by Midhun HP News | Jan 6, 2024 | Latest News, ദേശീയ വാർത്ത
ഡല്ഹി: ഇന്ത്യയുടെ ആദ്യ സൂര്യദൗത്യമായ ആദിത്യ എല് വണ് ഇന്ന് ലക്ഷ്യസ്ഥാനത്തെത്തും. വൈകുന്നേരം നാല് മണിക്ക് ആദിത്യ എല് വണ് ഒന്നാം ലഗ്രാഞ്ച് പോയിന്റിന് ചുറ്റുമുള്ള ഹാലോ ഓര്ബിറ്റില് പ്രവേശിക്കും. ഭൂമിയില് നിന്ന് 15 ലക്ഷം കിലോമീറ്റര് അകലെയാണ് ഹാലോ ഓര്ബിറ്റെന്ന് ഐഎസ്ആര്ഒ അറിയിച്ചു.
ബംഗളുരൂവിലെ ഐഎസ്ആര്ഒ ട്രാക്കിംഗ് ആന്ഡ് ടെലിമെട്രി നെറ്റ്വര്ക്കില് നിന്നാണ് പേടകത്തെ നിയന്ത്രിക്കുന്നത്. കഴിഞ്ഞ വര്ഷം സെപ്റ്റംബര് രണ്ടിന് വിക്ഷേപിച്ച പേടകം 126 ദിവസത്തെ യാത്രയ്ക്ക് ശേഷമാണ് നിര്ദ്ദിഷ്ട ലക്ഷ്യസ്ഥാനത്തെത്തുന്നത്. ദൗത്യം വിജയിച്ചാല് ഒന്നാം ലഗ്രാഞ്ച് പോയിന്റില് ഉപഗ്രഹമെത്തിക്കുന്ന നാലാമത്തെ ബഹിരാകാശ ഏജന്സിയാകും ഐഎസ്ആര്ഒ.
ലഗ്രാഞ്ച് പോയിന്റിലെ തന്ത്രപ്രധാനമായ സ്ഥാനത്ത് നില്ക്കാന് സാധിച്ചാല് ഗവേഷണവുമായി ബന്ധപ്പെട്ട് അടുത്ത അഞ്ചുവര്ഷം പേടകം അവിടെ തന്നെ തുടരുമെന്നും ഐഎസ്ആര്ഒ അറിയിച്ചു. ഭൂമിയുടെയും സൂര്യന്റെയും ആകര്ഷണവലയത്തില് പെടാതെ സുരക്ഷിതമായി ഗവേഷണ പ്രവര്ത്തനങ്ങള് നടത്താന് സഹായിക്കുന്ന സ്ഥാനമാണ് ലഗ്രാഞ്ച് പോയിന്റ്.
ശ്രീഹരിക്കോട്ടയില്നിന്ന് സെപതംബര് രണ്ടിനാണ് ആദിത്യ വിക്ഷേപിച്ചത്. സൂര്യനിലെ കാലാവസ്ഥ, സൗരവാതങ്ങള്, സൗരോപരിതല ദ്രവ്യ ഉത്സര്ജനം, കാന്തികമണ്ഡലം തുടങ്ങിയവ സമഗ്രമായി പഠിക്കുകയാണ് ലക്ഷ്യം. വിവിധ പഠനങ്ങള്ക്കായി വെല്ക്, സ്യൂട്ട്, സോളക്സ്, ഹെലിയസ്, അസ്പെക്സ്, പാപ, മാഗ് എന്നീ ഏഴ് പേലോഡുകള് ആദിത്യയിലുണ്ട്. സൗരദൗത്യം നടത്തുന്ന നാലാമത്തെ രാജ്യമാണ് ഇന്ത്യ.
by Midhun HP News | Jan 6, 2024 | Latest News, ദേശീയ വാർത്ത
ധാക്ക: ബംഗ്ലാദേശിൽ ട്രെയിനിന് തീപിടിച്ച് അഞ്ച് പേർ കൊല്ലപ്പെട്ടു. പടിഞ്ഞാറൻ നഗരമായ ജെസ്സോറിൽനിന്ന് ധാക്കയിലേക്ക് വരികയായിരുന്ന ബെനാപോൾ എക്സ്പ്രസിലാണ് തീപിടുത്തമുണ്ടായത്. പാസഞ്ചർ ട്രെയിനിന്റെ നാല് കോച്ചുകൾ പൂർണമായി കത്തിനശിച്ചു. പ്രതിപക്ഷം ദേശീയ തെരഞ്ഞെടുപ്പ് ബഹിഷ്കരിച്ചതുമായി ബന്ധപ്പെട്ടു നടന്ന പ്രക്ഷോഭത്തിന്റെ ഭാഗമായുള്ള തീവയ്പ്പാണോ എന്നും സംശയിക്കുന്നുണ്ട്.
ജെസ്സോറിൽ നിന്ന് തലസ്ഥാനമായ ധാക്കയിലേക്ക് വരികയായിരുന്നു ട്രെയിൽ. ധാക്കയിലെ മെഗാസിറ്റിയിൽ മെയിൻ റെയിൽ ടെർമിനലിനു സമീപമുള്ള ഗോപിബാഗിൽവച്ചാണ് ട്രെയിനിന് തീപിടിച്ചതെന്ന് ദൃക്സാക്ഷികൾ പറയുന്നു. ട്രെയിനിന് തീപിടിക്കുന്നതുകണ്ട നാട്ടുകാരാണ് ആദ്യം രക്ഷാപ്രവർത്തനവുമായി എത്തിയത്. നിരവധി പേരെ ട്രെയിനിൽ നിന്ന് രക്ഷിച്ചെങ്കിലും തീ അതിവേഗം പടരുകയായിരുന്നെന്നും രക്ഷാപ്രർത്തനത്തിന് നേതൃത്വം നൽകിയവർ പറഞ്ഞു
by Midhun HP News | Jan 5, 2024 | Latest News, ദേശീയ വാർത്ത
ചെന്നൈ: ബഹിരാകാശത്ത് വൈദ്യുതി ഉല്പാദിപ്പിക്കുന്ന പരീക്ഷണം വിജയിപ്പിച്ച് ഐഎസ്ആര്ഒ. ഫ്യുവല് സെല് പവര് സിസ്റ്റം (എഫ്സിപിഎസ്) പരീക്ഷണമാണ് വിജയം കണ്ടത്. 350 കിലോമീറ്റര് ഉയരത്തില് 180 വാള്ട്ട് വൈദ്യുതിയാണ് ഫ്യുവല് സെല് ഉല്പാദിപ്പിച്ചത്. ഇസ്റോയുടെ വിക്രം സാരാഭായ് സ്പേസ് സെന്റര് (വിഎസ്എസ്സി) ആണ് ഫ്യുവല് സെല് നിര്മിച്ചത്.
ബഹിരാകാശത്തെ പോളിമര് ഇലക്ട്രോലൈറ്റ് മെംബ്രൈന് ഫ്യൂവല് സെല് പ്രവര്ത്തനം വിലയിരുത്തുകയും ഭാവി ദൗത്യങ്ങള്ക്കായുള്ള സംവിധാനങ്ങളുടെ രൂപകല്പ്പന സുഗമമാക്കുന്നതിന് ഡാറ്റ ശേഖരിക്കുകയും ചെയ്യുക എന്നതായിരുന്നു പരീക്ഷണത്തിന്റെ ലക്ഷ്യമെന്ന് ഐഎസ്ആര്ഒ ഔദ്യോഗിക പ്രസ്താവനയില് പറഞ്ഞു.
െൈഹഡ്രജനും ഓക്സിജനും ഉപയോഗിച്ചാണ് വൈദ്യുതി ഉല്പ്പാദിപ്പിക്കുന്നതെന്നും ഇതില് നിന്ന് പുറംതള്ളുന്നത് ജലം മാത്രമാണെന്നും മറ്റു തരത്തിലുള്ള ഒരു തരത്തിലുള്ള വാതകവും പുറംതള്ളുന്നില്ലെന്നും ഐഎസ്ആര്ഒ വ്യക്തമാക്കി. ഭാവിയില് ബഹിരാകാശ പദ്ധതികളില് ബാക്കപ്പ് സിസ്റ്റമായും ഇത് ഉപയോഗിക്കാന് കഴിയും.
പുതുവര്ഷ ദിനത്തില് ദൗത്യം പിഎസ്എല്വി സി 58 എക്സ്പോസാറ്റ് (എക്സ്റേ പോളാരിമീറ്റര് സാറ്റലൈറ്റ്) റോക്കറ്റ് വിക്ഷേപിച്ചിരുന്നു.
ഈ റോക്കറ്റിന്റെ അവസാന ഭാഗത്ത് പിഒഇഎം എന്ന മൊഡ്യൂളുണ്ടായിരുന്നു. ഈ മൊഡ്യൂളിലാണ് 10 ഉപഗ്രഹങ്ങള് ഉണ്ടായിരുന്നത്. ഇതില് രണ്ടെണ്ണം വിഎസ്എസ്സി ആണ് നിര്മിച്ചത്. അതില് ഒന്നാണ് എഫ്സിപിഎസ്. ഇതാണ് വിജയകരമായതായി ഐഎസ്ആര്ഒ അറിയിച്ചത്.
by Midhun HP News | Jan 5, 2024 | Latest News, ദേശീയ വാർത്ത
ഡല്ഹി: ലോക്സഭ തെരഞ്ഞെടുപ്പ് തീയതി പ്രഖ്യാപനത്തിനുള്ള ഒരുക്കങ്ങള് തുടങ്ങി കേന്ദ്ര തെരഞ്ഞെടുപ്പ് കമ്മീഷന്. ഇതിന് മുന്നോടിയായി സംസ്ഥാനങ്ങളിലെത്തി തെരഞ്ഞെടുപ്പ് മുന്നൊരുങ്ങള് വിലയിരുത്തും. ആന്ധ്രപ്രദേശിലും തമിഴ്നാട്ടിലുമാണ് കമ്മീഷന് ആദ്യം സന്ദര്ശിക്കുന്നത്.
കമ്മീഷന് ഞായറാഴ്ച ആന്ധ്രയിലേക്ക് പോകും. തുടര്ന്ന് തമിഴ്നാട്ടിലെത്തും. എല്ലാ സംസ്ഥാനങ്ങളിലും ഒരുക്കങ്ങള് പൂര്ത്തിയാകാത്ത സാഹചര്യത്തില് മാര്ച്ച് മാസത്തോടെയേ തെരഞ്ഞെടുപ്പ് തീയതി പ്രഖ്യാപനം ഉണ്ടാകൂ എന്നും റിപ്പോര്ട്ടുകളുണ്ട്. പല സംസ്ഥാനങ്ങളിലെയും ഉത്സവങ്ങളും പരീക്ഷാ തീയതികളും അടക്കം പരിഗണിച്ചായിരിക്കും വോട്ടെടുപ്പ് തീയതി നിശ്ചയിക്കുക.
കഴിഞ്ഞ തവണ ഏഴു ഘട്ടങ്ങളിലായിട്ടാണ് വോട്ടെടുപ്പ് നടന്നത്. ആന്ധ്രപ്രദേശില് നിന്നാണ് വോട്ടെടുപ്പിന് തുടക്കം കുറിച്ചത്. ഏപ്രില് 11 നായിരുന്നു ആദ്യ വോട്ടെടുപ്പ് നടന്നത്. കേരളത്തില് ഏപ്രില് 23 നായിരുന്നു കഴിഞ്ഞ തവണ വോട്ടെടുപ്പ് നടന്നത്. വിവിധ രാഷ്ട്രീയ പാര്ട്ടികളും തെരഞ്ഞെടുപ്പ് ഒരുക്കങ്ങളിലേക്ക് കടന്നിട്ടുണ്ട്.
by Midhun HP News | Jan 4, 2024 | Latest News, ദേശീയ വാർത്ത
ഡല്ഹി: അയോധ്യയിലെ രാമക്ഷേത്രം ബോംബുവെച്ച് തകര്ക്കുമെന്ന് ഭീഷണി. ഉത്തര്പ്രദേശ് മുഖ്യമന്ത്രി യോഗി ആദിത്യനാഥിനെ വധിക്കുമെന്നും ഭീഷണി സന്ദേശത്തില് പറയുന്നു. സമൂഹമാധ്യമത്തിലൂടെയായിരുന്നു ഭീഷണി.
സംഭവത്തില് ഗോണ്ട സ്വദേശികളായ രണ്ടുപേരെ പൊലീസ് അറസ്റ്റ് ചെയ്തു. തഹര് സിങ്, ഓം പ്രകാശ് മിശ്ര എന്നിവരാണ് അറസ്റ്റിലായത്. ലഖ്നൗവിലെ ഗോമതി നഗറില് നിന്നാണ് യുപി സെപ്ഷല് ടാസ്ക് ഫോഴ്സ് ഇവരെ പിടികൂടിയത്.
അയോധ്യയില് ജനുവരി 22 നാണ് പ്രതിഷ്ഠാ പരിപാടികള് നടക്കുന്നത്. ഇതിന്റെ നിര്മ്മാണ പ്രവര്ത്തനങ്ങള് അന്തിമ ഘട്ടത്തിലാണ്. പ്രധാനമന്ത്രി നരേന്ദ്രമോദിയോട് പ്രതിഷ്ഠാ ചടങ്ങിലെ മുഖ്യാതിഥി. കോണ്ഗ്രസ് നേതാക്കളായ സോണിയാഗാന്ധി, മല്ലികാര്ജുന് ഖാര്ഗെ തുടങ്ങി രാഷ്ട്രീയ സാമൂഹ്യ സാംസ്കാരിക രംഗങ്ങളിലുള്ളവരെ ചടങ്ങിലേക്ക് ക്ഷണിച്ചിട്ടുണ്ട്.
by Midhun HP News | Jan 3, 2024 | Latest News, ദേശീയ വാർത്ത
ഗുവഹാത്തി: അസമില് ബസും ട്രക്കും കൂട്ടിയിടിച്ച് പതിനാലുപേര് മരിച്ചു. 27 പേര്ക്ക് ഗുരുതരമായി പരിക്കേറ്റു. പുലര്ച്ചെ അഞ്ചുമണിയോടെ ഡെര്ഗാവിലാണ് അപകടം ഉണ്ടായത്. മരിച്ചവരില് അഞ്ച് സ്ത്രീകളും ഒരു ചെറിയ കുട്ടിയും ഉള്പ്പെടുന്നു.
45 യാത്രക്കാരാണ് ബസില് ഉണ്ടായിരുന്നത്. അത്ഖേലിയില് നിന്ന് ബാലിജനിലേക്ക് ക്ഷേത്രദര്ശനത്തിനായി പോയ ബസ് ആണ് അപകടത്തില്പ്പെട്ടതെന്ന് പൊലീസ് പറഞ്ഞു.
പുലര്ച്ചെ മൂന്ന് മണിയോടെ യാത്ര ആരംഭിച്ച സംഘം ലക്ഷ്യസ്ഥാനത്ത് എത്തുന്നതിനിടെയാണ് മാര്ഗരിറ്റിയില് നിന്ന് വന്ന ട്രക്ക് ബസുമായി കൂട്ടിയിടിച്ചത്. രണ്ട് വാഹനത്തിലെയും ഡ്രൈവര്മാര് സംഭവസ്ഥലത്തുവച്ചു തന്നെ മരിച്ചു. ഗുരുതമായി പരിക്കേറ്റവരെ ജോര്ഹാട്ട് മെഡിക്കല് കോളജില് പ്രവേശിപ്പിച്ചു. അമിതവേഗത്തിലെത്തിയ ബസ് ട്രക്കുമായി കൂട്ടിയിടിക്കുകയായിരുന്നെന്ന് ദൃക്സാക്ഷികള് പറഞ്ഞു. അപകടത്തില് അന്വേഷണം ആരംഭിച്ചതായി പൊലീസ് പറഞ്ഞു.
Recent Comments