നെടുമങ്ങാട് ടൂറിസ്റ്റ് ബസ് അപകടം; ഒരു മരണം, നിരവധി പേർക്ക് പരിക്ക്

by Midhun HP News | Jan 18, 2025 | Latest News, ജില്ലാ വാർത്ത

തി​രു​വ​ന​ന്ത​പു​രം: നെ​ടു​മ​ങ്ങാ​ട് ഇ​രിഞ്ചി​യ​ത്ത് അ​പ​ക​ട​ത്തി​ൽ​പ്പെ​ട്ട ടൂ​റി​സ്റ്റ് ബ​സി​ന്‍റെ ഡ്രൈ​വ​ർ ക​സ്റ്റ​ഡി​യി​ൽ. ഒ​റ്റ​ശേ​ഖ​ര​മം​ഗ​ല​പു​രം സ്വ​ദേ​ശി അ​രു​ൾ​ദാ​സാ​ണ് പൊ​ലീ​സ് പി​ടി​യി​ലാ​യ​ത്. അ​പ​ക​ട​ത്തി​ന് പി​ന്നാ​ലെ ഓ​ടി​ര​ക്ഷ​പ്പെ​ട്ട ഇ​യാ​ൾ സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ​ തേ​ടി. തു​ട​ർ​ന്ന് സു​ഹൃ​ത്തി​ന്‍റെ വീ​ട്ടി​ൽ അ​ഭ​യം​ തേ​ടു​ക​യാ​യി​രു​ന്നു. ഇയാൾക്ക് നിസാര പരിക്കുകളുണ്ട്.

കാ​ട്ടാ​ക്ക​ട​യി​ൽ നി​ന്നും മൂ​ന്നാ​റി​ലേ​ക്ക് വി​നോ​ദ​സ​ഞ്ചാ​ര​ത്തി​നാ​യി പുറപ്പെട്ട സം​ഘം സ​ഞ്ച​രി​ച്ച ബ​സാ​ണ് ഇരി​ഞ്ചി​യ​ത്ത് വ​ച്ച് മ​റി​ഞ്ഞ​ത്. സം​ഭ​വ​ത്തി​ൽ ഒ​രാ​ൾ മ​രി​ച്ചി​രു​ന്നു. 40പേർക്ക് പരിക്കേറ്റു. വളവില്‍ വച്ച് ബസ് ബ്രേക്കിട്ടതാണ് അപകടകാരണമെന്നാണ് പ്രാഥമിക നിഗമനം. വിശദപരിശോധന ഇന്ന് നടക്കും. അതേസമയം, അപകടത്തിൽപ്പെട്ട ബസ് അമിത വേഗത്തിലായിരുന്നുവെന്ന് ദൃക്സാക്ഷികൾ പറയുന്നു.

ഒരു ലോറിയെ മറികടക്കുന്നതിനിടെ ഡ്രൈവർക്ക് നിയന്ത്രണം നഷ്ടപ്പെട്ടതാണെന്നാണ് അപകട സമയം അടുത്തുണ്ടായിരുന്നവർ പറയുന്നത്. വളവിൽ നിയന്ത്രണം നഷ്ടപ്പെട്ടതോടെ വളവ് തിരിഞ്ഞ ശേഷമാണ് ബസ് മറിഞ്ഞത്. അതുവരെ റോഡിലൂടെ തെന്നി നീങ്ങുകയായിരുന്നെന്നും ബഹളം കേട്ടാണ് നോക്കിയതെന്നും ദൃക്സാക്ഷികൾ പറയുന്നു.

ഇന്നലെ രാത്രി 10.20 ഓടെയാണ് അപകടമുണ്ടായത്. 49 പേർ ബസിൽ ഉണ്ടായിരുന്നതായാണ് വിവരം. സാരമായ പരിക്കേറ്റ 20 പേരെ മെഡിക്കൽ കോളജ് ആശുപത്രിയിലും ബാക്കിയുള്ളവരെ വിവിധ ആശുപത്രികളിലും പ്രവേശിപ്പിച്ചു. ഇന്നലെ രാത്രി 10.20 ഓടെയാണ് അപകടമുണ്ടായത്. 49 പേർ ബസിൽ ഉണ്ടായിരുന്നതായാണ് വിവരം. സാരമായ പരിക്കേറ്റ 20 പേരെ മെഡിക്കൽ കോളജ് ആശുപത്രിയിലും ബാക്കിയുള്ളവരെ വിവിധ ആശുപത്രികളിലും പ്രവേശിപ്പിച്ചു.

101-ാമത് കുമാരനാശാൻ സ്മൃതി ദിനാചരണ സമ്മേളനത്തിന്റെ ഉദ്ഘാടനം നടന്നു

by Midhun HP News | Jan 17, 2025 | Latest News, ജില്ലാ വാർത്ത

എസ്.എൻ. ഡി.പി യോഗം ആറ്റിങ്ങൽ യൂണിയന്‍റെ ആഭിമുഖ്യത്തിൽ യൂണിയൻ ഹാളിൽ കൂടിയ 101-മത് കുമാരനാശാൻ സ്മൃതി ദിനാചരണ സമ്മേളനം യൂണിയൻ വൈസ് പ്രസിഡൻ്റ് വി. ഷാജിയുടെ അദ്ധ്യക്ഷതയിൽ യൂണിയൻ പ്രസിഡൻ്റ് എസ്.ഗോകുൽദാസ് ഭദ്രദീപം കൊളുത്തി ഉദ്ഘാടനം ചെയ്തു. ആധുനിക കേരളത്തിൻ്റെ അകക്കണ്ണിൽ അറിവിൻ്റെ അക്ഷരവിളക്ക് കൊളുത്തിയ വിശ്വമഹകവിയുടെ ഛായചിത്രത്തിൽ യൂണിയൻ ഭാരവാഹികൾ പുഷ്പാർച്ചന നടത്തി.

യൂണിയൻ ആക്ടിംഗ് സെക്രട്ടറി ദഞ്ചുദാസ് ചെറുവള്ളിമുക്ക്, യൂണിയൻ കൗൺസിലർമാരായ എസ്.സുജാതൻ, കെ. സുധീർ, ബി.കെ സുരേഷ്ബാബു, യൂത്ത് മൂവ്മെൻ്റ് വൈസ് പ്രസിഡൻറ് ശ്രീജിത്ത് ഊരുപൊയിക, യുണിയൻ വനിതാ സംഘം പ്രസിഡൻ്റ് സുശീല രാജൻ, സെക്രട്ടറി ശ്രീകല ഷിബു, ട്രഷറർ രാധാമണി, എക്സിക്യൂട്ടീവ് കമ്മിറ്റി അംഗങ്ങളായ ഷേർളി സുദർശനൻ, ഷീജ അജികുമാർ, സുനിത ശ്രീകുമാർ, ഗീത സുരേഷ്, നിർമ്മല, കേന്ദ്ര കമ്മിറ്റി അംഗം ലത തങ്കപ്പൻ എന്നിവർ സംസാരിച്ചു.

വിളയിൽമൂല ശാഖ ഗുരുദേവ ക്ഷേത്ര പ്രതിഷ്ഠാ വാർഷികം ആഘോഷിച്ചു

by Midhun HP News | Jan 17, 2025 | Latest News, ജില്ലാ വാർത്ത

എസ്.എൻ.ഡി.പി യോഗം ആറ്റിങ്ങൽ യൂണിയൻ 4004 നമ്പർ വിളയിൽമൂല ശാഖ ഗുരുദേവ ക്ഷേത്ര പ്രതിഷ്ഠാ വാർഷികം വിശേഷാൽ പൂജകളോടും വിവിധ പരിപാടികളോടും ആഘോഷിച്ചു. അന്നദാനം യൂണിയൻ പ്രസിഡൻ്റ് എസ്. ഗോകുൽദാസ് ഉദ്ഘാടനം നിർവഹിച്ചു.

ശാഖക്ക് കീഴിൽ മികച്ച പ്രവർത്തനം കാഴ്ചവച്ച മൈക്രോ യൂണിറ്റ് ഭാരവാഹികളെ യൂണിയന്‍ പ്രസിഡന്‍റ് ആദരിച്ചു. യൂണിയൻ ആക്ടിംഗ് സെക്രട്ടറി ദഞ്ചുദാസ് ചെറുവള്ളിമുക്ക്, പ്രസിഡൻ്റ് സാബു എസ് കാവുവിള, വൈസ് പ്രസിഡൻ്റ് ജമീല മോഹൻ, സെക്രട്ടറി വി. പ്രശാന്തൻ, യൂണിയൻ കമ്മിറ്റി മെംബർ രതീഷ് കുമാർ, യൂണിയൻ പഞ്ചായത്ത് കമ്മിറ്റി മെംബർ അമ്പാടി മണി, എക്സിക്യൂട്ടിവ് അംഗങ്ങൾ ആയി, സുധീർ ബാബു, വിമൽ കുമാർ, ഷാജി, സുദർശൻ, സണ്ണി രാജു , സത്യദേവൻ, വനിതാ സംഘം പ്രസിഡൻ്റ് ഷൈനി രാധാകൃഷ്ണൻ, വൈസ് പ്രസിഡൻ്റ് നിത്യ സോജി, സെക്രട്ടറി ശ്രീകല, യൂണിയൻ കമ്മിറ്റി മെംബർ ബേബി സഹൃദയൻ എക്സിക്യൂട്ടിവ് അംഗങ്ങൾ സുമ.സി, ഗീത രാജു, സീന സജീവ് എന്നിവർ ആഘോഷ പരിപാടികൾക്ക് നേതൃത്വം നൽകി.

‘കക്കൂസ് മാലിന്യ പ്ലാന്റ് മാമത്തു നിന്നും മാറ്റി സ്ഥാപിക്കണം’; ആക്ഷൻ കൗൺസിലിന്റെ ആഭിമുഖ്യത്തിൽ മാർച്ച് സംഘടിപ്പിച്ചു

by Midhun HP News | Jan 17, 2025 | Latest News, ജില്ലാ വാർത്ത

കക്കൂസ് മാലിന്യ പ്ലാന്റ് മാമത്തു നിന്നും മാറ്റി സ്ഥാപിക്കണം എന്ന് ആവശ്യപ്പെട്ടുകൊണ്ട് ആക്ഷൻ കൗൺസിലിന്റെ ആഭിമുഖ്യത്തിൽ മാർച്ച് സംഘടിപ്പിച്ചു. മുനിസിപ്പൽ ഓഫീസിലേയ്ക് നടത്തിയ മാർച്ച്‌ പ്രശസ്ത സാഹിത്യകാരനും കഥകൃത്തുമായ വക്കം വി ആർ സുകുമാരൻ ഉദ്ഘാടനം ചെയ്തു. ആക്ഷൻ കൗൺസിൽ ചെയർമാൻ ഇല്ല്യസ് എം അധ്യക്ഷത വഹിച്ചു. മുനിസിപ്പൽ മുൻ കൗൺസിലർ എസ് കെ പ്രിൻസ് രാജ്, വിവിധ റെസിഡന്റ്‌സ് ഭാരവാഹികൾ തുടങ്ങിയവർ പങ്കെടുത്തു.

കുമാരനാശാൻ സ്മൃതിദിനത്തിന് കായിക്കരയിൽ പുഷ്പാർച്ചനയർപ്പിച്ച് വി മുരളീധരൻ

by Midhun HP News | Jan 17, 2025 | Latest News, ജില്ലാ വാർത്ത

കുമാരനാശാൻ സ്മൃതിദിനത്തിന് കായിക്കരയിൽ വി മുരളീധരൻ പുഷ്പാർച്ചനയർപ്പിച്ചു. കുമാരനാശാന്റെ 101 മത് സ്മൃതിദിനത്തോട് അനുബന്ധിച്ചാണ് അഞ്ചുതെങ്ങ് കായിക്കര ആശാൻസ്മാരകത്തിലെ കുമാരനാശാൻ പ്രതിമയിൽ മുൻ കേന്ദ്ര മന്ത്രി വി മുരളീധരൻ പുഷ്പാർച്ചന അർപ്പിച്ചത്.

ചടങ്ങിൽ ബിജെപി കടയ്ക്കാവൂർ മണ്ഡലം പ്രഭാരി ഒറ്റൂർ മോഹൻദാസ്, കടയ്ക്കാവൂർ മണ്ഡലം കമ്മറ്റി പ്രസിഡന്റ് പൂവണത്തുംമൂട് ബിജു, കവി അശോകൻ കായിക്കര, ആശാൻ സ്മാരക അസോസിയേഷൻ സെക്രട്ടറി വി ലൈജു, അസോസിയേഷൻ അംഗം വക്കം ജെയിൻ, എൻ എസ് സജു, മുദാക്കൽ ഗ്രാമ പഞ്ചായത്ത് അംഗം പൂവണത്തുംമൂട് മണികണ്ഠൻ, അഞ്ചുതെങ്ങ് ഗ്രാമ പഞ്ചായത്ത് അംഗം സജി സുന്ദർ, അഞ്ചുതെങ്ങ് സജൻ തുടങ്ങിയവർ പങ്കെടുത്തു.