പ്ലസ് വൺ പ്രവേശനം ഇന്നുമുതൽ; അലോട്ട്മെന്റ് ലഭിച്ചവർക്ക് വ്യാഴാഴ്ച വരെ അഡ്മിഷൻ; അറിയേണ്ടതെല്ലാം

by Midhun HP News | Jun 3, 2025 | Latest News, ജില്ലാ വാർത്ത

തിരുവനന്തപുരം: പ്ലസ് വണ്‍ പ്രവേശനത്തിന് ആദ്യ അലോട്ട്‌മെന്റില്‍ പേരുള്ള വിദ്യാര്‍ത്ഥികള്‍ക്ക് അതത് സ്‌കൂളുകളില്‍ ഇന്നു മുതല്‍ പ്രവേശനം നേടാം. ഇന്നു മുതല്‍ ജൂണ്‍ 5 (വ്യാഴാഴ്ച) വൈകീട്ട് അഞ്ചു വരെയാണ് വിദ്യാര്‍ത്ഥികള്‍ക്ക് പ്രവേശനം നേടാനുള്ള സമയപരിധി. അലോട്ട്മെന്റിനെ കുറിച്ചുള്ള വിവരങ്ങള്‍ ഹയര്‍ സെക്കന്‍ഡറി പ്രവേശനത്തിനായുള്ള വെബ്സൈറ്റില്‍ (hscap.kerala.gov.in) ലോഗിന്‍ ചെയ്താല്‍ അറിയാം.

ഇന്നലെ വൈകീട്ടാണ് ആദ്യ അലോട്ട്‌മെന്റ് പ്രസിദ്ധീകരിച്ചത്. അലോട്ട്മെന്റ് ലഭിച്ച വിദ്യാര്‍ത്ഥികള്‍ വെബ്സൈറ്റില്‍ നിന്ന് അലോട്ട്മെന്റ് ലെറ്റര്‍ ഡൗണ്‍ലോഡ് ചെയ്ത് പ്രിന്റെടുക്കണം. അലോട്ട്മെന്റ് ലെറ്ററും മതിയായ സര്‍ട്ടിഫിക്കറ്റുകളുമായി രക്ഷകര്‍ത്താവിനൊപ്പം അലോട്ട്മെന്റ് ലഭിച്ച സ്‌കൂളിലെത്തി വിദ്യാര്‍ത്ഥികള്‍ക്ക് അഡ്മിഷനെടുക്കാം.

അഡ്വൈസ് മെമ്മോ ഡിജിറ്റലായി വരും; പി എസ് സി നിയമന ശുപാർശ ഇനി ഓൺലൈനിലൂടെ

by Midhun HP News | Jun 3, 2025 | Latest News, ജില്ലാ വാർത്ത

തിരുവനന്തപുരം: പി എസ് സി വഴിയുള്ള എല്ലാ നിയമന ശുപാർശകളും ഇനി ഓൺലൈൻ വഴിയാക്കുന്നു. ജൂലൈ ഒന്നു മുതലാണ് ഇതു പ്രാബല്യത്തിൽ വരിക. അടുത്ത മാസം ഒന്നു മുതൽ നിയമന ശുപാർശകൾ ഉദ്യോഗാർത്ഥികളുടെ പ്രൊഫൈലിൽ ലഭ്യമാക്കാനാണ് പബ്ലിക് സർവീസ് കമ്മീഷൻ തീരുമാനിച്ചിട്ടുള്ളത്.

ക്യൂ ആർ കോഡ് ഉൾപ്പെടുത്തി സുരക്ഷിതമാക്കിയ നിയമന ശുപാർശകളാണ് ലഭ്യമാക്കുക. ഉദ്യോഗാർത്ഥികൾക്ക് തങ്ങളുടെ പ്രൊഫൈലിൽ പ്രവേശിച്ചാൽ ഇത് ലഭ്യമാകും. അഡ്വൈസ് മെമ്മോ ലഭിക്കുന്ന ഉദ്യോഗാർത്ഥികളുടെ രജിസ്റ്റർ ചെയ്ത മൊബൈൽ ഫോണിലേക്ക് ഇതോടൊപ്പം എസ് എം എസ് സന്ദേശം കൂടി നൽകും. റാങ്ക് ലിസ്റ്റിൽ ഉൾപ്പെട്ട ഉദ്യോഗാർത്ഥികൾക്ക് അയക്കുന്ന അഡ്വൈസ് മെമ്മോ കാലതാമസമില്ലാതെ ലഭിക്കാനും അഡ്വൈസ് മെമ്മോ കൂടുതൽ സുരക്ഷിതമാക്കുകയും ലക്ഷ്യമിട്ടാണ് ഡിജിറ്റൽ സംവിധാനത്തിലേക്ക് മാറുന്നതെന്ന് പി എസ് സി വ്യക്തമാക്കി. പൂർണമായും ഡിജിറ്റൽ സംവിധാനത്തിലേക്ക് മാറുന്നതോടെ, തപാൽ മാർ​ഗം അഡ്വൈസ് മെമ്മോ അയക്കുന്ന രീതി നിർത്തലാക്കുമെന്നും പി എസ് സി അറിയിച്ചു.

നിലവിൽ രജിസ്‌റ്റേഡ് തപാൽ മാർഗ്ഗമാണ് നിയമന ശുപാർശകൽ അയക്കുന്നത്. ഇത് ഉദ്യോഗാർഥികളുടെ കൈയിലെത്താൻ പലപ്പോഴും വൈകുന്നുവെന്ന പരാതി ഉയരാറുണ്ട്. പൂർണ്ണമായും ഡിജിറ്റൽ സംവിധാനത്തിലേക്ക് മാറുന്നതോടെ തപാൽ മാർഗ്ഗം അയയ്ക്കുന്ന രീതി നിർത്തലാക്കും. എന്നാൽ വകുപ്പുകളിലേക്ക് നൽകുന്ന അഡ്വൈസ് ലെറ്റർ തപാൽ മാർഗ്ഗം തുടർന്നും അയക്കും.

നഗരൂരിൽ സ്കൂൾ ബസ് അപകടത്തിൽ പെട്ടു

by Midhun HP News | Jun 3, 2025 | Latest News, ജില്ലാ വാർത്ത

വെള്ളല്ലൂർ ഗവ. എൽ പി സ്കൂളിലെ മിനി ബസ് കുട്ടികളുമായി വയലിലേക്ക് മറിഞ്ഞു. ഇന്ന് രാവിലെ ഒമ്പതരയോടെയാണ് അപകടം. കുട്ടികളുമായി സ്കൂളിലേക്ക് വരുമ്പോഴായിരുന്നു സംഭവം. 19 കുട്ടികളും 1 ആയയും ഡ്രൈവറുമാണ് അപകടത്തിൽപെട്ടത്. ആരുടെയും പരിക്ക് ഗുരുതരമല്ല. കേശവപുരം ആശുപത്രിക്ക് സമീപം വയൽവാരം റോഡിലാണ് അപകടം ഉണ്ടായത്. പരിക്കേറ്റ കുട്ടികളെ കേശവപുരം ആശുപത്രിയിൽ പ്രവേശിപ്പിച്ചു .

ജി വി ആർ എം യു പി എസ് കിഴുവിലം പ്രവേശനോത്സവം സംഘടിപ്പിച്ചു

by Midhun HP News | Jun 2, 2025 | Latest News, ജില്ലാ വാർത്ത

ജി വി ആർ എം യു പി എസ് കിഴുവിലം, മാമം 2025-26 അധ്യയന വർഷത്തെ പ്രവേശനോത്സവം ബ്ലോക്ക്‌ പഞ്ചായത്ത്‌ മെമ്പർ എ എസ് ശ്രീകണ്ഠൻ ഉത്ഘാടനം ചെയ്തു.

കിഴുവിലം പി എച്ച് സി ചാർജ് മെഡിക്കൽ ഓഫീസർ ഡോ. പദ്മ പ്രസാദ് മുഖ്യാതിഥിയായി. പി ടി എ പ്രസിഡന്റ്. ശ്യാംകൃഷ്ണ അധ്യക്ഷനായ ചടങ്ങിൽ പ്രഥമാധ്യാപിക ഐ പി ശ്രീജ സ്വാഗതം ആശംസിച്ചു. വാർഡ് മെമ്പർ പ്രസന്ന ബാഗും സമ്മാനപൊതിയും വിതരണം ചെയ്തു. സ്കൂൾ മാനേജർ . പി സി നാരായണൻ എസ് ആർ ജി കൺവീനർ ടി പി രഞ്ജുഷ എന്നിവർ ആശംസകൾ നേർന്നു. സ്റ്റാഫ്‌ സെക്രട്ടറി ബി യു മനോജ്‌ നന്ദി രേഖപെടുത്തി. അക്ഷര ദീപം കൊളുത്തിയും അക്ഷരത്തൊപ്പി അണിയിച്ചും നവാഗതരെ സ്വാഗതം ചെയ്തു.

അയിലം ഗവ.ഹൈസ്കൂൾ പ്രവേശനോത്സവം സംഘടിപ്പിച്ചു

by Midhun HP News | Jun 2, 2025 | Latest News, ജില്ലാ വാർത്ത

അയിലം ഗവ.ഹൈസ്കൂളിന്റെ 120 – മത് വർഷത്തെ സ്കൂൾ പ്രവേശനോത്സവം ആഘോഷിച്ചു.
സ്കൂൾ അങ്കണത്തിൽ പി.റ്റി.എ പ്രസിഡന്റ് എൻ മുരളി അദ്ധ്യക്ഷതയിൽ അദ്ധ്യായകനും കവിയും നാടൻ പാട്ട്

കലാകാരനുമായ അനിൽ വെഞ്ഞാറമൂട് അക്ഷരദീപം തെളിച്ച് ഉദ്ഘാടനം നിർവഹിച്ചു. നവാഗതർക്ക് പഠനോപകരണങ്ങളും അക്ഷര അക്ഷരമാലയും നൽകി സ്വീകരിച്ചു. ചടങ്ങിൽ വാർഡ് മെമ്പർമാരായ രമ്യ, അനിൽകുമാർ, എസ്.എം.സി. ചെയർമാൻ സജിൻ, സതീഷ്കുമാർ തുടങ്ങിയവർ സംസാരിച്ചു.

മുദാക്കൽ ഗ്രാമ പഞ്ചായത്ത് പ്രസിഡന്റ് പള്ളിയറ ശശി, വിദ്യാഭ്യാസ സ്റ്റാന്റിംഗ് കമ്മറ്റി ചെയർമാൻ വിഷ്ണു രവീന്ദ്രൻ, മണികണ്ഠൻ എന്നിവർ കുട്ടികൾക്ക് ആശംസകൾ നേർന്നു. സ്കൂൾ പ്രഥമാധ്യാപകൻ ആർ. ശാന്തകുമാർ സ്വാഗതവും സ്റ്റാഫ് സെക്രട്ടറി സുധീഷ് നന്ദി രേഖപ്പെടുത്തുകയും ചെയ്തു.

മുദാക്കാൽ ഗ്രാമപഞ്ചായത്തും കുടുംബശ്രീയും സംയുക്തമായി സ്നേഹതീരം ബഡ്‌സ് സ്കൂൾ പ്രവേശനോത്സവം സംഘടിപ്പിച്ചു

by Midhun HP News | Jun 2, 2025 | Latest News, ജില്ലാ വാർത്ത

മുദാക്കാൽ ഗ്രാമപഞ്ചായത്തും കുടുംബശ്രീയും സംയുക്തമായി സ്നേഹതീരം ബഡ്‌സ് സ്കൂൾ പ്രവേശനോത്സവം സംഘടിപ്പിച്ചു. മുദാക്കൽ പഞ്ചായത്ത്‌ പ്രസിഡന്റ് പള്ളിയറ ശശി ഉദ്ഘാടനം നിർവഹിച്ചു. പ്രകാശ്. ബി അധ്യക്ഷനായി.

കുടുംബശ്രീ സി ഡി എസ് ചെയർ പേഴ്സൺ പ്രേമലത, വികസന സ്റ്റാൻഡിങ് കമ്മിറ്റി ചെയർമാൻ പൂവണത്തും മൂട് മണികണ്ഠൻ, വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ വിഷ്ണു രവീന്ദ്രൻ, വാർഡ് മെമ്പർ ബാദുഷ, മറ്റ് മെമ്പർമാരായ സുജിത, ഷൈനി, മനോജ്‌, പ്രീത, അതുല്യ.(ബ്ലോക്ക്‌ കോഡിനേറ്റർ) സി ഡി എസ് മെമ്പർമാർ, കിഴുവിലം, ബാലസഭ അംഗങ്ങൾ തുടങ്ങിയവർ പങ്കെടുത്തു.പ്രസ്തുത പരിപാടിക്ക് വൈസ് പ്രസിഡന്റ് ഗീതാരാജൻ നന്ദി അർപ്പിച്ചു.