ന​ഗരൂരില്‍ കാല്‍നടയാത്രികയായ യുവതിക്ക് നേരെ ലൈം​ഗീക അതിക്രമം

by Midhun HP News | Oct 15, 2024 | Latest News, ജില്ലാ വാർത്ത

കിളിമാനൂർ: ന​ഗരൂരിൽ കാൽനടയാത്രികയായ യുവതിക്ക് നേരെ രാത്രിയിൽ ലൈം​ഗിക അതിക്രമം. ന​ഗരൂർ പഞ്ചായത്തിലെ കോട്ടയ്ക്കൽ ഗേറ്റുമുക്ക് ജം​ഗ്ഷന് സമീപം ഞായറാഴ്ച രാത്രി 9.40നായിരുന്നു സംഭവം. ആറ്റിങ്ങലിലെ സ്വകാര്യ സ്ഥാപനത്തിൽ ജോലികഴിഞ്ഞ് ​ഗേറ്റ് മുക്ക് സ്വദേശിനിയായ നാൽപതുകാരി വെള്ളംകൊള്ളി ജം​ഗ്ഷനിൽ ബസിറങ്ങി കാൽനടയായി ​ഗേറ്റുമുക്കിന് സമീപമുള്ള വീട്ടിലേക്ക് എത്തുന്നതിന് അമ്പത് മീറ്റർ അകലെവെച്ചാണ് ലൈം​ഗിക ഉദ്ദേശത്തോടെ പിന്നാലെ എത്തിയ യുവാവ് യുവതിയെ കയറിപിടിച്ചത്.

18വയസ് പ്രായം തോന്നിക്കുന്ന യുവാവ് യുവതിയുടെ നിലവിളികേട്ട് ഓടി രക്ഷപ്പെടുകയായിരുന്നു. സമീപത്തൊന്നും ഈ സമയം ആരും ഉണ്ടായിരുന്നില്ല. തുടർന്ന് സിസിടിവി ദൃശ്യങ്ങളിൽ യുവാവ് നടുന്നുവരുന്നതും ഓടിപോകുന്നതും ന​ഗരൂർ പൊലീസ് ശേഖരിച്ചിട്ടുണ്ട്. യുവതിയുടെ മൊഴിഎടുത്ത് ന​ഗരൂർ പൊലീസ് കേസ് എടുത്തിട്ടുണ്ട്.

ഭാരത് സേവക് സമാജ് ദേശീയ പുരസ്കാരം അനീഷ് രവിയ്ക്ക്

by Midhun HP News | Oct 15, 2024 | Latest News, ജില്ലാ വാർത്ത

ഭാരത് സേവക് സമാജ് ദേശീയ പുരസ്കാരം അനീഷ് രവിയ്ക്ക്.നാടകം, ടെലിവിഷൻ എന്നീ മേഖലകളിൽ നല്കിയ സേവനങ്ങളോടൊപ്പം ഒരു കലാകാരൻ എന്നതിലുപരി
സമൂഹിക പ്രതിബദ്ധത കൂടി കണക്കിലെടുത്താണ് ഈ പുരസ്കാരം തേടിയെത്തിയത്.
കൊറോണക്കാലത്തുണ്ടായ ലോക്ഡൗൺ സമയത്ത് രണ്ടുപ്രാവശ്യവും 51 ദിവസം 41 ദിവസവും തുടർച്ചയായി 92 ദിവസങ്ങളിൽ സ്വാദ്ദേശ്യ കഥകളും കവിതകളുമായി
എല്ലാദിവസവും ഉച്ചയ്ക്ക് 2 മണിമുതൽ 3 മണിവരെ ജനങ്ങളിലേയ്ക്ക് എത്തൂമായിരുന്നു

Revised National Tuberculosis Control Programme (RNTCP) യുടെ ഭാഗമായി ക്ഷയരോഗ നിയന്ത്രണത്തിൽ ജില്ലാ TB സെന്റർ തിരുവനന്തപുരം 2012 മുതൽ 2015 വരെ ജില്ലാ ബ്രാൻഡ് അമ്പാസിഡർ ആയി പ്രവർത്തിച്ചു. പൊതുജനങ്ങളിൽ ക്ഷയരോഗത്തിന്റെ ലക്ഷണങ്ങൾ അടങ്ങിയ സന്ദേശങ്ങൾ എത്തിക്കാൻ ഈ കാലയളവിൽ സാധിച്ചു. മാർച്ച്‌ 24 ലോക ക്ഷയരോഗദിനാചരണങ്ങളിൽ ഒരു കലാകാരൻ എന്ന നിലയിൽ വളരെ പങ്ക് വഹിക്കാൻ കഴിഞ്ഞു. ഇപ്പോൾ ആറ്റിങ്ങൽ നഗരസഭയുടെ സ്വച്ഛഭാരത് മിഷൻ ശുചിത്വ അംബാസഡറാണ് അനീഷ് രവി.

ആറ്റിങ്ങലിൽ ലേഡീസ് ബ്യുട്ടി പാർലർ വില്പനക്ക്

by Midhun HP News | Oct 15, 2024 | Latest News, ജില്ലാ വാർത്ത

ആറ്റിങ്ങൽ പ്രൈവറ്റ് ബസ് സ്റ്റാൻഡിനു സമീപം പ്രവർത്തിച്ചു കൊണ്ടിരിക്കുന്ന ലേഡീസ് ബ്യുട്ടി പാർലർ (200 sqft with fully furnished) വില്പനക്ക്. താല്പര്യമുള്ളവർ കോൺടാക്ട് ചെയ്യേണ്ട നമ്പർ
മൊബൈൽ നമ്പർ: 6282766045

കരവാരം ഗ്രാമപഞ്ചായത്തിൽ അവിശ്വാസ പ്രമേയം പാസായി; ബിജെപിക്ക് ഭരണ നഷ്ടം

by Midhun HP News | Oct 15, 2024 | Latest News, ജില്ലാ വാർത്ത

കരവാരം ഗ്രാമപഞ്ചായത്തിൽ പ്രതിപക്ഷം കൊണ്ടുവന്ന അവിശ്വാസ പ്രമേയം പാസായി.
ബിജെപിക്ക് ഭരണം നഷ്ടമായി

ക്രിക്കറ്റ്‌ ടൂർണമെന്റ് സംഘടിപ്പിച്ചു

by Midhun HP News | Oct 15, 2024 | Latest News, ജില്ലാ വാർത്ത

അഞ്ചുതെങ്ങ്: സിപിഐഎം അഞ്ചുതെങ്ങ് ലോക്കൽ സമ്മേളന പ്രചരണത്തിന്റെ ഭാഗമായി ക്രിക്കറ്റ്‌ ടൂർണമെന്റ് നടത്തി. കേരള ക്രിക്കറ്റ്‌ അസോസിയേഷൻ ജോ.സെക്രട്ടറി ബിനീഷ് കോടിയേരി ഉൽഘാടനം നിർവ്വഹിച്ചു.
എട്ടു ടീമുകൾ പങ്കെടുത്ത വാശിയേറിയ മത്സരത്തിൽ ഷാഡോസ് കായിക്കര ടീം വിജയിച്ചു. കല്ലുമ്മേക്കാ മണ്ണാക്കുളം ടീം റണ്ണേഴ്സ് അപ്പ്‌ ആയി. വിജയികൾക്കുള്ള സമ്മാനദാനം സിപിഐഎം അഞ്ചുതെങ്ങ് ലോക്കൽ കമ്മിറ്റി സെക്രട്ടറി എസ്.പ്രവീൺ ചന്ദ്ര നിർവഹിച്ചു.

കോൺഗ്രസിന്റെ മുതിർന്ന നേതാവായ രാജപ്പനാചാരിയ്ക്കു അനുശോചന യോഗം സംഘടിപ്പിച്ചു

by Midhun HP News | Oct 15, 2024 | Latest News, ജില്ലാ വാർത്ത

പ്രമുഖ അഭിഭാഷകനും കോൺഗ്രസിന്റെ മുതിർന്ന നേതാവുമായ മുൻ സെഷൻസ് ജഡ്ജി രാജപ്പനാചാരിയുടെ ശവസംസ്കാര ചടങ്ങുകളോടാനുബന്ധിച്ചു ആറ്റിങ്ങൽ ബ്ലോക്ക്‌ കോൺഗ്രസ്‌ കമ്മിറ്റിയുടെ ആഭിമുഖ്യത്തിൽ ആറ്റിങ്ങൽ കൊട്ടിയോട് ജംഗ്ഷനിൽ അനുശോചന യോഗം നടന്നു. മുൻ എംപി പീതാംബര കുറുപ്പ് ഉദ്ഘാടനം നിർവഹിച്ചു. ബ്ലോക്ക്‌ പ്രസിഡന്റ്‌ ബി. ബിഷ്‌ണു അധ്യക്ഷത വഹിച്ചു. ഡോ. വി. എസ് അജിത് കുമാർ, പള്ളിച്ചൽ പ്രമോദ്, കൗൺസിലർ രാജു, അമ്പിരാജ, സി. ജെ രാജേഷ്, എസ്. ശ്രീരംഗൻ, തോട്ടവാരം ഉണ്ണി എന്നിവർ സംസാരിച്ചു.