by Midhun HP News | Jul 16, 2026 | Latest News, ജില്ലാ വാർത്ത, സിനിമ
സിനിമയ്ക്കപ്പുറമുള്ള സൗഹൃദം കാത്തുസൂക്ഷിക്കുന്നവരാണ് ധ്യാൻ ശ്രീനിവാസനും അജു വർഗീസും. ഇരുവരും ഒന്നിച്ചുള്ള നിമിഷങ്ങളെല്ലാം എല്ലാവരും ആഘോഷമാക്കാറുണ്ട്. ഇപ്പോഴിതാ ധ്യാനിനെക്കുറിച്ച് ഒരു വേദിയിൽ അജു പറഞ്ഞ വാക്കുകളാണ് ശ്രദ്ധേയമാകുന്നത്. “ശ്രീനിവാസൻ സാറിന്റെ ഏറ്റവും മികച്ച തിരക്കഥ അത് ധ്യാൻ ശ്രീനിവാസൻ മാത്രമാണ്. അതിലൊന്നും എനിക്കിപ്പോൾ പറയാനില്ല.
അദ്ദേഹത്തിന്റെ അതേ നർമങ്ങളും ആക്ഷേപ ഹാസ്യവും ഒക്കെയായി ധ്യാൻ ആ പാരമ്പര്യം തുടരുന്നത് കാണുമ്പോൾ ഒരു സുഹൃത്ത് എന്ന നിലയിൽ എനിക്ക് സന്തോഷം മാത്രമേ ഉള്ളൂ. ധ്യാനിന്റെ എനിക്കേറ്റവും ഇഷ്ടമുള്ള ഒരു കാര്യം, അദ്ദേഹമാണ് യഥാർഥ സോഷ്യലിസ്റ്റ്. സോഷ്യലിസ്റ്റ് മനോഭാവം ജീവിതത്തിൽ കൊണ്ടു നടക്കുന്ന ഞാൻ കണ്ടിട്ടുള്ള ഒരേ ഒരാൾ ധ്യാൻ ശ്രീനിവാസനാണ്.
അത് ഇനിയും തുടരാൻ അദ്ദേഹത്തിന് സാധിക്കട്ടെ. അമ്മ എന്ന സംഘടനയിലെ വിശേഷങ്ങൾ പറഞ്ഞതു കൊണ്ട് പറയുകയാണ്. എന്റെ അഭിപ്രായത്തിൽ ധ്യാൻ പറഞ്ഞ കാരണങ്ങൾ കൊണ്ട് തന്നെയാണ് അദ്ദേഹം അമ്മയുടെ തലപ്പത്ത് വന്നാൽ നന്നാകുമെന്ന് ഞങ്ങൾക്കൊക്കെ തോന്നിയത്. വേറൊന്നും കൊണ്ടല്ല, അതിൽ നടക്കുന്നതൊക്കെ വിളിച്ചു പറയും.
അപ്പോൾ നിങ്ങൾക്ക് വേറെ സാധ്യതകളൊന്നും വേണ്ട കാര്യങ്ങളറിയാൻ. അതുകൊണ്ടാണ് ഞാൻ പറഞ്ഞത്. പിന്നെ അത് നോക്കാൻ പുള്ളിക്ക് വലിയ താല്പര്യമൊന്നുമുണ്ടാകില്ല. അപ്പോൾ കൃത്യമായിട്ട് ഇടവേള ചേട്ടനെയൊക്കെ ഏല്പിച്ച് നമ്മൾ കാര്യങ്ങൾ നടത്തും. വീട്ടിലിരുന്ന് സംസാരിക്കുമ്പോൾ നമ്മളാണല്ലോ എല്ലാം.
അങ്ങനെ പറയുന്ന തമാശകളൊക്കെയാണ്. പിന്നെ ഒരു കാര്യം എനിക്ക് മനസിലായി, ഇനി തമിഴ്നാട്ടിലോട്ട് കേറാൻ പറ്റൂല. അതുകൊണ്ട് എന്റെ പൊന്ന് സിഎം വിജയ് സാർ, എൻ നൻപന്ക്ക് പൈത്ത്യം. അതുകൊണ്ട് എനിക്കൊന്നും ചെയ്യാൻ പറ്റില്ല. നിങ്ങളെന്നോട് ക്ഷമിക്കണം. നന്ദി”. – അജു വർഗീസ് പറഞ്ഞു. അജുവിന്റെ വാക്കുകൾ വേദിയിൽ വലിയ പൊട്ടിച്ചിരിക്കാണ് വഴിയൊരുക്കിയത്.
by Midhun HP News | Jul 16, 2026 | Latest News, ജില്ലാ വാർത്ത
മലയാളികളുടെ പ്രിയകഥാകാരൻ എം ടി വാസുദേവൻ നായരുടെ ജന്മദിനത്തിൽ കിഴുവിലം, ജി.വി.ആർ. എം യു .പി .എസ് വിദ്യാർഥികൾ സ്കൂൾ മുറ്റത്തെ എം.ടി സ്മൃതിവനത്തിൽ കഥാപാത്രങ്ങളായി വേഷമിട്ടു. ഒരു വർഷത്തിനുമുൻപ്
സ്കൂൾ ഗ്രൗണ്ടിൽ നിർമ്മിച്ച പാർക്കിൽ എം.ടിയുടെ പ്രമുഖ കഥാപാത്രങ്ങളെ ഓർമ്മമരങ്ങളായി നട്ടുവളർത്തിയാണ്
എം.ടി സ്മൃതിവനം തയ്യാറാക്കിയത്. ഇവിടെയാണ് കുട്ടികൾ പ്രിയകഥാകാരൻ്റെ കഥാപാത്രങ്ങളായി വേഷമിട്ട് പ്രധാന സംഭാഷണങ്ങൾ അവതരിപ്പിച്ചത്.
ജന്മദിനാചരണത്തിൻ്റെ ഭാഗമായി നടന്ന ചടങ്ങ് കവിയും ഗാനരചയിതാവുമായ രാധാകൃഷ്ണൻ കുന്നുംപുറം ഉദ്ഘാടനം ചെയ്തു. പി. ടി. എ പ്രസിഡന്റ് ശ്യം കൃഷ്ണ അധ്യക്ഷനായ ചടങ്ങിൽ പ്രഥമധ്യാപിക ശ്രീജ സ്വാഗതം പറഞ്ഞു. മൂന്നാം വാർഡ് മെമ്പർ രഞ്ജിത്ത്, എസ്. ആർ. ജി കൺവീനർ രഞ്ജുഷ എന്നിവർ ആശംസ അർപ്പിച്ച ചടങ്ങിൽ വിദ്യാരംഗം കൺവീനർ ശ്രീശേഖർ നന്ദി രേഖപെടുത്തി.
by Midhun HP News | Jul 16, 2026 | Latest News, ജില്ലാ വാർത്ത, മരണം
ആറ്റിങ്ങൽ: പാർവ്വതീ പുരം ഗ്രാമം ദീപാ ഭവനിൽ (പി.ആർ.എ:3 എ) എ. സുദർശനൻ (72) (എ.എസ് ബേക്കറി, പാലസ് റോഡ്) അന്തരിച്ചു.
ഭാര്യ: എൻ സുജാത.
മക്കൾ: എസ് ദീപ, എസ് ദിവ്യ (ഐ.റ്റി, ബാംഗ്ലൂർ).
മരണാനന്തര ചടങ്ങുകൾ ജൂലൈ 31 വെള്ളിയാഴ്ച രാവിലെ 11.30ന്.
by Midhun HP News | Jul 16, 2026 | Latest News, ജില്ലാ വാർത്ത
അന്തരിച്ച മുതിർന്ന മാധ്യമപ്രവർത്തകൻ ഡി ശിവദാസൻ, അനുസ്മരണയോഗം സംഘടിപ്പിച്ചു. കായിക്കര ആശാൻസ്മാരക ഓപ്പൺ ഓഡിറ്റോറിയത്തിൽ സംഘടിപ്പിച്ച പരിപാടിയുടെ ഉദ്ഘാടനം പൊതുപ്രവർത്തകനും സാംസ്കാരിക പ്രവർത്തകനുമായ വക്കം സുകുമാരൻ നിർവ്വഹിച്ചു.
യോഗത്തിൽ, നാടക കഥാകൃത്തും സംവിധായകനുമായ കടയ്ക്കാവൂർ അജയബോസ്, ആശാൻസ്മാരക അസോസിയേഷൻ ഭാരവാഹി ജെയിൻ വക്കം, സിപിഎം അഞ്ചുതെങ്ങ് ലോക്കൽ കമ്മറ്റി സെക്രട്ടറി എസ് പ്രവീൺചന്ദ്ര, ഇന്ത്യൻ നാഷണൽ കോൺഗ്രസ് അഞ്ചുതെങ്ങ് മണ്ഡലം കമ്മറ്റി പ്രസിഡന്റ് ഷെറിൻജോൺ, ബിജെപി അഞ്ചുതെങ്ങ് പഞ്ചായത്ത് കമ്മറ്റി പ്രസിഡന്റ് അഞ്ചുതെങ്ങ് സജൻ തുടങ്ങിയവർ അദ്ദേഹത്തെ അനുസ്മരിച്ചു. ജഗത്ത് കായിക്കര നന്ദി പറഞ്ഞു.
by Midhun HP News | Jul 15, 2026 | Latest News, ജില്ലാ വാർത്ത
തിരുവനന്തപുരം: വിഴിഞ്ഞം തുറമുഖ പദ്ധതി പൂര്ത്തിയാക്കാന് വൈകിയതിനു അദാനി പോര്ട്ട് സര്ക്കാരിനു നല്കേണ്ട 219 കോടി പിഴ പിണറായി വിജയന് സര്ക്കാര് ഒഴിവാക്കി കൊടുത്തുവെന്ന് മുഖ്യമന്ത്രി വിഡി സതീശന്. എന്നിട്ടാണ് ഈ സര്ക്കാരിനെ അധിക്ഷേപിക്കുന്നത്. കണ്സഷന് കരാര് ഭേദഗതി ചെയ്ത് അഞ്ചു വര്ഷത്തേക്കു നീട്ടിക്കൊടുത്തത് ഇടതു സര്ക്കാരാണ്. കേരളതാല്പ്പര്യം ഹനിക്കുന്ന ഒരു നടപടിയും സര്ക്കാരിന്റെ ഭാഗത്തുനിന്നും ഉണ്ടാകില്ലെന്നും മുഖ്യമന്ത്രി പറഞ്ഞു.
വിഴിഞ്ഞം തുറമുഖ പദ്ധതിയുടെ 49 ശതമാനം ഓഹരികള് എംഎസ്സിക്ക് കൈമാറാനുള്ള നിര്ദ്ദേശം ‘വലിയ ഇടപാടിന്റെ’ ഭാഗമാണെന്ന സിപിഎമ്മിന്റെ ആരോപണം മുഖ്യമന്ത്രി തള്ളി. അദാനി വിഴിഞ്ഞം പോര്ട്ട് പ്രൈവറ്റ് ലിമിറ്റഡ് (AVPPL) മെഡിറ്ററേനിയന് ഷിപ്പിംഗ് കമ്പനിക്ക് ഓഹരി കൈമാറാന് നിര്ദ്ദേശിച്ച കാര്യത്തില് സര്ക്കാര് ഇതുവരെ ഒരു തീരുമാനവും എടുത്തിട്ടില്ല. ചീഫ് സെക്രട്ടറിയുടെ നേതൃത്വത്തിലുള്ള ഉന്നതാധികാര സമിതി വിഷയം പരിശോധിച്ച് വരികയാണെന്നും മുഖ്യമന്ത്രി വ്യക്തമാക്കി.
ഇതൊരു വലിയ ഇടപാടാണെന്നൊക്കെ സിപിഎം ഇപ്പോള് പറഞ്ഞു കൊണ്ടിരിക്കുകയാണ്. ഞങ്ങള് ഒന്നും ചെയ്തിട്ടില്ല. ഞങ്ങള് യാതൊരു തീരുമാനവും എടുത്തിട്ടില്ല. കേരളത്തിന്റെ താല്പ്പര്യങ്ങള് പൂര്ണ്ണമായും സംരക്ഷിക്കപ്പെടുന്നുണ്ടെന്ന് ഉറപ്പാക്കിയ ശേഷമേ സംസ്ഥാന സര്ക്കാര് തീരുമാനമെടുക്കൂ എന്ന് മുഖ്യമന്ത്രി പറഞ്ഞു. പദ്ധതിയുടെ യഥാര്ത്ഥ സമയപരിധി കഴിഞ്ഞതിന് ശേഷം മുന് സര്ക്കാര് കണ്സഷന് കരാറില് ഭേദഗതി വരുത്തിയതായി വിഡി സതീശന് ആരോപിച്ചു.
കണ്സഷന് കരാര് പ്രകാരം വിഴിഞ്ഞം പദ്ധതി 2019-ല് പൂര്ത്തിയാക്കേണ്ടതായിരുന്നു. എന്നാല് അത് പൂര്ത്തിയായില്ല. അത് 2024-ലെങ്കിലും പൂര്ത്തിയാക്കേണ്ടതായിരുന്നു. പകരം, ഇടതു സര്ക്കാര് കണ്സഷന് കരാറില് ഭേദഗതി വരുത്തി അഞ്ച് വര്ഷത്തെ നീട്ടിനല്കല് അനുവദിച്ചു. ആ നീട്ടി നല്കലിലൂടെ കണ്സഷന് കാലാവധി 40 വര്ഷത്തില് നിന്ന് 45 വര്ഷമായി വര്ദ്ധിച്ചു.’ മുഖ്യമന്ത്രി പറഞ്ഞു.
കണ്സഷന് കരാര് എന്താണ് പറയുന്നത്?
പദ്ധതി വൈകിപ്പിച്ചാല് അവര് പ്രതിദിനം 12 ലക്ഷം രൂപ വീതം നല്കണം എന്നാണ്. അഞ്ച് വര്ഷത്തെ കാലതാമസം കാരണം വ്യവസ്ഥ പ്രകാരം അദാനി കമ്പനി സര്ക്കാരിലേക്ക് അടയ്ക്കേണ്ട തുക 219 കോടി രൂപയായിരുന്നു. അതിന്റെ ഒരു രൂപ പോലും ഇല്ലാാതെ മുഴുവന് തുകയും എല്ഡിഎഫ് സര്ക്കാര് ഒഴിവാക്കിക്കൊടുത്തു. രണ്ട് ഘട്ടങ്ങളായാണ് അവര് അത് ഒഴിവാക്കിയത്.’ മുഖ്യമന്ത്രി ആരോപിച്ചു.
‘അത് എന്ത് തരത്തിലുള്ള ഇടപാടായിരുന്നു? 219 കോടി രൂപ സര്ക്കാരിലേക്ക് ലഭിക്കേണ്ടിയിരുന്ന നഷ്ടപരിഹാരമായിരുന്നു. കരാര് വ്യവസ്ഥ പ്രകാരം, കാലതാമസത്തിന് പ്രതിദിനം 12 ലക്ഷം രൂപ വെച്ച് അഞ്ച് വര്ഷത്തേക്ക്, അതായത് 1,825 ദിവസത്തേക്ക് 12 ലക്ഷം രൂപ കൊണ്ട് ഗുണിച്ചാല് അത് 219 കോടി രൂപയാകും. അവര് ആ തുക സര്ക്കാരിന് നല്കേണ്ടതായിരുന്നു.’ മുഖ്യമന്ത്രി പറഞ്ഞു.
റിപ്പോര്ട്ട് ഡിജിപിക്ക് മുന്നിലാണ്
ആലപ്പുഴയില് യൂത്ത് കോണ്ഗ്രസ് പ്രവര്ത്തകരെ മുന് മുഖ്യമന്ത്രി പിണറായി വിജയന്റെ ഗണ്മാന്മാര് മര്ദ്ദിച്ച രക്ഷാപ്രവര്ത്തന കേസ് അട്ടിമറിയില് എഡിജിപി എംആര് അജിത് കുമാറിനെതിരായ നടപടി വൈകുന്നതില് മുഖ്യമന്ത്രി വിഡി സതീശന് സാങ്കേതിക വാദം നിരത്തി. റിപ്പോര്ട്ട് ഡിജിപിക്ക് മുന്നിലാണ്. സര്ക്കാരിന് മുന്നിലെത്തിയിട്ടില്ല. ആഭ്യന്തരമന്ത്രിക്കും മുഖ്യമന്ത്രിക്കും റിപ്പോര്ട്ട് ലഭിച്ചിട്ടില്ല. കിട്ടാത്ത റിപ്പോട്ടിന്റെ അടിസ്ഥാനത്തില് ആഭ്യന്തരമന്ത്രിക്കും മുഖ്യമന്ത്രിക്കും നടപടി എടുക്കാനാകില്ല. ‘എംആര് അജിത് കുമാറിന്റെ കേസില് പല കാരണം കൊണ്ടും പലര്ക്കും പല ധൃതിയും ഉണ്ടാകും. പക്ഷേ നടപടി ക്രമം തീരണം. അജിത് കുമാറിനെതിരെ നടപടി എടുക്കേണ്ടത് മാധ്യമങ്ങള് അല്ല. മാധ്യമങ്ങള് നടപടി എടുക്കുമ്പോള് അറിഞ്ഞാല് മതിയെന്നും മുഖ്യമന്ത്രി വിഡി സതീശന് പറഞ്ഞു.
by Midhun HP News | Jul 15, 2026 | Latest News, ജില്ലാ വാർത്ത, മരണം
ആറ്റിങ്ങൽ: ആറ്റിങ്ങൽ അവനവഞ്ചേരി ഗ്രാമത്തുമുക്ക് സാനഡു വീട്ടിൽ ഷെർലി ഡിക്രൂസ് (72) അന്തരിച്ചു.
ഭർത്താവ്: റൊണാൾഡ് ഡിക്രൂസ് (മുൻ ആറ്റിങ്ങൽ ഗവൺമെന്റ് കോളേജ് അധ്യാപകൻ)
മക്കൾ: ഡോണ നോർബെർട്ട്, സോണ ജാക്സൺ
മരുമക്കൾ: നോർബർട്ട് ഫ്രാൻസിസ്, ജാക്സൺ ഗോമസ് (മുൻ ആറ്റിങ്ങൽ കെ എസ് ഇ ബി ഉദ്യോഗസ്ഥൻ)
ആദ്യ മാസ അനുസ്മരണ ബലി ഓഗസ്റ്റ് 12 നു ആറ്റിങ്ങൽ നല്ലയിടയൻ ദേവാലയത്തിൽ വെച്ച് രാവിലെ 11 മണിക്ക് നടക്കും.
Recent Comments