by Midhun HP News | Oct 6, 2024 | Latest News, ജില്ലാ വാർത്ത
തിരുവനന്തപുരം: ബംഗാള് ഉള്ക്കടലില് രൂപപ്പെട്ട ന്യൂനമര്ദ്ദത്തിന്റെ സ്വാധീനഫലമായി സംസ്ഥാനത്ത് ബുധനാഴ്ച വരെ വ്യാപകമായി മഴയ്ക്ക് സാധ്യത. ഒറ്റപ്പെട്ട സ്ഥലങ്ങളില് ഈ ദിവസങ്ങളില് തീവ്രവും ശക്തവുമായ മഴയും കേന്ദ്ര കാലാവസ്ഥ വകുപ്പ് പ്രവചിക്കുന്നു.
തെക്കു കിഴക്കന് അറബിക്കടലില് ചക്രവാതച്ചുഴി നിലനില്ക്കുന്നുണ്ട്. ഇതും മഴയെ സ്വാധീനിക്കുന്നുണ്ട്. ഇന്ന് ( ഞായറാഴ്ച) ഇടുക്കി, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് ഒറ്റപ്പെട്ട സ്ഥലങ്ങളില് ശക്തമായ മഴയ്ക്ക് സാധ്യതയുണ്ട്. തിങ്കളാഴ്ച ഇടുക്കി, പാലക്കാട്, മലപ്പുറം, ,കോഴിക്കോട്, വയനാട്, കണ്ണൂര് ജില്ലകളിലും യെല്ലോ അലര്ട്ട് പ്രഖ്യാപിച്ചിട്ടുണ്ട്. ചൊവ്വാഴ്ച ഇടുക്കിയിലും ബുധനാഴ്ചയും കോട്ടയം, പത്തനംതിട്ട ജില്ലകളിലും ഒറ്റപ്പെട്ട സ്ഥലങ്ങളില് തീവ്രമഴയും പ്രവചിക്കുന്നുണ്ട്.
ജാഗ്രതയുടെ ഭാഗമായി ഈ ജില്ലകളില് ഓറഞ്ച് അലര്ട്ട് പ്രഖ്യാപിച്ചു. ചൊവ്വാഴ്ച തിരുവനന്തപുരം, കൊല്ലം, പത്തനംതിട്ട, കോട്ടയം, എറണാകുളം, മലപ്പുറം, വയനാട് ജില്ലകളിലും ബുധനാഴ്ച തിരുവനന്തപുരം, കൊല്ലം, ആലപ്പുഴ, എറണാകുളം, ഇടുക്കി, തൃശൂര്, പാലക്കാട്, മലപ്പുറം, കോഴിക്കോട്, വയനാട് ജില്ലകളിലും ഒറ്റപ്പെട്ട സ്ഥലങ്ങളില് ശക്തമായ മഴയാണ് പ്രവചിക്കുന്നത്. ഇതോടൊപ്പം ഈ ദിവസങ്ങളില് ഒറ്റപ്പെട്ട സ്ഥലങ്ങളില് ഇടിമിന്നലോട് കൂടിയ മഴയും കാലാവസ്ഥ വകുപ്പ് പ്രതീക്ഷിക്കുന്നുണ്ട്
by Midhun HP News | Oct 5, 2024 | Entertainment, Latest News, ജില്ലാ വാർത്ത
ആറ്റിങ്ങൽ: 24 മത് പാർട്ടി കോൺഗ്രസിന്റെ ഭാഗമായി കീഴ്പേരൂർ സി പി എം ബ്രാഞ്ച് കമ്മിറ്റി, ബ്രാഞ്ച് സമ്മേളനം സംഘടിപ്പിച്ചു. സി പി എം ഏരിയ കമ്മിറ്റി അംഗവും ഡി വൈ എഫ് ഐ ഏരിയ സെക്രട്ടറിയും ജില്ലാ കമ്മിറ്റി അംഗവുമായ ജിനേഷ് ഉദ്ഘാടനം ചെയ്തു. സി പി എം വെള്ളല്ലൂർ ലോക്കൽ കമ്മിറ്റി സെക്രട്ടറി എസ് കെ സുനി, ലോക്കൽ കമ്മിറ്റി അംഗം രഘു തുടങ്ങിയവർ പങ്കെടുത്തു. സമ്മേളനത്തിൽ പുതിയ ബ്രാഞ്ച് സെക്രട്ടറിയായി രാജേഷിനെ തെരഞ്ഞെടുത്തു. മണ്മറഞ്ഞു പോയ ഗോവിന്ദൻ പിള്ളയുടെ സ്മൃതി മണ്ഡപത്തിൽ പുഷ്പാർച്ചനയും നടത്തി.
by Midhun HP News | Oct 5, 2024 | Latest News, ജില്ലാ വാർത്ത
തിരുവനന്തപുരം: ആകാശവാണിയിലെ വാര്ത്താ അവതാരകന് ആയിരുന്ന എം രാമചന്ദ്രന് അന്തരിച്ചു. 91 വയസ്സായിരുന്നു. റേഡിയോ വാര്ത്താ അവതരണത്തില് തന്റേതായ ശൈലി സൃഷ്ടിച്ച രാമചന്ദ്രന് സാക്ഷി എന്ന ടെലിവിഷന് പരിപാടിയുടെ ശബ്ദമായും ശ്രദ്ധിക്കപ്പെട്ടു.
വൈദ്യുതി ബോര്ഡില് ഉദ്യോഗസ്ഥനായിരിക്കെയാണ് രാമചന്ദ്രന് ആകാശവാണിയില് വാര്ത്താ അവതാരകനായി ചേര്ന്നത്. രാമചന്ദ്രന്റെ അവതരണത്തിലൂടെ തിരുവനന്തപുരം ആകാശവാണിയുടെ പ്രാദേശിക വാര്ത്തകള് കൂടുതല് ജനകീയമായി. കൗതുക വാര്ത്തകളും വായിച്ചു.
by Midhun HP News | Oct 5, 2024 | Latest News, ജില്ലാ വാർത്ത
വക്കം: വക്കം റൂറൽ ഹെൽത്ത് സെന്ററിന്റെ പുതിയ കെട്ടിടത്തിന്റെ ശിലാസ്ഥാപനം ആരോഗ്യവകുപ്പ് മന്ത്രി വീണ ജോർജ് നിർവഹിച്ചു. ഒ എസ് അംബിക എംഎൽഎ അധ്യക്ഷത വഹിച്ചു. ജില്ലാ പഞ്ചായത്ത് വൈസ് പ്രസിഡന്റ് അഡ്വ. ഷൈലജ ബീഗം, എം ലാലിജ, മെഡിക്കൽ കോളേജ് പ്രിൻസിപ്പൽ ഡോ. ലിനറ്റെ ജെ മോറിസ്, മെഡിക്കൽ വിദ്യാഭ്യാസ ഡയറക്ടർ ഡോ. തോമസ് മാത്യു ആർ സുഭാഷ്, അഡ്വ. എസ് ഫിറോസ് ലാൽ, കവിതാ സന്തോഷ്, പി മണികണ്ഠൻ, ജോസഫിൻ മാർട്ടിൻ, എൻ ബിഷ്ണു, ജൂലി സുനിൽ, അജിത, ശ്രീകണ്ഠൻ, ഷാജു ടി, അനിൽദത്ത്, പ്രകാശ്, ആലംകോട് അനിയൻ, ഡോ. ദേവരാജ് എന്നിവർ പ്രസംഗിച്ചു.
ജയശ്രീ പി സി സ്വാഗതവും. ഡോ. റമീസ് രാജ നന്ദിയും പറഞ്ഞു. ആറുകോടി രൂപ ചിലവിൽ ഘട്ടം ഘട്ടമായി നിർമ്മിക്കുന്ന കെട്ടിടത്തിന്റെ ആദ്യ ഘട്ട നിർമ്മാണ ചെലവ് രണ്ടു കോടി 35 ലക്ഷം രൂപയാണ്.
by Midhun HP News | Oct 5, 2024 | Latest News, ജില്ലാ വാർത്ത
തിരുവനന്തപുരം: തിരുവനന്തപുരം പള്ളിപ്പുറം മുഴുത്തിരിയാവട്ടത്ത് കെഎസ്ആര്ടിസി ബസ്സും ബൈക്കും കൂട്ടിയിടിച്ച് യുവാവ് മരിച്ചു. ആലപ്പുഴ ഭരണിക്കാവ് സ്വദേശി അനൂപ് പ്രകാശ് (36) ആണ് മരിച്ചത്. രാവിലെ 8 മണിയ്ക്കാണ് അപകടം നടന്നത്. അപകടം നടന്ന ഉടൻ യുവാവിന് മെഡിക്കൽ കോളേജ് ആശുപത്രി എത്തിച്ചെങ്കിലും ജീവന് രക്ഷിക്കാനായില്ല.
by Midhun HP News | Oct 5, 2024 | Latest News, ജില്ലാ വാർത്ത
സംസ്ഥാനത്ത് നടന്ന പോളിടെക്നിക്ക്കളിലെ വിദ്യാർത്ഥി യൂണിയൻ തെരഞ്ഞെടുപ്പിൽ ആറ്റിങ്ങൽ ഗവ. പോളിടെക്നിക് കോളേജിൽ എസ് എഫ് ഐ ക്ക് മിന്നും വിജയം. പോളിടെക്നിക് ആരംഭിച്ച ശേഷം നടന്ന എല്ലാ തെരഞ്ഞെടുപ്പു കളിലും എസ് എഫ് ഐ ആണ് വിജയിച്ചിട്ടുള്ളത്.
പോളി യൂണിയന്റെ ചരിത്രത്തിൽ ആദ്യമായി ഒരു പെൺകുട്ടി കോളേജ് യൂണിയനു നേതൃത്വം നൽകുന്നു എന്നതാണ് ഈ തെരഞ്ഞെടുപ്പിലെ പുതുമ. ജനറൽ സീറ്റിൽ നിന്നും മത്സരിച്ചു ജയിച്ച അനഘ മുരളിയാണ് യൂണിയന്റെ ചെയർമാൻ.
വൈസ് ചെയർമാൻ: സാഗർ
ലേഡി വൈസ്: അൻസി
ജനറൽ സെക്രട്ടറി: സൂരജ് കൗൺസിലർ:അഭിനവ്
മാഗസിൻ എഡിറ്റർ: റുഷൈദ്
ആർട്സ് ക്ലബ് സെക്രട്ടറി: ശ്യാം കൃഷ്ണൻ, ജനറൽ ക്യാപ്റ്റൻ :ആദിത്യ രാജ് എന്നിവരാണ് എസ് എഫ് ഐ പാനലിൽ നിന്നും തെരഞ്ഞെടുക്കപെട്ടവർ.
എസ് എഫ് ഐ വിജയിപ്പിച്ച വിദ്യാർത്ഥികൾക്ക് അഭിവാദ്യങ്ങൾ അർപ്പിച്ചു കൊണ്ട് ആറ്റിങ്ങൽ ടൗണിൽ എസ് എഫ് ഐ ആറ്റിങ്ങൽ ഏരിയ കമ്മിറ്റിയുടെ നേതൃത്വത്തിൽ പ്രകടനം നടത്തി. പ്രകടനത്തിന് എസ് എഫ് ഐ ജില്ലാ വൈസ് പ്രസിഡന്റ് വിജയ് വിമൽ, അർജുൻ കല്ലിങ്കൽ എന്നിവർ നേതൃത്വം നൽകി.
Recent Comments