by Midhun HP News | Mar 8, 2024 | Latest News, ദേശീയ വാർത്ത
ഡല്ഹി: കിഴക്കന് ഡല്ഹിയില് 71കാരനായ ഡോക്ടറെ ഭീഷണിപ്പെടുത്തി സഹോദരങ്ങള് 8.6 ലക്ഷം രൂപ തട്ടി. അര്ധനഗ്നയായ സ്ത്രീക്കൊപ്പം നില്ക്കുന്ന വിഡിയോ പ്രചരിപ്പിക്കുമെന്ന് ഭീഷണിപ്പെടുത്തിയാണ് യുവാക്കള് പണം തട്ടിയെടുത്തത്. രാജസ്ഥാനിലെ ഡീഗ് ജില്ലയിലെ മേവാത്ത് സ്വദേശിയായ അബ്ദുള് റഹ്മാന് (39), സഹോദരന് ആമിര് ഖാന് (26) എന്നിവരെയാണ് വ്യാഴാഴ്ച അറസ്റ്റ് ചെയ്തത്.
സംഭവത്തെക്കുറിച്ച് പൊലീസ് പറയുന്നത് ഇങ്ങനെ; ഡല്ഹി സ്വദേശിയായ ഡോക്ടര്ക്ക് അര്ധരാത്രിയില് ഒരു വിഡിയോ കോള്വന്നു. അടിയന്തര ആവശ്യത്തിനായി ഏതെങ്കിലും രോഗികള് വിളിക്കുന്നതാകുമെന്ന് കരുതി കോള് എടുത്ത ഡോക്ടര്ക്കു മുന്നില് മറുതലയ്ക്കല് പ്രത്യക്ഷപ്പെട്ടത്. അര്ധനഗ്നയായ സ്ത്രീയാണ്. സ്ത്രീയുമായുള്ള വിഡിയോ കോള് റെക്കോര്ഡ് ചെയ്ത് പ്രചരിപ്പിക്കുമെന്നായിരുന്നു ഭീഷണി. തുടര്ന്ന് ഡോക്ടറില് നിന്ന് ഇവര് 8.6 ലക്ഷം രൂപ തട്ടിയെടുത്തു.
by Midhun HP News | Mar 8, 2024 | Latest News, ദേശീയ വാർത്ത
ഡല്ഹി: അധികമായി കടമെടുക്കുന്നതിന് അനുമതി സംബന്ധിച്ച് കേന്ദ്ര സര്ക്കാരുമായി കേരളം നടത്തിയ ചര്ച്ച പരാജയം. 19,370 കോടി രൂപ കൂടി കടമെടുക്കുന്നതിന് സംസ്ഥാനം അനുമതി തേടിയെങ്കിലും കേന്ദ്രം അംഗീകരിച്ചില്ലെന്ന് ചീഫ് സെക്രട്ടറി ഡോ. വി വേണു അറിയിച്ചു.
സുപ്രീം കോടതി നിര്ദേശത്തിന്റെ അടിസ്ഥാനത്തിലാണ് ധനകാര്യമന്ത്രാലയ സെക്രട്ടറി, അഡീഷണല് സെക്രട്ടറി, അഡീഷണല് സോളിസെറ്റര് ജനറല് എന്നിവരുമായി സംസ്ഥാന ചീഫ് സെക്രട്ടറി ധനകാര്യ സെക്രട്ടറി മുഖ്യമന്ത്രിയുടെ പ്രിന്സിപ്പല് സെക്രട്ടറി എന്നിവര് ചര്ച്ച നടത്തിയത്. സംസ്ഥാനം 19,370 കോടി രൂപ അധികമായി വേണമെന്ന നിര്ദേശമാണ് മുന്നോട്ടു നച്ചത്. ഇക്കാര്യം ധനകാര്യവകുപ്പ് സെക്രട്ടറി പരിശോധിച്ചെങ്കിലും അതിനോട് യോജിക്കാന് തയ്യാറായില്ലെന്ന് വേണു പറഞ്ഞു.
by Midhun HP News | Mar 8, 2024 | Latest News, ദേശീയ വാർത്ത
ഡല്ഹി: റഷ്യ-യുക്രൈന് യുദ്ധത്തില് യുവാക്കളെ നിര്ബന്ധിപ്പിച്ച തൊഴില് തട്ടിപ്പുമായി ബന്ധപ്പെട്ട സിബിഐയുടെ പ്രതിപ്പട്ടികയില് മൂന്ന് മലയാളികളും. തിരുവനന്തപുരം സ്വദേശികളായ ടോമി, റോബോ, ജോബ് എന്നിവരാണ് പ്രതികള്. ഇവരടക്കം 19 പേരാണ് പ്രതിപ്പട്ടികയിലുള്ളത്.
തൊഴില് തട്ടിപ്പും മനുഷ്യക്കടത്തുമായി ബന്ധപ്പെട്ട് തിരുവനന്തപുരം അടക്കം രാജ്യത്തെ ഏഴു നഗരങ്ങളില് സിബിഐ റെയ്ഡ് നടത്തുകയും നിരവധി രേഖകള് പിടിച്ചെടുക്കുകയും ചെയ്തിരുന്നു. ആകര്ഷകമായ തൊഴില് വാഗ്ദാനങ്ങള് സമൂഹമാധ്യമങ്ങളിലൂടെ നല്കി യുവാക്കളെ റിക്രൂട്ട് ചെയ്യുകയാണ് ചെയ്തിരുന്നത്.
റഷ്യയിലേക്കാണ് ജോലിക്കെന്ന പേരില് കൊണ്ടുപോകുന്നത്. അവിടെ വെച്ച് നിര്ബന്ധമായി ചില രേഖകളില് ഒപ്പിടുവിച്ച ശേഷം, റഷ്യന് സൈന്യത്തിനൊപ്പം ചേര്ന്ന് യുക്രൈനെതിരെ യുദ്ധം ചെയ്യാന് നിര്ബന്ധിക്കുകയാണ് ചെയ്തിരുന്നതെന്നാണ് സിബിഐയുടെ കണ്ടെത്തല്.
ഇത്തരത്തില് ചതിക്കപ്പെട്ടതിന്റെ വീഡിയോ യുവാക്കള് സമൂഹമാധ്യമങ്ങളില് പോസ്റ്റ് ചെയ്തിരുന്നു. 12 യുവാക്കള് ഇത്തരത്തില് ചതിയില്പ്പെട്ട് കുടുങ്ങിയതായി കേന്ദ്ര വിദേശകാര്യമന്ത്രാലയം സ്ഥിരീകരിച്ചിരുന്നു. ഇതിന്റെ അടിസ്ഥാനത്തിലാണ് ഈ മാസം ആറിന് സിബിഐ കേസ് രജിസ്റ്റര് ചെയ്തത്. ഇന്നലെ നടത്തിയ റെയ്ഡില് 50 ലക്ഷത്തിലധികം രൂപയും നിരവധി രേഖകളും സിബിഐ പിടിച്ചെടുത്തിരുന്നു.
by Midhun HP News | Mar 8, 2024 | Latest News, ദേശീയ വാർത്ത
ഡല്ഹി: ഗാര്ഹിക പാചക വാതക സിലിണ്ടറിന്റെ വില 100 രൂപ കുറച്ചു. വനിതാ ദിനത്തോട് അനുബന്ധിച്ചാണ് പാചകവാതക വിലയില് കുറവ് വരുത്തിയത്. പ്രധാനമന്ത്രി നരേന്ദ്രമോദിയാണ് ഇക്കാര്യം അറിയിച്ചത്.
രാജ്യത്തെ സ്ത്രീകള്ക്ക് ഏറെ ഗുണകരമാണെന്നും, ദശലക്ഷക്കണക്കിന് കുടുംബങ്ങളുടെ സാമ്പത്തികഭാരം ലഘൂകരിക്കുകയാണ് ഇതിലൂടെ ലക്ഷ്യമിടുന്നതെന്നും പ്രധാനമന്ത്രി പറഞ്ഞു. കുടുംബങ്ങളുടെ ക്ഷേമം ഉറപ്പാക്കുകയും ആരോഗ്യകരമായ അന്തരീക്ഷം പ്രദാനം ചെയ്യുകയുമാണ് കേന്ദ്രസര്ക്കാര് ലക്ഷ്യമിടുന്നതെന്നും പ്രധാനമന്ത്രി പറഞ്ഞു.
രാജ്യത്തെ സ്ത്രീകള്ക്ക് ഏറെ ഗുണകരമാണെന്നും, ദശലക്ഷക്കണക്കിന് കുടുംബങ്ങളുടെ സാമ്പത്തികഭാരം ലഘൂകരിക്കുകയാണ് ഇതിലൂടെ ലക്ഷ്യമിടുന്നതെന്നും പ്രധാനമന്ത്രി പറഞ്ഞു. കുടുംബങ്ങളുടെ ക്ഷേമം ഉറപ്പാക്കുകയും ആരോഗ്യകരമായ അന്തരീക്ഷം പ്രദാനം ചെയ്യുകയുമാണ് കേന്ദ്രസര്ക്കാര് ലക്ഷ്യമിടുന്നതെന്നും പ്രധാനമന്ത്രി പറഞ്ഞു.
ഗാര്ഹിക സിലിണ്ടര് വില കുറച്ചതോടെ, പുതുക്കിയ വില 810 രൂപയായി. നേരത്തെ ഗാര്ഹിക പാചക വാതക സിലിണ്ടര് വില 910 രൂപയായിരുന്നു.
by liji HP News | Mar 7, 2024 | Latest News, ദേശീയ വാർത്ത
ഡല്ഹി: കര്ഷക സമരത്തിനിടെ ഹരിയാനയില് കര്ഷകന് ശുഭ്കരന് സിങ് മരിച്ച സംഭവത്തില് ജുഡീഷ്യല് അന്വേഷണത്തിന് ഉത്തരവ്. പഞ്ചാബ്-ഹരിയാന ഹൈക്കോടതിയാണ് അന്വേഷണത്തിന് ഉത്തരവിട്ടത്. റിട്ടയേഡ് ജഡ്ജിയുടെ നേതൃത്വത്തിലുള്ള അന്വേഷണ സംഘത്തില് പഞ്ചാബ്- ഹരിയാന സംസ്ഥാനങ്ങളിലെ രണ്ട് എഡിജിപിമാരും ഉള്പ്പെടും.
സംഘത്തില് ഉള്പ്പെടുത്തേണ്ട എഡിജിപിമാരുടെ പേര് ഇരു സംസ്ഥാനങ്ങളും ഇന്നുതന്നെ ഹൈക്കോടതിയെ അറിയിക്കാന് ആക്ടിങ് ചീഫ് ജസ്റ്റിസ് ജി എസ് സന്ധാവാലിയ, ജസ്റ്റിസ് ലപിത ബാനര്ജി എന്നിവരടങ്ങിയ ഡിവിഷന് ബെഞ്ച് നിര്ദേശിച്ചു. ഹരിയാന സര്ക്കാരിനെ വിമര്ശിച്ച കോടതി, സമരക്കാര്ക്ക് നേരെ എന്തു തരം ബുള്ളറ്റുകളും പെല്ലറ്റുകളുമാണ് ഉപയോഗിച്ചതെന്ന് അറിയിക്കാന് നിര്ദേശം നല്കിയിട്ടുണ്ട്.
സമരത്തില് യുദ്ധസമാനമായ സാഹചര്യം സൃഷ്ടിച്ചതിനും പ്രതിഷേധത്തിന് സ്ത്രീകളെയും കുട്ടികളെയും കവചമായി ഉപയോഗിച്ചതിനും കര്ഷകരെയും കോടതി വിമര്ശിച്ചു. കര്ഷക സമരത്തിനിടെ ഹരിയാനയിലെ ഖനൗരി അതിര്ത്തിയിലുണ്ടായ സംഘര്ഷത്തിനിടെയാണ് കര്ഷകന്, 21 കാരനായ ശുഭ്കരന് സിങ് കൊല്ലപ്പെടുന്നത്. പൊലീസിന്റെ വെടിയേറ്റാണ് ശുഭ്കരന് മരിച്ചതെന്ന് കര്ഷകര് ആരോപിച്ചിരുന്നു.
by liji HP News | Mar 7, 2024 | Latest News, ദേശീയ വാർത്ത
ഡല്ഹി: ജെഡിയുവിനെ കൂറുമാറ്റിയ ബിജെപിക്ക് ബിഹാറില് തിരിച്ചടി നല്കാന് ഇന്ത്യാ മുന്നണിയുടെ നീക്കം. എന്ഡിഎ സഖ്യകക്ഷിയായ, അന്തരിച്ച രാം വിലാസ് പാസ്വാന്റെ ലോക് ജനശക്തി പാര്ട്ടിയെ മഹാസഖ്യത്തിലെത്തിക്കാനാണ് ശ്രമം. എല്ജെപി നേതാവും എംപിയുമായ ചിരാഗ് പാസ്വാനുമായിട്ടാണ് ചര്ച്ച നടത്തുന്നത്.
ഇന്ത്യ മുന്നണിയില് ചേര്ന്നാല് ലോക്സഭ തെരഞ്ഞെടുപ്പില് ലോക് ജനശക്തി പാര്ട്ടി ( രാം വിലാസ്) ക്ക് എട്ടു സീറ്റ് നല്കാമെന്നാണ് മഹാസഖ്യത്തിന്റെ വാഗ്ദാനം. ഉത്തര്പ്രദേശില് രണ്ടു സീറ്റ് നല്കാമെന്നും അറിയിച്ചിട്ടുണ്ട്. ഇതില് ചിരാഗ് ഇതുവരെ നിലപാട് അറിയിച്ചിട്ടില്ലെന്നാണ് റിപ്പോര്ട്ട്.
Recent Comments