പ്രമുഖ കമ്പനിയിൽ ഗ്രാഫിക് ഡിസൈനറാകാൻ സുവർണ്ണാവസരം. ഗ്രാഫിക് ഡിസൈനിങ് കോഴ്സ് കഴിഞ്ഞവർക്ക് സൗജന്യ പരിശീലനത്തിനൊപ്പം ജോലി. കൂടാതെ പഠനത്തിന് ശേഷം ജോലിക്ക് താല്പര്യമുള്ളവരും താഴെ കാണുന്ന നമ്പറിൽ ബന്ധപ്പെടുക.
മൊബൈൽ നമ്പർ: 9995123200, 9072620002
തിരുവനന്തപുരം: 29-ാമത് അന്താരാഷ്ട്ര ചലച്ചിത്രോത്സവത്തിന്റെ ഡെലിഗേറ്റ് രജിസ്ട്രേഷൻ നാളെ (നവംബർ 25) രാവിലെ 10ന് ആരംഭിക്കും. registration.iffk.in എന്ന ലിങ്കിലൂടെ ഡെലിഗേറ്റ് രജിസ്ട്രേഷൻ നടത്താം. കേരള സംസ്ഥാന ചലച്ചിത്ര അക്കാദമി സംഘടിപ്പിക്കുന്ന ചലച്ചിത്രമേള ഡിസംബർ 13 മുതൽ 20 വരെ തിരുവനന്തപുരത്ത് നടക്കും.
പൊതുവിഭാഗത്തിന് ജിഎസ്ടി ഉൾപ്പെടെ 1180 രൂപയും വിദ്യാര്ത്ഥികൾക്ക് ജിഎസ്ടി ഉൾപ്പെടെ 590 രൂപയുമാണ് ഫീസ്. മുഖ്യവേദിയായ ടാഗോർ തിയറ്ററിൽ സജ്ജീകരിച്ചിട്ടുള്ള ഡെലിഗേറ്റ് സെൽ മുഖേന നേരിട്ടും രജിസ്ട്രേഷൻ നടത്താം. എട്ടുദിവസങ്ങളിലായി നടക്കുന്ന മേളയിൽ വിവിധ രാജ്യങ്ങളിൽനിന്നുള്ള 180 ഓളം ചിത്രങ്ങൾ പ്രദർശിപ്പിക്കും. 15 തിയറ്ററുകളിലായാണ് പ്രദർശനം.
ഏഷ്യൻ, ആഫ്രിക്കൻ, ലാറ്റിനമേരിക്കൻ രാജ്യങ്ങളിൽനിന്നുള്ള സിനിമകളുടെ അന്താരാഷ്ട്ര മത്സര വിഭാഗം, മുൻനിര ചലച്ചിത്രമേളകളിൽ അംഗീകാരങ്ങൾ നേടിയ സിനിമകൾ ഉൾപ്പെടുന്ന ലോകസിനിമാ വിഭാഗം, ഇന്ത്യൻ സിനിമ നൗ, മലയാളം സിനിമ ടുഡേ, കൺട്രി ഫോക്കസ് വിഭാഗത്തിലുള്ള ചിത്രങ്ങൾ, മൺമറഞ്ഞ ചലച്ചിത്രപ്രതിഭകൾക്ക് സ്മരണാഞ്ജലിയർപ്പിക്കുന്ന ഹോമേജ് വിഭാഗം തുടങ്ങിയ പാക്കേജുകൾ മേളയിലുണ്ടാകും. സംവിധായകരും സാങ്കേതിക പ്രവർത്തകരും ജൂറി അംഗങ്ങളുമുൾപ്പെടെ വിദേശരാജ്യങ്ങളിൽനിന്നുള്ള നൂറിൽപ്പരം അതിഥികൾ മേളയിൽ പങ്കെടുക്കും.
തിരുവനന്തപുരം: മുനമ്പം വിഷയത്തിൽ താമസക്കാർക്ക് ബുദ്ധിമുട്ട് ഉണ്ടാക്കാതെ പ്രശ്നം പരിഹരിക്കാനാണ് സർക്കാർ ഉദ്ദേശിക്കുന്നതെന്ന് മുഖ്യമന്ത്രി പിണറായി വിജയൻ. മുനമ്പം സമരസമിതിയുമായി ഓൺലൈനായി നടത്തിയ ചർച്ചയിലാണ് മുഖ്യമന്ത്രി ഇക്കാര്യം ഉറപ്പ് നൽകിയത്. അതേസമയം, സമരം നിർത്തണമെന്ന മുഖ്യമന്ത്രിയുടെ അഭ്യർത്ഥന മുനമ്പം സമരസമിതി തള്ളി. വഖഫ് ആസ്തി വിവര പട്ടികയിൽ നിന്ന് ഭൂമി ഒഴിവാക്കും വരെ നിരാഹാര സമരം തുടരുമെന്ന് സമരസമിതി അറിയിച്ചു. ജുഡീഷ്യൽ കമ്മിഷനോട് സഹകരിക്കുമെന്ന് ഓൺലൈൻ യോഗത്തിൽ മുഖ്യമന്ത്രിയോട് അറിയിച്ച സമരക്കാർ, നേരിട്ട് ചർച്ച നടത്തണമെന്നും ആവശ്യപ്പെട്ടു.
ഭൂപ്രശ്നത്തിന് ശാശ്വതമായി പരിഹാരം കാണാനാണ് സർക്കാർ ശ്രമിക്കുന്നതെന്നും രേഖകൾ ഉള്ള ഒരാളെ പോലും കുടിയൊഴിപ്പിക്കില്ലെന്നും മുഖ്യമന്ത്രി വ്യക്തമാക്കി. നോട്ടീസടക്കമുള്ള നടപടികളൊന്നും നടത്തരുതെന്ന് വഖഫ് ബോർഡിനോട് സർക്കാർ അഭ്യർത്ഥിച്ചിട്ടുണ്ട്, ഇക്കാര്യം ബോർഡ് അംഗീകരിച്ചിട്ടുണ്ട്.
ഭൂമിയിലെ താമസക്കാരുടെ ഭാഗവും ആവലാതികളും കമ്മീഷന് മുമ്പാകെ കൃത്യമായി ബോധിപ്പിക്കാനുള്ള അവസരമുണ്ടാകും. നിലവിലെ താമസക്കാരുടെ അവകാശങ്ങള് എന്തു വില കൊടുത്തും സംരക്ഷിക്കണമെന്ന നിലപാടാണ് സര്ക്കാരിനുള്ളത്. ഹൈക്കോടതി മുമ്പാകെ ഈ വിഷയത്തില് നിലവിലുള്ള കേസുകളില് താമസക്കാര്ക്ക് അനുകൂലമായി സര്ക്കാര് കക്ഷി ചേരുമെന്നും മുഖ്യമന്ത്രി വ്യക്തമാക്കി.
തിരുവനന്തപുരം: വിസ്ഡം എജ്യൂക്കേഷൻ ബോർഡിന് കീഴിൽ തിരുവനന്തപുരം ജില്ലയിലുള്ള മദ്രസകളിലെ വിദ്യാർത്ഥികളുടെ ജില്ലാതല ‘സർഗവസന്തം’ നാളെ കൊല്ലായിൽ നടക്കും. കൊല്ലായിൽ അൽ ഫലാഹ് ഹിഫ്ള് കോളേജ്, സലഫി മദ്രസാ ഹാൾ, ലിറ്റിൽ ഫ്ലോക്ക് പബ്ലിക് സ്കൂൾ എന്നിവടങ്ങളിലായാണ് മത്സരങ്ങൾ നടക്കുന്നത്.
6 വേദികളിലായി 7 കാറ്റഗറിയിൽ 106 ഇനങ്ങളിൽ 338 മത്സരാർത്ഥികൾ പങ്കെടുക്കും. ജില്ലയിലെ 6 കോംപ്ലക്സുകളിൽ നിന്നും കോംപ്ലക്സ് തലത്തിൽ ഒന്നാം സ്ഥാനം ലഭിച്ച വിദ്യാർത്ഥികളാണ് മത്സരങ്ങളിൽ മാറ്റുരയ്ക്കുന്നത്.
രാവിലെ 8.30 ന് ആരംഭിക്കുന്ന ഉദ്ഘാടന സെഷൻ വിസ്ഡം ഇസ്ലാaമിക് ഓർഗനൈസേഷൻ ജില്ലാ പ്രസിഡൻ്റ് നസീർ വള്ളക്കടവ് ഉദ്ഘാടനം ചെയ്യും. ജില്ലാ മദ്രസ കൺവീനർ സഫീർ കുളമുട്ടം അധ്യക്ഷനാകും.
വാമനപുരം എം.എൽ.എ അഡ്വ.ഡി.കെ.മുരളി മുഖ്യാതിഥിയാകും. ബ്ലോക്ക് പഞ്ചായത്ത് മെമ്പർ എ .റിയാസ്, കൊല്ലായിൽ വാർഡ് മെമ്പർ അൻസാരി കലയപുരം, വിസ്ഡം ജില്ലാ സെക്രട്ടറി നസീർ മുള്ളിക്കാട്, വിസ്ഡം യൂത്ത് ജില്ലാ പ്രസിഡൻറ് ഹാറൂൺ വള്ളക്കടവ്, അൻസാറുദ്ധീൻ സ്വലാഹി, വിസ്ഡം സ്റ്റുഡൻസ് ജില്ലാ സെക്രട്ടറി അൽ ഫഹദ് പൂന്തുറ , മദ്രസാ ബോർഡ് വെഞ്ഞാറമൂട് കോംപ്ലക്സ് കൺവീനർ അയ്യൂബ് ഖാൻ, കൊല്ലായിൽ സലഫി മദ്രസ കൺവീനർ നിസാറുദ്ദീൻ മൗലവി തുടങ്ങിയവർ സംബന്ധിക്കും.
ജില്ലാതലത്തിൽ ഒന്നാം സ്ഥാനം നേടുന്നവർ ഡിസംബർ 7,8 തീയതികളിൽ കോഴിക്കോട് മുക്കം ഗ്രീൻവാലി ക്യാമ്പസ്സിൽ നടക്കുന്ന സംസ്ഥാനതല മത്സരങ്ങളിൽ പങ്കെടുക്കുമെന്ന് പ്രോഗ്രാം കൺവീനർ അൻസാറുദ്ധീൻ സ്വലാഹി അറിയിച്ചു.
ആറ്റിങ്ങൽ: നെഹ്റു സാംസ്കാരിക വേദിയുടെ ഈ വർഷത്തെ അഡ്വ.ജി.ഭുവനേശ്വരൻ സ്മാരക പുരസ്കാരം ഡോ. പ്രവീൺ കുമാറിന്. 25,000 രൂപയും ഫലകവും ഉൾപ്പെടുന്നതാണ് പുരസ്കാരം. കുട്ടികൾക്കുള്ള ചികിത്സാരംഗത്തെ സേവനം പരിഗണിച്ചാണ് ഡോ. പ്രവീൺ കുമാറിനെ പുരസ്കാരത്തിന് തെരഞ്ഞെടുത്തത്.
പ്രത്യേക പരിഗണന അർഹിക്കുന്ന കുട്ടികൾക്ക് പരിശീലനം ഉറപ്പാക്കുന്ന ചന്ദ്രൻ കുറ്റിച്ചൽ, ആയിരക്കണക്കിന് കുട്ടികൾക്ക് ചിത്രകല പരിശീലനം നൽകിയ കോളാഷ് സുരേഷ് ബാബു, കുട്ടികളുടെ കളരിപ്പയറ്റ് അധ്യാപിക ഷിജി വി.എസ്, കുട്ടികളുടെ കവി ബാലചന്ദ്രൻ നായർ എന്നിവർക്ക് ശിശു സ്നേഹ പുരസ്കാരം സമ്മാനിക്കും.
മികച്ച അങ്കണവാടി ടീച്ചർമാർക്കും പുരസ്കാരം നൽകും. പുരസ്കാര സമർപ്പണം 26ന് ആറ്റിങ്ങൽ മുനിസിപ്പാലിറ്റി ഹാളിൽ നടക്കുന്ന ചടങ്ങിൽ എഐസിസി സെക്രട്ടറി പിസി വിഷ്ണുനാഥ് എം.എൽ.എ നിർവഹിക്കും. ചിത്രരചന മത്സര വിജയികൾക്ക് ഒ.എസ്.അംബിക എം.എൽ.എ സമ്മാനവിതരണം നടത്തുമെന്ന് നെഹ്റു സാംസ്കാരിക വേദി ചെയർമാൻ ഇളമ്പ ഉണ്ണി കൃഷ്ണൻ അറിയിച്ചു.
ആറ്റിങ്ങൽ: തലസ്ഥാന നഗരമായ തിരുവനന്തപുരത്തെ ഐടി മേഖലയുടെ വികസനം ശക്തമാക്കാൻ നഗരസഭ. ടെക്നോപാർക്ക് ആറാം ഘട്ടവുമായി ബന്ധപ്പെട്ട് അടിസ്ഥാന സൗകര്യ വികസനത്തിന് ഊന്നൽ നൽകിയുള്ള പ്രവർത്തനങ്ങൾ നടത്താനാണ് ആറ്റിങ്ങൽ നഗരസഭ ഒരുങ്ങുന്നത്. ആറ്റിങ്ങൽ ബൈപാസിന് സമീപം ടെക്നോപാർക്ക് ആറാം ഘട്ടം സ്ഥാപിക്കുകയാണ് ലക്ഷ്യം. ഇതുസംബന്ധിച്ച നിർദേശം നഗരസഭ സംസ്ഥാന സർക്കാരിന് കൈമാറി.
ഐടി ഇടനാഴിയുടെ കവാടമായി ആറ്റിങ്ങലിനെ മാറ്റുകയാണ് പദ്ധതി ലക്ഷ്യമാക്കുന്നതെന്ന് ആറ്റിങ്ങൽ നഗരസഭ ചെയർപേഴ്സൺ എസ് കുമാരി പറഞ്ഞു. ടെക്നോപാർക്ക് ആറാം ഘട്ടത്തിനായി അനുയോജ്യമായ പ്രദേശം കണ്ടെത്തും. നിർമാണം പുരോഗമിക്കുന്ന ആറ്റിങ്ങൽ ബൈപാസിന് സമീപമുള്ള പ്രദേശങ്ങൾക്കാണ് പരിഗണന. കൗൺസിലർമാരുടെ ഭാഗത്ത് നിന്നും സമാനമായ നിലപാടാണ് ഉണ്ടാകുന്നത്. നിർദ്ദിഷ്ട പ്രദേശത്ത് ഐടി പാർക്ക് എത്തിയാൽ വലിയ തോതിലുള്ള വികസനത്തിന് നഗരം സാക്ഷിയാകുമെന്നും കൂട്ടിച്ചേർത്തു
Recent Comments