by Midhun HP News | Dec 5, 2025 | Latest News, ദേശീയ വാർത്ത
ഗാബ: രണ്ടാം ആഷസ് ടെസ്റ്റില് ഒന്നാം ഇന്നിങ്സ് ബാറ്റിങ് തുടങ്ങി ഓസ്ട്രേലിയ കരുത്തോടെ മുന്നോട്ട്. ഒടുവില് വിവരം കിട്ടുമ്പോള് ഓസീസ് 5 വിക്കറ്റ് നഷ്ടത്തില് 292 റണ്സെന്ന നിലയില്. ഓപ്പണര് ജാക്ക് വെതറാള്ഡ്, മര്നസ് ലാബുഷെയ്ന് എന്നിവര്ക്കു പിന്നാലെ ക്യാപ്റ്റന് സ്റ്റീവ് സ്മിത്തും അര്ധ സെഞ്ച്വറി നേടി.
5 വിക്കറ്റ് ശേഷിക്കെ ഇംഗ്ലണ്ട് സ്കോറിനൊപ്പമെത്താന് ഓസീസിന് 42 റണ്സ് കൂടി മതി. ഒന്നാം ഇന്നിങ്സില് ഇംഗ്ലണ്ടിനെ 334 റണ്സില് ഓള് ഔട്ടാക്കിയാണ് ഓസ്ട്രേലിയ ബാറ്റിങ് തുടങ്ങിയത്.
വെതറാള്ഡ് 72 റണ്സ് എടുത്തപ്പോള് ലാബുഷെയ്ന് 65 റണ്സ് സ്വന്തമാക്കി. മറ്റൊരു ഓപ്പണര് ട്രാവിസ് ഹെഡ് 33 റണ്സുമായി മടങ്ങി. സ്കോര് 77ല് എത്തിയപ്പോഴാണ് ഓസ്ട്രേലിയക്ക് ആദ്യ വിക്കറ്റ് നഷ്ടമായത്. 45 റൺസെടുത്ത കാമറോൺ ഗ്രീനാണ് പുറത്തായ നാലാമൻ. അഞ്ചാം വിക്കറ്റായി സ്മിത്ത് 61 റൺസുമായി ഔട്ടായി.
കരുത്തോടെ മുന്നേറുന്നതിനിടെ ബ്രയ്ഡന് കര്സ് ഓസീസിനു ഇരട്ട പ്രഹരമേല്പ്പിച്ചു. 57ാം ഓവറിലെ ആദ്യ പന്തില് കാമറോണ് ഗ്രീനിനേയും നാലാം പന്തില് സ്റ്റീവ് സ്മിത്തിനേയും കര്സ് പുറത്താക്കി. താരം മൂന്ന് വിക്കറ്റുകള് വീഴ്ത്തി. ജോഫ്ര ആര്ച്ചര്, ബെന് സ്റ്റോക്സ് എന്നിവര് ഓരോ വിക്കറ്റെടുത്തു.
നേരത്തെ സെഞ്ച്വറി നേടി പുറത്താകാതെ നിന്ന മുന് ക്യാപ്റ്റന് ജോ റൂട്ടിന്റെ കിടിലന് ബാറ്റിങാണ് ഇംഗ്ലണ്ട് സ്കോര് 334ല് എത്തിച്ചത്. താരം 206 പന്തില് നിന്ന് 138 റണ്സുമായി പുറത്താകാതെ നിന്നു. രണ്ടാം ദിനം ഒന്പത് വിക്കറ്റിന് 325 റണ്സ് എന്ന നിലയില് കളി ആരംഭിച്ച ഇംഗ്ലണ്ടിന് ഒന്പത് റണ്സ് മാത്രമേ കൂട്ടിച്ചേര്ക്കാന് കഴിഞ്ഞുള്ളു. ജോഫ്ര ആര്ച്ചര് 38 റണ്സിന് പുറത്തായി.
അവസാന വിക്കറ്റില് ഒന്നിച്ച റൂട്ട്- ജോഫ്ര ആര്ച്ചര് സഖ്യത്തിന്റെ കൂറ്റനടികളാണ് ഇംഗ്ലണ്ടിനെ മുന്നൂറ് കടത്തിയത്. ഇരുവരും ചേര്ന്നു പത്താം വിക്കറ്റില് 61 റണ്സ് അതിവേഗം ചേര്ത്തതോടെയാണ് ഇംഗ്ലീഷ് സ്കോര് 300 കടന്നത്. 40ാം ടെസ്റ്റ് സെഞ്ച്വറിയാണ് റൂട്ട് ഗാബയില് കുറിച്ചത്. ഓസീസ് മണ്ണില് കരിയറില് ആദ്യമായാണ് റൂട്ട് ടെസ്റ്റ് സെഞ്ച്വറി നേടുന്നത്. 206 പന്തുകള് നേരിട്ട് 15 ഫോറും ഒരു സിക്സും സഹിതം റൂട്ട് 138 റണ്സ് നേടി.
ടോസ് നേടി ഒന്നാം ഇന്നിങ്സ് ബാറ്റിങ് തുടങ്ങിയ ഇംഗ്ലണ്ടിനു 5 റണ്സ് ചേര്ക്കുന്നതിനിടെ രണ്ട് വിക്കറ്റുകള് നഷ്ടമായി. പിന്നീട് ഇംഗ്ലണ്ടിനെ ക്രൗളി- റൂട്ട് സഖ്യം പിന്നീട് 122 റണ്സ് വരെ എത്തിച്ചാണ് പിരിഞ്ഞത്. ക്രൗളി 76 റണ്സുമായി പുറത്തായി.
ഓസീസിനായി മിച്ചല് സ്റ്റാര്ക്ക് മികവോടെ പന്തെറിഞ്ഞു. ആറ് വിക്കറ്റുകള് വീഴ്ത്തി സ്റ്റാര്ക്ക് ഇംഗ്ലണ്ടിനെ തകര്ക്കാന് മുന്നില് നിന്നു. പെര്ത്തില് രണ്ടിന്നിങ്സിലുമായി 10 വിക്കറ്റുകള് വീഴ്ത്തിയ സ്റ്റാര്ക്ക് ഗാബയില് 6 വിക്കറ്റുകള് വീഴ്ത്തി ഇംഗ്ലീഷ് നിരയെ വിറപ്പിച്ചു. മിച്ചല് നെസര്, സ്കോട്ട് ബോളണ്ട്, ബ്രണ്ടന് ഡോഗറ്റ് എന്നിവര് ഓരോ വിക്കറ്റെടുത്തു.
by Midhun HP News | Dec 5, 2025 | Latest News, ദേശീയ വാർത്ത
ഡല്ഹി: ഇന്ഡിഗോയുടെ വിമാനസര്വീസുകള് ഏറെക്കുറേ പൂര്ണമായും താളംതെറ്റിയതോടെ അവസരം മുതലാക്കി മറ്റ് വിമാനക്കമ്പനികള്. എയര് ഇന്ത്യ അടക്കമുള്ള വിമാനക്കമ്പനികള് ഞായറാഴ്ച വരെയുള്ള ടിക്കറ്റുകള്ക്ക് നാലിരട്ടിയാണ് വര്ധിപ്പിച്ചത്. ഇത് യാത്രക്കാരെ കൂടുതല് പ്രതിസന്ധിയിലാക്കി. ഡല്ഹിയില് നിന്ന് നാളെ ചെന്നയിലേക്കുള്ള വിമാനനിരക്ക് ഒരു ലക്ഷത്തിന് മുകളിലാണ്. നാളെ വീണ്ടും ടിക്കറ്റ് വില ഉയരുമെന്നാണ് പ്രതീക്ഷിക്കുന്നത്.
ഡല്ഹി, മുംബൈ, ബംഗളൂരു. ചെന്നൈ, പൂനെ, കൊച്ചി തുടങ്ങിയ പ്രധാന നഗരങ്ങളിലേക്കുള്ള വിമാനനിരക്ക് വര്ധിപ്പിച്ചു. നാളെ ഡല്ഹിയില് നിന്ന് കൊച്ചിയിലേക്കും തിരുവന്തപുരത്തേക്കുമുള്ള വിമാന ടിക്കറ്റ് നിരക്ക് അരലക്ഷത്തിന് മുകളിലാണ്. ഇന്ത്യയിലെ ആഭ്യന്തരസര്വീസുകളില് അറുപത് ശതമാനവും ഇന്ഡിഗോ ആണ് നടത്തുന്നത്. ഇന്ഡിഗോ ജീവനക്കാര് പണിമുടക്കിയതോടെയാണ് ആഭ്യന്തര സര്വീസുകള് തടസ്സപെടുന്ന സാഹചര്യം ഉണ്ടായത്. ആ അവസരം മറ്റ് വിമാനക്കമ്പനികള് മുതലെടുക്കുകയും ചെയ്യുന്നു.
ഞായറാഴ്ച വരെയുള്ള ടിക്കറ്റ് നിരക്കാണ് വിമാനക്കമ്പനികള് വന് തോതില് ഉയര്ത്തിയത്. ഡല്ഹിയില് നിന്നും ചെന്നൈയിലേക്കുള്ള എയര് ഇന്ത്യ വിമാനങ്ങളിലെ ഇന്നത്തെ ടിക്കറ്റുകള് മുഴുവനായി വിറ്റുതീര്ന്നു. നാളെത്തെ ടിക്കറ്റ് നിരക്ക് ഒരു ലക്ഷത്തിലധികമാണ്. കേന്ദ്രസര്ക്കാരിന്റെ തെറ്റായ നയങ്ങളാണ് ഇത്തരമൊരു സാഹചര്യം സൃഷ്ടിച്ചതെന്ന് പ്രതിപക്ഷ പാര്ട്ടികള് ആരോപിച്ചു.
ഇന്ഡിഗോയ്ക്ക് ഇളവ്
അതേസമയം, ഇന്ഡിഗോയുടെ പൈലറ്റുമാരുടെ ഡ്യൂട്ടിചട്ടത്തില് വ്യോമയാന ഡയറക്ടറേറ്റ് ജനറല് (ഡിജിസിഎ) ഇളവു വരുത്തി. പൈലറ്റുമാരുടെ അവധിയെ നിര്ബന്ധിത പ്രതിവാര വിശ്രമമായി കാണരുതെന്ന വ്യവസ്ഥ ഡിജിസിഎ നടപ്പാക്കിയിരുന്നു. ഈ വ്യവസ്ഥയാണ് ഇപ്പോള് പിന്വലിച്ചിരിക്കുന്നത്. ഫലത്തില് പൈലറ്റുമാര് അവധിയെടുത്താല് കമ്പനികള്ക്ക് ഇത് ഡിജിസിഎ നിശ്ചയിച്ചിരിക്കുന്ന നിര്ബന്ധിത പ്രതിവാര വിശ്രമത്തിന്റെ പരിധിയില് കാണാം. നവംബര് 1 മുതല് നടപ്പാക്കിയ പൈലറ്റ് ഡ്യൂട്ടി ചട്ടമാണ് ഇന്ഡിഗോ സര്വീസുകള്ക്ക് തിരിച്ചടിയായത്. ഈ ചട്ടത്തില് ഇന്ഡിഗോ ഇളവ് ആവശ്യപ്പെട്ടിരുന്നു.
പുതിയ ചട്ടമനുസരിച്ച് പ്രതിവാര വിശ്രമസമയം 36 മണിക്കൂറായിരുന്നത് 48 മണിക്കൂറായി വര്ധിപ്പിച്ചു. ഒപ്പം രാത്രി ലാന്ഡിങ് 6 എണ്ണമായിരുന്നത് രണ്ടായി കുറയ്ക്കുകയും ചെയ്തു. പൈലറ്റുമാരുടെ ഷെഡ്യൂളിങ്ങിനെ ഇത് കാര്യമായി ബാധിച്ചു. ഡിജിസിഎ ചട്ടത്തെ ഇന്ഡിഗോയടക്കമുള്ള കമ്പനികള് തുടക്കം മുതലേ എതിര്ത്തിരുന്നു. കൂടുതല് പൈലറ്റുമാരെ വേണ്ടിവരുമെന്നതായിരുന്നു എതിര്പ്പിന്റെ കാരണം.
by Midhun HP News | Dec 5, 2025 | Latest News, ദേശീയ വാർത്ത
ഡല്ഹി: ഇന്ഡിഗോ വിമാനസര്വീസുകള് വൈകുന്നതും കൂട്ടത്തോടെ റദ്ദാക്കുന്നതുമായ പ്രതിസന്ധി ഇന്നും തുടരുന്നു. ഇന്നലെ മാത്രം 550ഓളം സര്വീസുകളാണ് ഇന്ഡിഗോ റദ്ദാക്കിയത്. ഇന്നും സര്വീസുകളെ പ്രശ്നം ബാധിച്ചതോടെ രാജ്യത്തെ പല വിമാനത്താവളങ്ങളിലും വ്യാപക പ്രതിഷേധമാണ് യാത്രക്കാര് ഉയർത്തുന്നത്. ഡല്ഹിയില് നിന്നും ഇന്ന് അര്ദ്ധരാത്രി വരെയുള്ള ഇൻഡിഗോയുടെ എല്ലാ ആഭ്യന്തര വിമാന സര്വീസുകളും റദ്ദാക്കിയിട്ടുണ്ട്. ചെന്നൈയില് ആറു മണി വരെയുള്ള സര്വീസുകള് റദ്ദാക്കി.
വിമാനത്താവളത്തില് തറയില് വിശ്രമിക്കുന്ന യാക്രക്കാരുടെയും കൂട്ടിയിട്ടിരിക്കുന്ന ലഗേജുകളുടെയും ചിത്രങ്ങള് ഉള്പ്പെടെ പുറത്തുവന്നിട്ടുണ്ട്. പ്രതിഷേധത്തിന്റെ ഭാഗമായി യാത്രക്കാര് ഇന്ഡിഗോയ്ക്ക് എതിരെ മുദ്രാവാക്യം ഉള്പ്പെടെ മുഴക്കുന്ന നിലയിലേക്ക് തിരിഞ്ഞിട്ടുണ്ട്. മണിക്കൂറുകളായി കാത്തു നില്ക്കുമ്പോഴും വിമാനം എപ്പോള് പുറപ്പെടുമെന്നത് സംബന്ധിച്ച് കൃത്യമായ വിവരങ്ങള് പോലും നല്കാന് ജീവനക്കാര്ക്ക് നല്കാന് കഴിയുന്നില്ലെന്ന് യാത്രക്കാര് മാധ്യമങ്ങളോട് പ്രതികരിച്ചു.
രാവിലെ 8.05ന് ബംഗളൂരുവില് നിന്നും പുറപ്പെടേണ്ട തിരുവനന്തപുരം വിമാനം ഇതുവരെ അനിശ്ചിതമായി വൈകിയിരിക്കുയാണ്. വിമാനം എപ്പോള് പുറപ്പെടുമെന്നതില് കൃത്യമായ അറിയിപ്പും യാത്രക്കാര്ക്ക് ലഭിച്ചിട്ടില്ല. ഇതിനിടെ രാവിലെ 11.40 ന് പുറപ്പെടേണ്ടിയിരുന്ന തിരുവനന്തപുരം വിമാനം റദ്ദാക്കിയതായി ഇന്ഡിഗോ വെബ്സൈറ്റ് വ്യക്തമാക്കുന്നു. എന്നാല് വൈകീട്ട് 6.20 ന് പുറപ്പെടേണ്ട ബംഗളൂരു തിരുവനന്തപുരം വിമാനം കൃത്യസമയം പാലിക്കുമെന്നും വെബ്സൈറ്റ് പറയുന്നു.
വിമാനസര്വീസുകള് വൈകുന്നതും കൂട്ടത്തോടെ റദ്ദാക്കുന്നതും കേരളത്തിലും യാത്രക്കാരെ സാരമായി വലച്ചിട്ടുണ്ട്. തിരുവനന്തപുരം, കണ്ണൂര് വിമാനത്താവളങ്ങളില് മണിക്കൂറുകളായി യാത്രക്കാര് കാത്തിരിക്കുകയാണ്. വെള്ളിയാഴ്ച ഫുജൈറയില്നിന്ന് കണ്ണൂരിലേക്കുള്ള വിമാനം റദ്ദാക്കി. കണ്ണൂര്-തിരുവനന്തപുരം, കണ്ണൂര്-അബുദാബി വിമാനങ്ങള് അനിശ്ചിതമായി വൈകുന്നു.
അതേസമയം, വിമാന സര്വീസുകള് ക്രമം തെറ്റിയതില് ഖേദം പ്രകടിപ്പിച്ച് ഇന്ഡിഗോ രംഗത്തെത്തി. ഉപയോക്താക്കളോടും വ്യവസായ പങ്കാളികളോടും ക്ഷമ ചോദിക്കുന്നു എന്നാണ് കമ്പനിയുടെ പ്രതികരണം.
ഷെഡ്യൂള് ചെയ്ത വിമാനങ്ങളുടെ മാറ്റങ്ങളെക്കുറിച്ച് ഉപയോക്താക്കളെ അറിയിക്കും. യാത്രക്കാര് ഇന്ഡിഗോയുടെ വെബ്സൈറ്റിലെ സ്റ്റാറ്റസ് പരിശോധിച്ച ശേഷം വിമാനത്താവളത്തിലേക്ക് യാത്ര തിരിച്ചാല് മതി. യാത്രക്കാര്ക്കുണ്ടായ അസൗകര്യത്തില് ഖേദിക്കുന്നുവെന്നും ഇന്ഡിഗോ എക്സ് പോസ്റ്റില് കുറിച്ചു.
ഡിസംബര് എട്ട് മുതല് സര്വീസുകള് വെട്ടിക്കുറയ്ക്കുമെന്നും ഇന്ഡിഗോ അറിയിച്ചിട്ടുണ്ട്. സര്വീസ് പൂര്ണ തോതില് സാധാരണ നിലയിലാകാന് 2026 ഫെബ്രുവരി 10 വരെ സമയമെടുക്കുമെന്നാണ് ഇന്ഡിഗോ ഡിജിസിഎയെ അറിയിച്ചിട്ടുള്ളത്. അതുവരെ വിമാന സര്വ്വീസുകള് വെട്ടികുറയ്ക്കും. തല്ക്കാലം സ്ഥിതി മെച്ചപ്പെടുത്താനുള്ള ശ്രമം തുടരുന്നതായും ഇന്ഡിഗോ അറിയിച്ചു.
അതേസമയം, വിമാന സര്വീസുകള് ക്രമം തെറ്റിയതില് ഖേദം പ്രകടിപ്പിച്ച് ഇന്ഡിഗോ രംഗത്തെത്തി. ഉപയോക്താക്കളോടും വ്യവസായ പങ്കാളികളോടും ക്ഷമ ചോദിക്കുന്നു എന്നാണ് കമ്പനിയുടെ പ്രതികരണം.
ഷെഡ്യൂള് ചെയ്ത വിമാനങ്ങളുടെ മാറ്റങ്ങളെക്കുറിച്ച് ഉപയോക്താക്കളെ അറിയിക്കും. യാത്രക്കാര് ഇന്ഡിഗോയുടെ വെബ്സൈറ്റിലെ സ്റ്റാറ്റസ് പരിശോധിച്ച ശേഷം വിമാനത്താവളത്തിലേക്ക് യാത്ര തിരിച്ചാല് മതി. യാത്രക്കാര്ക്കുണ്ടായ അസൗകര്യത്തില് ഖേദിക്കുന്നുവെന്നും ഇന്ഡിഗോ എക്സ് പോസ്റ്റില് കുറിച്ചു.
ഡിസംബര് എട്ട് മുതല് സര്വീസുകള് വെട്ടിക്കുറയ്ക്കുമെന്നും ഇന്ഡിഗോ അറിയിച്ചിട്ടുണ്ട്. സര്വീസ് പൂര്ണ തോതില് സാധാരണ നിലയിലാകാന് 2026 ഫെബ്രുവരി 10 വരെ സമയമെടുക്കുമെന്നാണ് ഇന്ഡിഗോ ഡിജിസിഎയെ അറിയിച്ചിട്ടുള്ളത്. അതുവരെ വിമാന സര്വ്വീസുകള് വെട്ടികുറയ്ക്കും. തല്ക്കാലം സ്ഥിതി മെച്ചപ്പെടുത്താനുള്ള ശ്രമം തുടരുന്നതായും ഇന്ഡിഗോ അറിയിച്ചു.
by Midhun HP News | Dec 5, 2025 | Latest News, ദേശീയ വാർത്ത
ഡല്ഹി: അടിസ്ഥാനപലിശനിരക്കില് 0.25 ശതമാനത്തിന്റെ കുറവ് വരുത്തി റിസര്വ് ബാങ്ക് ഓഫ് ഇന്ത്യ (ആര്ബിഐ). റിപ്പോ നിരക്ക് 5.25 ശതമാനമായതോടെ ഭവന, വാഹന, വ്യക്തിഗത വായ്പകളുടെ പലിശ നിരക്കില് കുറവുണ്ടാകും. മൂന്ന് ദിവസത്തെ മോണിറ്ററി പോളിസി കമ്മിറ്റി (എംപിസി) യോഗത്തിന് ശേഷം ആര്ബിഐ ഗവര്ണര് സഞ്ജയ് മല്ഹോത്രയാണ് തീരുമാനം അറിയിച്ചത്.
നിരക്ക് കുറവ് ഉടനടി പ്രാബല്യത്തില് വരുമെന്നും നിലവില് ഉയര്ന്നുവരുന്ന മാക്രോ ഇക്കണോമിക് സാഹചര്യങ്ങളെയും ഭാവി പ്രതീക്ഷകളെയും കുറിച്ച് എംപിസി വിശദമായ വിലയിരുത്തല് നടത്തിയതായി ഗവര്ണര് പറഞ്ഞു.
‘റിപ്പോ നിരക്ക് ചര്ച്ച ചെയ്ത് തീരുമാനിക്കാന് ഡിസംബര് 3, 4, 5 തീയതികളില് എംപിസി യോഗം ചേര്ന്നു. ഉയര്ന്നുവരുന്ന ‘മാക്രോ ഇക്കണോമിക്’ സാഹചര്യങ്ങളെയും ഭാവി പ്രതീക്ഷകളെയും കുറിച്ചുള്ള വിശദമായ വിലയിരുത്തലുകളുടെ അടിസ്ഥാനത്തില് റിപ്പോ നിരക്ക് 25 ബേസിസ് പോയിന്റുകള് കുറച്ച് 5.25 ശതമാനമായി കുറയ്ക്കാന് എംപിസി ഏകകണ്ഠമായി തീരുമാനിച്ചു’ ആര്ബിഐ ഗവര്ണര് സഞ്ജയ് മല്ഹോത്രയാണ് അറിയിച്ചു.
ഈ കലണ്ടര് വര്ഷം ആര്ബിഐ എംപിസി ഇതുവരെ റിപ്പോ നിരക്ക് 125 ബേസിസ് പോയിന്റ് കുറച്ചു. ഫെബ്രുവരി മുതല് നിരക്ക് കുറയ്ക്കല് തുടങ്ങിയിരുന്നു. ഫെബ്രുവരി മുതല് ജൂണ് വരെ, നിരക്ക് 6.5 ശതമാനത്തില് നിന്ന് 5.5 ശതമാനമായി കുറച്ചിരുന്നു. ഓഗസ്റ്റ്, ഒക്ടോബര് മാസങ്ങളിലും ഇത് നിലനിര്ത്തിയിരുന്നു.
by Midhun HP News | Dec 5, 2025 | Latest News, ദേശീയ വാർത്ത
ഗാബ: രണ്ടാം ആഷസ് ടെസ്റ്റില് ഓസ്ട്രേലിയക്കെതിരെ ഇംഗ്ലണ്ട് ഒന്നാം ഇന്നിങ്സില് 334 റണ്സിന് പുറത്ത്. സെഞ്ച്വറി നേടിയ ജോ റൂട്ട് ആണ് ഇംഗ്ലണ്ട് നിരയിലെ ടോപ്സ്കോറര്. താരം 206 പന്തില് നിന്ന് 138 റണ്സുമായി പുറത്താകാതെ നിന്നു. രണ്ടാം ദിനം ഒന്പത് വിക്കറ്റിന് 325 റണ്സ് എന്ന നിലയില് കളി ആരംഭിച്ച ഇംഗ്ലണ്ടിന് ഒന്പത് റണ്സ് മാത്രമേ കൂട്ടിച്ചേര്ക്കാന് കഴിഞ്ഞുള്ളു. ജോഫ്ര ആര്ച്ചര് 38 റണ്സിന് പുറത്തായി.
അവസാന വിക്കറ്റില് ഒന്നിച്ച റൂട്ട്- ജോഫ്ര ആര്ച്ചര് സഖ്യത്തിന്റെ കൂറ്റനടികളാണ് ഇംഗ്ലണ്ടിനെ മുന്നൂറ് കടത്തിയത്. ഇരുവരും ചേര്ന്നു പത്താം വിക്കറ്റില് 61 റണ്സ് അതിവേഗം ചേര്ത്തതോടെയാണ് ഇംഗ്ലീഷ് സ്കോര് 300 കടന്നത്. 40ാം ടെസ്റ്റ് സെഞ്ച്വറിയാണ് റൂട്ട് ഗാബയില് കുറിച്ചത്. ഓസീസ് മണ്ണില് കരിയറില് ആദ്യമായാണ് റൂട്ട് ടെസ്റ്റ് സെഞ്ച്വറി നേടുന്നത്. 202 പന്തുകള് നേരിട്ട് 15 ഫോറും ഒരു സിക്സും സഹിതം റൂട്ട് 138 റണ്സ് നേടി. അവസാന സ്ഥാനത്തിറങ്ങിയ ജോഫ്ര ആര്ച്ചര് കൂറ്റനടികളുമായി റൂട്ടിനൊപ്പം നിന്നതോടെയാണ് ഇംഗ്ലണ്ട് സ്കോര് 300 കടന്നത്.
ടോസ് നേടി ഒന്നാം ഇന്നിങ്സ് ബാറ്റിങ് തുടങ്ങിയ ഇംഗ്ലണ്ടിനു തുടക്കത്തില് തന്നെ രണ്ട് വിക്കറ്റുകള് നഷ്ടമായ ഇംഗ്ലണ്ടിനെ ഓപ്പണര് സാക് ക്രൗളിയും മുന് നായകന് ജോ റൂട്ടും ചേര്ന്നു കളിയിലേക്ക് മടക്കിയെത്തിച്ചു. 5 റണ്സ് ചേര്ക്കുന്നതിനിടെ രണ്ട് വിക്കറ്റുകള് നഷ്ടമായ ഇംഗ്ലണ്ടിനെ ക്രൗളി- റൂട്ട് സഖ്യം പിന്നീട് 122 റണ്സ് വരെ എത്തിച്ചാണ് പിരിഞ്ഞത്.
എന്നാല് പിന്നീട് കൃത്യമായ ഇടവേളകളില് ഇംഗ്ലണ്ടിനു വിക്കറ്റുകള് വീണ്ടും നഷ്ടമായി. ക്രൗളി 76 റണ്സുമായി പുറത്തായി. ബെന് ഡക്കറ്റ്, ഒലി പോപ്പ് എന്നിവര് അക്കൗണ്ട് തുറക്കും മുന്പ് കൂടാരം കയറി. ഹാരി ബ്രൂക്ക് 31 റണ്സുമായി മടങ്ങി. ക്യാപ്റ്റന് ബെന് സ്റ്റോക്സ് 19 റണ്സിലും ഔട്ടായി. പിന്നാലെ വന്ന ജാമി സ്മിത്തിനും പിടിച്ചു നില്ക്കാനായില്ല. താരം 2 പന്തില് പൂജ്യത്തിനു പുറത്ത്. വില് ജാക്സ് (19), ഗസ് അറ്റ്കിന്സന് (4), ബ്രയ്ഡന് കര്സ് (0) എന്നിവരാണ് പുറത്തായ മറ്റുള്ളവര്.
ഓസീസിനായി മിച്ചല് സ്റ്റാര്ക്ക് മികവോടെ പന്തെറിഞ്ഞു. ആറ് വിക്കറ്റുകള് വീഴ്ത്തി സ്റ്റാര്ക്ക് ഇംഗ്ലണ്ടിനെ തകര്ക്കാന് മുന്നില് നിന്നു. പെര്ത്തില് രണ്ടിന്നിങ്സിലുമായി 10 വിക്കറ്റുകള് വീഴ്ത്തിയ സ്റ്റാര്ക്ക് ഗാബയില് 6 വിക്കറ്റുകള് വീഴ്ത്തി ഇംഗ്ലീഷ് നിരയെ വിറപ്പിച്ചു. മിച്ചല് നെസര്, സ്കോട്ട് ബോളണ്ട് എന്നിവര് ഓരോ വിക്കറ്റെടുത്തു. ബെന് സ്റ്റോക്സ് റണ്ണൗട്ടായാണ് മടങ്ങിയത്.
by Midhun HP News | Dec 5, 2025 | Latest News, ദേശീയ വാർത്ത
ഡല്ഹി: 23- മത് ഇന്ത്യ- റഷ്യ വാര്ഷിക ഉച്ചകോടി ഇന്ന് നടക്കും. ഹൈദരാബാദ് ഹൗസില് ഉച്ചയ്ക്ക് 12 നാണ് റഷ്യന് പ്രസിഡന്റ് വ്ലാദിമിര് പുടിനും പ്രധാനമന്ത്രി നരേന്ദ്രമോദിയും തമ്മിലുള്ള ചര്ച്ച നടക്കുക. ഉച്ചകോടിയില് ഇന്ത്യയും റഷ്യയും തമ്മില് ഒട്ടേറെ പ്രതിരോധ, വ്യാപാര കരാറുകളില് ഒപ്പുവയ്ക്കുമെന്നാണ് പ്രതീക്ഷിക്കുന്നത്. ഇരുരാജ്യങ്ങളും തമ്മിലുള്ള സഹകരണം മെച്ചപ്പെടുത്താനുള്ള തീരുമാനവുമുണ്ടാകും.
ഇന്നു രാവിലെ 11 മണിയോടെ പുടിൻ രാഷ്ട്രപതി ഭവനില് രാഷ്ട്രപതി ദ്രൗപദി മുർമുവുമായി കൂടിക്കാഴ്ച നടക്കും. തുടര്ന്ന് രാജ്ഘട്ടില് മഹാത്മാഗാന്ധിക്ക് ആദരാഞ്ജലി അര്പ്പിച്ച ശേഷം പുടിൻ ഉച്ചകോടിക്കായി ഹൈദരാബാദ് ഹൗസിലേക്ക് പോകും. അവിടെയായിരിക്കും പ്രധാനപ്പെട്ട ഉഭയകക്ഷി ചര്ച്ചകള് നടക്കുക. ഉച്ചയ്ക്ക് 2 മണിയോടെ പ്രധാനമന്ത്രി നരേന്ദ്രമോദി ഒരു വര്ക്കിംഗ് ലഞ്ച് പുടിനായി ഒരുക്കും. അതിനുശേഷം, നിലവിലുള്ള സഹകരണം അവലോകനം ചെയ്യുന്നതിനും പുതിയ പങ്കാളിത്ത മേഖലകള് തിരിച്ചറിയുന്നതിനും ലക്ഷ്യമിട്ടുള്ള പ്രതിനിധി ചര്ച്ചകള് നടക്കും.
റഷ്യയുമായുള്ള വ്യാപാരക്കമ്മി കുറയ്ക്കുന്നതില് ഇന്ത്യ ശ്രദ്ധ കേന്ദ്രീകരിക്കുന്നു. ഫാര്മസ്യൂട്ടിക്കല്സ്, ഓട്ടോമൊബൈല്സ്, കാര്ഷിക ഉല്പ്പന്നങ്ങള്, സമുദ്രോത്പന്നങ്ങള് എന്നിവയുടെ ഇന്ത്യന് കയറ്റുമതി വിപുലീകരിക്കാനാണ് ലക്ഷ്യമിടുന്നത്. ഷിപ്പിംഗ്, ആരോഗ്യ സംരക്ഷണം, വളങ്ങള്, കണക്റ്റിവിറ്റി എന്നിവയില് നിരവധി കരാറുകളും ധാരണാപത്രങ്ങളും ഒപ്പുവെക്കാന് സാധ്യതയുണ്ട്. റഷ്യ-ഇന്ത്യ സാമ്പത്തിക സഹകരണത്തിനായുള്ള 2030ലെ രൂപരേഖ, ലിക്വിഡ് റോക്കറ്റ് എഞ്ചിൻ നിർമ്മാണത്തെക്കുറിച്ചുള്ള ഒരു മെമ്മോറാണ്ടം തുടങ്ങിയ നിർണായകമായ പല തീരുമാനങ്ങളും ഉണ്ടായേക്കും.
ആൻഡ്രി ബെലോസോവ്, ആന്റൺ സിലുവാനോവ്, വ്ളാഡിമിർ കൊളോകോൾട്സോവ്, സെൻട്രൽ ബാങ്ക് ഗവർണർ എൽവിറ നബിയുള്ളിന എന്നിവരുൾപ്പെടെ ഒമ്പത് കാബിനറ്റ് മന്ത്രിമാർ ഉൾപ്പെടുന്ന ശക്തമായ ഒരു റഷ്യൻ പ്രതിനിധി സംഘം പുടിനൊപ്പമുണ്ട്. വിദേശകാര്യ മന്ത്രി സെർജി ലാവ്റോവിന് പകരം ഡെപ്യൂട്ടി മന്ത്രി ആൻഡ്രി റുഡെൻകോയാണ് വിദേശകാര്യ മന്ത്രാലയത്തെ പ്രതിനിധീകരിക്കുന്നത്. ഇന്നലെ വൈകീട്ട് 6.35 നാണ് റഷ്യൻ പ്രസിഡന്റ് ഇന്ത്യയിലെത്തിയത്. വിമാനത്താവളത്തിൽ പ്രധാനമന്ത്രി നരേന്ദ്രമോദി നേരിട്ടെത്തി പുടിനെ സ്വീകരിച്ചു.
ഇരുവരും ഒരു കാറിലാണ് പുടിന്റെ താമസസ്ഥലത്തേക്കു പോയത്. തുടർന്ന് കല്യാൺ മാർഗിലെ പ്രധാനമന്ത്രിയുടെ ഔദ്യോഗിക വസതിയിൽ റഷ്യൻ പ്രസിഡന്റിന് വിരുന്നൊരുക്കി. മോദിയുടെ നേതൃത്വത്തിൽ ഇന്ത്യക്കാർക്ക് അഭിമാനിക്കാമെന്നും, ഇന്ത്യയും റഷ്യയും തമ്മിലുള്ള ഊർജമേഖലയിലെ സഹകരണവും എണ്ണ വ്യാപാരവും പുറത്തുനിന്നുള്ള സമ്മർദത്തിന് അതീതമാണ് എന്നും വ്ലാദിമിർ പുടിൻ പറഞ്ഞു. 2021-ന് ശേഷമുള്ള പുടിന്റെ ആദ്യത്തെ ഇന്ത്യന് സന്ദര്ശനമാണിത്. റഷ്യ-യുക്രൈൻ യുദ്ധം ആരംഭിച്ച ശേഷം നടക്കുന്ന ആദ്യ സന്ദര്ശനം കൂടിയാണിത്.
Recent Comments