ആനത്തലവട്ടം ആനന്ദന്റെ ഒന്നാം ചരമവാർഷിക അനുസ്മരണ സമ്മേളനം നടന്നു

by Midhun HP News | Oct 5, 2024 | Latest News, ജില്ലാ വാർത്ത

കേരളത്തിലെ കമ്മ്യുണിസ്റ്റ് പ്രസ്ഥാനത്തിലെ സമുന്നതനായ നേതാവിയിരുന്ന ആനത്തലവട്ടം ആനന്ദന്റെ ഒന്നാം ചരമവാർഷിക അനുസ്മരണ സമ്മേളനം കേരളാ സഹകരണ തുറമുഖ മന്ത്രി വി.എൻ വാസവൻ ചിറയിൻകീഴ് പുളിമൂട്ട് കടവിൽ ഉദ്ഘാടനം ചെയ്തു. സി.പി.ഐ.എം ജില്ലാ സെക്രട്ടറിയും എംഎൽഎ യുമായ അഡ്വ വി ജോയി അധ്യക്ഷത വഹിച്ചു. ജില്ലാ കമ്മിറ്റി അംഗം ആർ സുഭാഷ് സ്വാഗതം പറഞ്ഞു.

സി.പി.ഐ.എം സംസ്ഥാന സെക്രട്ടറിയേറ്റ് അംഗം ആനാവൂർ നാഗപ്പൻ, സംസ്ഥാന കമ്മിറ്റി അംഗവും മുൻ മന്ത്രിയുമായ എം വിജയകുമാർ, ഒ.എസ് അംബിക എംഎൽഎ, സി.ഐ.റ്റി.യു നേതാവ് നെടുവത്തൂർ സുന്ദരേശൻ, ജില്ലാ സെക്രട്ടറിയേറ്റ് അംഗം ആർ രാമു, ജില്ലാ കമ്മിറ്റി അംഗങ്ങളായ വി.എ വിനീത്, എസ്.പി ദീപക്, ഏരിയാ സെക്രട്ടറി അഡ്വ എസ് ലെനിൻ, കർഷക തൊഴിലാളി സംസ്ഥാന കമ്മിറ്റി അംഗം ബി.പി മുരളി, ജില്ലാ പഞ്ചായത്ത് വൈസ് പ്രസിഡന്റ് അഡ്വ ഷൈലജാ ബീഗം, ഏരിയാ കമ്മിറ്റി അംഗങ്ങളായ വി വിജയകുമാർ, വ്യാസൻ, ചിറയിൻകീഴ് പഞ്ചായത്ത് പ്രസിഡന്റ് അബ്ദുൾ വാഹിദ് എന്നിവർ സംസാരിച്ചു.

ആറ്റിങ്ങൽ ഉപജില്ലാ ശാസ്ത്രോത്സവം ഒക്ടോബർ 9,10 തീയതികളിൽ ആറ്റിങ്ങൽ വെച്ച് നടക്കും

by Midhun HP News | Oct 5, 2024 | Latest News, ജില്ലാ വാർത്ത

ആറ്റിങ്ങൽ: വിദ്യാർത്ഥികളിൽ ശാസ്ത്രബോധം പരിപോഷിപ്പിക്കുന്നതിനായി സംഘടിപ്പിച്ചിട്ടുള്ള ആറ്റിങ്ങൽ ഉപജില്ലാ ശാസ്ത്രോത്സവം ഒക്ടോബർ 9, 10 തീയതികളിൽ തുടക്കം കുറിക്കും. ശാസ്ത്രോത്സവത്തിന്റെ ഭാഗമായി ശാസ്ത്രമേള, ഗണിതശാസ്ത്രമേള, മാനവിക ശാസ്ത്രമേള, പ്രവൃർത്തിപരിചയമേള, ഐടി മേള എന്നിവ ഉണ്ടായിരിക്കും. ആറ്റിങ്ങൽ ഗവൺമെൻറ് ഗേൾസ് ഹയർസെക്കൻഡറി സ്കൂൾ, ഡയറ്റ് ആറ്റിങ്ങൽ എന്നിവിടങ്ങളിലായാണ് മേളകൾ സംഘടിപ്പിക്കുന്നത്.

തോന്നയ്ക്കൽ ഗവൺമെന്റ് ഹയർ സെക്കൻഡറി സ്കൂളിൽ ഗോടെക് പദ്ധതിയ്ക്ക്‌ തുടക്കമായി

by Midhun HP News | Oct 5, 2024 | Latest News, ജില്ലാ വാർത്ത

തിരുവനന്തപുരം ജില്ലാ പഞ്ചായത്ത് നടപ്പിലാക്കുന്ന ഇംഗ്ലീഷ് ഭാഷാ പ്രാവീണ്യം വർദ്ധിപ്പിക്കുന്നതിനായുള്ള ഗോടെക് (Global opportunities through English Communication ) പ്രോഗ്രാം ഉദ്ഘാടനം തോന്നയ്ക്കൽ ഗവ. ഹയർസക്കന്ററി സ്കൂളിൽ
നടന്നു. പദ്ധതി ജില്ലാ പഞ്ചായത്ത് മെമ്പർ കെ. വേണുഗോപാലൻ നായർ ഉദ്ഘാടനം ചെയ്തു. പി.ടി.എ. പ്രസിഡൻറ് ഇ . നസീർ അധ്യക്ഷനായിരുന്ന ചടങ്ങിൽ
പ്രിൻസിപ്പാൽ ജെസി ജലാല്‍ സ്വാഗതം പറഞ്ഞു.

പ്രോജക്ട് കോഡിനേറ്റർ രമ്യ എൽ.കുട്ടികൾക്കും രക്ഷിതാക്കൾക്കും വേണ്ടി ഗോടെക് പ്രോഗ്രാം പരിചയപ്പെടുത്തി. ഈ പദ്ധതിയിലൂടെ കുട്ടികൾക് ഇംഗ്ലീഷ് ഭാഷ അനായാസം കൈകാര്യം ചെയ്യാനും അവരുടെ ആശയവിനിമയ നൈപുണി വികസിപ്പിക്കാനും സാധ്യമാകുന്നു. ഗോടെക് പദ്ധതിയിൽ അംഗങ്ങളായ കുട്ടികളുടെ ആശയ വിനിമയ ശേഷിയും, ഭാഷാ നൈപുണിയും വികസിപ്പിച്ചെടുക്കാൻ കഴിയുന്ന തരത്തിലുള്ള അൻപതു മണിക്കൂറുകളുള്ള മോഡ്യൂളിലൂടെയാണ് ക്ലാസുകൾ ക്രമീകരിച്ചിരിക്കുന്നത്. ഗോടെക് പദ്ധതി പൂർത്തിയാകുന്ന ഘട്ടത്തിൽ കുട്ടികൾക്കു ജില്ലാ പഞ്ചായത്തിന്റെ നേതൃത്വത്തിൽ സർട്ടിഫിക്കറ്റ് വിതരണവും വിവിധ മത്സരങ്ങളും അസ്സസ്മെന്റ് സെഷനുകളും സംഘടിപ്പിക്കുന്നുണ്ട്. എസ്.എം.സി. ചെയർമാൻ ജി. ജയകുമാർ, എസ്.എം.സി അംഗങ്ങൾ ആയ എസ്. കെ സുജി, വിനയ്. എം. എസ്, ഹെഡ്മാസ്റ്റർ സുജിത്ത് എസ്, ഹൈസ്കൂൾ സീനിയർ അസിസ്റ്റൻറ് ഷെഫീക്ക് എ. എം, യു. പി. വിഭാഗം സീനിയർ അസിസ്റ്റന്റ് ജാസ്മിൻ എച്ച്. എ.എന്നിവർ ആശംസകൾ അറിയിച്ചു. ഗോടെക് മെന്റർ കവിത ജി.നന്ദി രേഖപ്പെടുത്തി.

കല്ലമ്പലത്ത് ഭാര്യയെ പെട്രോൾ ഒഴിച്ച് തീ കൊളുത്തി കൊന്ന സംഭവം: ഭർത്താവിന് ഇരട്ട ജീവ പര്യന്തവും കഠിന തടവും പിഴയും

by Midhun HP News | Oct 5, 2024 | Latest News, ജില്ലാ വാർത്ത

ഭാര്യയെ പെട്രോൾ ഒഴിച്ച് തീ കൊളുത്തി കൊന്ന സംഭവത്തിൽ ഭർത്താവിന് ഇരട്ട ജീവ പര്യന്തം കഠിന തടവും 9 ലക്ഷം രൂപ പിഴയും. മടവൂർ സീമന്ത പുരം, മയിലാടും പൊയ്കയിൽ വീട്ടിൽ, ഭവാനി മകൾ അമ്പിളി (33) ആണ് കൊല്ലപ്പെട്ടത്.

2017 ന് വെളുപ്പിന് കല്ലമ്പലം, നാവായിക്കുളം, ചിറ്റായ്ക്കോട്, ഉദയഗിരി റോഡിലുള്ള ബീന ഭവൻ വീട്ടിൽ വച്ചാണ് കേസിനാസ്പദമായ സംഭവം നടന്നത്. അമ്പിളിയുടെ ഭർത്താവായ നഗരൂർ, വെള്ളല്ലൂർ ചരുവിള വീട്ടിൽ കുഞ്ഞുപിള്ള മകൻ അട്ടപ്പൻ എന്ന് വിളിക്കുന്നു അജിയെയാണ് തിരുവന്തന്തപുരം അഡിഷണൽ സെഷൻസ് ജഡ്ജ് VII പ്രസൂൻ മോഹൻ ശിക്ഷിച്ചത്. അജിയുടെ മാനസികവും ശാരീരികവുമായ പീഡനം മൂലം അജിയുമായി അകന്ന് കഴിയുകയുകയും അജിക്കെതിരെ പോലീസിൽ പരാതി കൊടുക്കുകയും ചെയ്ത വൈരാഗ്യത്തിൽ അജിയെ ഭയന്ന് ചിറ്റായ്ക്കോട് ഉള്ള കൂട്ടുകാരി ബീനയുടെ വീട്ടിൽ മക്കളോടൊപ്പം താമസിക്കുകയായിരുന്ന അമ്പിളിയെ 2017 ൽ രാവിലെ 5.30 മണിക്ക് വീട്ടിൽ അതിക്രമിച്ചു കയറി കൂടെ ചെല്ലാൻ നിർബന്ധിക്കുകയും ചെല്ലാതിരുന്ന അമ്പിളിയെ അടുത്ത വീട്ടിന്റെ മുറ്റത്തു വച്ചിരുന്ന ബൈക്കിൽ നിന്നും പെട്രോൾ ഊറ്റി അമ്പിളിയുടെ ദേഹത്ത് ഒഴിച്ച് തീ കൊളുത്തുകയുമായിരുന്നു.

ഗുരുതരമായി പൊള്ളലേറ്റ അമ്പിളിയെ കൂട്ടുകാരിയും മറ്റും ചേർന്ന് തിരുവനന്തപുരം മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ചികിത്സയിൽ ഇരിക്കെ മരണപെടുകയും ചെയ്തു.

കേസിൽ പ്രതിക്ക് IPC 302 പ്രകാരം കൊലപാതകത്തിന് ജീവപര്യന്തം കഠിനതടവും 8ലക്ഷം രൂപ പിഴയും പിഴ അടച്ചില്ലെങ്കിൽ 2 വർഷം തടവും IPC 449 പ്രകാരം വീട്ടിൽ അതിക്രമിച്ചു കടന്നതിനു ജീവപര്യന്തം കഠിനതടവും ഒരു ലക്ഷം രൂപ പിഴയും പിഴ അടച്ചില്ലെങ്കിൽ ഒരു വർഷം തടവും ആണ് കോടതി വിധിച്ചത്. പ്രോസീക്യൂഷൻ വേണ്ടി അഡ്വ . വേണി. കോടതിയിൽ ഹാജരായി. കല്ലമ്പലം എസ് ഐ ആയിരുന്ന കെ കെ അരുൺ രജിസ്റ്റർ ചെയ്ത കേസിൽ വർക്കല സി ഐ യുടെ ചുമതല ഉണ്ടായിരുന്ന കടയ്ക്കാവൂർ സി ഐ ജി ബി മുകേഷ് ആണ് അനേഷണം നടത്തി പ്രതിയെ അറസ്റ്റ് ചെയ്തു കോടതിയിൽ ഹാജരാക്കിയത്.

വർക്കല സി ഐ ആയിരുന്ന ബി എസ് സജിമോൻ ആണ് കുറ്റപത്രം സമർപ്പിച്ചത്. പ്രതിക്കുവേണ്ടി അഡ്വ. കവിത ഹാജരായി. പ്രതി പിഴ ഒടുക്കുകയാണെങ്കിൽ തുക മരണപെട്ട അമ്പിളിയുടെ രണ്ടു മക്കൾക്കും തുല്യമായി വീതിക്കുവാൻ കോടതി വിധിച്ചു.

നാവായിക്കുളം ഗവൺമെൻ്റ് ഹൈസ്കൂളും നവകേരളം കൾചറൽ ഫോറവും സംയുക്തമായി ഗാന്ധിജയന്തി ആഘോഷം സംഘടിപ്പിച്ചു

by Midhun HP News | Oct 4, 2024 | Latest News, ജില്ലാ വാർത്ത

കല്ലമ്പലം: നാവായിക്കുളം ഗവൺമെൻ്റ് ഹൈസ്കൂളും നവകേരളം കൾചറൽ ഫോറവും സംയുക്തമായി ഗാന്ധിജയന്തി ആഘോഷം സംഘടിപ്പിച്ചു. നാവായിക്കുളം ഹൈസ്കൂളിൽ സംഘടിപ്പിച്ച പരിപാടി കല്ലമ്പലം സർക്കിൾ ഇൻസ്പെക്ടർ ശ്രീ. വിജയരാഘവൻ ഉദ്ഘാടനം ചെയ്തു. സത്യവും അഹിംസയും സമരായുധമാക്കിയ ലോകനേതാവായിരുന്നു മഹാത്മാഗാന്ധിയെന്ന് അദ്ദേഹം പറഞ്ഞു.

ഗാന്ധിജയന്തി ക്വിസ്, പ്രശ്നോത്തരി, മാജിക് ഷോ എന്നിവ വിദ്യാർത്ഥികളെ പങ്കെടുപ്പിച്ച് കൊണ്ട് നടത്തി. ക്വിസ് മത്സരത്തിൽ ഒന്നാം സ്ഥാനം കരസ്ഥമാക്കിയ സഹല.എസ്.ആർ, രണ്ടാം സ്ഥാനം നേടിയ എസ്. ഹർഷൽ, മൂന്നാം സ്ഥാനം നേടിയ നവീൻ. പി.ആർ എന്നീ വിദ്യാർത്ഥികൾക്ക് സർക്കിൾ ഇൻസ്പെക്ടർ ശ്രീ.വിജയരാഘവൻ കാഷ് അവാർഡും ഉപഹാരങ്ങളും സമ്മാനിച്ചു.

നവകേരളം കൾചറൽ ഫോറം സംസ്ഥാന പ്രസിഡൻ്റ് എം.ഖുത്തുബ് അധ്യക്ഷത വഹിച്ചു. പി.റ്റി.എ. പ്രസിഡൻ്റ് ഹാരീസ് മുഖ്യപ്രഭാഷണം നടത്തി. സംഘമിത്ര ഫൈൻ ആർട്ട്സ് സൊസൈറ്റി സംസ്ഥാന കൺവീനർ വള്ളക്കടവ് സുബൈർ ഗാന്ധി ജയന്തിദിന സന്ദേശം നൽകി. മജീഷ്യൻ വർക്കല മോഹൻദാസ് മാജിക്ക് ഷോ അവതരിപ്പിച്ചു. കൾചറൽ ഫോറം സെക്രട്ടറി ഞെക്കാട് പ്രകാശ്, സ്റ്റാഫ് സെക്രട്ടറി അബ്ദുൽ സലിം എന്നിവർ സംസാരിച്ചു.