ട് ഭാരവാഹികളായ സിക്സ്റ്റസ് ലൂയിസ്, ബാലഗോപാൽ, പ്രകാശ് വർക്കല മറ്റ്‌ ക്ലബ് മെമ്പർമാർ ചടങ്ങിൽ പങ്കെടുത്തു.
by Midhun HP News | Aug 30, 2025 | Latest News, ജില്ലാ വാർത്ത
വിശാഖപട്ടണം: ഹൈദരാബാദ്, ചെന്നൈ, അമരാവതി, ബെംഗളൂരു നഗരങ്ങളെ ബന്ധിപ്പിച്ച് ബുള്ളറ്റ് ട്രെയിന്‍ പദ്ധതി ഒരുങ്ങുന്നതായി ആന്ധ്രാപ്രദേശ് മുഖ്യമന്ത്രി എന്‍ ചന്ദ്രബാബു നായിഡു. വിശാഖപട്ടണത്ത് നടന്ന ഇന്ത്യ ഭക്ഷ്യ ഉല്‍പ്പാദന ഉച്ചകോടി 2025 നെ അഭിസംബോധന ചെയ്തുകൊണ്ട് സംസാരിക്കുന്നതിനിടെയാണ് ആന്ധ്രാപ്രദേശ് മുഖ്യമന്ത്രിയുടെ പ്രഖ്യാപനം. ബുള്ളറ്റ് ട്രെയിൻ പദ്ധതിയ്ക്കായുള്ള സര്‍വേ നടന്നുവരികയാണെന്നും ആന്ധ്രാപ്രദേശ് മുഖ്യമന്ത്രി അറിയിച്ചു.
പ്രധാന ദക്ഷിണേന്ത്യന്‍ നഗരങ്ങളെ ബന്ധിപ്പിക്കുന്ന ബുള്ളറ്റ് ട്രെയിന്‍ പദ്ധതി യാഥാര്‍ഥ്യമാകാന്‍ പോവുകയാണ്. അതിനായുള്ള സര്‍വേ പുരോഗമിക്കുകയാണ്. ഹൈദരാബാദ്, ചെന്നൈ, അമരാവതി, ബെംഗളൂരു എന്നീ നാല് നഗരങ്ങളെ ബുള്ളറ്റ് ട്രെയിന്‍ ബന്ധിപ്പിക്കും. രാജ്യത്തെ അഞ്ച് കോടിയില്‍ പരം ജനങ്ങളെ പരസ്പരം ബന്ധിപ്പിക്കുന്ന വിധത്തിലാണ് പദ്ധതി ഒരുങ്ങുന്നത്. മേഖല ലോകത്തിലെ ഏറ്റവും വലിയ ക്ലസ്റ്ററും ഏറ്റവും വലിയ വിപണിയുമാക്കി മാറ്റുമെന്നും അദ്ദേഹം അവകാശപ്പെട്ടു.
അതേസമയം, മുംബൈ-അഹമ്മദാബാദ് ഹൈ സ്പീഡ് ട്രെയിന്‍ കോറിഡോറിന്റെ ഭാഗമായ ബുള്ളറ്റ് ട്രെയിന്‍ പദ്ധതി പുരോഗമിക്കുകയാണെന്ന് കഴിഞ്ഞ ദിവസം റെയില്‍വേ മന്ത്രാലയം അറിയിച്ചിരുന്നു. പദ്ധതിയുടെ സ്റ്റേഷനുകള്‍ പൂര്‍ത്തീകരണത്തിലേക്ക് അടുക്കുകയാണെന്നായിരുന്നു റെയില്‍വേയുടെ അറിയിപ്പ്. മുംബൈ-അഹമ്മദാബാദ് ബുള്ളറ്റ് ട്രെയിന്‍ പദ്ധതിയുടെ ഭാഗമായ ഗുജറാത്തിലെ വഡോദര ജില്ലയിലെ വിശ്വാമിത്രി നദിയിലെ പാലം പൂര്‍ത്തിയായതായി ഇന്ത്യന്‍ റെയില്‍വേ ഓഗസ്റ്റ് 6 ന് അറിയിച്ചിരുന്നു. പിന്നാലെയാണ് സ്റ്റേഷനുകള്‍ സംബന്ധിച്ച പ്രതികരണം പുറത്തുവരുന്നത്. ആധുനിക സൗകര്യങ്ങള്‍, സാംസ്‌കാരിക പൈതൃകം, തടസ്സമില്ലാത്ത കണക്റ്റിവിറ്റി, പരിസ്ഥിതി സൗഹൃദമായ സവിശേഷതകള്‍ എന്നിവ സംയോജിപ്പിച്ചാണ് പദ്ധതി ഒരുങ്ങുന്നത് എന്നും ഇന്ത്യന്‍ റെയില്‍വെ വ്യക്തമാക്കിയിരുന്നു.
by Midhun HP News | Aug 30, 2025 | Latest News, ജില്ലാ വാർത്ത
കിളിമാനൂരിൽ വ്യാപാരസ്ഥാപനത്തിന് തീപിടിച്ച് വൻ നാശനഷ്ടം. കിളിമാനൂർ കാനറ ബാങ്ക് സമീപം പൊന്നൂസ് ഫാൻസി എന്ന സ്ഥാപനത്തിലാണ് തീപിടുത്തം ഉണ്ടായത്. ഇന്നലെ രാത്രി 11:30 മണിയോടെ കെട്ടിടത്തോട് ചേർന്നുള്ള ബാങ്കിലെ സെക്യൂരിറ്റി ജീവനക്കാരനാണ് പുക ഉയരുന്നത് ആദ്യം കണ്ടത്. തുടർന്ന് വെഞ്ഞാറമൂട് ഫയർഫോഴ്സിനെ വിവരം അറിയിക്കുകയായിരുന്നു. സ്ഥലത്തെത്തിയ ഫയർഫോഴ്സും, നാട്ടുകാരും പോലീസും ചേർന്നാണ് തീ കെടുത്തിയത്.
പരപ്പിൽ സ്വദേശി വിജയകുമാറിന്റെ ഉടമസ്ഥതയിലുള്ള ഫാൻസി സ്റ്റോറിന്റെ പുറകുവശത്തെ ഗോഡൗണിലാണ് ആദ്യം തീ പിടിച്ചത്. ഓണക്കച്ചവടത്തിനായി 15 ലക്ഷം രൂപയുടെ സാധനങ്ങൾ ഗോഡൗണിൽ സൂക്ഷിച്ചിരുന്നു. ഏകദേശം 25 ലക്ഷം രൂപയുടെ നഷ്ടം സംഭവിച്ചതായി കടയുടമ പറഞ്ഞു. ഷോർട്ട് സർക്യൂട്ടാണ് തീപിടുത്തത്തിന് കാരണമായത് എന്നതാണ് പ്രാഥമിക നിഗമനം.
Recent Comments