by Midhun HP News | Jul 6, 2023 | Latest News, ദേശീയ വാർത്ത
2018 ന്റെ വമ്പൻ വിജയത്തോടെ സൂപ്പർഹിറ്റ് സംവിധായകനായി മാറിയിരിക്കുകയാണ് ജൂഡ് ആന്തണി ജോസഫ്. ഇപ്പോൾ സൂപ്പർതാരം കമൽഹാസനെ ആദ്യമായി കണ്ടതിന്റെ സന്തോഷം ആരാധകരുമായി പങ്കുവച്ചിരിക്കുകയാണ് താരം. താൻ സിനിമയിലേക്ക് വരാൻ കാരണം കമൽഹാസനാണ് എന്നാണ് ജൂഡ് കുറിച്ചത്. കൺമുന്നിൽ പ്രിയതാരത്തെ കണ്ടപ്പോൾ വിറച്ചുപോയെന്നും ജൂഡ് കുറിച്ചു.
“എന്നെ സിനിമാ സംവിധായകനെന്നോ അഭിനേതാവെന്നോ സിനിമാപ്രേമിയെന്നോ ആരെങ്കിലും വിളിക്കുന്നുണ്ടെങ്കിൽ അതിന് കാരണം ഈ ബഹുമുഖ പ്രതിഭയാണ്. സ്ക്രീനിലും പുറത്തും ഈ മനുഷ്യന്റെ മാജിക് കണ്ടാണ് ഞാൻ വളർന്നത്. സിനിമയുടെ ഈ സർവവിജ്ഞാനകോശത്തെ കണ്ടുമുട്ടാൻ കഴിഞ്ഞത് ശരിക്കും ഭാഗ്യമാണ്. ഇന്നുവരെ എന്റെ ജീവിതത്തിൽ സംഭവിച്ചിട്ടുള്ളതിൽ ഏറ്റവും നല്ല കാര്യമാണിത്. അദ്ദേഹത്തെ അക്ഷരാർത്ഥത്തിൽ കൺമുന്നിൽ കണ്ടപ്പോൾ ഞാൻ വിറയ്ക്കുകയായിരുന്നു. എന്തൊരു ഓറയാണ്. ലവ് യൂ സാർ, എന്റെ ബക്കറ്റ് ലിസ്റ്റിലെ ഒരു കാര്യം കൂടി യാഥാർത്ഥ്യമായി”- കമൽ ഹാസനൊപ്പമുള്ള ചിത്രം പങ്കുവച്ച് ജൂഡ് കുറിച്ചു.
by Midhun HP News | Jul 6, 2023 | Latest News, ദേശീയ വാർത്ത
ബാംഗ്ലൂർ: ജോലി ചെയ്യാന് ശേഷിയുള്ള സ്ത്രീകള്ക്ക് വിവാഹ മോചനത്തില് ഭര്ത്താവില്നിന്നു കനത്ത ജീവനാംശവും നഷ്ടപരിഹാരവും അവകാശപ്പെടാനാവില്ലെന്ന് കര്ണാടക ഹൈക്കോടതി. വിവാഹ മോചന കേസില് കീഴ്കോടതി നിശ്ചയിച്ച നഷ്ടപരിഹാരത്തുക ശരിവച്ചുകൊണ്ടാണ് ജസ്റ്റിസ് രാജേന്ദ്ര ബദാമിക്കറുടെ നിരീക്ഷണം.
ജോലി ചെയ്യാന് ശേഷിയുള്ളവര് വീട്ടില് ഇരുന്ന് ഭര്ത്താവില്നിന്ന് കനത്ത തുക ആവശ്യപ്പെടുന്നത് അംഗീകരിക്കാനാവില്ലെന്ന് ഹൈക്കോടതി ചൂണ്ടിക്കാട്ടി. ജീവിക്കാനുള്ള പണം മാത്രമേ ജീവനാംശം ആയി അനുവദിക്കാനാവൂ എന്ന് കോടതി പറഞ്ഞു.
നേരത്തെ ജോലിയുണ്ടായിരുന്ന സ്ത്രീ വിവാഹത്തിനു ശേഷം അത് അവസാനിപ്പിക്കുകയായിരുന്നു. ഒരുമിച്ചു പോവാനാവാത്തതിനാല് വിവാഹ മോചനം നേടിയ ഇവര് ജീവനാംശമായി പ്രതിമാസം പതിനായിരം രൂപയും നഷ്ടപരിഹാരമായി മൂന്നു ലക്ഷവുമാണ് ആവശ്യപ്പെട്ടത്. കീഴ്ക്കോടതി അയ്യായിരം രൂപ പ്രതിമാസ ജീവനാംശവും രണ്ടു ലക്ഷം രൂപ നഷ്ടപരിഹാരവും അനുവദിച്ചു. ഇതു ചോദ്യം ചെയ്താണ് ഇവര് ഹൈക്കോടതിയെ സമീപിച്ചത്. പലചരക്കു കട നടത്തുന്ന മുന് ഭര്ത്താവ് പ്രായമായ അമ്മയെയും വിവാഹം കഴിക്കാത്ത സഹോദരിയെയും സംരക്ഷിക്കുന്നുണ്ടെന്നതും കോടതി കണക്കിലെടുത്തു.
by Midhun HP News | Jul 6, 2023 | Latest News, ദേശീയ വാർത്ത
മുംബൈ; വെസ്റ്റ് ഇൻഡീസിന് എതിരായ ടി20 പരമ്പരയിലേക്കുള്ള ടീമിനെ പ്രഖ്യാപിച്ച് ബിസിസിഐ. മലയാളി താരം സഞ്ജു സാംസൺ ടീമിൽ ഇടം നേടി. സൂപ്പര് താരങ്ങളായ രോഹിത് ശര്മ്മയും വിരാട് കോഹ്ലിയും ഇല്ലാതെ കളത്തിൽ ഇറങ്ങുന്ന ടീമിനെ ഹര്ദിക് പാണ്ഡ്യ നയിക്കും. ട്വിറ്ററിലൂടെയായിരുന്നു പ്രഖ്യാപനം.
ഐപിഎല്ലില് തിളങ്ങിയ യുവതാരങ്ങളായ യശസ്വി ജയ്സ്വാള്, തിലക് വര്മ, മുകേഷ് കുമാര് എന്നിവര് ടി20 ടീമില് ഇടം നേടിയപ്പോള് ശുഭ്മാന് ഗില്ലും ഇഷാന് കിഷനും സ്ഥാനം നിലനിര്ത്തി. സൂര്യകുമാര് യാദവാണ് വൈസ് ക്യാപ്റ്റന്. ബിസിസിഐ ചീഫ് സെലക്ടറായി മുന് ഇന്ത്യന് താരം അജിത് അഗാര്ക്കര് ചുമതലയേറ്റതിന്ശേഷം പ്രഖ്യാപിക്കുന്ന ആദ്യ ഇന്ത്യന് സ്ക്വാഡ് കൂടിയാണിത്.
പേസര്മാരായ അര്ഷ്ദീപ് സിംഗും ആവേശ് ഖാനും ടീമില് തിരിച്ചെത്തിയപ്പോള് മുഹമ്മദ് ഷമിക്ക് ടി20 ടീമിലും വിശ്രമം നല്കി. ഉമ്രാന് മാലിക് ടി20 ടീമില് തിരിച്ചെത്തിയപ്പോള് സ്പിന്നറായ രവി ബിഷ്ണോയിയും ടീമില് തിരിച്ചെത്തി. അക്ഷര് പട്ടേല്, കുല്ദീപ് യാദവ്, യുസ്വേന്ദ്ര ചാഹല് എന്നിവരും സ്പിന്നര്മാരായി ടീമിലുണ്ട്.
ടെസ്റ്റ്, ഏകദിന പരമ്പരകള്ക്ക് ശേഷം വെസ്റ്റ് ഇന്ഡീസിനെതിരെ അഞ്ച് ടി20കളുള്ള പരമ്പര ഓഗസ്റ്റ് മൂന്നിനാണ് ആരംഭിക്കുക. ഓഗസ്റ്റ് 6, 8, 12, 13 തിയതികളിലാണ് മറ്റ് മത്സരങ്ങള്. ഇതില് അവസാന രണ്ട് ടി20കള് അമേരിക്കയിലെ ഫ്ലോറിഡയില് വച്ചാണ് നടക്കുക.
by liji HP News | Jul 5, 2023 | Latest News, ദേശീയ വാർത്ത
ഇന്ത്യയുടെ മുൻ ക്രിക്കറ്റ് താരം പ്രവീൺ കുമാറും മകനും സഞ്ചരിച്ച കാർ അപകടത്തിൽ പെട്ടു. ഉത്തർ പ്രദേശിലെ മീററ്റിൽ വച്ചാണ് അപകടമുണ്ടായത്. ഇരുവരും അത്ഭുതകരമായി രക്ഷപ്പെട്ടു.
ചൊവ്വാഴ്ച വൈകിട്ട് 4 മണിയോടെയായിരുന്നു അപകടം. പാണ്ഡവ് നഗറിൽ നിന്ന് വരികയായിരുന്ന പ്രവീൺ കുമാറിൻ്റെ കാറിൽ കണ്ടെയ്നർ ഇടിക്കുകയായിരുന്നു. കമ്മീഷണറിൻ്റെ വസതിക്കരികിൽ വച്ചായിരുന്നു അപകടം. കണ്ടെയ്നർ ഡ്രൈവറെ പൊലീസ് അറസ്റ്റ് ചെയ്യുകയും വാഹനം കസ്റ്റഡിയിലെടുക്കുകയും ചെയ്തു. അപകടത്തിൽ കാർ തകർന്നെങ്കിലും പ്രവീൺ കുമാറും മകനും അപകടത്തിൽ നിന്ന് രക്ഷപ്പെട്ടു.
ഇന്ത്യക്കായി മൂന്ന് ഫോർമാറ്റുകളിലും കളിച്ച താരമാണ് പ്രവീൺ കുമാർ. ബൗളിംഗ് ഓൾറൗണ്ടറായിരുന്ന താരം ഐപിഎലിലും കളിച്ചിട്ടുണ്ട്.
by liji HP News | Jul 4, 2023 | Latest News, ദേശീയ വാർത്ത
ലോസ് ആഞ്ചെലെസിൽ നടന്ന സിനിമാ ഷൂട്ടിംഗിനിടെ ഷാരൂഖ് ഖാന് പരിക്ക്. അപകടത്തിൽ മൂക്കിന് പരിക്കേറ്റ ഷാരൂഖ് ഖാന് ശസ്ത്രക്രിയ നടത്തി. പുതിയ സിനിമയുടെ ചിത്രീകരണത്തിനായാണ് ഷാരൂഖ് അമേരിക്കയിലെത്തിയത്.
അപകടത്തിന് പിന്നാലെ മൂക്കിൽ നിന്നും രക്തം വന്നതിനെ തുടർന്ന് ഷാരൂഖിനെ ആശുപത്രിയിൽ പ്രവേശിപ്പിക്കുയായിരുന്നു. ആശങ്കപ്പെടേണ്ട സാഹചര്യമില്ലെന്നും ചോര വരുന്നത് നിർത്താൻ ഒരു ചെറിയ ശസ്ത്രക്രിയ നടത്തണമെന്നും ഡോക്ടർമാർ അറിയിച്ചു.
ഇന്ത്യയിൽ തിരിച്ചെത്തിയ ഷാരൂഖ് വീട്ടിൽ വിശ്രമത്തിലാണ്.
by liji HP News | Jul 3, 2023 | Latest News, ദേശീയ വാർത്ത
ചെന്നൈ: തമിഴ് നടൻ വിജയ് സിനിമയിൽ നിന്ന് ഇടവേള എടുക്കുന്നതായി റിപ്പോർട്ട്. വെങ്കട്ട് പ്രഭു ചിത്രത്തിന് ശേഷം സിനിമയിൽ നിന്നും ഇടവേള എടുത്തേക്കുമെന്നാണ് റിപ്പോർട്ടുകൾ പുറത്തുവരുന്നത്. വെങ്കട്ട് പ്രഭു ചിത്രം 2024 ദീപാവലി റിലീസ് ആയാമ് പുറത്തിറങ്ങുക. 2026 ലെ നിയമസഭ തെരഞ്ഞെടുപ്പ് ലക്ഷ്യമിട്ടാണ് വിജയ് സിനിമയിൽ നിന്നും ഇടവേളയെടുക്കുന്നതെന്ന് തമിഴ് മാധ്യമങ്ങളുടെ റിപ്പോർട്ടിൽ പറയുന്നു. 2026ലെ നിയമസഭ തെരഞ്ഞെടുപ്പ് ലക്ഷ്യമിട്ട് വിജയ് രാഷ്ട്രീയ പാർട്ടി രൂപീകരിക്കുമെന്ന അഭ്യൂഹം ശക്തമാണ്. വിജയുടെ ആരാധകകൂട്ടായ്മ ഇപ്പോൾ ജീവകാരുണ്യ പ്രവർത്തനങ്ങളിൽ സജീവമാണ്. അതേസമയം പുതിയ വാർത്തകളോട് വിജയോ ആരാധക കൂട്ടായ്മയോ പ്രതികരിച്ചിട്ടില്ല.
വിജയ് രാഷ്ട്രീയത്തിലേക്ക് വരുമോ എന്ന കാര്യത്തില് വലിയ ചര്ച്ചയാണ് തമിഴകത്ത് നടക്കുന്നത്. വിജയ് നടത്തിയ സമീപകാല പരിപാടികള് എല്ലാം ചേര്ത്താണ് ഇത്തരം ഒരു ചര്ച്ച സജീവമായത്. പ്രമുഖ രാഷ്ട്രീയ പാര്ട്ടി നേതാക്കള് അടക്കം വിജയിയുടെ രാഷ്ട്രീയ പ്രവേശനം സംബന്ധിച്ച് അഭിപ്രായ പ്രകടനങ്ങള് നടത്തിയിട്ടുണ്ട്. വിസികെ നേതാവ് തിരുമാവളവൻ പരസ്യമായി വിജയിയുടെ രാഷ്ട്രീയ പ്രവേശനത്തെ എതിര്ത്ത് രംഗത്ത് എത്തിയിരുന്നു. അതേസമയം വിജയ് രാഷ്ട്രീയത്തില് ഇറങ്ങുന്നതുമായി ബന്ധപ്പെട്ട ചോദ്യത്തില് നിന്നും ഒഴിഞ്ഞു മാറുകയാണ് നടനായ ശരത് കുമാര്. ശരത് കുമാര് പ്രധാന വേഷത്തില് എത്തിയ പോര് തൊഴില് ചിത്രത്തിന്റെ വിജയാഘോഷം കഴിഞ്ഞ ദിവസം ചെന്നൈയില് നടന്നു. അതില് പങ്കെടുത്ത ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
വിജയ് രാഷ്ട്രീയത്തില് ഇറങ്ങുന്നതില് എന്താണ് അഭിപ്രായം എന്നാണ് മാധ്യമങ്ങള് ചോദിച്ചത്. ഇതില് എല്ലാവരും രാഷ്ട്രീയത്തില് ഇറങ്ങണം എന്നാണ് തന്റെ ആഗ്രഹം എന്നാണ് ശരത് കുമാര് പറഞ്ഞത്.
തങ്കളുടെ കക്ഷി വിജയ് ഇത്തരത്തില് വന്നാല് കൂട്ടുകക്ഷിയാകുമോ എന്ന ചോദ്യത്തിന് ഒരു വ്യക്തി രാഷ്ട്രീയത്തിലേക്ക് വരും മുന്പ് തന്നെ സഖ്യകക്ഷിയാകുമോ എന്നത് ബാലിശമായ ചോദ്യമാണെന്നായിരുന്നു ശരത്കുമാറിന്റെ മറുപടി. ഇതിനെ തുടര്ന്ന് ഇത്തരം ചോദ്യങ്ങളുടെ പേരില് മാധ്യമ പ്രവര്ത്തകരുമായി രൂക്ഷമായ തര്ക്കം തന്നെ ശരത് കുമാര് നടത്തി. തന്റെ രാഷ്ട്രീയ പാര്ട്ടിയായ സമത്വ മക്കള് കക്ഷിയുടെ പ്രവര്ത്തനം നന്നായി പോകുന്നുണ്ടെന്നും ശരത്കുമാര് പറഞ്ഞു. മദ്യനിരോധനം അടക്കം തന്റെ കക്ഷിയുടെ ക്യാംപെയിനുകള് നടക്കുന്നതായി ശരത് കുമാര് പറഞ്ഞു.
Recent Comments