by Midhun HP News | Oct 4, 2024 | Latest News, ജില്ലാ വാർത്ത
കൊച്ചി: സംസ്ഥാനത്ത് റെക്കോര്ഡുകള് ഭേദിച്ച് കുതിച്ച് സ്വര്ണവില. 57,000 തൊടാന് ഇനി 40 രൂപയുടെ അകലം മാത്രമാണ് സ്വര്ണവിലയ്ക്ക് ഉള്ളത്. ഇന്ന് പവന് 80 രൂപയാണ് വര്ധിച്ചത്. പത്തുരൂപ വര്ധിച്ച് ഒരു ഗ്രാം സ്വര്ണത്തിന്റെ വില 7120 രൂപയായി. അടുത്തിടെ 56,800 രൂപയായി ഉയര്ന്ന് റെക്കോര്ഡിട്ട സ്വര്ണവില തുടര്ന്നുള്ള മൂന്ന് ദിവസം കൊണ്ട് 400 രൂപ ഇടിഞ്ഞിരുന്നു. എന്നാല് കഴിഞ്ഞദിവസം മുതല് തിരിച്ചുകയറിയ സ്വര്ണവില 56,800 എന്ന റെക്കോര്ഡും മറികടന്നാണ് കുതിക്കുന്നത്. മെയില് രേഖപ്പെടുത്തിയ പവന് 55,120 എന്ന റെക്കോര്ഡ് തിരുത്തിയാണ് കഴിഞ്ഞ മാസം മുതല് സ്വര്ണവില ഓരോ ദിവസവും പുതിയ ഉയരം കുറിച്ച് വരുന്നത്.
by Midhun HP News | Oct 4, 2024 | Latest News, ജില്ലാ വാർത്ത
തിരുവനന്തപുരം: 56 വർഷം മുൻപ് ലേ ലഡാക്കിൽ വിമാനാപകടത്തിൽ മരിച്ച മലയാളി സൈനികൻ തോമസ് ചെറിയാന്റെ സംസ്കാരം ഇന്ന്. പാങ്ങോട് സൈനിക ക്യാമ്പിലെ മോർച്ചറിയിൽ സൂക്ഷിച്ച മൃതദേഹം രാവിലെ 10.30ഓടെ സൈനിക അകമ്പടിയോടെ പത്തനംതിട്ട ഇലന്തൂരിലെ കുടുംബ വീട്ടിലെത്തിക്കും. തുടർന്ന് പള്ളിയിലായിരിക്കും സംസ്കാരം നടക്കുക.
പൊതുദർശനത്തിനും വീട്ടിലെ ചടങ്ങുകൾക്കും ശേഷം പകൽ 12.30 ഓടെ വിലാപയാത്രയായി ഇലന്തൂർ കാരൂർ സെന്റ് പീറ്റേഴ്സ് പള്ളിയിലെത്തിക്കും. പള്ളിയിലും പൊതു ദർശനത്തിന് അവസരമൊരുക്കും. തുടർന്ന് 2 മണിയോടെ സൈനിക ബഹുമതികളോടെ കാരൂർ സെൻ്റ് പീറ്റേഴ്സ് ഓർത്തഡോക്സ് പള്ളിയിൽ പ്രത്യേകം തയ്യാറാക്കിയ കല്ലറയിലാണ് സംസ്കാരം നടക്കുക.
ഇന്നലെ ഉച്ചയ്ക്ക് ഒന്നരരയോടെ വ്യോമസേന വിമാനത്തിൽ തിരുവനന്തപുരത്ത് എത്തിച്ച മൃതദേഹം കേന്ദ്ര സംസ്ഥാന മന്ത്രിമാരും ബന്ധുക്കളും ചേർന്നാണ് ഏറ്റുവാങ്ങിയത്. 1968 ഫെബ്രുവരി ഏഴിനാണ് തോമസ് ചെറിയാൻ സഞ്ചരിച്ചിരുന്ന സൈനിക വിമാനം അപകടത്തിൽപ്പെട്ട് മഞ്ഞുമലയിൽ കാണാതായത്. ആർമിയിൽ ക്രാഫ്റ്റ്സ്മാനായ തോമസ് ചെറിയാന് അന്ന് 22 വയസായിരുന്നു.
by Midhun HP News | Oct 4, 2024 | Latest News, ജില്ലാ വാർത്ത
കൊച്ചി: മലയാള സിനിമയില് സ്ത്രീകള് നേരിടുന്ന ലൈംഗിക ചൂഷണത്തെക്കുറിച്ച് ജസ്റ്റിസ് ഹേമ കമ്മിറ്റിക്ക് മുമ്പാകെ മൊഴി നല്കിയവരില്, പലരും പരാതിയുമായി മുന്നോട്ടു പോകാന് തയ്യാറല്ലെന്ന് ഹൈക്കോടതി. ഹേമ കമ്മിറ്റി റിപ്പോര്ട്ടിലെ വെളിപ്പെടുത്തലുകള് അന്വേഷിക്കുന്ന പ്രത്യേക അന്വേഷണ സംഘത്തിന് മുമ്പാകെ സിനിമാ മേഖലയിലെ ലൈംഗികാതിക്രമങ്ങള് ആരോപിച്ച് ചില വ്യക്തികള് മൊഴി നല്കിയിട്ടുണ്ട്. എന്നാല് ഇവര് പരാതിയുമായി മുന്നോട്ടു പോകാന് താല്പ്പര്യപ്പെടുന്നില്ല. അതേസമയം പരാതികളില് മതിയായ തെളിവുകളുണ്ടെങ്കില്, പരാതിക്കാര്ക്ക് ഇനി കേസുമായി മുന്നോട്ടുപോകാന് താല്പര്യമില്ലെങ്കിലും എസ്ഐടി മുഖേന അന്വേഷണം തുടരാന് കഴിയുമോ എന്നതില് സര്ക്കാര് വിശദീകരണം നല്കണമെന്നും കോടതി ആവശ്യപ്പെട്ടു.
പ്രത്യേക അന്വേഷണ സംഘത്തിന് മുന്നില് മൊഴി നല്കിയവരുണ്ട്. എന്നാല് ഈ വിഷയത്തില് മുന്നോട്ടുപോകാന് ആഗ്രഹിക്കുന്നില്ലെന്ന് അവര് വ്യക്തമാക്കിയിട്ടുണ്ട്. അവരുടെ സ്വകാര്യതയെ നമ്മള് മാനിക്കണം. അതേ സമയം സര്ക്കാര് വിഷയം പരിശോധിക്കണം. പ്രതികളെന്ന് ആരോപിക്കപ്പെടുന്നവര്ക്കെതിരെയുള്ള പരാതികളില് മതിയായ കാര്യങ്ങളും തെളിവുകളും ഉണ്ടെങ്കില്, പരാതിക്കാര് താല്പ്പര്യപ്പെട്ടില്ലെങ്കിലും പ്രത്യേക അന്വേഷണ സംഘത്തിന് ഇതിന്മേല് അന്വേഷണവുമായി മുന്നോട്ടുപോകാനാവില്ലേയെന്ന് ഹൈക്കോടതിയുടെ പ്രത്യേക ബെഞ്ച് ആരാഞ്ഞു.
എസ്ഐടിയുമായി ബന്ധപ്പെട്ട ഇരകളില് ഭൂരിഭാഗവും തങ്ങളുടെ തിക്താനുഭവങ്ങളെക്കുറിച്ച് ഹേമ കമ്മിറ്റി മുമ്പാകെ രഹസ്യമായി വെളിപ്പെടുത്തുകയായിരുന്നു. ഇവരെ പ്രത്യേക അന്വേഷണ സംഘം ബന്ധപ്പെട്ടപ്പോള്, പരാതിയുമായി മുന്നോട്ടുപോകാന് ആഗ്രഹിക്കുന്നില്ലെന്നാണ് അവര് അറിയിച്ചതെന്നാണ് വ്യക്തമാകുന്നതെന്നും റിപ്പോര്ട്ട് പരിശോധിച്ച ശേഷം കോടതി ചൂണ്ടിക്കാട്ടി. ഇതിന് എന്തു ചെയ്യാന് കഴിയും?. ഇത്തരം സംഭവങ്ങള് ആവര്ത്തിക്കാതിരിക്കാന് കര്ശന സുരക്ഷാ സംവിധാനങ്ങള് സര്ക്കാരിന് ഏര്പ്പെടുത്താം. എന്നാല് ആരോപണവിധേയരായ വ്യക്തികള്ക്കെതിരെ നടപടിയെടുക്കാന് പരാതിക്കാര് ആഗ്രഹിക്കുന്നില്ലെന്നും കോടതി പറഞ്ഞു.
ചലച്ചിത്ര നയത്തിന്റെ കരട് സമീപനരേഖ തയ്യാറാക്കാന് സമിതി രൂപീകരിച്ചതായി സംസ്ഥാന സര്ക്കാര് സത്യവാങ്മൂലത്തില് അറിയിച്ചു. വിവിധ സിനിമാ മേഖലകളില് നിന്നുള്ള പ്രതിനിധികളുടെ നിര്ദ്ദേശങ്ങള് ഏകീകരിക്കുന്നതിനായി ഒരു ഫിലിം കോണ്ക്ലേവ് സംഘടിപ്പിക്കാനും തീരുമാനിച്ചിട്ടുണ്ട്. സിനിമാ സംഘടനകളുടെ നിര്ദേശങ്ങള് കൂടി പരിഗണിച്ച് ഉചിതമായ ചലച്ചിത്ര നയം സര്ക്കാര് രൂപീകരിക്കും. സിനിമാ മേഖലയില് നിയമപരമായ ആഭ്യന്തര പരാതി സമിതികള് അടിയന്തരമായി രൂപീകരിക്കാനുള്ള സര്ക്കാര് നിര്ദേശത്തെ തുടര്ന്നാണ് സിനിമാ ലൊക്കേഷനുകളില് ഇന്റേണല് കംപ്ലയിന്റ് കമ്മിറ്റി (ഐസിസി) നിര്ബന്ധമാക്കിയതെന്നും സര്ക്കാര് അറിയിച്ചു.
by Midhun HP News | Oct 4, 2024 | Latest News, ജില്ലാ വാർത്ത
ഇന്ത്യയിലെ പ്രമുഖ ദേശസാൽകൃത ബാങ്കിന്റെ ഇൻവെസ്റ്റ് മെന്റ് ആൻഡ് പെൻഷൻ ഡിവിഷനിലേക്ക് LIFE MITRA, PENSION PROMOTER, FINANCIAL CONSULTANT തസ്സ്ഥികകളിലേക്ക് 25 വയസിനും 65 വയസിനും ഇടയിലുള്ള ഉദ്യോഗാർത്ഥികളെ ക്ഷണിക്കുന്നു.
വിദ്യാഭ്യാസ യോഗ്യത: എസ് എസ് എൽ സി & ABOVE
വയസ്സ് : 25 to 65
by Midhun HP News | Oct 4, 2024 | Latest News, ജില്ലാ വാർത്ത
മാധ്വ തുളു ബ്രാഹ്മണ സമാജം, ആറ്റിങ്ങൽ യൂണിറ്റ് വാർഷിക സമ്മേളനം 2024 ഒക്ടോബർ മാസം രണ്ടാം തീയതി ആറ്റിങ്ങൽ, പാർവതീപുരം ഗ്രാമം, ഭജനമഠം ഹാളിൽ സമുചിതമായി സംഘടിപ്പിച്ചു. ജെ ശ്രീനിവാസൻ പോറ്റി രക്ഷാധികാരി ആയും എൻ കൃഷ്ണമൂർത്തി, വി രാമകൃഷ്ണൻ പോറ്റി എന്നിവർ ഉപ രക്ഷാധികാരികൾ ആയും എ എൽ പത്മനാഭ റാവു പ്രസിഡന്റ് ആയും ആർ രമേശ് സെക്രട്ടറി ആയും ആർ മുരളീധരൻ ട്രഷറർ ആയും ഉള്ള 22 അംഗ പുതിയ ഭരണസമിതിയെ തിരഞ്ഞെടുത്തു. കൂടാതെ എസ് കുമാരി സുമംഗല പ്രസിഡന്റ് ആയും ടി ആർ ഗീത സെക്രട്ടറി ആയും ഉള്ള 13 പേർ അടങ്ങുന്ന മഹിള സമിതിയെയും തിരഞ്ഞെടുത്തു.
by admin | Oct 4, 2024 | Latest News, ജില്ലാ വാർത്ത
തിരുവനന്തപുരം: എഡിജിപി- ആര്എസ്എസ് കൂടിക്കാഴ്ച, പി വി അന്വറിന്റെ ആരോപണങ്ങള്, തൃശൂര് പൂരം കലക്കല് അടക്കം വിവിധ വിഷയങ്ങള് ഭരണപക്ഷത്തിനെതിരെ ആയുധമാക്കാന് പ്രതിപക്ഷം ഒരുങ്ങവേ, നിയമസഭാ സമ്മേളനം ഇന്ന് ആരംഭിക്കും. 15-ാം കേരള നിയമസഭയുടെ 12-ാം സമ്മേളനം 18 വരെ 9 ദിവസം മാത്രമാണ് ചേരുക. ഭരണപക്ഷത്തിനെതിരെ ഉന്നയിക്കാന് പ്രതിപക്ഷത്തിനു ഒട്ടേറെ വിഷയങ്ങളുള്ളതിനാല് സഭ പ്രക്ഷുബ്ധമാകാനാണ് സാധ്യത. വയനാട്, കോഴിക്കോട് ജില്ലകളിലായി നടന്ന ഉരുള്പൊട്ടലില് ജീവന് നഷ്ടപ്പെട്ടവര്ക്ക് ആദരാഞ്ജലികള് അര്പ്പിച്ച് ഇന്ന് സഭ പിരിയും.
6 ദിവസങ്ങള് ബില്ലുകള് പാസാക്കാനും 2 ദിവസം അനൗദ്യോഗിക അംഗങ്ങളുടെ കാര്യങ്ങള്ക്കുമായാണു സഭ ചേരുന്നത്. വയനാട് ദുരിത ബാധിതരെ സഹായിക്കാന് ആവശ്യപ്പെട്ട തുക നല്കാത്തതില് കേന്ദ്രത്തിനെതിരായ വിമര്ശനം ഭരണപക്ഷം സഭയില് ഉയര്ത്തും. വിഷയത്തില് പ്രതിപക്ഷവും നിലപാട് അറിയിക്കും. അതേസമയം, കണക്കുകളിലെ പ്രശ്നങ്ങള് പ്രതിപക്ഷം ഉയര്ത്താനും സാധ്യതയുണ്ട്.
കേരള വെറ്ററിനറി ആന്ഡ് അനിമല് സയന്സസ് യൂണിവേഴ്സിറ്റി ഭേദഗതി ബില്, കേരള കന്നുകാലി പ്രജനന ബില്, കേരള പബ്ലിക് സര്വീസ് കമ്മിഷന് ഭേദഗതി ബില്, കേരള ജനറല് സെയില്സ് ടാക്സ് ഭേദഗതി ബില്, പ്രവാസി കേരളീയരുടെ ക്ഷേമ ഭേദഗതി ബില്, പേയ്മെന്റ് ഓഫ് സാലറീസ് ആന്ഡ് അലവന്സസ് ഭേദഗതി ബില് എന്നിവയാണു പരിഗണിക്കുന്നത്. കേരള നികുതി ചുമത്തല് നിയമങ്ങള് (ഭേദഗതി) ഓര്ഡിനന്സിനു പകരമുള്ള ബില്ലും ഈ സമ്മേളനത്തില് പാസാക്കും.
Recent Comments